የእነ አባ ሳዊሮስ እግድ ተነሳ።

የካቲት 3 ቀን 2015 ዓ.ም የኢትዮጵያ ኦርቶዶክስ ተዋህዶ ቤተክርስቲያንን ጉዳይ ሚከታተለው የፌደራል ከፍተኛ ፍርድ ቤት ሁለተኛ መሠረታዊ መብቶች እና ነጻነቶች ምድብ ችሎት በሕገ ወጥ መንገድ በተፈጸመው ሹመት ላይ የተሳተፉት ግለሰቦች ላይ እግድ ማስተላለፉ ይታወሳል።

በቅርቡ የተፈጸመውን ዕርቅ ተከትሎ ፦

- የአባ ሳዊሮስ፣
- የአባ ኤዎስጣቴዎስ
- የአባ ዜና ማርቆስ #ዕግድ_መነሳቱን የቤተክርስቲያና መገናኛ ብዙሃን ዘግበዋል።

ቀሪዎቹ 26 ግለሰቦች በኢትዮጵያ ኦርቶዶክስ ተዋሕዶ ቤተ ክርስቲያን ቅጽር ግቢ ውስጥ እንዳይገቡ የተጣለው ዕግድ እንዲቀጥል ፍርድ ቤቱ መወሰኑ ተገልጿል።

#ተሚማ

@tikvahethiopia

ባሰራጨው ፎቶ ይቅርታ የጠየቀው ቢሮ !

የትግራይ ኮሚኒኬሽን ከዓድዋ በዓል ጋር  በተያያዘ በይፋዊ የፌስቡክ ገፁ ባሰራጨው ምስል ይቅርታ ጠየቀ።

ቢሮው የዘንድሮውን በዓል በተመለከተ በአዲስ አበባ የሚገኘው የ " አፄ ሚኒሊክ " ሃውልት ፎቶ ከሌሎች ሁለት ፎቶዎች ጋር " የዓድዋ ድል የፅንአት እና የነፃነት ምልክት ነው " በሚል   አጋርቶ ነበር (ከላይ ይመልክቱ) ።

ቢሮው ይህን ፎቶ ካጋራ በኃላ በጥቂት ደቂቃዎች በርከታ አስተያየቶች ሊሰጡ ችለዋል።

ብዙም ሳይቆይ ቢሮው በፌስቡክ ገፁ የ " አፄ ሚኒልክ " ሃውልት ያለበትን ፎቶ ጨምሮ ሌሎች አብረው የነበሩ ፎቶዎችን አውርዷቸዋል።

ከደቂቃዎች በኃላ የኮሚኒኬሽን ቢሮው እንደ አዲስ በተመሳሳይ መልዕክት የራስ አሉላ አባነጋ ፎቶ ያለበትን መልዕክት አስራጭቷል።

ቢሮው ቀደም ብሎ ባሰራጨው መልዕክት " ይቅርታ " ጠይቆ ከዓድዋ በዓል ጋር በተያያዘ ከዚህ ቀደም የተለጠፈውን ፎቶ ያስተካክላችሁን ሁሉ እናመሰግናለን። " ብሏል።

አፄ ሚኒሊክ ኢትዮጵያ ጣልያንን ድል ባደረገችበት የዓድዋ ድል ወቅት የኢትዮጵያ ንጉስ / መሪ እንደነበሩ ይታወቃል።

@tikvahethiopia

" ይቅርታ ይጠይቅ "

የኦሮሚያ ክልላዊ መንግስት " ቢቢሲ አማርኛ " አገልግሎት ይቅርታ ይጠይቅ እርምትም ያድርግ አለ።

የክልሉ መንግሥት በኮሚኒኬሽን ቢሮው በኩል ዛሬ ባሰራጨው መልዕክት ነው ይህንን ያለው።

" መረጃን ማጥራት የጋዜጠኝነት ሙያ 'ሀ ሁ' ነው። " ያለው የኦሮሚያ ኮሚኒኬሽን " BBC አማርኛ የተሰኘ ድረገፅ በቦረና የተከሰተውን ድርቅ አስመልክቶ በድረገፁ  ያሰራጨው መረጃ ፍፁም ስህተት ነው። " ብሏል።

" በድርቅ ምክንያት #በተልተሌ_ወረዳም ሆነ በቦረና ዞን በአጠቃላይ ያለፈ የሰው ህይወት የለም " ያለው ቢሮው " ድረ ገፁ ዘገባውን እውነት ለማስመሰል አቶ ዴንጌ ዋሪዮ የሚባል ገፀ ባህሪ በመፍጠር የተልተሌ ወረዳ አስተዳዳሪ አድርጎ መሰየሙ ከአንድ ሃላፊነት ከሚሰማው ሚዲያ የሚጠበቅ ባህሪ አይደለም " ሲል ገልጿል።

የኦሮሚያ ክልል ፤ ትክክለኛው የተልተሌ ወረዳ አስተዳዳሪ ኣብ ዱባ ኮንሶ የሚባሉ እንደሆነ ገልጾ " ድረ ገፁ እንደ መረጃ ምንጭነት የተጠቀመው አካል ትክክለኛ አለመሆኑን ያመለክታል " ብሏል።

የኦሮሚያ ክልል መንግሥት ኮሚኒኬሽን " ድረ ገፁ አንባቢዎቹን ይቅርታ በመጠየቅ አስፈላጊውን እርምት እንድያደርግ እንጠይቃለን " ብሏል።

ከቦረና ዞን ድርቅ ጋር በተያያዘ ከቢቢሲ በተጨማሪ የጀርመን ሬድዮ ጣቢያ የሰው ህይወት ማለፍ መጀመሩን ነዋሪዎችን ዋቢ አድርጎ መዘገቡ ይታወሳል።

ከቢቢሲ አማርኛ አገልግሎት ዘገባ፦https://t.iss.one/tikvahethiopia/76633

ከጀርመን ሬድዮ ዘገባ ፦ https://t.iss.one/tikvahethiopia/76589

@tikvahethiopia

#ቱርክ

ቱርክ በመሬት መንቀጥቀጥ ምክንያት ቤት አልባ ለሆኑ 1 ነጥብ 5 ሚሊዮን ዘጎቿ ቤት መስራት መጀመሯ ተሰምቷል።

የሀገሪቱ መንግስት በደረሰው ከባድ የመሬት መንቀጥቀጥ የወደሙ የመኖሪያ ቤቶችን መልሶ የመገንባት ስራ መጀመሩን ገልጿል።

በመሬት መንቀጥቀጡ 520 ሽህ አፓርትመንቶችን የያዙ ከ160 ሽህ በላይ ህንጻዎች ፈርሰዋል ወይም ከባድ ጉዳት ደርሶባቸዋል ተብሏል።

ፕሬዝዳንት ሬሲጵ ጣይብ ኤርዶጋን በአንድ ዓመት ጊዜ ውስጥ ቤቶችን ለመገንባት ቃል ገብተዋል።

ስማቸው እንዳይጠቀስ የፈለጉ አንድ ባለስልጣን ለሮይተርስ በሰጡት ቃል ፤ " ለበርካታ ፕሮጀክቶች ጨረታዎች እና ኮንትራቶች ተከናውነዋል። ሂደቱ በጣም በፍጥነት እየሄደ ነው " ብለዋል።

በደህንነት ላይ ምንም አይነት ድርድር አይኖርም ሲሉም ተናግረዋል።

የቱርክ መንግስት የመጀመሪያ እቅድ 200 ሽህ አፓርትመንቶች እና 70 ሽህ ቤቶችን ቢያንስ በ15 ቢሊየን ዶላር መገንባት ነው ተብሏል። 

የአሜሪካው ባንክ ጄፒ ሞርገን አንካራ ቤቶችን መልሶ ለመገንባትና ለመሰረተ ልማት 25 ቢሊዮን ዶላር እንደምታወጣ ገምቷል። 

ምንጭ፦ አል ዓይን ኒውስ / ሮይተርስ

@tikvahethiopia

#አሜሪካ

አሜሪካ ያለ አንዳች ፍርድ ለ20 ዓመታት በ " ጓንታናሞ ቤይ " በሚገኘው እስር ቤት አስራ የቆየቻቸውን ሁለት ፓኪስታናውያን ወንድማማቾችን ከእስር ስለመልቀቋ ተነግሯል።

ጓንታናሞ ቤይ ውስጥ በሚገኘው የአሜሪካ ወታደራዊ እርስ ቤት ውስጥ ለ20 ዓመታት ያህል ታስረው የቆዩት ሁለቱ ፓኪስታናውያን ወንድማማቾች ምንም ክስ ሳይቀርብባቸው ነው የተለቀቁት።

አብዱል እና ሞሐመድ አህመድ ራባኒ ፓኪስታን " ካራቺ " ውስጥ ተይዘው ከአገራቸው የተወሰዱት በአውሮፓውያኑ በ2002 ነበር።

የአሜሪካ መከላከያ መ/ቤት አብዱል ራባኒ የተባለው ግለሰብ የ " አልቃኢዳን የመደበቂያ ቤት ያስተዳድራል " እንዲሁም ወንድሙ " የቡድኑ መሪዎችን ጉዞ እና ገንዘብን ይመራል " ብሎ ነበር።

ወንድማማቾቹ ወደ ጓንታናሞ ከመሸጋገራቸው በፊት ከአገራቸው ውጪ በሲአይኤ (CIA) መኮንኖች #ማሰቃየት እንደተፈጸመባቸው ገልጸዋል።

ሁለቱ ፓኪስታናውያን ከአስፈሪው ወታደራዊው እስር ቤት ከተለቀቁ በኋላ ወደ አገራቸው እንዲመለሱ ተደርጓል ተብሏል።

ጓንታናሞ ኩባ ውስጥ የሚገኝ ሲሆን የአሜሪካ ባሕር ኃይል ሰፈር ከመስከረም 11 የሽብር ጥቃት በኋላ ተጠርጣሪዎችን ለማቆያነት በቀድሞ ፕሬዝዳንት ጆርጅ ቡሽ የተቋቋመው ነው።

ካምፑ ባለፉት ሁለት አስርት ዓመታት አሜሪካ ካካሄደችው " ፀረ ሽብር ጦርነት " ጋር በያያዘ ከተፈጸሙ መጥፎ ድርጊቶች ጋር ስሙ ይነሳል።

በተለይ ተጠርጣሪዎች በምርመራ ጊዜ #ከባድ_ሰቆቃ እንደተፈጸመባቸው እና ያለፍርድ ለረጅም ጊዜ በእስር እንዲቆዩ መደረጋቸው ይነገራል።

ከ20 ዓመት በፊት በጓንታናሞ ውስጥ 680 አስረኞች የነበሩት ሲሆን፣ በአሁኑ ወቅት ግን 32 እስረኞች ብቻ የሚገኙበታል።

#BBC

@tikvahethiopia

#MoE

የትምህርት ሚኒስቴር በሀገር አቀፍ ፈተና ከፍተኛ ውጤት ላመጡ ተማሪዎች እና ት/ቤቶች እውቅናና ሽልማት ሊሰጥ ነው።

ሚኒስቴሩ በ2014 ዓ/ም በሀገር አቀፍ ፈተና ከፍተኛ ውጤት ላስመዘገቡ ተማሪዎች እና ትምህርት ቤቶች ሀገር አቀፍ እውቅናና ሽልማት እንደሚሰጥ አሳውቋል።

የእውቅናና ሽልማት ፕሮግራሙ የፊታችን የካቲት 21 ቀን 2015 ዓ/ም እንደሚካሄድ ነው ሚኒስቴሩ የገለፀው።

@tikvahethiopia

ወደ ትግራይ የየብስ ትራንስፖርት ጀምሯል ?

ከሳምንታት በፊት ወደ ትግራይ ክልል የየብስ ሃገር አቋራጭ ትራንስፖርት በቅርቡ ይጀመራል ተብሎ ቢነገረም እስካሁን #አልተጀመረም።

በትግራይ ከሰላም ስምምነቱ በኃላ የስልክ፣ የባንክ ፣ የአየር ትራንስፖርት አገልግሎት ቢጀመርም እስካሁ ድረስ የየብስ ትራንስፖርት አለመጀመሩ ተገልጿል።

የትግራይ ክልል መንገድ እና ትራንስፖርት ቢሮ ፤ የመንገድ / የየብስ ትራንስፖርት እስካሁን ባለመጀመሩ ህብረተሰቡ ላይ ከባድ የሆነ ማህበራዊ እና ኢኮኖሚያዊ ችግር እየደረሰ ነው ብሏል።

የየብስ ትራንስፖርት አለመጀመሩ በርከታ ነዋሪዎች የሚጠቀሙበትን የየብስ ትራንስፖርት እንዳይጠቀሙ እንዳደረጋቸው እንዲሁም እንቅስቃሴ እንዳያደርጉ እንደገደባቸው ተመልክቷል።

ካለው የኢኮኖሚ ሁኔታ አንፃር አብዛኛው የክልሉ ነዋሪዎች በአየር ትራንስፖርት ለመጠቀም እንደማይችሉ ተገልጿል።

ቢሮው ክልሉ የየብስ ትራንስፖርት ለማጀመር የሚያስችል ሙሉ ዝግጅት ማድረጉን የገለፀ ሲሆን ከትራንስፖርት ሚኒስቴር ጋር በመነጋገር የሀገር አቋራጭ ትራንስፖርት እንዲጀመር ጥረት እየተደረገ መሆኑን አሳውቋል።

" ትራንስፖርት የማስጀመር ድርሻው የፌዴራል በመሆኑ እሱን እየጠበቅን ነው " ሲል አክሏል።

ከሳምንታት በፊት የትራንስፖርትና ሎጅስቲክስ ሚኒስቴር ከአዲስ አበባ ወደ ትግራይ ክልል የየብስ ትራንስፖርት ለማስጀመር ለማኅበራት መመሪያ ማስተላለፉን እና በሰላም ሚኒስትሩ የሚመራው የሚኒስትሮች ኮሚቴ እንደፈቀደ አገልግሎቱ እንደሚጀመር ማሳውቁ አይዘነጋም።

በሌላ በኩል ፤ በጦርነት ምክንያት " ሰላም ባስ " ለሁለት ዓመታት አቋርጦት የነበረውን ከመቐለ ወደ ሽረ አገልግሎት መጀመሩን የትግራይ ቴሌቪዥን ዘግቧል።

@tikvahethiopia

#ETHIOPIA

ኢትዮጵያ ውስጥ የቴሌግራም፣ ፌስቡክ ፣ ዩትዩብ መሰል የማህበራዊ መገናኛ ዘዴዎች ምክንያቱ ግልፅ ባልተደረገበት ሁኔታ ገደብ ከተደረገባቸው ዛሬ 19ኛ ቀን ተቆጥሯል።

የማህበራዊ መገናኛ ዘዴዎች ላይ " ለምን ገደብ እንደተጣለ " እንዲሁም " ገደቡ መቼ እንደሚነሳ " በየትኛውም አካል በኩል ለህዝብ ማብራሪያም ሆነ ገለፃ ያደረገ የለም።

ቴሌግራም ፣ ፌስቡክ እና ሌሎችም የማህበራዊ መገናኛዎች በሁለቱም የቴሌኮም አገልግሎት አቅራቢዎች በኩል ተገድበው የሚገኙ ሲሆን በርካቶች ገደቡን በVPN በማለፍ አገልግሎት እያገኙ ናቸው።

@tikvahethiopia

#Mekelle

ላለፉት ዓመታት በጦርነት ውስጥ ያሳለፈችው ትግራይ ከተደረገው የሰላም ስምምነት በኃላ አሁን ላይ በመጠኑም ቢሆን ፊቷን ወደ #ልማት ስራዎች እያዞረች ትገኛለች።

በክልሉ መዲና መቐለ በጦርነቱ ምክንያት ተስተጓግሎ የነበሩ የመቐለ የመንገድ ፕሮጆክቶች ለማስጀመር ጥረት እየተደረገ ነው ተብሏል።

ትላንት መቐለ ከተማ እና ሱር ኮንስትራክሽን አንድ ውል ተፈራርመዋል። የመቐለ ከተማ እና ሱር ኮንስትራክሽን የተፈራረሙት 62 ኪ.ሜ ርዝመት ያለው የአስፓልት እና ጠጠር መንገድ ለመገንባት ነው።

ለዚሁ ፕሮጀክት የስድስት ነጥብ አንድ ቢልዮን ብር በጀት እንደተያዘለት ነው የተነገረው።

ይህ የመንገድ ግንባታ ፕሮጀክት ተስፋ የሚሰጥ እንዲሁም ትግራይን ደግም ለመገንባት በሚደረገው ሁለንተናዊ እንቅስቃሴ ተስፋ ሰጪ ነው ተብሎለታል።

ፕሮጀክቱ ከሁለት እስከ ሶስት አመት ባለው ግዜ ውስጥ ገንብቶ ለማጠናቀቅ እንደሚሰራ በውል ስነስርዓቱ ላይ ስለመገለፁ ድምፂ ወያነ ዘግቧል።

@tikvahethiopia