" በተጠራው አስቸኳይ ምልዓተ ጉባኤ  የማይገኙ አባቶች ካሉ የቅዱስ ሲኖዶስ ምልዓተ ጉባኤ በእነሱ ላይ የሚወስነውን ውሳኔ የመቀበል ግዴታ ይኖርባቸዋል " - የቅዱስ ሲኖዶስ ጽ/ቤት

ሁሉም ብፁዓን አባቶች ሐምሌ 25 /2015 ዓ/ም ለተጠራው የቅዱስ ሲኖዶስ ምልዓተ ጉባኤ  እንዲገኙ የቅዱስ ሲኖዶስ ጽ/ቤት በድጋሜ ጥሪውን አስተላለፈ።

ቅዱስ ሲኖዶስ ፅ/ቤት ፤ በትግራይ ክልል በአክሱም  ርእሰ አድባራት ወገዳማት ጽዮን ማርያም ቤተ ክርስቲያን ሐምሌ 16/2015 ዓ/ም ኢቀኖናዊና ሕገወጥ ሢመተ ኤጲስ ቆጶሳት እንደተፈፀመ በመግለፅ ይህን አስመልክቶ ለመምከር የቅዱስ ሲኖዶስ ምልዓተ ጉባኤ ለሐምሌ 25 ቀን 2015 ዓ/ም መጠራቱ የሚታወስ ነው።

ይሁን እንጂ በቤተ ክርስቲያኗ የገጠማት ፈተና ቀኖና ቤተ ክርስቲያንን መሠረት በማድረግ በጉዳዩ ላይ ምክክር እንዲደረግበት የተጠራ አስቸኳይ  ምልዓተ ጉባኤ መኖሩ ቢታወቅም አንዳንድ ብፁዓን አባቶች ግን ከወዲሁ በተለያየ ምክንያት #እንደማይካፈሉ እየገለጹ ይገኛሉ ተብሏል።

ከአቅም በላይ ያጋጠመ ችግር ቢኖርም እንኳ ከኦርቶዶክሳዊት ተዋሕዶ ቤተ ክርስቲያን አንድነት ጉዳይ የሚበልጥ ባለመኖሩና የቤተ ክርስቲያን ቀኖናና አንድነት በከፍተኛ ደረጃ ሲፈተን እያዩ በጉባኤው አለመገኘት የተጠሩለት የቤተ ክርስቲያን እውነትን የመጠበቅ ተልእኮ እንደመግፋት ስለሚያስመስል በሀገር ውስጥና በሀገር ውጭ ባሉ አህጉረ ስብከት የሚገኙ ብፁዓን አባቶች በተጠራው ቀን በጉባኤው እንዲገኙ በድጋሜ ጥሪ ተለልፏል።

በተጠራው ምልዓተ ጉባኤ  የማይገኙ  አባቶች ካሉ የቅዱስ ሲኖዶስ ምልዓተ ጉባኤ  በእነሱ ላይ የሚወስነውን ውሳኔ የመቀበል ግዴታ ይኖርባቸዋል ሲል የቅዱስ ሲኖዶስ ጽ/ቤት አሳስቧል።

መረጃው የቅዱስ ሲኖዶስ ጽ/ቤት / EOTC TV ነው።

@tikvahethiopia

#የፀጥታ_ችግር

ዘላቂ ሰላም ያልተገኘለት እና ዛሬም ድረስ የሰዎችን ህይወት እየቀጠፈ ያለው ቀጠና መፍትሄው ምንድነው ?

• ከ2010 ዓ/ም አንስቶ የበርካታ ሰዎች ህይወት አልፏል ፤ ንብረት ወድሟል። እርቅ ለመፈፀም ተሞክሮ ዘላቂ ሰላም አልመጣም።

• ከሰሞኑ በተፈፀሙ ጥቃቶች የበርካታ ሰዎች ህይወት አልፏል፤ ንብረት ወድሟል ፤ እርቅ ለመፈፀም ጥረት እየተደረገ ነው።

• ዛሬ ወደ ገበያ በሚያቀኑ ሰዎች ላይ በተፈፀመ ጥቃት በርካታ ሰዎች ህይወታቸው አልፏል፤ ተጎድተዋል።

በደቡብ ክልል መን፤ በጉራጌ ዞን በመስቃን እና ማረቆ መካከል በተደጋጋሚ ጊዜ የፀጥታ ችግሮች እየተከሰቱ የበርካታ ሰዎች ህይወት ሲያልፍ ፣ ንብረት ሲወድም ፣ ተማሪዎች ከትምህርት ሲስተጓጎሉ ፣ የመንግሥት ስራም ሲበደል በአጠቃላይ በቀጠናው ከፍተኛ ተፅእኖ ሲደርስ ቆይቷል።

በአካባቢው ያለውን ችግር ለመቅረፍ ከዚህ ቀደም የዕርቅ ጥረቶች ተደርገውም ያውቃሉ።

ከሰሞኑን ደግሞ በዚሁ አካባቢ በተፈጠረ የፀጥታ ችግር የበርካታ ሰዎች ህይወት አልፏል ፤ ጉዳትም ደርሷል።

አንድ ስለ ጉዳዩ አውቃለሁ ያሉ የቤተሰባችን አባል ፤ " መስቃን እና ማረቆ ባንተ ወረዳ ይሄን ያክል ቀበሌ አለኝ አንተ የለህም የኔነዉ ያለኝ ባንተ ወረዳ እየተባባሉ ግጭት ከተጀመረ ከ2010 ዓ.ም አንስቶ እስከ ዛሬዉ ቀን ሰዉ ከመሞትና ቤት ንብረት ከመቃጠልና ከመዘረፍ አልቆመም " ብለዋል።

እኚሁ የቤተሰባችን አባል ፤ በዞኑ እንዲሁም በክልሉ ያሉ አመራሮች ለችግሩ ምንም አይነት ዘላቂ መፍትሄ ሊያመጡ እንዳልቻሉ ፤ ካቅማችን በላይ ነዉ ብለዉም ለከፍተኛ አካል ለፌደራል መንግስት የሰጡት / ያስረከቡት ነገር እንደሌለ አስረድተዋል።

ከሰሞኑንም በዚሁ ቀጠና ላይ የሰዎች ህይወት መቀጠፉን ንብረት መውደሙን አመልክተዋል።

ያንብቡ 👇
https://telegra.ph/Tikvah-Ethiopia-07-29

@tikvahethiopia

#እንድታውቁት

" ኢንፎኔት ኮሌጅ " ያሰለጠናቸውን ሰልጣኞችን ሙሉ የትምህርት ማስረጃ እስከ ነሐሴ 17 ቀን 2015 ዓ.ም ድረስ እንዲያስረክብ የአዲስ አበባ የትምህርት ስልጠና ጥራት ቁጥጥር ባለስልጣን አሳሰበ።

ባለስልጣን መ/ቤቱ ፤ " ኢንፎኔት ኮሌጅ " በአዲስ አበባ ከተማ አስተዳደር ውስጥ በቴ/ሙ ዘርፍ እውቅና ፍቃድ በማግኘት ስልጠና ሲሰጥ መቆየቱ ነገር ግን ኮሌጁ በባለስልጣኑ የእውቅና ፍቃድና እድሳት መመሪያ መሰረት ህጋዊ የቤት ኪራይ ውል ማቅረብ ባለመቻሉ ከ2013 ዓ.ም ጀምሮ #ፍቃድ_የሌለውና ፍቃዱም በባለስልጣን መ/ቤቱ #መሰረዙን ሚያዝያ 12/2014ዓ.ም በተፃፈ ደብዳቤ እንዳሳወቀው አመልክቷል።

" ኮሌጁ በቴክኒክና ሙያ ዘርፍ ስልጠና እየሰጠ አለመሆኑን " በቀን 11/11/2015 ዓ.ም በተፃፈው ደብዳቤ ቁጥር ኢንፎ/2910/15 ገልፀውልናል " ያለው መ/ቤቱ  ኮሌጁ ቀደም ሲል እውቅና ፍቃድ በነበረው ወቅት ያሰለጠናቸውን ሰልጣኞችን ሙሉ የትምህርት ማስረጃ እስከ ነሐሴ 17 / 2015 ዓ.ም ድረስ እንዲያስረክብ ቀነ ገደበ አስቀምጠናል ብሏል።

ኮሌጁ በተቀመጠው ጊዜ ይህን መፈፀም ካልቻለ በህግ ተጠያቂ እንደሚያደርገውም ባለስልጣን መ/ቤቱ አስጠንቅቋል።

@tikvahethiopia

#ExitExam

ከቀጣዩ አመት ጀምሮ በግል ከፍተኛ የትምህርት ተቋማት ላይ የሚተገበረው አስገዳጅ መመሪያ ምን ይላል ?

(የትምህርት እና ስልጠና ባለስልጣን)

" ከቀጣዩ ዓመት 2016 ዓ/ም ጀምሮ እያንዳንዱ የግል ከፍተኛ ትምህርት ተቋም ለመውጫ ፈተና ከሚያስቀምጣቸው ተማሪዎች በየትምህርት መስኩ ቢያንስ 25 በመቶዎቹ ማለፍ ይጠበቅባቸዋል።

የግል ተቋማቱ 25 በመቶ ተፈታኞቻቸውን ማሳለፍ ካልቻሉ የትምህርት ፕሮግራሙ #ይሰረዛል።

በተጨማሪም የትምህርት ተቋማቱ ለማስተማር የሚመዘግቧቸውን ተማሪዎች የማሳወቅ ግዴታ አለባቸው። "

NB. ዘንድሮ በተሰጠው የዩኒቨርሲቲ የመውጫ ፈተና ከግል ከፍተኛ የትምህርት ተቋማት የመውጫ ፈተናውን ከወሰዱ 72 ሺህ ተማሪዎች ውስጥ የማለፊያ ውጤት ያመጡት 12,422 ወይም 17.2 በመቶ ብቻ ናቸው።

Credit : #FBC

@tikvahethiopia

ኣክሱም ዩኒቨርሲቲ ተማሪዎቹ በኣካል ቀርበው እንዲመዘገቡ ጥሪ አደረገ።

ኣክሱም ዩኒቨርሲቲ በጦርነት ምከንያት ተቋርጦ የነበረው የመማር ማስተማር ስራውን ለማስቀጠል ሲያደርገው የነበረውን ዝግጅት ማጠናቀቁን አሳውቋል።

ዩኒቨርሲቲው ፦

- ሶስተኛ ዓመትና ከዚያ በላይ የነበሩ መደበኛ (Regular) የቅድመ-ምረቃ ተማሪዎች፣ ሁሉም የሕክምና ትምህርት ክፍል (Medicine department) ተማሪዎች እና ሁሉም መደበኛ የድህረ-ምረቃ ተማሪዎች ነሐሴ 2 እና 3 ቀን 2015 ዓ/ም ፤

- ሁሉም የክረምት(summer) ቅድመ-ምረቃና ድህረ-ምረቃ ተማሪዎች ነሐሴ 4 እና 5 ቀን 2015 ዓ/ም፤

- ሁሉም የኤክስቴንሽን (Extension) ቅድመ-ምረቃና ድህረ ምረቃ ተማሪዎች ነሐሴ 6 እና 7 ቀን 2015 ዓ/ም ፤

- 1ኛና 2ኛ ዓመት የነበሩ መደበኛ (Regular) የቅድመ ምረቃ ተማሪዎች መስከረም 10 እና 11 ቀን 2016 ዓ/ም፤

- በትግራይ ክልል ውስጥ ከሚገኙ ዩኒቨርሲቲዎች ውጪ ተመድበው የመሄድ ዕድል ያላገኙ ወይም ትምህርታቸውን ያቋረጡ ተማሪዎች ኣስፈላጊ የትምህርት ማስረጃዎቻቸውን በመያዝ ከላይ ከላይ በተገለፀው መሰረት በየተመደቡበት ግቢ በአካል በመገኘት እንዲመዘገቡ ጥሪ አቅርቧል።

ተማሪዎች ሪፖርት የሚያደርጉት የት ግቢ ነው ?

• ከሕብረተሰብ ሳይንስና ቋንቋዎች ኮሌጅ ተማሪዎች በስተቀር ሁሉም የዋና ግቢ ተማሪዎችና የዓድዋ ግቢ ተማሪዎች በኣክሱም ዩኒቨርሲቲ ዋናው ግቢ

• የጤና ሳይንስ ግቢ ተማሪዎችና ሁሉም መደበኛና ክረምት የሕብረተሰብ ሳይንስና ቋንቋዎች ኮሌጅ ተማሪዎች በኣክሱም ዩኒቨርሲቲ ጤና ሳይንስ ግቢ

• የኣከሱም ዩኒቨርሲቲ ሽረ ግቢ ተማሪዎች በሽረ ግቢ

@tikvahethiopia

መምህራኑ ወደ ተቋማቸው እንዲመለሱ ጥሪ ተደረገ።

በተለያዩ ዩኒቨርሲቲዎች በጊዜያዊነት ተመድበው የነበሩ የኣክሱም እንዲሁም የዓዲግራት ዩኒቨርሲቲ መምህራን ወደ ተቋማቸው እንዲመለሱ ጥሪ ተደርጓል።

አክሱም ዩኒቨርሲቲ ተቋርጦ የቆየውን ትምህርት ለመጀመር የሚያስችለውን የቅድመ ዝግጅት ሥራ ማጠናቀቁን ሐምሌ 20/2015 ዓ.ም ለትምህርት ሚኒስቴር በጻፈው ደብዳቤ አሳውቋል።

በመሆኑም በተለያዩ ዩኒቨርሲቲዎች በጊዜያዊነት ተመድበው የነበሩ የአክሱም ዩኒቨርሲቲ መምህራን የአገልግሎት ጊዜና የተከፈላቸውን ደመወዝ የሚገልጽ ክሊራንስ በመያዝ ከነሐሴ 10/2015 ዓ.ም በፊት ወደ አክሱም ዩኒቨርሲቲ በመመለስ ሪፖርት እንዲያደርጉ ትምህርት ሚኒስቴር አሳስቧል።

በተመሳሳይ የዓዲግራት ዩኒቨርሲቲ መምህራን ወደ ተቋማቸእ እንዲመለሱ ጥሪ ተደርጓል።

ዩኒቨርሲቲው ተቋርጦ የቆየውን ትምህርት ለመጀመር የሚያስችለውን የቅድመ ዝግጅት ሥራ ማጠናቀቁን ሐምሌ 20/2015 ዓ.ም ለትምህርት ሚኒስቴር በጻፈው ደብዳቤ አሳውቋል።

ትምህርት ሚኒስቴርም ፤ በተለያዩ ዩኒቨርሲቲዎች በጊዜያዊነት ተመድበው የነበሩ የዓዲግራት ዩኒቨርሲቲ መምህራን የአገልግሎት ጊዜና የተከፈላቸውን ደመወዝ የሚገልጽ ክሊራንስ በመያዝ ከነሐሴ 05/2015 ዓ.ም በፊት ወደ አክሱም ዩኒቨርሲቲ በመመለስ ሪፖርት እንዲያደርጉ አሳስቧል።

@tikvahuniversity

በትግራይ የኤጲስ ቆጶሳት ሲመት ዛሬም ቀጥሎ ተከናወነ።

የትግራይ ኦርቶዶክስ ተዋሕዶ ቤተ ክርስቲያን የመንበረ ሰላማ ከሳቴ ብርሃን ከፍተኛ ቤተ ክህነት የሚያከናውነው የጳጳሳት በዓለ ሲመት መቀጠሉ ተነግሯል።

ሃምሌ 9 /2015 ዓ.ም በኤጲስ ቆጶስነት የተሸሙት ሶስት አባቶች ሃምሌ 23 /2015 ዓ.ም በርእሰ አድባራት ወገዳማት አክሱም ጽዮን የጳጳስነት መአርግ አግኝተዋል። 

በዚሁ መሰረት ፦

1. መልአከ ገነት አባ ዘርአዳዊት ብርሃነ  የነበሩት ብፁዕ አቡነ ማርቆስ - ሊቀ ጳጳስ ዘሚኒሶታ ወዘኲሎን አድያሚሃ

2. መልአከ ፀሓይ አባ ዮሃንስ ከበደ የነበሩት ብፁዕ አቡነ ኤፍሬም -  ሊቀ ጳጳስ ዘአውሮፓ

3. መልአከ ፀሓይ አባ የማነብርሃን ወልደሳሙኤል የነበሩት ደግሞ ብፁዕ አቡነ ቄርሎስ በመባል - ሊቀ ጳጳስ ዘዳላስ ቴክሳስ ወዘኲሎን አድያሚሃ በመባል ተሹመዋል። 

ሃምሌ 15 እና 16  / 2015 ዓ.ም  በአክሱም ከተማ በተካሄደው የኤጲስ ቆጶሳት በአለ ሲመት በክልሉ የሚያገለግሉ 6 ጳጳሳት መሾማቸው የሚታወስ ሲሆን፤ የሃምሌ 23 /2015 ዓ.ም ጨምሮ የተሸሙት ጳጳሳት ቁጥር 9 ደርሰዋል።

የኢትዮጵያ ኦርቶዶክስ ተዋሕዶ ቤተክርስቲያን ቅዱስ ሲኖዶስ ፅ/ቤት ፤ በትግራይ ክልል በአክሱም  ርእሰ አድባራት ወገዳማት ጽዮን ማርያም ቤተ ክርስቲያን ሐምሌ 16/2015 ዓ/ም ኢቀኖናዊና ሕገወጥ ሢመተ ኤጲስ ቆጶሳት እንደተፈፀመ በመግለፅ ይህን አስመልክቶ ለመምከርና ለመወሰን አስቸኳይ የቅዱስ ሲኖዶስ ምልዓተ ጉባኤ ለሐምሌ 25 ቀን 2015 ዓ/ም መጠራቱ የሚታወስ ነው።

መረጃ በመቐለ የቲክቫህ ቤተሰብ አባል የተሰናዳ ነው።

@tikvahethiopia