#BenishangulGumuz

° “ ኤሌክትሪክ ከተቋረጠ 3 ወር ሆነው። ጨለማ ውስጥ እየኖርን ነው” - የወምበራ ወረዳ ነዋሪዎች

° “ ከወረዳው መንግስት ጋር እየተየጋገርን ነው፤ በቅርቡ እንሰራዋለን ” - የደብረ ዘይት ማዕከል

በቤንሻንጉል ጉሙዝ ክልል፤ ወምበራ ወረዳ ደብረ ዘይት ከተማ ኤሌክትሪክ በመቋረጡ ጨለማ ውስጥ ለመኖር መገደዳቸውን ነዋሪዎቹ ለቲክቫህ ኢትዮጵያ ገለጹ።

“ ኤሌክትሪክ ከተቋረጠ 3 ወር ሆነው። ጨለማ ውስጥ እየኖርን ነው። የፋሲካ በዓል አካባቢ ሁለት ቀን በርቷል ከዚያ በኋላ ምንም የለም ” ብለዋል።

ችግሩ ፦
-  በኑሯቸው ላይ ፈተና እንደሆነባቸው፣
- ተማሪዎች ለመማር፣ ፕሮጀክቶችን ለመስራት እንደተቸገሩ፣ 
- ለስልክ ቻርጅ በጀኔሬተር 20 ብር እንደሚከፍሉ፣ 
- በመስሪያ ቤታቸው ጀነሬተር፣ በቤታቸው Solar Energy ስላላቸው ባለስልጣናቱ ለጉዳዩ ቸልተኛ መሆናቸውን ተናግረዋል።

“ ግብር እየከፈልን መሰረታዊ የሆኑ አገልግሎት ፍትሃዊ በሆነ መንገድ አለመጠቀም ግን አግባብነት የሌለው ቅሬታን የሚያስነሳ ጉዳይ ነው ” ብለዋል።

በወረዳው የታላቁ ህዳሴ ግድቡ በቅርበት ቢገኝም ተጠቃሚ ባለመሆናቸው የሚመለከተው አካል ለችግሩ ዘላቂ መፍትሄ እንዲሰጥ ጠይቀዋል።

አቶ የኔሰው የኤሌክትሪክ አገልግሎት የደብረ ዘይት ማዕከል ኃላፊ አገልግሎቱ ለምን እንደተቋረጠ ጠይቀናቸው በሰጡት ምላሽ፣ ቡለን ላይ ኤሌክትሪክ ስለተቋረጠ መሆኑን አስረድተዋል።

"እንደ ወንበራ ደብረ ዘይት ቅድሚያ የቡለን ማዕከል ራሱን የቻለ አለ። እሱ ከበራ በኋላ ነው እኛ ማብራት የምንችለው። ቡለን ከበራ ይበራል" ብለዋል።

ችግሩን ለመቅረፍ ምን እየተሰራ ነው? ተብሎ ለቀረበላቸው ጥያቄ፣ "ከወረዳው መንግስት ጋር እየተየጋገርን ነው፤ በቅርቡ እንሰራዋለን" የሚል ምላሽ ተሰጥተዋል።

የክልሉ ኤሌክትሪክ አገልግሎት ዋና ሥራ አስፈፃሚ አቶ ካሳሁን ከበደ ሰሞኑን ለቲክቫህ ኢትዮጵያ በሰጡት ቃል፣ "የተቋረጠው ኤሌክትሪክ ኃይል እንዲቀጠል እየተከታተልን ነው" ብለው ነበር።

#TikvahEthiopiaFamilyAA

@tikvahethiopia

#EMA

“ ሀኪሞች ከፍተኛ የሆነ የኢኮኖሚ ችግር አለባቸው፤ ኩሽና ተከራይተው ነው የሚኖሩት ” - የኢትዮጵያ ህምክምና ማህበር

የኢትዮጵያ ህክምና ማህበር (EMA) በየዓመቱ ሰኔ 25 ቀን የሚከበረውን “ 7ኛውን የሀኪሞች ቀን ” በጥቁር አንበሳ ሆስፒታል ተከብሮ ነበር።

በዚህም በዘንድሮው ' የሀኪሞች ቀን ' ከጌራ የቤት ለቤት ህክምናና የሀኪሞች ቢሮ ተቋም ጋር በመሆን 2,000 ለሚጠጉ የማህበረሰብ ክፍሎች የቤት ለቤትና የጎዳና ላይ ነጻ የህክምና ለመስጠት ማቀዱን አመላክቷል።

ይኸው የነጻ ህክምና ከሐምሌ 1 /2016 ጀምሮ ነው የሚሰጠው።

ቲክቫህ ኢትዮጵያ በዘርፉ ላይ የሚስተዋሉ ችግሮችን በተመለከተ፣ ከ34 ዓመታት ጀምሮ በአጥንት ቀዶ ህክምና እያገለገሉ የሚገኙትን የማኀበሩ የቦርድ አባልና የአባላት ጉዳይ የሚከታተሉት ዶ/ር በሀሩ በዛብህን ጠይቋል።

እሳቸው በሰጡት ቃል፣ “ ሀኪሞች ከፍተኛ የኢኮኖሚ ችግር አለባቸው፤ ኩሽና ተከራይተው ነው የሚኖሩት። ቤት እንኳ የላቸውም። በአውቶብስ ተጋፍተው ነው መጥተው የሚሰሩት ” ብለዋል።

“ ይህ ችግር የጤና እከል የደረሰበትን ማህበረሰብ ከማገልገል አልከለከላቸውም ” ያሉት ዶ/ር በሀሩ፣ “ ያን እያደረጉ ግን ሲታመሙ እንደ ሞያተኛ ሳይሆን ለምነው ነው የሚታከሙት ” ሲሉ ተናግረዋል።

“ መብራት ኃይል ለአባላቱ መብራት፣ ቴሌ ለአባላቱ የአየር ሰዓት፣ ውሃና ፍሳሽ ለአባላቱ ውሃ ይሰጣሉ። የእኛ ጤና ሲታወክ እንኳ ምንም አይሰጥም። በህግም የተቀመጠ ነገር የለም ” ሲሉ አማረዋል።

“ የሥራ ሁኔታዎች ራሱ አልተመቻቹም ፤ ከሌላ አገር ጋር ሲገጻጸር እየሰራን የሚከፈለን እራሱ ውስን ነው ” ብለዋል።

“ መሬት እንኳን ቢሰጠን ምን ችግር አለው ? መኖር ነው ያቃተን። የሚከፈለን ገንዘብ በጣም ውስን ነው ” ሲሉ አክለዋል።

በዘርፉ የበዙ ችግሮች ከመኖራቸው አንጻር በርካታ ሀኪሞች ከአገር ለመውጣት እየተገደዱ መሆኑን ገልጸው፣  መንግስት ልቦና ሰጥቶት ለሚስተዋሉ ችግሮች ሁሉ መፍትሄ እንዲሰጥ በማኀበሩ ስም ጠይቀዋል።

የኢትዮጵያ ህክምና ማኀበር / EMA ከተመሠረተ 75 ዓመታትን እንዳስቆጠረ፣ በኢትዮጵያ ከ15,000 እስከ 20,000 ሀኪሞች እንዳሉ ተመላክቷል።

#TikvahEthiopiaFamilyAA

@tikvahethiopia

ዲያቆን ወልደየሱስ ከዚህ ዓለም በሞት ተለዩ።

በኢትዮጵያ ካቶሊካዊት ቤተክርስቲያን የመጀመሪያው ቋሚ ዲያቆን የነበሩት ዲያቆን ወልደየሱስ ማኔዶ ከዚህ ዓለም በሞት መለያታቸውን ቤተክርስቲያኗ አሳውቃለች።

ዲያቆን ወልደየሱስ በሆሳዕና ሀገረስብከት ሰዳማ የካታኪስት ማዕከል ለካታኪስቶች እና ለወጣቶች በሚሰጡት ሀይማኖታዊ ትምህርት እና ስልጠና ይታወቃሉ።

በኢትዮጵያ ካቶሊካዊት ቤተክርስቲያን የመጀመሪያው ቋሚ ዲያቆን የነበሩም ሲሆን ባደረባቸው ህመም ሰኔ 29 ቀን 2016 ዓ.ም. በ83 ዓመታቸው ከዚህ ዓለም በሞት ተለይተዋል።

የኢትዮጵያ ካቶሊካዊት ቤተክርስቲያን የጳጳሳት ጉባኤ በዲያቆን ወልደየሱስ ህልፈተ ህይወት የተሰማውን ሀዘን ገልጾ ለቤተሰቦቻቸው እና ወዳጆች መፅናናትን ተመኝቷል።

@tikvahethiopia

#የጤናባለሞያዎች

➡️ " የ6 ወር የትርፍ ሰአት ክፍያ ካለመከፈሉ በላይ ደመወዝም በአግባቡ ስለማይከፈል ሰራተኛው ስራ እየለቀቀ ነው " - የሀላባ ዞን አቶቴ ኡሎ ወረዳ የጤና ባለሞያዎች

➡️ " የ4 ወር የትርፍ ሰአት ክፍያ ነው ያልተከፈላቸው እንከፍላለን ፤ የሰራተኛ መልቀቅ ግን በስራችን ላይ ችግር አልፈጠረብንም " - የወረዳው ጤና ጽ/ቤት

በሀላባ ዞን አቶቴ ኡሎ ወረዳ ያሉ የጤና ባለሙያዎች የ6 ወር የትርፍ ሰአት ክፍያ አለመከፈሉ ለቲክቫህ ኢትዮጵያ ገለጹ።

ክፍያው ወደ 2017 ከተሸጋገረ እንደሚቃጠልባቸው ባለሞያዎቹ አመልክተዋል።

ጥያቄያቸውን በሚጠይቁበት ጊዜ ጥያቄያቸዉ ወደፖለቲካ እየተጠመዘዘባቸው መሆኑን በመግለፅ ቅሬታቸውን አሰምተዋል።

" በደሞዝ መቆራረጥና ትርፍ ሰአት ስራ ክፍያ ተማሮ የሚለቀቀው ሰራተኛ ለአካባቢው ባለስልጣናት 40 እና 50 ሽህ ብር ተቀብሎ ለመቅጠር መንገድ ከፍቶላቸዋል " የሚሉት ሰራተኞቹ አሁን ላይ " የሰራንበትን ገንዘብ መጠየቅ እንደነውር ተቆጥሮ በደመወዝ በትርፍ ስራና በጉሸማ እየተሰቃየን ነው " ብለዋል።

ስሜ አይጠቀስ ያሉ አንድ የጤና ባለሙያ በሰጡት ቃል ፥ " በደመወዝ መዘግየትና በትርፍ ሰአት ክፍያ ችግር ምክኒያቶች እኔ በምሰራበት ሆስፒታል ብቻ ከላብራቶሪና ከኢመርጀንሲ አስተባባሪዎች እስከ ዶክተሮች ድረስ በአንድ አመት ጊዜ ውስጥ ከአምስት በላይ ሰዎች ለቀዋል " ሲሉ ገልጸዋል።

ነገር ግን " እንዲህ ያለው ከፍተኛ ክፍተት አመራሩን አያሳስበውም " የሚሉት ሰራተኞቹ " እንዲህ ያለው አሰራር ህሊናህን እረፍት ከመንሳቱ በላይ ቅዳሜ እና እሁድ ሰው ሲያርፍ ወገብህ እስኪንቀጠቀጥ ድረስ የሚጠበቅብህ በላይ ሰርተህ ክፍያዉ ሲቀር ምን ይሰማሀል ? " ሲሉ ጠይቀዋል።

በርካታ የጤና ባለሙያዎች አሁን ላይ ኑሮ በእጅጉ መክበዱን ተከትሎ ከ5 እና 6 አመት ትግልና ሙከራ በኋላ ኑሮ ሲያሸንፋቸው ወደቤተሰብ መመለስን አማራጭ እያደረጉ እንደሆነ ለቲክቫህ ኢትዮጵያ ተናግረዋል።

የጤና ባለሙያዎቹ ፤ " አሁን ላይ አኗኗራችን ሆነ የምናገኘዉ ገቢ ከቀን ሰራተኛ በታች ሆኗል " ብለዋል።

ባለሙያዎቹን ቅሬታ ይዘን ያነጋገርናቸው የአቶቴ ኡሎ ወረዳ ጤና ጽህፍተ ቤት ኃላፊ አቶ አብዱልቃድር ኬሪ ፥ " ያልተከፈለ የትርፍ ሰአት ክፍያዉ የ6 ወር ሳይሆን የ4 ወር ነው " ብለዋል።

" የሰራተኛዉን ወርሀዊ ደሞዝ በጊዜዉ እየከፈልን ነው " የሚሉት ኃላፊው " የትርፍ ሰአት ክፍያውንም ለማጠናቀቅ ከሚመለከተዉ አካል ጋር እየተነጋገርን ነው" ሲሉ አክለዋል።

" ክፍያው ወደ 2017 ዓ/ም ከተሸጋገረ ሊቃጠል ይችላል " ለሚባለው ሀሳብ ምላሽ ከመስጠት ተቆጥበዋል።

በደመወዝ እና በትርፍ ሰአት ክፍያ ምክንያት ሰራተኛ ይለቃል የሚለውን ሀሳብ በተመለከተ " ሰው የተሻለ ሲያገኝ ነው የሚሄደው ፤ በዚህም ስራ ላይ የታየ ክፍተት የለም " ሲሉ ገልጸዋል።

" ወደ 2017 ከተሸጋገረ ይቃጠላል " የተባለውን የ6 ወር ክፍያና የሰራተኛውን ስራ መልቀቅ እንዲሁም አጠቃላይ በክልሉ ያሉ የህክምና ሰራተኞችን ክፍያ በተመለከተ ጥያቄ ያቀረብንላቸው የማዕከላዊ ኢትዮጵያ ክልል ጤና ቢሮ ኃላፊ አቶ ሽመልስ ወንጋሮ ጥያቄ እንድናቀርብላቸው እድል ቢሰጡንም በስራ መደራረብ ምክኒያት ምላሽ መስጠት አልቻሉም።

በቀጣይ አነጋግረናቸው ምላሹን የምናቀርብ ይሆናል።

#TikvahEthiopiaFamilyHW

@tikvahethiopia

STEMpower ከ Embassy of Finland Ethiopia እና IBM በመተባበር Digital Skills Training for Woman, ትጋት በተሰኘ ፕሮግራም ከዚህ ቀደም ያወጣነውን ማስታወቂያ ተመልክተው በርካቶች ተመዝግበው የonline ስልጠናውን እየወሰዱ ይገኛሉ፡፡

ይህ በእንዲህ እያለ፣ ተመዝግበዉ ስልጠናውን ያልጀመሩ ሰልጣኞች በድህረ ገጻችን https://www.stempower.org/sp-efe-ibm-digital-skills-online-training ያወጣነዉን ዝርዝር በመመልከት ከ IBM SkillsBuild የተላከላችሁን የ ኢሜል መልዕክት በመክፈት የsign-up ሂደቱን በማጠናቀቅ ስልጠናዉን መጀመር ይችላሉ፡፡

ለተጨማሪ መረጃ የቴሌግራም ቻናላችንን https://t.iss.one/+YTpmWcxvjcQ0MWZk ይቀላቀሉ

#SafaricomEthiopia

የ 400,000ብር ሽልማት አሸናፊ ይሁኑ! #1Wedefit የዲጂታል ሙዚቃ ውድድርን ለመቀላቀል፡
🎥 የአንድ ደቂቃ የራሳችን ሙዚቃ ቪዲዮ በTikTok  ላይ እንፖስት
📲 የሳፋሪኮም ኢትዮጵያን ገጽ ታግ እናድርግ
🏷#የምትኖሩበት ከተማ አድራሻ እና #1Wedefit የሚለውን ማስገባት እንዳንረሳ

እንዝፈን፣ እንወዳደር፣ እንሸለም

#SafaricomEthiopia #1Wedefit #Furtheraheadtogether #DigitalMusicChallenge

#Update

“ ‘ የ24 ሰዓት ሙሉ የውሃ አገልግሎት እንሰጣለን ’ የሚለው ውሸት ነው ” - የጎንደር ዩኒቨርሲቲ ቅሬታ አቅራቢዎች

“ ሆስፒታል ማለት ለተማሪ አይደለም የምንሰጠው። ሆስፓታሉ ማለት ህክምና የሚካሄድበት ነው ” - የከተማው ውሃና ፍሳሽ ቢሮ

የጎንደር ዩኒቨርሲቲ ሆስፒታል ኢንተርን ሀኪሞች እና ተማሪዎች የውሃ አቅርበት ከተቋረጠ ከወር በላይ ሆኖት እያለ የከተማው ውሃና ፍሳሽ ሰሞኑን የሰጠው ማብራሪያ ትክክል አለመሆኑን ለቲክቫህ ኢትዮጵያ ገልጸዋል።

በአጠቃላይ በጎንደር ከተማ የውሃ አቅርቦት ችግር እንዳለ ነዋሪዎች፣ የዩኒቨርሲቲ ተማሪዎች፣ ኢንተርን ሀኪሞች ቅሬታ ማቅረባቸው ይታወሳል።

በወቅቱ ለቅሬታው ምላሽ የጠየቅነው የጎንደር ውሃና ፍሳሽ ቢሮ ፥ የከተማው ነዋሪዎች ቅሬታ ትክክል እንደሆነ አምኖ ለመፍትሄው መንግስት ርብርብ እንዲያደርግ አሳስቦ ነበር።

ቢሮው የጎንደር ዩኒቨርሲቲ ሆስፒታል ላይ የተነሳውን ቅሬታ በተመለከተ በሰጠው ምላሽ ግን፣ “ሆስፒታል ላይ ግን 24 ሰዓት ነው የምንሰጠው። መብራትና አጠቃላይ ምርት ቆሞ ካልሆነ አይቋረጥም” ነበር ያለው።

የዩኒቨርሲቲው የኢንተርን ሀኪሞቹ በሰጡት የአጸፋ ቃል፣ ‘የ24 ሰዓት የውሃ አገልግሎት እንሰጣለን’ የሚለው ውሸት ነው። እውነታው ውሃ የለም” ሲሉ ወቅሰዋል።

ውሃ በግቢ ከጠፋ ከወር በላይ እንደሆነው ገልጸው፣ እንኳን ለመጸዳጃ ለመጠጥ እንደተቸገሩና በቦቴ የሚቀርበውም አነስተኛ እንደሆነ አስረድተዋል።

የተነሳውን ቅሬታ በተመለከተ በድጋሚ የጠየቅናቸው የከተማው ውሃና ፍሳሽ ቢሮ ሥራ አስኪያጅ አቶ ወርቅነህ አያል፣ "ሆስፒታል ማለት ለተማሪ አይደለም የምንሰጠው። ህክምና ለሚካሄድበት ነው" ብለዋል።

" በዩኒቨርሲቲ ውስጥ በስኬጁል ነው የሚሰጣቸው ሌላው ማህበረሰብ በወር እያገኘ ለሀኪም 24 ሰዓት ልሰጠው አልችልም። ሆስፒታል ግን 24 ሰዓት ህክምና የሚካሄድበት ስለሆነ 24 ሰዓት ሙሉ ነው አሁንም የምንሰጠው" ነው ያሉት።

" ለሀኪሞች የራሳቸው ፕሮግራም አላቸው እንደሌላው ማህበረሰብ አይደሉም በእርግጥ በሳምንት፤ በ3፤ በ4 ቀናት ነው። ድሮ 24 ሰዓት ነበር የሚሰጣቸው። አሁን ግን የውሃ እጥረት ስላለ አንችልም " ሲሉ አክለዋል።

#TikvahEthiopiaFamily

@tikvahethiopia

#እንድታውቁት #አዲስአበባ

በኮሪደር ስራ ምክንያት ፦

➡️ ከፊጋ መስመር ወደ ቀኝ ታጥፎ ሰዓሊተ ምህረት አደባባይ

➡️ ከጃክሮስ መስመር በኩል መብራቱን ተሻግሮ ወደ ሰዓሊተ ምህረት አደባባይ

➡️ ከኢፌዴሪ የማዕድን ሚኒስቴር ጫፍ ታጥፎ ወደ ሰዓሊተ ምህረት አደባባይ

ከዛሬ ጀምሮ ላልተወሰኑ ቀናት ከጠዋቱ 12:00 ሰዓት አንስቶ ሙሉ ቀን እና ምሽት ለማንኛውም ተሽከርካሪ ዝግ እንደሆኑ ተገልጿል።

ሌላው ፤ ከአያት ወደ መገናኛ እና ከመገናኛ ወደ አያት ቀጥታ ማለፍ እንጂ አደባባዩን መዞርም ሆነ ማቋረጥ የተከለከለ ነው ተብሏል።

አሽከርካሪዎች አማራጭ መንገዶችን እንዲጠቀሙም መልዕክት ተላልፏል።

መረጃው ከአ/አ ትራፊክ ማኔጅመንት ባለስልጣን ነው የተገኘው።

@tikvahethiopia

ግብር ለመክፈል መጉላላት ታሪክ ሆኗል!!

ከሥራ ገበታዎ ላይ ሳይነሱ በቴሌብር ሱፐርአፕ https://onelink.to/fpgu4m ወይም *127# ባሉበት ሆነው በምቾት ይክፈሉ!

ሥራን በክብር
ግብርዎን በቴሌብር!

ቴሌብር - እጅግ ቀላል፣ ፈጣን፣ ምቹ እና አስተማማኝ!

ለማንኛውም ጥያቄ ወይም አስተያየት በ https://t.iss.one/EthiotelecomChatBot 24/7 ያግኙን !

#Ethiotelecom #telebirr #DigitalAfrica #DigitalEthiopia
#RealizingDigitalEthiopia