ℹ የራስ ገዟ ሶማሌላንድ የህዝብ ተወካዮች ምክር ቤት ዛሬ ባካሄደው ስብሰባ ሶማሌላንድ ዓለም አቀፍ ስምምነቶችን የመፈፀም መብትን የሚደግፍ እና የሶማሊያን መንግሥት ጣልቃ ገብነትን ውድቅ የሚያደርግ ውሳኔ አሳልፏል።

ሶማሌላንድን የራሴ አካል ናት የምትለውን ሶማሊያ እያቀረበች ያለውን የይገባኛል ጥያቄ #ውድቅ በማድረግም "የሶማሌላንድ ሪፐብሊክ ሉዓላዊነትና ነጻነቷ የተረጋገጠ ነው " ብሏል።

የሶማሊያው ፕሬዝደንት ሐሰን ሼክ ሞሐሙድ የሶማሊላንድ እና ኢትዮጵያ የመግባቢያ ስምምነትን ውድቅ የሚያደርግ ሕግ ፈርመው አፅድቀዋል። ፕሬዜዳንቱ ሕጉ " አንድነታችንን እና ሉዓላዊነታችንን እንዲሁም የግዛት አንድነታችንን ለመጠበቅ ወሳኝ ነው " ማለታቸው ተነግሯል።

ራስ ገዟ ሶማሌላንድ ግን የሶማሊያ መንግሥት እንቅስቃሴዎችን ውድቅ በማድረግ ሉዓላዊት ሀገር መሆኗን እየገለፀች ትገኛለች።

ሶማሊያ እያቀረበች ያለው ይገባኛል ሀሰት መሆኑን ፤ ከሶማሊያ ከተነጠለች ሶስት አስርት አመታት መቆጠራቸውን፣ የሶማሊያ መንግሥት ከኢትዬጵያ ጋር የተደረገው ስምምነት (MoU) ተገቢ ባልሆነ መንገድ እንዲተረጎም የማድረግ ስራ እየሰራ መሆኑን እንዲሁም ስምምነቱ ሌሎች ሀገራት ከሚፈፅሙት የሊዝ ስምምነት ምንም የተለየ ነገር እንደሌለው እያሳወቀች ነው።

በሌላ መረጃ ፤ የሶማሊያው ፕሬዜዳንት ሀሰን ሼክ ሞሐሙድ ኤርትራ፣ አስመራ ገብተዋል። ፕሬዝዳንቱ አስመራ ኤርፖርት ሲደርሱ የኤርትራው ፕሬዜዳንት ኢሳያስ አፈወርቂ ተቀብለዋቸዋል። ሁለቱ አካላት በሁለትዮሽ ጉዳዮች ላይ እንደሚመክሩ ተነግሯል።

@tikvahethiopia

ፎቶ ፦ #የኢትዮጵያ እና #የሶማሌላንድ ወታደራዊ አመራሮች ውይይት አደረጉ።

ዛሬ በራስ ገዟ ሶማሌላንድ ጠቅላይ ኢታማዦር ሹም ሜጄር ጄኔራል ኑህ ኢስማኤል ታኒ የተመራ ልዑክ በሀገር መከላከያ ጠቅላይ መምሪያ ተገኝቶ ውይይት አድርጎ ነበር።

በውይይቱም የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ እና ሜጄር ጄኔራል ኑህ ኢስማኤል ታኒ በወታደራዊ ትብብር ዙሪያ #አብረው ለመስራት የሚያስችላቸውን ውይይት ማድረጋቸው ተገልጿል።

Photo Credit - FDRE Defense Force

@tikvahethiopia

#MPESASafaricom

የመጀመሪያ የተረክ በM-PESA አሸናፊዎቻችን የባጃጅ እና የስልክ ሽልማታቸውን ተረክበዋል! ለአሸናፊዎች በሙሉ እንኳን ደስ አላቹ!

M-PESA ላይ እንመዝገብ፣ በM-PESA እንገበያይ፣ ቀጣይ እድለኛ አሸናፊዎች እንሁን።

የM-PESA ሳፋሪኮምን መተግበሪያ በዚህ ሊንክ ያውርዱ https://bit.ly/M-PESA_SafaricomEthiopia 

#TerekBeMPESA     
#FurtherAheadTogether

ℹ ጅቡቲ ከ8 ቀናት በኃላ ዝምታዋን ሰብራለች።

በኢትዮጵያ እና ሶማሌላንድ መካከል የመግባቢያ ስምምነት ሰነድ ከተፈመ በኃላ ስለ ቀጠናው ጉዳይ ሀገራት እና ተቋማት አቋማቸው ሲገልጹ ፣ ምክር ያሉትንም ሲለግሱ ነበር።

አብዛኞቹ ስለ ስምምነቱ በቀጥታ ባያነሱም በኢትዮጵያ እና ሶማሊያ መካከል ያለው ግንኙነት እንደሚያሳስባቸው ነው የገለጡት።

የኢትዮጵያ ጎረቤት #ጅቡቲ ደግሞ ስምምነቱ ከተፈረመ ከ8 ቀን በኃላ ዛሬ ቀጠናዊ ሁኔታን በተመለከተ አቋሟን ገልጻላች።

ስለ ስምምነቱ ያለችው አንዳች ነገር የለም።

የጅቡቲ መንግሥት ፤ በኢትዮጵያ እና ሶማሊያ  መካከል ያለው ሁኔታ በእጅጉ እንደሚያሳስበውና በአንክሮ እየተከታተለ መሆኑን ገልጿል።

መግለጫው የተለየ ሀገር ስምን ሳይጠቅስ #የሁሉም የኢጋድ አባል ሀገራት ሉዓላዊነት ፣ ነፃነት እና የግዛት አንድነት መከበር እንዳለበት አስገንዝቧል።

NB. የጅቡቲው ፕሬዜዳንት ኢሳማኤል ኦመር ጌሌህ የወቅቱ የኢጋድ ፕሬዜዳንት ናቸው።

ጅቡቲ ሁለቱ ወንድማማች ሀገራት ኢትዮጵያ እና ሶማሊያ የውይይትን መንገድን እንዲመርጡና ያለው ውጥረት እንዲረግብ በመቀራረብ እንዲሰሩ ጥሪዋን አቅባለች።

ሁኔታውን በተመለከተ ውጥረት እንዲረግብ ከሌሎች የኢጋድ አባል ሀገራት ጋር እንደምትሰራ አረጋግጣለች።

ጅቡቲ ለኢትዮጵያ ከጎረቤትነቷ ባለፈ ከኢትዮጵያ ጋር በኢኮኖሚ ዘርፍ ከፍተኛ ቁርኝት አላት ፤ በዓመታዊ የወደብ እና የትራንዚት አገልግሎትም ከኢትዮጵያ በቢሊዮን ዶላር ታገኛለች።

@tikvahethiopia

#Hawassa

" የውሀ እጥረት በመከሰሰቱ  ለከፍተኛ ችግር ተጋልጠናል " - በሀዋሳ  ከተማ የጋራ መኖሪያ ቤት ተጠቃሚዎች

" ከኦሮሚያ ክልል የሚመጣዉ ውሀ በመቋረጡ የድሀ ግብአታችን ላይ ከፍተኛ እጥረት ተከስቶብናል " -  የሀዋሳ ከተማ ውሃና ፍሳሽ አገልግሎት ድርጅት

ከቅርብ ጊዜ ወዲህ በሀዋሳ ከተማ በተለይም በጋራ መኖሪያ ቤቶች እንዲሁም በአዲስከተማ ክፍለከተማ ስር ባሉ ቀበሌዎችና አዋሳኝ ክፍለከተሞች ከፍተኛ የውሀ እጥረት ተከስቷል ሲሉ ነዋሪዎች ለቲክቫህ ኢትዮጵያ ቅሬታቸዉን ገልጸዋል።

ጉዳዩን በተመለከተ ጥያቄ ያቀረብንላቸው በሀዋሳ ከተማ ውሃና ፍሳሽ አገልግሎት ድርጅት የውሀ ስርጭት ዳይሬክቶሬት ዳይሬክተር  አቶ ዮሴፍ ዮንኩራ ፤ ችግሩ የተፈጠረዉ ከሲዳማ ክልል ውጭ በኦሮሚያ ክልል ከተቆፈረዉ የውሀ ጉድጓድ ይገኝ የነበረዉ ውሀ በመቋረጡ መሆኑን ገልጸዋል።

በሻሸመኔ ከተማ ስር ከቢሻን ጉራቻ (ጥቁር ውሀ) በቅርብ ርቀት ከዓለም ባንክ በተገኘ ብድር ጉድጓድ ተቆፍሮ የውሀ አገልግሎት ሲሰጥ ቢቆይም አሁን ግን የአካባቢው ማህበረሰብና አመራሮች ውሃውን መጠቀም አለብን በሚል ጥያቄ እና በማስተላለፊያ መስመሩ ላይ በደረሰ ጉዳት ምክንያት ውሀውን  መጠቀም አልተቻለም ብለዋል።

አቶ ዮሴፍ አክለዉም ፤ የዉሀ ማስተላለፊያ መስመሮች በግለሰቦች መወጋታቸዉንና ለብልሽት መዳረጋቸዉን ተከትሎም ጥገና ማድረግ አለመቻሉን ገልጸዋል።

በዚህም ምክንያት ከተማዉ እስከ ሀያ በመቶ የውሀ አጥረት መግጠሙን ፤ የተጠቀሱት ክፍለከተሞችና የጋራ መኖሪያ ቤቶችም ለችግር መጋለጣቸዉን አስረድተዋል።

የአካባቢው አስተዳደር ለውሀ ጉድጓዱ የተፈረመዉን ብድር ከፍሎ ውሀዉን እንዲጠቀም አለበለዚያም የራሱን ጉድጓድ እንዲያስቆፍር ቢጠየቅም አለመስማማቱን የሚጠቅሱት ዳይሬክተሩ ችግሩን የዉሀና ኢነርጅ ሚኒስቴር ይቀርፈዋል ብለዉ እንደሚያምኑ ለቲክቫህ ኢትዮጵያ ገልጸዋል።

መረጃውን የላከው የሀዋሳው የቲክቫህ ቤተሰብ አባል ነው።

@tikvahethiopia

#ነእፓ

ነፃነት እና እኩልነት ፓርቲ (ነእፓ) ለኢፌዴሪ ሲቪል ሰርቪስ ኮሚሽን ደብዳቤ ፃፈ።

ፓርቲው በዚህ ደብዳቤው ፤ " የፓርቲ አባል ያልሆኑ የመንግሥት ሰራተኞች በብልፅግና ፓርቲ ስልጠና እንዲሳተፉ የሚደረግበት አሰራር እንዲቆም " ሲል ጠይቋል።

ነእፓ ፤ #የመንግስት እና #የፓርቲ መደበላለቅ በለውጡ ማግስት መጠነኛ መሻሻል አሳይቶ እንደነበር አስታውሷል።

ነገር ግን በተለይ ከ6ኛው ጠቅላላ ምርጫ ማግስት ጀምሮ ከጊዜ ወደ ጊዜ እየተባባሰ መጥቷል ብሏል።

ከቅርብ ወራት ጀምሮ ገዢው ፓርቲ እያካሄደ ባለው የአባላት ስልጠና፣ የፓርቲው አባል ያልሆኑ የፌዴራል እና የክልል የመንግስት ሰራተኞች (Public servants) የገዢውን ፓርቲ ድርጅታዊ ስልጠና እንዲወስዱ እየተደረገ መሆኑ ለዚህ አንድ ማሳያ ነው ሲል አስረድቷል።

ፓርቲው አለኝ ባለው መረጃ የገዢው ፓርቲ አባላት ያልሆኑ የመንግስት ሰራተኞች ስልጠናውን እንዲወስዱ በተለያየ መንገድ ጫና እየተደረገባቸው መሆኑን ገልጿል።

ይባስ ብሎ በየአካባቢው እየተካሄዱ ያሉ ስልጠናዎች ፦
- አበል፣
- ትራንስፖርት፣
- ሆቴል እና ሌሎች የስልጠና ወጪዎች የሚሸፈኑት #በመንግስት_በጀት መሆኑ ችግሩን ይበልጥ አሳሳቢ አድርጎታል ብሏል።

በመሆኑም የፓርቲ አባል ያልሆኑ የፌዴራል እና የክልል የመንግስት ሰራተኞች የገዢውን ፓርቲ ስልጠና እንዲወስዱ ማድረግ ህገ መንግስቱን እና የኢትዮጵያ የምርጫ፣ የፖለቲካ ፓርቲዎች ምዝገባና የምርጫ ስነ ስርአት አዋጃ ቁጥር 1162/2011 የሚቃረን በመሆኑ የሲቪል ሰርቪስ ኮሚሽን ድርጊቱ ይቆም ዘንድ የሚጠበቅበትን እንዲያደርግ ፓርቲው ጥሪ አቅርቧል።

በቀጣይ ተመሳሳይ የህግ ጥሰቶች እንዳይፈጠሩ አስፈላጊውን እርምጃ እንዲወሰድም አሳስቧል።

ከዚሁ ጋር በተያያዘ ጉዳዩ በቀጥታ የሚመለከታቸው አካላት፤ ገዢው ፓርቲ የስልጠናና ሌሎች ድርጅታዊ እንቅስቃሴውን በመንግስት ሀብት የሚሸፍንበት አሰራር ህግ እና ስርአትን ያልተከተለ ከመሆኑም ባሻገር የፖለቲካ ሜዳውን የሚያዛንፍ በመሆኑ፣ ድርጊቱ ይታረም ዘንድ ኃላፊነታቸውን እንዲወጡ ጠይቋል።

በተለይም ፦
- የምርጫ ቦርድ፣
- የገንዘብ ሚንስቴር
- የክልል የገንዘብ እና ኢኮኖሚ ቢሮዎች፣
- በየደረጃው ያሉ የፖለቲካ ፓርቲዎች የጋራ ምከር ቤቶች አዋጁን በማስከበር ገዢው ፓርቲ ድርጅታዊ መዋቅሩን ከመንግስት መዋቅር ለይቶ እንዲሰራ ኋላፈነታቸውን እንዲወጡ ጥሪ አቅርቧል።

(ፓርቲው የላከው መግለጫ ከላይ ተያይዟል)

@tikvahethiopia

በሃገር ልዩ ወግ እና ባህል ተውቦ፤
በደማቅ አብሮነት ታጅቦ፤
በደስታ የሚያከብሩት የልደት በዓል እንዲሆን ከልብ እንመኛለን!

እስከ 25% ቅናሽ የተደረገባቸውን ልዩ የገና በዓል የሞባይል ጥቅሎች በቴሌብር ሱፐርአፕ ከተጨማሪ 10% ስጦታ ጋር ወይም በማይ ኢትዮቴል፣ አርዲ ቻት ቦት እንዲሁም *999# ለራስዎ እየገዙ ለሚወዷቸውም በስጦታ እያበረከቱ የበዓል መልካም ምኞትዎን ያድርሱ!

መልካም የገና በዓል!

#Ethiotelecom #telebirr #HappyHolidays