ብፁዕ አቡነ ዮሐንስ አረፉ።

የኢትዮጵያ ኦርቶዶክስ ተዋሕዶ ቤተክርስቲያን ብፁዕ አቡነ ዮሐንስ በዛሬው ዕለት ማረፋቸውን አሳውቀች።

ብፁዕነታቸው በኢትዮጵያ ኦርቶዶክስ ተዋሕዶ ቤተ ክርስቲያን የመቐለ ፍሬምናጦስ አባ ሰላማ ከሳቴ ብርሃን መንፈሳዊ ኮሌጅ የበላይ ኃላፊ ነበሩ።

#EOTC

@tikvahethiopia

#ትኩረት

በሐመር ወረዳ በአየር መዛባት ምክንያት በተከሰተ የዝናብ እጥረት የተነሳ ድርቅ በሰው እና በእንስሳት ላይ የከፋ ጉዳት እያደረሰ በመሆኑ ልዩ ትኩረት ሊደረግበት ይገባል።

በደቡብ ኦሞ ዞን ስር በምትገኘው ሐመር ወረዳ እንደ ሶማሌ እና እንደ ቦረና ሁሉ ለወረዳው ለአርብቶ አደሮች ጊዜው ከፍቷል ተብሏል።

በአየር መዛባት ምክንያት በተከሰተዉ የዝናብ እጥረት የአርብቶ አደሩ የኑሮ መሠረት የሆኑት የቀንድ ከብቶቹ በየጫካና ጥሻዎቹ ውስጥ በተኙበት እየሞቱ ይገኛሉ።

አሁን ላይ በሐመር ድርቁ ዕለት በዕለት የአርብቶ አደሩ መተዳደሪያ የሆኑ የቁም እንስሳትን በከፍተኛ ሁኔታ እየጨረሰ ነው።

ውኃ የለም፤ ሣር የለም። አርብቶ አደሩ የእንስሳት ተዋጽዖ በመመገብ ነው የሚኖረው። ዝናብ የለም በዚህ ምክንያት ብዙ ከብቶች እየሞቱ ነው።

ሰውም በጣም በከፍተኛ ሁኔታ በረሐብ እየተሰቃየ መሆኑን ከወረዳው የተገኘው መረጃ ያመለክታል።

በወረዳው ለተከታታይ አራት ዓመት እና በላይ በቂ ዝናብ ባለመጣሉ ነው ድርቁ በከፍተኛ ኹኔታ የተፈጠረው ተብሏል።

የእንስሳት መኖ አለመኖሩ ትልቅ ተጽዕኖ እያሳደረ ሲሆን በየትኛውም አማራጭ ውኃ ማግኘት ወደማይቻልበት ሁኔታ ተደርሷል።

ለ4 አመታትና በላይ በቂ ዝናብ ባለመዝነቡ እንስሳቱ የሚግጡት ሳር ጠፍቷል።

ወንዞች በመድረቃቸው በርካታ ቁጥር ያላቸው የቀንድ ከብቶች ለሰው ልጅ የመጠጥ ውሃ የተቆፈሩ የጉድጓድ ውሃዎችን ፖምፕ እየተደረጉ ለማጠጣት ቢሞከርም ከአቅም በላይ ሆኗል።

የከርሰምድር ውሃ እየሸሸ መሄዱና የፓምፖች ብልሽት እየተከሰተ በመሆኑ በሰው ላይ ከዚህ የከፋ ችግር ከመከሰቱ በፊት መንግስትና አጋር ድርጅቶች እንዲሁም የሚመለከታቸው ባለድርሻ አካላት አስፈላጊውን እገዛ እንዲያደርጉ ጥሪ ቀርቧል።

#ሐመር_ወረዳ

@tikvahethiopia

በሐመር እንዲህ እየሆነ ነው ...

የሐመር ወርዳ የግብርና ጽ/ቤት ም/ኃላፊና የእርሻ ዘርፍ ኃላፊ የሆኑት አቶ ግርማ ሼላ የተናገሩት ፦

" የአርብቶ አደሩን የምግብ ዋስትና በተወሰነ ደረጃ ለመቅረፍ በወረዳ ደረጃ የወይጦ ወንዝን በመተማመን ሠፊ ጥረቶች ተደርገው በኤርቦሬ ጓንዶሮባ፣ ጨርቀቃና ዘገርማ በርካታ የጓሮ አትክልቶችን እንደሙዝና የመሳሰሉትን ተተክለው ፍሬ በመስጠት ላይ ነበሩ።

ነገር ግን የወይጦ ወንዝ ሙሉ በሙሉ #በመድረቁ ምርት ሊሰጡ የደረሱ ሙዞችና በአስሌ ሬቦ መንደር በዘር ተሸፍኖ የበቀለው የቆላ ስንዴ ሙሉ በሙሉ ወድሟል።

በሕይወት የቀሩ የቤት እንስሳት ሰውነታቸው አልቆ አጥንታቸው ቆዳቸውን እየገፋ ነው።

በየጥሻው የቀሩ የቤት እንስሳት የሐመር አርብቶ አደር የኑሮ መሠረት ነበሩ።

ውኃ የጠማቸው፣ መኖ የቸገራቸው የቀንድ ከብቶች በኦሞ ሸለቆ ለሚኖረው አርብቶ አደር ብቸኛ ጥሪት ናቸው።

በድርቁ ሰለባ የሆኑት አርብቶ አደሮች መንግስት እንስሳቱን የሚታደግ እርዳታ እንዲያቀርብላቸውና ቀሪዎቹ እንስሳት ተርፈውልን እኛም ከእነሱ የሆነ ነገር እያገኘን ራሳችንን የምናተርፍበት ሁኔታ ቢፈጠር ሲሉ ጥሪ አቅርበዋል።

አርብቶ አደሮቹ ለእንስሳት ሣርና ግጦሽ ማግኘት አይችሉም። ይኸንን መነሻ አድርገው መኖ የሚቀርብበት መንገድ እዲመቻችላቸው፤ ውኃ እንዲደርስላቸው ጠይቀዋል። እንስሳት ቢሞቱ እንኳን የሰው ልጅ ውኃ የሚያገኝበት ሁኔታ ቢመቻችልን በማለት አቤቱታቸውን ለመንግስት አቅርበዋል። "

ከሐመር ወረዳ ኮሚኒኬሽን ያገኘነው።

@tikvahethiopia

#ቲክቶክ

ካናዳ ከዛሬ ጀምሮ መንግሥት በገዛው ‘ኤሌክትሮኒክስ’ ቁሳቁስ #ቲክቶክ መጠቀም ክልል መሆኑን አሳውቃለች።

በዚህ ሳምንት መንግሥት ገዝቶ ለሠራተኞች ካደላቸው ተንቀሳቃሽ ስልኮች ውስጥ ቲክቶክ ይጠፋል።

ጠቅላይ ሚኒስትር ጀስቲን ትሩዶ፤ መተግበሪያው ለመረጃ ደኅንነት አስጊ እንደሆነ ጠቋሚ ፍንጮች ስላሉ ነው ውሳኔው የተላለፈው ብለዋል።

የቲክቶክ ቃለ አቀባይ በካናዳ መንግሥት ውሳኔ ኩባንያው እንደተከፋ ገልጠዋል።

ቲክቶክ ይህን ውሳኔ ተከትሎ ባወጣው መግለጫ የካናዳ መንግሥት ኩባንያውን ሳያማክር አሊያም በቂ ማስረጃ ሳይኖረው ይህን ማድረጉ አሳዛኝ መሆኑን ገልጧል።

* የአውሮፓ ኮሚሽን

ከቀናት በፊት የአውሮፓ ኮሚሽን ተመሳሳይ ውሳኔ አሳልፏል። የአውሮፓ ሕብረት ኮሚሽን ሠራተኞች ከመጋቢት 15 ጀምሮ ቲክቶክን በኮሚሽኑ ንብረት መጠቀም አይችሉም ሲል ነው ውሳኔ ያሳለፈው።

* አሜሪካ

ባለፈው የፈረጆቹ ዓመት የአሜሪካ የፌዴራሉ መንግሥት ሠራተኞች ቲክቶክን እንዳይጠቀሙ ተከልክለዋል።

ትላንት ዋይት ሐውስ የመንግሥት መ/ቤቶች በሚቀጥሉት 30 ቀናት ከኤሌክትሮኒክስ መሣሪያዎቻቸው ቲክቶክን #እንዲያስወግዱ ትዕዛዝ ሰጥቷል።

በርካታ የአሜሪካ ዩኒቨርሲቲዎች መተግበሪያውን ከኔትዎርኮቻቸው ላይ አስወግደውታል።

* ሕንድ

ሕንድን ጨምሮ በሌሎች የእስያ ሃገራት የመንግሥት መሥሪያ ቤቶች በቲክቶክ ላይ ተመሳሳይ እርምጃ እየወሰዱ ነው።

#ቲክቶክ

ቲክቶክ ባይትዳንስ የተሰኘው ኩባንያ ንብረት ነው።

መተግበሪያው ግላዊ መረጃን በመበዝበዝ ከፍተኛ ወቀሳ የሚደርስበት ሲሆን ከቻይና መንግሥት ጋር ግንኙነት አለው በሚልም ስሙ ይነሳል።

ኩባንያው የቻይና መንግሥት መረጃውን እንደማያገኝበትና ቻይና ያለው ቲክቶክ ከሌላው ዓለም ፈፅሞ የተለየ መሆኑን ደጋግሞ አሳውቋል።

#ቢቢሲ

@tikvahethiopia

" 100 ሚሊዮን ብር ለግሻለሁ " - የኦሮሚያ ኅብረት ሥራ ባንክ

የኦሮሚያ ኅብረት ሥራ ባንክ ለቲክቫህ ኢትዮጵያ በላከው መልዕክት ለድርቅ ተጋላጭ ለሆኑ የቦረና ወገኖቻችን 100 ሚሊየን ብር መለገሱን አሳውቋል።

ባንኩ በላከው መልዕክት ፤ ከሠራተኞቹ ጋር በመሆን የማህበረሰብ ተቆርቋሪነት እሴቱን እየኖረ እንደሆነ ማሳየቱን መቀጠሉን ገልጿል።

@tikvahethiopia

" መምህራን ከ20 ወራት በላይ የያለደሞዝ መቆየታቸው ኑሯቸውን ከባድ አድርጎታል " - አመማ

የኢትዮጵያ መምህራን ማህበር ከትግራይ ክልል መምህራን ማህበር ጋር በመቐለ ወይይት ማድረጉን አሳውቋል።

ዶክተር ዮሐንስ በንቲን ጨምሮ ሁለት  የኢትዮጵያ መምህራን ማህበር ስራ አስፈፃሚዎች ወደ መቐለ በማምራት ከክልሉ መምህራን ማህበር አመራሮች ጋር ዉይይት እንዳደረጉ ማህበሩ ገልጿል።

የውይይቱ ዋና አላማ በአካባቢው ተፈጥሮ በነበረው ጦርነት ምክንያት ላለፉት ሁለት አመታት ተቋርጦ የነበረውን ግንኙነት ለማስቀጠልና አጋርነታቸውን ለመግለፅ ነው ተብሏል።

ማህበሩ በውይይቱ ወቅት ባጋጠመው ጦርነት ምክንያት ዘርፈ ብዙ ችግሮች መፈጠራቸውን መረዳት እንደተቻለ ገልጿል።

በተለይም ደግሞ መምህራን ከ20 ወራት በላይ የያለደሞዝ መቆየታቸው ኑሯቸውን ከባድ አድርጎታል ብሏል።
       
የክልሉ የማህበር አመራሮች ኢመማ በዚህ በአስቸጋሪ ወቅት አጋርነቱን ለማሳየት በመምጣቱ ልዩ ትርጉም እንደሚሰጡት መግለፃቸውንና ችግሩ በተፈጠረበት ወቅት ከክልሉ ተፈናቅለው አዲስ አበባ ለመጡ ከ30 በላይ መምህራን የአቅሙን ድጋፍ ማድረጉን እንዳመሰገኑ ተገልጿል።

ከምንም በላይ ደግሞ በክልሉ የነበረው ችግር በጠመንጃ ሳይሆን በጠረጴዛ ዙሪያ እንዲፈታ ማህበሩ አቋሙን በተለያዩ ሚድያዎች በሰጠው መግለጫ በማሳወቁ መደሰታቸውን አስታውሰው በተግባር የታየውም ይሄው በመሆኑ " ክብር ተሰምቶናል " ማለታቸውን ከኢትዮጵያ መምህራን ማህበር ይፋዊ የማህበራዊ ገፅ የተገኘው መረጃ ያመለክታል።

@tikvahethiopia

#DigitalLottery

የብሔራዊ ሎተሪ አስተዳደር ከኢትዮ ቴሌኮም ጋር በመሆን የሚያዘጋጀው የአድማስ ዲጂታል ሎተሪ ሽልማት ማደጉን አስታወቀ።

3 ብር የነበረው የአንድ ዕጣ ቁጥር ዋጋ 5 ብር ማደረጉም ተመላክቷል።

በ1ኛ ዕጣ 1,500,000 ብር ያሸልም የነበረው የአድማስ ዲጂታል ሎተሪ የ1ኛው ዕጣ ወደ 3,000,000 ብር መደጉ 2ኛው ዕጣ ደግሞ 1,200,000 ብር፣ 3ኛ ዕጣ 800,000 ብር መደረጉ ተመላክቷል።


አዲሱ የአድማስ ዲጂታል ሎተሪ ዕጣ ድልድል ዝርዝር የሚከተለው ነው ፦

1ኛ ዕጣ 👉 3,000,000
2ኛ ዕጣ 👉 1,200,000
3ኛ ዕጣ 👉 800,000
4ኛ ዕጣ 👉 400,000
5ኛ እጣ 👉 250,000
6ኛ ዕጣ 👉 150,000
7ኛ ዕጣ 👉 100,000
8ኛ እጣ 👉 50,000
9ኛ እጣ 👉 30,000
10ኛ እጣ 👉 25,000

በሌላ በኩል ፤ ሎተሪ አስተዳደሩ የ008- መደብ ሽያጭ ዛሬ የካቲት 21 ቀን 2015 ከለሊቱ 6 ሰዓት እንደሚያበቀ የገለፀ ሲሆን ከዚህ ሰዓት ጀምሮ የቀጣይ ወር ዕጣ ይጀመራል ብሏል።

የ008- መደብ ዕጣ የካቲት 23 ቀን 2015 በህዝብ ፊት ይወጣል ሲልም አሳውቋል።

አዲሱ የዕጣ ድልድል የሚጀምረው ከቀጣይ ወር / ከየካቲት 21 ቀን 2015 ከለሊቱ 6ሰዓት ላይ ከሚጀምረው ዕጣ ይሆናል ተብሏል።

@tikvahethiopia