#ኢትዮጵያ

በ5000 ሜትር የሴቶች ፍፃሜ 13ኛ ደረጃ ይዛ ያጠናቀቀችው አትሌት ጉዳፍ ፀጋይ ዛሬ ከነጉዳቷ ወደ ውድድር የገባች ሲሆን የተሻለ መተጋገዝ ቢደረግ ኖሮ ጥሩ ውጤት ይገኝ እንደነበር ከሩጫው መጠናቀቅ በኃላ ለ " ልዩ ስፖርት " ድረገፅ በሰጠችው አጭር ቃለምልልስ ገልጻለች።

ጉዳፍ ፀጋይ ፦

" ትንሽ እግሬ ተልጦ ነበር ፤ ሁለት ቀን ልምምድ አልሰራሁም እዚህ ሙቀትም ስለነበር ፤ እግሬ ተልጦ ነው ወደዛሬው ውድድር የገባሁት።

ይህም ቢሆን ግን እኔ ነኝ የመራሁት ዙሩን ማለት ይቻላል። የተነጋገርነው ነገር በየ600 ለመተጋገዝ ነው ግን ሁሉንም እኔ ስለመራሁት ፊት ተሁኖ ስቆይ መቋቋም ስለማይቻል እሱ ጋር ነው ያጠፋሁት እንጂ ጠብቄ ብሄድ ኖሮ የተሻለ ውጤት ይመጣ ነበር።

የነበረብኝ ጉዳት ስሜት አለው በእርግጥ ግን እራሴን ጠብቄ መሀል ሆኜ ብሄድ ኖሮ ጥሩ ነገር ይኖር ነበር።

ውድድሩ ተይዞ ነበር ፤ #እለፉ_እያልኳቸው ነበር ልጆቹን ግን ሊያግዙኝ አልቻሉም። "

ፎቶ፦ @tikvahethsport (Hungary, Budpest)

@tikvahethiopia

#SifanHassen

ብርቱና ጠንካራዋ አትሌት ሲፋን ሀሰን በቡዳፔስት በምን ያህል ርቀቶች ተካፈለች ? ምን ውጤት አስመዘገበች ?

አትሌት ሲፋን ሀሰን ፦

🇳🇱 1,500 ሜትር ማጣርያ
🇳🇱 10,000 ሜትር ፍፃሜ
🇳🇱 1,500 ሜትር ግማሽ ፍፃሜ
🇳🇱 1,500 ሜትር ፍፃሜ
🇳🇱 5,000 ሜትር ማጣሪያ
🇳🇱 5,000 ሜትር ፍፃሜ ሮጣለች።

አትሌቷ በድምሩ በሁሉም ውድድር 24,500 ሜትር ሮጣለች።

ከተሳተፈችባቸው ውድድሮች በ1,500 ሜትር የነሃስ እንዲሁም በ5,000 ሜትር የብር ሜዳሊያ አግኝታለች። በ10000 ሜትር ፍፃሜ ውድድሩን ለመጨረስ ጥቂት ሲቀራት ወድቃ ድል ሳይቀናት ቀርቷል።

ሲፋን ከዚህ በፊት በቶኪዮ ኦሎምፒክ በ1,500 ሜትር ፣ 5,000 ሜትር እና 10,000 ሜትር ርቀቶች ላይ በመሮጥ ሁለት ወርቅ እና አንድ ነሀስ አሳክታ ነበር።

በርካቶች የአትሌት ሲፋን ሀሰን ብርታ እና ጥንካሬን ፣ ለማሸነፍ ያላትን ከፍተኛ ፍላጎት እና ጥረት እያወደሱ ይገኛሉ።

@tikvahethiopia

#ኢትዮጵያ

የወንዶች ማራቶን ውድድር በመካሄድ ላይ ይገኛል።

ሀገራችን ኢትዮጵያ በታምራት ቶላ ፣ ፀጋዬ ጌታቸው ፣ ልዑል ገ/ስላሴ እና ሚልኬሳ መንገሻ ተወክላለች።

ከሀገራችን አትሌቶች አሁን ላይ ወደፊት መውጣት የቻለው አትሌት ልዑል ገብረስላሴ ብቻ ሲሆን ከኡጋንዳ አትሌት ጋር ባለድል ለመሆን እየተፋለም ነው።

ታምራት ቶላ አራተኛ ደረጃ ላይ ይገኛል።

1 ሰዓት ከ53 ደቂቃ መሮጥ ችለዋል።

@tikvahethsport    

ፎቶ፦ በወንዶች ማራቶን ውድድር አትሌት ልዑል ገብረ ስላሴ 3ኛ ደረጃን ይዞ በማጠናቀቅ ለሀገሩ የነሃስ ሜዳሊያ አስገኝቷል።

ሌሎች ኢትዮጵያውያን ፤ አትሌት ሚልኬሳ መንገሻ 6ኛ ፣ አትሌት ፀጋዬ ጌታቸው 17ኛ ደረጃን ይዘው አጠናቀዋል።

የባለፈው አመት የዓለም ሻምፒዮን ኢትዮጵያዊው አትሌት ታምራት ቶላ ውድድሩን አቋርጧል።

አትሌት ታምራት ውድድሩን ለማቋረጥ የተገደደው ባጋጠመው ከባድ የጨጓራ ህመም ምክንያት እንደሆነ ለ " ልዩ ስፖርት " ተናግሯል።

በስፍራው የሚገኘው የቲክቫህ ኢትዮጵያ ስፖርት ባልደረባ አትሌቶች በቡዳፔስት ያለውን ከፍተኛ ሙቀት መቋቋም አቅቷቸው ሲወድቁ እንደነበር ገልጿል።

ከውድድሩ ፍፃሜ በኃላ የተነሱ ፎቶዎችን ከላይ ይመልከቱ።

#ማስታወሻ ፦ ዛሬ ምሽት 3000ሜ መሰናክል ሴቶች ፍፃሜ እና 5000 ወንዶች ፍፃሜ ይካሄዳል።

@tikvahethiopia