#ኢትዮጵያ

የወንዶች ማራቶን ውድድር በመካሄድ ላይ ይገኛል።

ሀገራችን ኢትዮጵያ በታምራት ቶላ ፣ ፀጋዬ ጌታቸው ፣ ልዑል ገ/ስላሴ እና ሚልኬሳ መንገሻ ተወክላለች።

ከሀገራችን አትሌቶች አሁን ላይ ወደፊት መውጣት የቻለው አትሌት ልዑል ገብረስላሴ ብቻ ሲሆን ከኡጋንዳ አትሌት ጋር ባለድል ለመሆን እየተፋለም ነው።

ታምራት ቶላ አራተኛ ደረጃ ላይ ይገኛል።

1 ሰዓት ከ53 ደቂቃ መሮጥ ችለዋል።

@tikvahethsport    

ፎቶ፦ በወንዶች ማራቶን ውድድር አትሌት ልዑል ገብረ ስላሴ 3ኛ ደረጃን ይዞ በማጠናቀቅ ለሀገሩ የነሃስ ሜዳሊያ አስገኝቷል።

ሌሎች ኢትዮጵያውያን ፤ አትሌት ሚልኬሳ መንገሻ 6ኛ ፣ አትሌት ፀጋዬ ጌታቸው 17ኛ ደረጃን ይዘው አጠናቀዋል።

የባለፈው አመት የዓለም ሻምፒዮን ኢትዮጵያዊው አትሌት ታምራት ቶላ ውድድሩን አቋርጧል።

አትሌት ታምራት ውድድሩን ለማቋረጥ የተገደደው ባጋጠመው ከባድ የጨጓራ ህመም ምክንያት እንደሆነ ለ " ልዩ ስፖርት " ተናግሯል።

በስፍራው የሚገኘው የቲክቫህ ኢትዮጵያ ስፖርት ባልደረባ አትሌቶች በቡዳፔስት ያለውን ከፍተኛ ሙቀት መቋቋም አቅቷቸው ሲወድቁ እንደነበር ገልጿል።

ከውድድሩ ፍፃሜ በኃላ የተነሱ ፎቶዎችን ከላይ ይመልከቱ።

#ማስታወሻ ፦ ዛሬ ምሽት 3000ሜ መሰናክል ሴቶች ፍፃሜ እና 5000 ወንዶች ፍፃሜ ይካሄዳል።

@tikvahethiopia

#MoE

የትምህርት ቤቶች ርዕሳነ መምህራን ከአሁን በኋላ በካድሬነት ሳይሆን በብቃታቸው ብቻ እንደሚመረጡ የትምህርት ሚኒስቴር አስታወቀ፡፡

ትምህርት ሚኒስቴር ይህንን ያለው ነሐሴ 18 ቀን 2015 ዓ.ም. የአዲስ አበባ ከተማ አስተዳደር ትምህርት ቢሮ 30ኛውን ዓለም አቀፍ የትምህርት ጉባዔ ባካሄደበት ወቅት ነው፡፡

የትምህርት ሚኒስትር ፕ/ር ብርሃኑ ነጋ ምን አሉ ?

ፕ/ር ብርሃኑ ነጋ ፦

" የትምህርት ቤቶች አስተዳዳሪዎች ከአሁን በኋላ የሚመረጡት በካድሬነት ሳይሆን፣ ባላቸው ብቃትና ችሎታቸው ላይ መሠረት ተደርጎ ይሆናል።

በዚህ መሠረት በአገር አቀፍ ደረጃ በብቃታቸውና በችሎታቸው የተመዘኑ 1,600 የትምህርት አስተዳዳሪዎች ሥልጠና ተሰጥቷቸዋል። ይህ ዓይነቱ አሠራር ቀጣይነት ይኖረዋል።

የትምህርት ቤቶችን ደረጃ ከማሳደግ ሥራ በተጨማሪ የመምህራንና ርዕሳነ መምህራን ብቃትና ችሎታ ማጎልበት ትኩረት ተሰጥቶበታል፡፡

ትኩረት ካገኙ መሠረታዊ ጉዳዮች ትምህርት ቤቶችን በግብዓትና በጥራት ከማሻሻል ባሻገር ክህሎት፣ ብቃትና ችሎታ ባላቸው ርዕሳነ መምህራን እንዲተዳደሩ ማድረግ ትልቁን ድርሻ ይይዛል።

የትምህርት ቤቶችን ደረጃ ከማሻሻል በተጨማሪ በዕውቀት ተማሪዎቻቸውን ተወዳዳሪ ማድረግ የሚችሉ መምህራንን ማብቃት ከተያዙ ግቦች መካከል አንዱ ነው።

ባለፉት 30 ዓመታት የመንግሥት ትምህርት ቤቶች ጥራት ወርዷል ፤ በኑሮ ለተሻሉ ደግሞ የግል ትምህርት ቤቶች የሚማሩበት ሥርዓት ተዘርግቷል።

ይህ ዓይነት አካሄድ በዜጎች መካከል በኑሮ ደረጃ ከተፈጠሩ ልዩነቶች አልፎ በትምህርት ዘርፍ ላይ መታየቱ ትልቅ ክስረት ነው። ይህ አካሄድ በአገር አቀፍ ደረጃ አደገኛ ሁኔታዎች የሚፈጥር ነው ፤ በየትኛውም የኑሮ ደረጃ ላይ የሚገኙ ዜጎች በገንዘብ ዕጦት ሳቢያ የትምህርት ጥራት ሊጓደልባቸው አይገባም።

ትምህርት የአገር የሉዓላዊነት እሴት መለኪያ ነው ፤ በዚህ ጉዳይ ለዓመታት የተቀለደበት ዘርፍ ነው አሁን እርስ በርስ መነጋገር የማይቻልበት ሁኔታ ላይ መደረሱ የችግሩ ማሳያ ነው።

የትምህርት ዘርፍ መሠረታዊ መርሆዎች ሁለት ናቸው ፤ ዜጎች በብሔራቸውና በሃይማኖታቸው ሳይታዩ እኩል ጥራት ያለው ትምህርት የማግኘት መብታቸውን ማረጋገጥ አንደኛው ነው።

የትኛውም የኑሮ ደረጃ ላይ የሚገኙ ዜጎች ከሁሉም እኩል ተወዳዳሪና ተፎካካሪ የሚሆኑበትን የትምህርት ሥርዓት በመዘርጋት፣ አሁን ያለውን የኢፍትሐዊነት ችግር በዘላቂነት መፍታት ይቻላል።

በኢትዮጵያ የትምህርት ዘርፉ ከአሥር ዓመታት በኋላ ትምህርት ቤቶች እንደ አሁኑ የፀብ (የረብሻ) መፍለቂያ ሳይሆኑ የመወዳደሪያና የብቃት ማጎልበቻ ይሆናሉ፡፡

ከዚህ በኋላ እንደ ከዚህ ቀደሙ ዲግሪ እንደ ከረሜላ የሚታደልበትን አሠራር አስቀርቶ፣ በብቃት እና በችሎታ ብቻ ዜጎች ማዕረግ የሚያገኙበት ሥርዓት በዘላቂነት ይዘረጋል። "

Via Reporter Newspaper

@tikvahethiopia

#G20

አፍሪካ ህብረት G20ን እንዲቀላቀል ጥሪ ቀረበለት።

የህንድ ጠቅላይ ሚኒስትር ናሬንድራ ሞዲ የ " አፍሪካ ህብረት " የቡድን 20 አባል እንዲሆን በዛሬው ዕለት ጥሪ ማቅረባቸውን ቪኦኤ ዘግቧል።

በሚቀጥለው ወር በሕንድ ፤ ኒው ዴሊ የቡድኑ መሪዎች ጉባኤ ይካሄዳል።

ሞዲ ለአፍሪካ ህብረት ጥሪውን ያቀረቡት " ቢ20 የተሰኘው በቢዝነስ ፎረም እና የመስከረም ወሩ ጉባዔ መዳረሻ መድረክ ላይ ማደረጉት ንግግር ነው።

ጠቅላይ ሚኒስትሩ ፤ የዓለም አቀፉ የአቅርቦት ሰንሰለት ችግሮችን ለመቅረፍ ሀገራቸውን እንደመፍትሔ አቅርበዋል።

የ20 ግዙፍ ኢኮኖሚዎች ስሪት የሆነው ቡድን 19 አገሮችን እና የአውሮፓ ህብረትን በአባልነት ያቀፈ ሲሆን ፣85 በመቶውን ዓለም አቀፉ ጥቅል የሀገራት ምርት መጠን እና ከዓለም ህዝብ መካከል ደግሞ ሁለት ሶስተኛውን ይሸፍናል።

ይሁንና ከአፍሪካ የህብረቱ ብቸኛ አባል ደቡብ አፍሪካ ናት።

በታህሳስ ወር የአሜሪካው ፕሬዝዳንት ጆ ባይደን የአፍሪካ ህብረት የቡድን 20 ሀገራት G20 ቡድንን በቋሚ አባልነት እንዲቀላቀል እንደሚፈልጉ ተናግረው ነበር።

በዛሬው ዕለት የወቅቱ የቡድኑ ጉባዔ አስተናጋጅ ሀገር ሕንድ መሪ ሞዲ ባለፈው አመት በአጠቃላይ 3 ትሪሊዮን ዶላር አጠቃላይ የሀገር ውስጥ ምርት ያስመዘገበው ፓን- አፍሪካዊ ህብረት በቡድኑ አባልነት እንዲካተት ጥሪ አቅርበዋል።

" ቋሚ አባልነት በመስጠት ራዕይ ውስጥ ለአፍሪካ ህብረት ግብዣ አቅርበናል " ሲሉ ተናግረዋል ።

መቀመጫውን በኢትዮጵያ ዋና ከተማ አዲስ አበባ ያደረገው የአፍሪካ ህብረት 55 አባላት ያሉት ሲሆን በወታደራዊ አስተዳደር ስር የሚገኙ አምስት ሀገራት ግን በአሁኑ ጊዜ ከአባልነት ታግደዋል ሲል ቪኦኤ በዘገባው አስታውሷል።

የቡድን 20 አባላት እነማን ናቸው ?

🇦🇷 አርጀንቲና
🇧🇷 ብራዚል
🇨🇦 ካናዳ
🇨🇳 ቻይና
🇫🇷 ፈረንሳይ
🇩🇪 ጀርመን
🇮🇳 ህንድ
🇮🇩 ኢንዶኔዥያ
🇮🇹 ጣልያን
🇯🇵 ጃፓን
🇰🇷 ደቡብ ኮሪያ
🇲🇽 ሜክሲኮ
🇷🇺 ሩስያ
🇸🇦 ሱዑዲ አረቢያ
🇿🇦 ደቡብ አፍሪካ
🇹🇷 ቱርክ
🇦🇺 አውስትራሊያ
🇬🇧 ዩናይትድ ኪንግደም
🇺🇸 አሜሪካ
🇪🇺 አውሮፓ ሕብረት ናቸው።

@tikvahethiopia

#Update

በቡዳፔስት ሲደረግ የነበረው የዓለም አትሌቲክስ ሻምፒዮና ዛሬ በሚደረጉ ውድድሮች ፍፃሜውን ያገኛል።

በዛሬው የፍፃሜ መርሃ ግብር ሀገራችን ኢትዮጵያ የምትካፈልበት የ5000 ሜትር የወንዶች ፍፃሜ ውድድር መካሄድ ጀምሯል።

ሀገራችን ኢትዮጵያ ፦
- በአትሌት በሪሁ አረጋዊ
- በአትሌት ዩሚፍ ቀጀልቻ
- በአትሌት ሀጎስ ገብረሕይወት ተወክላለች።

መልካም ዕድል !

@tikvahethiopia