ጠቅላይ ሚኒስትሩ ስለ " ወልቃይት " ምን አሉ ?

ዛሬ በፓርላማ ቀርበው ከህዝብ ተወካዮች ም/ቤት አባላት ለተነሳላቸው ጥያቄ ማብራሪያ እና ምላሽ የሰጡት ጠ/ሚ ዶ/ር ዐቢይ አህመድ ስለ " ወልቃይት " ጉዳይ ይህን ብለዋል ፦

" ብዙ አነባለሁ ፤ ብዙ እሰማለሁ ወልቃይትን በሚመለከት የሚነገሩ ሽረባዎች ፣ ሴራዎች ... Conspiracy ብዙ እሰማለሁ።

የኢትዮጵያ መንግስት በእነዚህ ሽረባዎች ውስጥ እጁ የለበትም።

የወልቃይት ህዝብ እንዲገነዘብ የምንፈልገው የሚወራው የሚናፈሰው አሉባልታ ውስጥ የኢትዮጵያ መንግስት እጁ የለበትም።

እኛ ደቡብ አፍሪካ የሄድነው ወልቃይት ወደ አማራ ይሁን ወደ ትግራይ ይሁን የሚለውን ለመወሰን አይደለም ፤ የፕሪቶሪያው Summit ይሄን ለመወሰን ስልጣን የለውም።

ምን አገባውና ነው የኢትዮጵያን መሬት እዛ ይሂድ እዚህ ይሂድ የሚለው ?

እኛ እዛ የሄድነው እንዴት ሰላም አምጥተን ችግሮቻችንን በንግግር እንፍታ ለማለት ነው። ለምን ወልቃይት ተስቦ እዛ ውስጥ እንደሚገባ አላውቅም።

ወልቃይት ብቻ አይደለም ሰሜን ሸዋ ላይ ኦሮሚያ እና አማራ ጥያቄ አላቸው እሱም ደቡብ አፍሪካ ይሂድ ? ሲዳማ እና ወላይታ ብላቴ ላይ ጥያቄ አላቸው እሱም ደቡብ አፍሪካ ይሂድ ? እኛ አሰራር የለንም ? ልምምድ የለንም ? ቦታው አይደለም።

የተስማማነው በኢትዮጵያ ህግ እና ስርዓት ይፈፀም ነው። ከህገመንግስት በፊት ነው የተወሰደው ፤ በጉልበት ነው የተወሰደው ላሉት የእኔ ፍላጎት ያ ስህተት እንዳይደገም ነው።

ዛሬን በጉልበት ነገ ታግሰን በጉልበት ከሆነ ዘላቂ ሰላም አያመጣም። ወልቃይት ብንፈልግም ባንፈልግም የተወላገደ አማርኛ፣ የተወላገደ ትግርኛ የሚናገር የሁለቱ ህዝቦች ድልድይ የሆነ ህዝብ ነው።

ሁለቱንም ቋንቋ የሚናገር፣ የተጋባ የተዋለደ ህዝብ ነው። ወልቃይቴነቱን ነው አትንኩብኝ ያለው እንጂ ከእንግዲህ ከትግራይ ጋራ አልገናኝም አልነጋገርም አላለም ፤ አይችልም ቢልም።

ይሄንን በህግ እና ስርዓት ብንፈፅም ለወልቃይትም ይጠቅማል ፣ ለአማራ ይጠቅማል፣ ለትግራይ ይጠቅማል የሚጎዳው ነገር የለም።

በህግ እና ስርዓት እንፈፅም የሚለውን ነገር ከብዙ ተንኮል ጋር ማያያዝ አስፈላጊ አይደለም።

እዛ አካባቢ ጥያቄ ረዘም ላለ ጊዜ ነበረ ፤ ለዛ ብለን ነው ኮሚሽን ያቋቋምነው ከዚህ ቀደም ገልጫለሁ ፤ አሁንም ያኔም የነበረን አቋም በህግ አግባብ በምክክር በውይይት ይፈታ የሚል ነው። ይህ ማንም ይጎዳል ብዬ አልገምትም ውጤቱን በጋራ እናየዋለን።

ዋናው ፍላጎት ዘላቂ ሰላም ለማምጣት ንግግር ያስፈልጋል።

የተሰጣቸውን ስራ በትክክል የማይሰሩ ሰዎች የፌዴራል መንግስት እያሉ ብዙ ሽረባ እንደሚሰሩ እናውቃለን። ሂደቱን ላለማበላሸት ነው ዝም ያልነው። ሂደቱ መስመር ከያዘ በኃላ ለህዝብ ግልፅ እናደርጋለን።

ስራውን መስራት አለበት እያንዳንዱ ዞን ፣ እያንዳንዱ ወረዳ ተንጠልጥሎ ፌዴራል ምናንም ሳይሆን ስራውን መስራት አለበት መሬት ላይ ያለውን ያን ካደረገ ሌላው ጉዳይ እዳው ገብስ ነው ፤ ብዙም የሚያስቸግር አይደለም።

... ሁለት ነገሮች አሉ ፤ ከአማራ ወገን ላለፉት 30 ዓመታት ብዙ ወልቃይቴዎች ሲፈናቀሉ፣ ሲሰደዱ ኖረዋል እነሱ በሌሉበት ሪፈረንደም ቢባል የተመናመነ ህዝብ ነውና እንጎዳለን፤ በትግራይ በኩል አሁን በተፈጠረው ግጭት ብዙ ሰው ወጥቷል ስለወጣ አሁን ባለው ቢወሰን አማራ ክልል advantage ይወስዳል የሚሉ ስሞታዎች ይሰማሉ።

ወይቃይት የወልቃይቴ ነው ይታወቃል። ከአድዋም የሄደ ከደብረ ማርቆስም የሄደ ሰው ሊኖር ይችላል ግን ወልቃይቴ ይታወቃል ፤ አትላንታም ይኑር አውስትራሊያም ይኑር ጅማም ይኑር ስለዛ ቦታ ሃሳብ እንዲሰጥ እድል ካልተሰጠው በስተቀር ዘላቂ ሰላም አያመጣም።

ጉዳዩ ወደዛ ስለሄደ ወደዚህ ስለመጣ ሳይሆን ያ ህዝብ የራሱን fate እንዲወስን ዲሞክራሲያዊ እድል እንዲያገኝ ማድረግ ከቻልን ብቻ ነው መፍትሄ የሚመጣው። እና እነዛን ችግሮች በሚቀርፍ መንገድ እንደሚሰራ ተስፋ አደርጋለሁ። ጊዜ የወሰድነው ፣ ጊዜ የጠበቅነው ለዛነውና ብዙ ስጋት ባይኖር በተረጋጋ መንፈስ ቢሰራ ዘላቂ ሰላም ያመጣል ቢባል መልካም ነው።

አለበለዚያ ከህገመንግስት በፊት TPLF በግድ ስለወሰደ አሁን እኛ በግድ ወስደን እዛ ዘመን በሙሉ ወታደር ልናቆም አንችልም። በስምምነት ካልሆነ በወታደር ነው የሚሆነው በወታደር ከሆነ ዘላቂ አይሆንም ጊዜ ይፈታዋል። አሁን ያለን ሰዎች ስናረጅ ስንደክም ልክ አሁን የተፈጠረው ይፈጠራል። ያ አካባቢ ሊለማ ስለሚችል ሰላማዊ በሆነ መንገድ ወደልማት እንዲገባ ቢደረግ ለሁሉም ጠቃሚ ይመስለኛል ።

እዚህ አካባቢ ያሉ ተንኮሎች፣ conspiracy ቢቀሩ ጥሩ ነው። መሬት ላይ ያለው ግን ስራውን ቢሰራ መልካም ይሆናል። "

@tikvahethiopia

#Update

ከደቂቃዎች በኋላ በአዲስ አበባ ከተማ የጋራ መኖሪያ ቤቶች የዕጣ ማውጣት ስነስርዓት በይፋ ይካሄዳል።

ይኸው የዕጣ ማውጣት ስነስርዓት በቀጥታ ስርጭት ለህዝብ ይሰራጫል።

ዛሬ ዕጣ የሚወጣባቸው የጋራ መኖሪያ ቤቶች ፦

👉 በ20/80 18,930 ቤቶች
👉 በ40/60 6,843 ቤቶች
👉 አጠቃላይ 25, 791 ቤቶች

እንደ አዲስ አበባ ከተማ አስተዳደር ገለፃ #ተጨማሪ 300 (ሶስት መቶ) ቤቶችን ቀሪ ስራዎችን በማከናወን ለነባርና ለአዲሰ ተመዝጋቢዎች በዕጣ ለማስተላለፍ ዝግጁ ተደርጓል።

ውድ ቤተሰቦቻችን ፤ የዕጣውን አወጣጥ ሥነሥርዓት ተከታትለን የምናሳውቅ ሲሆን የሚመቻችሁ በአዲስ ቴሌቪዥን በቀጥታ ስርጭት መከታተል እንደምትችሉ ለመጠቆም እንወዳለን።

@tikvahethiopia

#ጥቆማ

ብሄራዊ የቴሌቪዥን ጣቢያ (etv) የአዲስ አበባ የጋራ መኖሪያ ቤት ዕጣ ማውጣት ስነ ስርዓት #በቀጥታ እንደሚያሰራጨው አሳውቋል፤መከታተል ትችላላችሁ።

ስነስርዓቱ ከ 8:30 ጀምሮ ነው የሚካሄደው።

@tikvahethiopia

#Update

በአሁን ሰዓት እያተካሄደ ባለው የ20/80 እና 40/60 የጋራ መኖሪያ ቤቶች የዕጣ ማውጣት ስነስርዓት ላይ

በ20/80 ፦

- ባለ 1 መኝታ  3300 ቤቶች
- ባለ 2 መኝታ  7171 ቤቶች
- ባለ 3 መኝታ  300 ቤቶች ይወጣሉ ።

በ40/60 ፦

- ባለ 1 መኝት 1870 ቤቶች
- ባለ 2 መኝታ 8159 ቤቶች
- ባለ 3 መኝታ 753  ቤቶች ናቸው
በአጠቃላይ 25 ሺ791 ቤቶች ይወጣሉ ተብሎ ይጠበቃል

Credit : AMN

@tikvahethiopia

በመመሪያ ቁጥር 3/2011 በተገለፀው መሰረት ፦

- የመንግስት ሰራተኞች 👉 20 በመቶ (20%)
- ሴቶች 👉 30 በመቶ (30%)
- አካል ጉዳተኞች 👉 5 በመቶ (5%)
- አጠቃላይ ተመዝጋቢዎች 👉 45 በመቶ (45%) በዕጣ የቤት ባለዕድለኞች ይለያሉ።

@tikvahethiopia

እንደ ቤቶች ልማት ኮርፖሬሽን መረጃ ፤ በዛሬው ዕለት በዕጣ ለባለ ዕድለኞች የሚተላለፉት የጋራ መኖሪያ ቤቶች #ግንባታ  ፦

👉 የ20/80 ከ96 በመቶ (96%) በላይ
👉 የ40/60 ከ80 በመቶ (80%) በላይ የደረሱ ናቸው።

@tikvahethiopia