#ETA

" ማንኛውም የግል ትምህርት ወይም ስልጠና ተቋም #የመምህርነት እና #የህግ ትምህርት ዘርፎችን ማስተማር አይችልም "

የኢ.ፌ.ዴ.ሪ. ትምህርትና ስልጠና ባለስልጣን ፤ ባዘጋጀው የከፍተኛ ትምህርትና የቴክኒክና ሙያ ሥልጠና ዘርፍ ፈቃድ አሰጣጥ ረቂቅ መመሪያ ላይ የግል ከፍተኛ ትምህርት ተቋማት ወይም የስልጠና ተቋማት በሁሉም መርሃ ግብሮች #የሕግ እና #የመምህርነት ትምህርት ዘርፎችን #አሁንም ማስተማር እንደማይችሉ ተገልጿል።

ከዚህ በፊትም የግል ከፍተኛ ትምህርት ተቋማት በሁሉም መርሃግብሮች የሕግ እንዲሁም የመምህርነት ትምህርት እንዳይሰጡ የተደረገ ሲሆን አሁንም በአዲሱ መመሪያ የሕግ እና የመምህርነት ትምህርት መስጠት አይችሉም ተብሏል።

ሌሎች በአዲሱ የከፍተኛ ትምህርትና የቴክኒክና ሙያ ሥልጠና ዘርፍ ፈቃድ አሰጣጥ #ረቂቅ መመሪያ ላይ ምን ተካቷል ?

- ማንኛውም ተቋም አዲስ ፕሮግራም ለመከፈት ወይም ነባሩን ፕሮግራም ለማስቀጠል የፍላጎት ዳሰሳ፣ የገበያ ጥናት እና ባለድርሻ አካላትን ያሳተፈ እውደ ጥናት ማካሄድ ይኖርበታል፡፡

- ለማንኛውም የከፍተኛ ትምህርት እና የቴክኒክና ሙያ ስልጠና ተቋማት የፕሮግራም ፈቃድ የሚሰጠው ባለስልጣኑ (የኢፌዴሪ ትምህርትና ስልጠና ባለስልጣን) የሚያወጣቸውን መስፈርቶች አሟልተው ሲገኙ ብቻ ይሆናል፡፡

- የመንግስት ከፍተኛ ትምህርት ተቋማት የሚከፍቷቸው ፕሮግራሞች ባለስልጣኑ (የኢፌዴሪ ትምህርትና ስልጠና ባለስልጣን) የሚያወጣቸውን የመመዘኛ መስፈርቶች ማሟላት ይኖርባቸዋል፡፡

- ለማንኛውም ተቋም የሚሰጥ ፈቃድ የሚያገለግለው በባለስልጣኑ (የኢፌዴሪ ትምህርትና ስልጠና ባለስልጣን) ተገምግሞ ለተፈቀደለት ካምፓስና የትምህርት መስክ ብቻ ይሆናል።

- ማንኛውም ተቋም የጤና የትምህርት መስኮችን መስጠት የሚችለው በመደበኛ መርሃ ግብር ብቻ ይሆናል፡፡

- ማንኛውም የከፍተኛ ትምህርት ተቋም በርቀት ትምህርት መርሃ ግብር ማስተማር የሚችለው ከድንበር ተሻጋሪ ወጪ በመጀመሪያ ዲግሪ ብቻ ይሆናል።

- ማንኛውም የግል ትምህርት ወይም ስልጠና ተቋም #የመምህርነት እና #የህግ ትምህርት ዘርፎችን ማስተማር አይችልም፡፡

- ማንኛውም የቴክኒክና ሙያ ስልጠና ተቋም የትኛውንም ስልጠና በርቀት መርሃ ግብር ለማሰልጠን የሚቀርብ የፈቃድ ጥያቄ የማይስተናግድ ይሆናል።

- ማንኛውም የከፍተኛ ትምህርት ተቋም #በህክምና_ዶክትሬት እና #በስፔሻሊቲ ትምህርት ፈቃድ ለማግኘት ተቋሙ #የህክምና_ሆስፒታል ሊኖረው ይገባል።

- በከፍተኛ ትምህርት ዘርፍ በተቋም ደረጃ የጸደቀ ስርዓተ ትምህርት የፈቃድ ጊዜው ሳያበቃ የስርዓተ ትምህርት ወይም የዲግሪ ስያሜ ለውጥ ካለባለስልጣኑ ፈቃድ ወጪ ማድረግ አይችልም።

- በሀገር ደረጃ በትምህርት ፖሊሲ ስርዓተ ትምህርቱ እስካልተቀየረ ድረስ በከፍተኛ ትምህርት ዘርፍ በተቋም ወይም በካምፓስ ደረጃ የጸደቀ ስርዓተ ትምህርት የፈቃድ/ፈቃድ እድሳት ጊዜው እስካላበቃ ድረስ በሌሎች ካምፓሶች መተግበር ወይም መጠቀም ይችላል።

- የከፍተኛ ትምህርት ተቋማት በበየነ መረብ ወይም በርቀት ትምህርት መርሃ-ግብር ፈቃድ ሲጠይቁ በባለስልጣኑ (የኢፌዴሪ ትምህርትና ስልጠና ባለስልጣን) ስርዓተ-ትምህርቱ ቀድሞ መገምገም እና ተገቢ ማስተካከያ ተደርጎ መፅደቅ ይኖርበታል።

- ማንኛውም የከፍተኛ ትምህርት ተቋም በብሎክ ኮርስ ትምህርት ለመስጠት ያለው አመቺነትና ተገቢነት እንዲሁም የትምህርት ጥራት ላይ የሚኖረውን ተፅህኖ ከግምት በማስገባት ስርዓተ ትምህርቱ ከጸደቀ በኃላ ሊተገብር ይችላል፡፡

ቲክቫህ ኢትዮጵያ መረጃውን ያገኘው ከትምህርትና ስልጠና ባለስልጣን መሪ አስፈፃሚ ሕይወት አሰፋ ነው።

@tikvahethiopia

የቀድሞ የኢትዮጵያ ሰራዊት የድጋፍና ልማት ማህበር ፤ ድጋፍ ይደረግለት ዘንድ ጥሪ አቀረበ።

ማህበሩ ለቲክቫህ በላከው ደብዳቤ ባለፉት ሶስት አመታት ከ300 በላይ በሆኑ ወረዳዎች የሚገኙ ከ330 ሺህ በላይ የቀድሞ ሰራዊር አባላት አጠቃላይ ወደ 1 ሚሊዮን የሚጠጉ የቀድሞ የኢትዮጵያ ሰራዊት አባላት፣ ቤተሰቦቻቸው እና ወዳጆቻቸውን በማቀፍ እና በማሰባሰብ በልማትና ድጋፍ ልየ ልዩ ተግባራት ስራ ላይ ተሰማርቶ እንደሚገኝ ገልጿል።

" ይህ በሀገሩ ባይተዋር ተደርጎ የነበረው የቀድሞ የኢትዮጵያ ሰራዊት በደረሰበት ፓለቲካዊ፣ ኢኮኖሚያዊና ማህበራዊ መገለል ምክንያት ከፍተኛ ችግሮች ውስጥ የሚገኝ የህብረተሰብ አካል ነው " ያለው ማህበሩ  ይህንን የቀድሞ ሰራዊት አባላትና ቤተሰቦቻቸውን ገፍቶ የነበረውን ሁኔታ በመለወጥ ሰራዊቱንና ቤተሰቦቹን ተጠቃሚነት ለማረጋገጥ በርካታ ተግባራትን እያከናወነ እንደሚገኝ አስረድቷል።

በኢኮኖሚ መስክ ጠንካራ የልማት ርብርብ ለማድረግ እንዲሁም አንገቱን ዝቅ አድርጎ የነበረውን የሀገር ባለውለታ ሠራዊት በልማቱ በሀገሩ ተሰማርቶ ለሚያከናነው ከፍተኛ አስተወፅኦ የልማት አጋር ለመሆን ድጋፍ እንዲደረግ ማህበሩ ይፋዊ ጥሪ አቅርቧል።

ድጋፉ በቀድሞ የኢትዮጵያ ሠራዊት የልማትእና የድጋፍ ማህበር ስም በተከፈተው የሂሳብ ቁጥር 1000552221102 (ኢትዮጵያ ንግድ ባንክ) በመጠቀም የሚደረግ ሲሆን ሁሉም ዜጋ የተቻለውን እንዳያደርግ ማህበሩ ጥሪውን አቅርቧል።

ዜጎች ለሚያደርጉት ድጋፍ ተጨማሪ ማብራሪያ በ 0921433163 እና 0911965296 በመደወል መጠይቅ ይቻሉ ሲል አሳውቋል።

@tikvahethiopia

#ExitExam

ዶ/ር ሳሙኤል ክፍሌ ምን አሉ ?

የትምህርት ሚኒስትር ዴኤታ ዶ/ር ሳሙኤል ክፍሌ ለመጀመሪያ ጊዜ የሚሰጠውን የመውጫ ፈተናን በተመለከተ ለፋና ቴሌቪዥን ዝርዝር ማብራሪያ ሰጥተዋል።

በማብራሪያቸው ምን አሉ ?

- የፈተናው አይነት " የምርጫ ጥያቄ " መሆኑን ገልፀዋል።

- የፈተናው ጥያቄ ብዛት በተመለከተ ጊዜው ሲደርስ እንደሚገለፅ፤ የጥየቄው ብዛት ግን ከ50 በላይ እንደሆነ ፤ በአብዛኛው ፕሮግራም 100 ጥያቄ እንደሚኖር አሳውቀዋል።

- በአብዛኛው ፕሮግራም 100 ጥያቄ ነው ፈተናው ፤ በተወሰኑ መስኮች ምርጫውን ለመሙላት ብዙ ሂሳብ ስለሚሰሩ የጥያቄ ቁጥሩ ከ100 ሊያንስ ይችላል።

- ተማሪዎች ፈተናውን እንደተፈተኑ ውጤታቸውን ወዲያው መላክ የሚያስችል ቴክኖሎጂ ቢሮርም የመጀመሪያ ቀን የተፈተኑ ተማሪዎች ውጤት ቢገለፅ ሌሎች ላይ ከሚያሳድረው ጫና አንፃር ወይም ፈተናው ቀለል / ከባድ ነው ብሎ እንዳይዘናጋ / እንዳይጨነቅ ወዲያው አይገለፅም። የፈተናው ውጤት የሚገለፀው የመጨረሻው ፈተና ከተሰጠ ከአንድ ቀን በኃላ ነው።

- ውጤት አልፏል ወድቋል ብቻ ሳይሆን ተማሪው ያመጣው ውጤት ይገለፃል።

- የጤና ተማሪዎች ፈተና ሰኔ 30 ይጀምራል እስከ ሐምሌ 8 ድረስ ይዘልቃል። የጤና ተማሪዎች ቀድመው የሚፈተኑበት ምክንያት ቀኑን ሙሉ ፈተናውን ስለሚወስዱ ነው። ጥዋት ላይ ከሙያቸው ጋር የተያያዘውን ይፈታናሉ ፤ ከሰዓት ላይ የመውጫውን ፈተና ይወስዳሉ / በተቃራኒው / ።

- ፈተናው በከፍተኛ ጥንቃቄ ነው የተዘጋጀው ፤ በውስን ኃላፊዎች ብቻ እንዲታወቅ ተደርጓል፤ ስለማይታተም፣ እጅም ስለሌለበት ደህንነቱ አያሰጋንም።

- ፈተናውን ከመስጫው ሰከንድ በፊት ማየት የሚችል ሰው አይኖርም። ፈተናው ካለቀበት ሰከንድ በኃላ መስራት የሚችል ሰው አይኖርም። ይህ በማዕከል ነው ቁጥጥር የሚደረገው።

- የማለፊያው ነጥብ 50 % እና በላይ ሲሆን ይህን ያላለፉ (ኮርስ ያልጨረሱ) ከ5 / ከ6 ወር በኃላ ጥር እና የካቲት ላይ የሚሰጠውን የመውጫ ፈተና መውሰድ ይችለሉ። በዚህም ከለተሳካ ከቀጣይ አመት ተፈታኞች ጋር መውሰድ ይቻላል። በዓመት ሁለት ጊዜ ለመስጠት ታቅዷል።

- አብዛኛው ተማሪ በመጀመሪያው ዙር ያልፋል የሚል እምነት እንዳላቸው ገልጸዋል፤ ካልሆነ ግን በሁለተኛው ዙር ተፈትኖ ያልፋል። ሁለቴ ተፈትኖ ማለፍ ያልቻለ እስከሚያልፍ / 50 % እና ከዚያ በላይ ማምጣቱ እስኪረጋገጥ ፈተናውን መውሰድ ይችላል።

- ፈተናው ተማሪዎች አልተሳካላቸውም ብሎ የማሸማቀቅ ዓለማ ስለሌለው እስኪያልፉ ድረስ መፈተን ይችላሉ።

- ምናልባት ያላለፉ ተማሪዎች ዳግም ፈተና ለመውሰድ መጀመሪያ ሲማሩበት ወደነበረበት ተቋም መሄድ አይጠበቅባቸውም ፤ ባሉበት አካባቢ ባሉ ተቋማት ፈተናውን እንደሚወስዱ የሚደረግበት ሁኔታ ይኖራል።

- ከ50 በመቶ በታች ያመጡ ተማሪዎች በምረቃ ፕሮግራም ላይ ይሳተፋሉ ? ትምህርት ሚኒስቴር የምረቃ ፕሮግራም በተመለከተ በፖሊሲው ላይ እንደማይፅፍ ገልፀዋል። ጉዳዩ የተቋማት ነው ብለዋል። ሚኒስቴሩ በፖሊሲ የሚያስገድደው ግን የመውጫ ፈተናው የስርዓተ ትምህርቱ አካል ስለሆነ ይህን ያላለፈ ዲግሪ/ጊዜያዊ ጭምር፣  ትራንስክሪብት አይሰጠውም። የምረቃ ፕሮግራም ከማዕከል አይመራም ይህ የተቋማቱ ጉዳይ ነው። እኛ የምንከታተለው ፈተናውን ሳያልፉ ዲግሪ እንዳይሰጣቸው ነው።

- የምረቃ ጉዳይ እና በዕለቱ በምረቃ ላይ የሚሳተፉ ተማሪዎች ጉዳይ የሴኔት ነው ትምህርት ሚኒስቴር አይመለከተውም። ነገር ግን የመውጫ ፈተናው እየተሰጠ/ ሳይሰጥ በፊት ምረቃ ማድረግ በፍፁም አይቻልም።

- የመውጫ ፈተና ያላለፈ ተማሪ በፍፁም ዲግሪ፣ ቴምፖራሪ ዲግሪ፣ ሰርተፊኬት እንደማይሰጠው አስገንዝበዋል።

@tikvahethiopia

ለፈጣሪ የመታዘዝ እና የጽኑ እምነት ምሳሌ ለሆነው ኢድ አል- አድሃ (አረፋ) በዓል ከወዲሁ እንኳን በሰላም አደረሰዎ እያልን እስከ 32% ቅናሽ ያደረግንበትን አስደሳች ልዩ የኢድ አል- አድሃ (አረፋ) የሞባይል ጥቅል አቅርበናል!

በቴሌብር ሱፐርአፕ፣ ማይ ኢትዮቴል መተግበሪያዎች ወይም *999#
የበዓሉን ጥቅል ይግዙ፤ ወዳጅ ዘመድዎን ይዘይሩ!

(ኢትዮ ቴሌኮም)

#እንዳትደናገጡ

ነገ የሚከበረውን የኢድ-አል አድሃ (አረፋ) በዓልን ምክንያት በማድረግ ነገ ማለዳ 9 ጊዜ መድፍ እንደሚተኮስ የመከላከያ ሚኒስቴር አስታውቋል።

@tikvahethiopia

ማሕበር ሕውነት ደቂ ሰብ ፤ በማሳደጊያው ውስጥ ያሉትን ከ60 በላይ ህፃናት እና ከድርጅቱ ውጪ የሚኖሩ በቀጥታ ድርጅቱ ድጋፍ ያደርግላችው የነበሩ ጧሪ የሌላቸውን ኣረጋውያን በሚገባቸው ልክ ሊደረስላቸው ስላልቻለ የእኛ የልጆቻቸውን ድጋፍ ጠይቋል።

ማሕበር ሕውነት ደቂ ሰብ ጥያቄውን ያቀረበው ለመላው የቲክቫህ ኢትዮጵያ ቤተሰቦችና ለቀድሞ የመቐለ ዩኒቨርሲቲ ተማሪዎች ባስተለለፈው መልዕክት ነው።

የቀድሞ የመቐለ ዩኒቨርሲቲ ተማሪዎች በመቐለ ቆይታቸው በማሕበር ሕውነት ደቂ ሰብ (Human Beings Assocations of Brothers Hood) በመመላለስ የተለያዩ ማህበራዊ ግልጋሎቶችን በመስጠት ከድርጅቱ ጎን በመቆም በብዙ ቤተሰባዊ ፍቅር መልካም ጊዜያትን ከድርጅቱ ጋር አሳልፈዋል።

አሁን ላይ ድርጅቱ በወቅታዊው ሀገራዊ ሁኔታ ምክንያት በድርጅቱ ማሳደጊያ ውስጥ ያሉ ከ60 በላይ ህፃናት እና ከድርጅቱ ውጪ የሚኖሩ በቀጥታ ድርጅቱ ድጋፍ ያደርግላችው የነበሩ ጧሪ የሌላቸውን ኣረጋውያን በሚገባቸው ልክ መደገፍ ስላልቻለ የቲክቫህ ቤተሰቦች እንዲሁም የቀድሞ የመቐለ ዩኒቨርሲቲ ተማሪዎች ድጋፍ እንዲደርጉ ጥሪ አቅርቧል።

ድጋፉ የገንዘብ እና የኣይነት መሆን ይችላል።

የገንዘብ ድጋፉን " #ሕጋዊ በሆነው " በድርጅቱ የንግድ ባንክ ኣካውንት (Human Beings Assocation of Brothers Hood 👉1000016160664 በኩል ማድረግ ይቻላል።

የኣይነት ድጋፉን በቲክቫህ ኢትዮጵያ በኩል ማድረስ ይቻላል።

የቲክቫህ ኢትዮጵያ ቤተሰብ አባላት ከዓመታት በፊት በፀረ ጥላቻ ንግግር ዘመቻ የሰላም ጉዞ ወቅት ማሕበር ሕውነት ደቂ ሰብን ጎብኝተው ድርጅቱ ከሚያሳድጋቸው ልጆችም ጋር ጊዜ አሳልፈው ነበር።

ይህ መልዕክት የሚደርሳችሁ የቀድሞ የመቐለ ዩኒቨርሲቲ ተማሪዎች መልዕክቱን ለሌሎች እንድታጋሩና በምትችሉት አቅም ድጋፋችሁን እንድታደርጉ እንጠይቃለን።

@tikvahethiopia

#MoE

ምንም እንኳን የተመራቂ ተማሪዎች " የመውጫ ፈተና " ሊሰጥ እጅግ አጭር ጊዜ የቀረው ቢሆንም እስካሁን ድረስ ፦
- ለተማሪዎቻቸው በቂ መረጃ  ያላደረሱ፣
- የትና መቼ እንደሚፈተኑ ያላሳወቁ፣
- ተማሪዎቻቸው ከሚፈተኑባቸው የመንግስት ተቋማት ሥራ ኃላፊዎች ጋር ያልተወያዩ አንዳንድ የግል ከፍተኛ የትምህርት ተቋማት መኖራቸውን እንደደረሰበት ትምህርት ሚኒስቴር አሳውቋል።

ሚኒስቴሩ ይህን ያሳወቀው ፤ ለግል ከፍተኛ ትምህርት ተቋማት ባለቤቶችና አመራሮች ባሰራጨው አስቸኳይ መልዕክት ነው።

የመጀመሪያ ድግሪ የመውጫ ፈተና ከሐምሌ 3 ቀን 2015 ዓ.ም ጀምሮ ለመስጠት ዝግጅት መደረጉን ያስታወሰው ትምህርት ሚኒስቴር ፤ አንዳንድ ተቋማት እስካሁን ለተማሪዎቻቸው በቂ መረጃ  ያላደረሱ፣ የትና መቼ እንደሚፈተኑ ያላሳወቁ፣ ተማሪዎቻቸው ከሚፈተኑባቸው የመንግስት ተቋማት ሥራ ኃላፊዎች ጋር ያልተወያዩ...ወዘተ ጉድለት እንዳለባቸው ባደረገው ክትትል እንዳወቀ ገልጿል።

እነኚህ ክፍተቶች በአጭር ጊዜ እንዲታረሙ ያሳሰበው ትምህርት ሚኒስቴር ፤ " ተማሪዎች መረጃ ባለማግኘት ለሚደርስባቸው እንግልትና ለሚከሰተው ችግር ኃላፊነቱ የተቋማቱ ነው " ሲል አስገንዝቧል።

ሚኒስቴሩ ጉድለት እንዳለባቸው በክትትል የደረሰባቸውን የግል ከፍተኛ ትምህርት ተቋማት በስም አልጠቀሰም።

ተቋማቱ ለማንኛውም ድጋፍና ማብራሪያ ጡሪ ጭምዴሳ - 0911780497 ፣ ታምራት ከበደ - 0913566717 ፣ ብሩክ አሰፋ - 0913307730 ፣ አዲስ አለማየሁ- 0913715772 ፣ ፈሲል ፀጋዬ - 0911335683 የተባሉ ባለሙያዎችና ኃላፊዎች ማግኘት እንደሚችሉ ተገልጿል።

@tikvahethiopia