" ፈተናው ከ #ብሉፕሪንቱ_ውጭ የሚሆንበት እድል በጣም በጣም አነስተኛ ነው " - ትምህርት ሚኒስቴር

ትምህርት ሚኒስቴር በመውጫ ፈተና ላይ ስለቀረቡት ቅሬታዎች ምን ምላሽ ሰጠ ?

የመውጫ ፈተና የወሰዱ ፦
- የመካኒካል ምህንድስና
- የአካውንቲንግ እና ፋይናንስ
- የኢንሮሜሽን ቴክኖሎጂ ... ተማሪዎች ከመውጫ ፈተና ጋር በተያያዘ ቅሬታ ማቅረባቸው ይታወሳል።

በተለይም ፤ ተማሪዎቹ ፈተናቸው ከብሉፕሪንት ውጭ መሆኑን ፤ የተዘጋጀው ፈተና በእነሱ ደረጃ ያለን የዲግሪ ተማሪ ለመለካት የማይሆን፣ (የአካውንቲንግ እና ፋይናንስ ተማሪዎች) የተዘጋጀው ፈተና እና የተመደበው ሰዓት የሚመጣጠን እንዳልሆነ ገልጸዋል።

ቅሬታዎቹን በዚህ ያገኛሉ (የተወሰኑ) ፦
https://t.iss.one/tikvahethiopia/79840?single
https://t.iss.one/tikvahethiopia/79739?single
https://t.iss.one/tikvahethiopia/79870?single
https://t.iss.one/TikvahUniversity/7740?single

ለቅሬታዎቹ ትምህርት ሚኒስቴር ምን ምላሽ ሰጠ ?

ዶ/ር ሳሙኤል ክፍሌ (ሚኒስትር ዴኤታ) ለፋና ቲቪ ከተናገሩት ፦

" የተማሪዎች ጥያቄ ደርሶናል ፤ አዎ!

አንዳንዶቹ ቅሬታዎች እና ጥያቄዎች የተነሱት ገና ፈተና እየፈተንን ስለሆነ፤ የተጠቀምነው ቴክኖሎጂ በየዕለቱ የፈተናቸው ፕሮግራሞች አማካይ የተመዘገበውን ለማየት ፤ በአማካይ የሚያልፈውን ተማሪ ለማየት ውስን ሰዎች ሁለት ሶስት ሰዎች የማናልፍ መረጃውን እናገኝ ነበር። ቅሬታዎቹ በልኩ መያዝ እንዳለባቸው እናውቃለን። ከቅሬታ አንፃር በየቀኑ እንቀበል ነበር።

ሁለተኛ ፈተናው ከብዷል ፤ ቀሏል ለማለት ደግሞ ፈተናው እንዴት እንደወጣ ላስረዳ።

አንድ የአግሪካልቸር ወይም የአካውንቲንግ ተማሪ በ4 / 5 አመት ቆይታው የመጀመሪያ ዲግሪ በአካውንቲንግ ሲይዝ ምን እውቀቶችን ፣ክህሎቶችንና ስነምግባሮችን መጨበጥ አለበት የሚል መለኪያ ተዘጋጅቷል / ለሁሉም 215 ፕሬጋራሞች / ።

እነኚህ ብቃቶች በምንድነው የሚለኩት ተብሎ ብሉፕሪንት ተዘጋጅቷል።

ብሉፕሪንቱን ተከትሎ ፈተና ተዘጋጅቷል። የተዘጋጀውን ፈተና ሌላ አካል ገምግሟቸዋል።

የብቃት አሃዶችን ማውጣት ፣ብሉፕሪንቱን ማውጣት በዛ መሰረት ፈተና ማዘጋጀት ፈተናው በብቃት አሃዱ በብሉፕሪንቱ መሰረት የተዘጋጀ ነው ብሎ ገምግሞ መልስ የሚሰራ ሶስት ሌላ አካል አለ።

በዚህ ሂደት ነው ያለፈው፣ ትምህርት ሚኒስቴር ፈተና የማቅለልም ሆነ የማክበድ ሚና የለውም። ሚናው ለእያንዳንዱ ፕሮግራም 5ና 6 , 7 ፈተናዎች እንዲኖሩት ይፈልጋል። ከተዘጋጁት ፈተናዎች አንዱን ለሞዴል እኩሌታውን ደግሞ ለዋናው ፈተና ይጠቀማል። ፈተናው ከብሉፕሪንቱ ውጭ የሚሆንበት እድል የለውም።

ለእያንዳንዱ ፕሮግራም (215) ቢያንስ ሁለት ሁለት ፈተና ያወጣ ሰው አለ። ቢያንስ አንድ ሰው ፈተናውን ገምግሞ ለዚህ መቶ ጥያቄ መልሱ ይሄ ነው ብሎ የሰጠን መምህር አለ። ይሄን በስም የምናውቃቸው  ፣ በስልክ ቁጥር ፣ በኮሌጅ ፣ በዩኒቨርሲቲዎች ስም እናውቃቸዋለን።

ከብሉፕሪንት ውጭ ፈተና ሊመጣ የሚችልበት እድል የለውም። እንደዛ ሊሆን የሚችለው ብሉፕሪንቱን ትቶ ፈተና ያዘጋጀ አካል ካለ ነው። ፈተናውን የሚረከበው ደግሞ ማሽን አይደለም ሰው ነው ፤ ብሉፕሪንቱን የያዘ ሰው የኛ ባለሞያዎች አሉ፣ የኛ የስራ ኃላፊዎች አሉ፣  እነሱ በብሉፕሪንቱ መሰረት የተዘጋጀ መሆኑን ተጨማሪ ውይይት ከተደረገ በኃላ ነው ፈተናውን የሚረከቧቸው።

ገምጋሚዎችም አሉ፣ ቢያንስ እያንዳንዱ ፈተና አንድ ገምጋሚ አለው ፤ 215 ፕሮግራሞች ፈተና ስንፈትን ወደ 430 ፈተና ያዘጋጁ መምህራን ነበሩ ከዩኒቨርሲቲ የመጡ፣ 215 ገምጋሚዎች ነበሩ። ከብሉፕሪንት ውጭ የመሆን እድሉ በጣም በጣም አነስተኛ ነው 0 ነው እያልኩ አይደለም ለእድልም እድል መስጠት ስለሚያስፈልግ።

ሌላው የቀላል ጥያቄ ፣ የመካከለኛ ጥያቄ እና የከባድ ጥያቄ ምጥጥን በብሉፕሪንቱ ላይ ተቀምጧል። በዚህ መሰረት መሆኑንም ገምጋሚው ቼክ ያደርጋል፤ እገሌ የሚባል መምህር ፈተና አዘጋጅቶ ሄደ ብቻ ሳይሆን ፈተናው የተዘጋጀው በብሉፕሪንቱ የቀላል፣ መካከለኛና ከባድ ጥያቄ ምጥጥን በስርዓቱ ተቀምጧል የሚል ግምገማ ያደርጋል።

ከዚህ አንፃር የተነሱ ፕሮግራሞች ነበሩ፣ መልሰን ያየናቸው ፕሮግራሞች አሉ። መልሰን ያየናቸው እንዲሁ እኛ አይደለንም መምህራኑን ጠርተን ቁጭ ብለን ፦

- የእርማት ችግር አለበት ወይ ? ሲስተሙ ተሳስቶ ነው ወይ ? የሚለውን ስናይ 0 ነው ለሁሉም ፕሮግራሞች 0 ነው ምንም እድል አላገኘንም።

- በብሉፕሪንት መሰረት ተዘጋጅቷል ወይ ? ለሚለው አዎ!

- የተባለው ጥያቄ ነው ወይ የመጣው  ? በትክክል ምርጫ ነበረው ወይ ? እዚህ ላይ የተወሰኑ ጥያቄዎች ላይ መልሱ ይሄ መሆን ሲገባው  ይሄ ተብሎ ተሰጥቷል ተብሎ በገምጋሚው ክርክር የተደረገባቸው ነበሩ እሱ ላይ ማስተካከያ ተደርጓል። ውጤቱን በጣም ኢምንት በሆነ ደረጃ ነው ሊቀይር የሚችለው።

የፈተና መክበድ እና መቅለል ከብሉፕሪንቱ ውጭ የመሆን እድል አነስተኛ ነው ፤ የለም እያልኩ አይደለም ። ቅሬታዎች ቀርበዋል አይተነዋል።

የተወሰኑ ፕሮግራሞች ላይ እኔ እራሴ በተገኘሁበት መምህራኑን አግኝተን የቀረበውን ቅሬታ አንስቼላቸው ይሄ ምን ሊሆን ይችላል ? መላምቱ ምን ሊሆን ይችላል ? ሲስተሙ በትክክል አላረመው ይሆን ? ጥያቄው በትክክል መልስ አልተሠጠ ይሆን ወይ ? ጥያቄው ከብሉፕሪንት አንፃር የተዘጋጀ ነው ወይ ? የሚለውን በዝርዝር አይተን አንድ ሁሉት ፕሮግራሞች ግማሽ ቀን የወሰደ ጊዜ ተሰርቶባቸው ሄዷል።

ትምህርት ሚኒስቴር መምህራኑን ያዘጋጁትን ፈተና ተገቢ ነው ብሎ ስለሚያምን ሞያተኛው የሰራውን ስራ መነካካት ተገቢ ነው ብሎ ስለማይቀበል በዛ መልኩ ሄደናል። "

#TikvahEthiopia

@tikvahethiopia

በአቢሲንያ ባንክ ደሞዝ ለሚከፈላቸው ሰራተኞች ደሞዝ ባይደርስም ደሞዛቸውን ቀድመው መበደር የሚችሉበት አስደሳች ዕድል ከአቢሲንያ ባንክ! የአፖሎ የሞባይል መተግበርያን አሁኑኑ ያውርዱ!

መተግበሪያውን ለማውረድ ሊንኩን ይጠቀሙ።
https://apollo.bankofabyssinia.com/download-apollo

#Apollodigitalbank
#Apollodigitalproduct #AbyssiniaDigital #Abyssiniabank #poweredbybankofabyssinia #BankofAbyssinia #የሁሉም_ምርጫ #The_Choice_For_all

የድርጅትዎን መልዕክት በስልክ ጥሪ መለያ (Call signature) ያስተላልፉ!

የድርጅትዎ ሞባይል ስልኮች ላይ ጥሪ በሚቀበሉበት ወይም በሚደውሉበት ወቅት ለደዋዮች ቀድሞ በሚደርስ መልዕክት መልዕክት ወይም ማስታወቂያዎን ያኑሩ!

አገልግሎቱን ቸርችል ጎዳና ከሊሴ ገብረማርያም ት/ቤት አጠገብ በሚገኘው ፕሪሚየም የአገልግሎት መስጫ ማዕከላችን ያገኙ!

ለበለጠ መረጃ  https://bit.ly/3K803qo  ይጎብኙ

(ኢትዮ ቴሌኮም)