#Update

ህወሓት በደቡብ አፍሪካ በሚደረገው የሰላም ንግግር ላይ ለመሳተፍ ዝግጁ መሆኑን ዛሬ ምሽት አሳውቋል።

ግጭቱን በሰላማዊ መንገድ ለመፍታት ቆርጠኞች ነን ሲልም ገልጿል።

ዶ/ር ደብረፅዮን ገ/ሚካኤል ለአፍሪካ ህብረት ሊቀንበር ሙሳ ፋኪ መሀመት በፃፉት ደብደቤ ፤ ለሰላም ሂደቱ ይረዳል ያሉትን " ግጭት ማቆም " ዋናው የድርድሩ የአጀንዳው አካል ተደርጎ ስለመያዙ ጠይቀዋል።

" ተደራዳሪዎቻችን ወደ ደቡብ አፍሪካ ለመላክ ዝግጁ ነን " ሲሉም አሳውቀዋል።

" ግብዣው ቀደም ብሎ ያልተማከርንበት ከመሆኑ ጋር ተያይዞ አንዳንድ ጉዳዮች ላይ ማብራሪያ ቢሰጠን " ሲሉ በፃፉት ደብዳቤ ጠይቀዋል።

እነዚህም ፦

- በሰላም ውይይቱ ተጨማሪ ተዋናይን እንደ ተሳታፊዎች፣ ታዛቢዎች ወይም ዋስትና ሰጪዎች የሚጋበዙ ይኖሩ እንደሆነ፤
- ለዓለም አቀፉ ማህበረሰብ ምን አይነት ሚናዎችን ሊሰጥ እንደታሰበ ፤
- ለተደራዳሪ ቡድኑ የሎጅስቲክስ ፤ #የጉዞ እና የደህንነት ዝግጅቶችን በተመለከተ እንዲብራራላቸው ዶ/ር ደብረፅዮን ለፋኪ በላኩት ደብዳቤ ጠይቀዋል።

ዛሬ ጥዋት የኢትዮጵያ ፌዴራል መንግስት በደቡብ አፍሪካ የሚደረገውን የሰላም ንግግር ግብዣ መቀበሉን ማሳወቁ ይታወቃል።

@tikvahethiopia

አሚና መሀመድ ኬንያ ናቸው።

የተባበሩት መንግስታት ድርጅት(ተመድ) ምክትል ዋና ፀሀፊ አሚና መሀመድ ኬንያ የሚገኙ ሲሆን ዛሬ ከኬንያ ፕሬዜዳንት ዶ/ር ዊሊያም ሩቶ ጋር በ " ስቴት ሀውስ " ተገናኝተው ተወያይተዋል።

ስቴት ሀውስ ፤ ፕሬዝዳንቱ እና ምክትል ዋና ፀሀፊዋ ፤ " ኬንያ እንደ ተፅእኖ ፈጣሪ ሀገር በአፍሪካ ቀንድ የሰላም ሁኔታ ላይ ስላላት ጉልህ ሚና ተወያይተዋል " ሲል አሳውቋል።

በተጨማሪ የአየር ንብረት ለውጥ በዓለም አቀፍ ደረጃ በኢኮኖሚ እና በኑሮ ላይ እያሳደረ ስለለው ተፅእኖ እንዲሁም በቀጠናው ስላለው ድርቅና ረሃብ ሁኔታ ላይ ተወያይተዋል።

በዚሁ ውይይት ወቅት ፕሬዜዳንት ዊሊያም ሩቶ ፤ ሀገራት አለመግባባቶችን በሰላማዊ መንገድ እንዲፈቱ ዓለም አቀፉ ማህበረሰብ የበኩሉን ሚና እንዲጫወት ጠይቀዋል።

@tikvahethiopia

በሌላ መረጃ ፦

ምንም እንኳን በኬንያ " ስቴት ሀውስ " ኦፊሴላዊ መረጃ ባያሰራጭም ፕሬዜዳንት ዶ/ር ዊሊየም ሩቶ በነገው ዕለት የሳፋሪኮም ኢትዮጵያ ሀገር አቀፍ የቴሌኮም አገልግሎት የማስጀመሪያ ስነስርዓት ላይ ለመገኘት ወደ አዲስ አበባ እንደሚመጡ ተሰምቷል።

ℹ️ ሳፋሪኮም ኢትዮጵያ የሀገር አቀፍ የቴሌኮም አገልግሎት የማስጀመሪያ ልዩ መርሃ ግብር ነገ ከአመሻሽ ጀምሮ እንደሚያካሂድ ቲክቫህ ኢትዮጵያ ለማወቅ የቻለ ሲሆን ከዚህ ቀደም ብሎ ነገ ጥዋት ላይ ጋዜጣዊ መግለጫ ይሰጣል።

NB. ሳፋሪኮም ኢትዮጵያ ባለፉት ሳምንታት የሙከራ ኔትዎርክ አገልግሎቱን በአወዳይ፣ ጎንደር ፣ ድሬዳዋ፣ ሐረር፣ ሐረማያ፣ ባሕር ዳር፣ አዳማ፣ ቢሾፍቱ፣ ሞጆ እና ደብረ ብርሃን ማስጀመሩ ይታወቃል።

@tikvahethiopia

#Kenya #Ethiopia

የኬንያ ፕሬዜዳንት ዶ/ር ዊሊያም ሩቶ የመጀመሪያ የአፍሪካ ሀገር ጉዟቸውን ወደ #ኢትዮጵያ እንደሚያደርጉ የኬንያ መገናኛ ብዙሃን ገልፀዋል።

ነገ በአዲስ አበባ የሳፋሪኮም ኢትዮጵያ ሀገር አቀፍ የቴሌኮም አገልግሎት ማስጀመሪያ ስነስርዓት ላይ እንደሚታደሙ የተነገረላቸው ሩቶ ፤ በኢትዮጵያ ቆይታቸው ከጠ/ሚ ዶ/ር ዐቢይ አህመድ ጋር ይመክራሉ።

ጠ/ሚ ዶ/ር ዐቢይ አህመድ ፤ ዶ/ር ዊሊያም ሩቶ ምርጫ ማሸነፋቸው በIEBC በተገለፀበት ዕለት ከዓለም ሀገራት መሪዎች ሁሉ በቅድሚያ የ " እንኳን ደስ አልዎት " መልዕክት ያስተላለፉላቸው መሪ እንደነበሩ ይታወሳል።

@tikvahethiopia

#ሼር

የትምህርት ምዘና እና ፈተናዎች አገልግሎት መስከረም 30 /2015 ከሚጀምረው የ12ኛ ክፍል ብሔራዊ ፈተና ጋር በተያያዘ የዩኒቨርሲቲ እና ዩኒቨርሲቲ ካምፓሶች አድራሻ አሰራጭቷል ፤ ከላይ ይመልከቱ።

@tikvahethiopia

#Update

የኬንያ ፕሬዜዳንት ዶክተር ዊሊያም ሩቶ ለይፋዊ የስራ ጉብኝት አዲስ አበባ ገብተዋል።

ፕሬዜዳንቱ አዲስ አበባ ሲደርሱ ጠ/ሚ ዶክተር ዐቢይ አህመድ ተቀብለዋቸዋል።

ሩቶ በኢትዮጵያ ቆይታቸው ከጠ/ሚ ዶ/ር ዐቢይ አህመድ የሁለትዮሽ ውይይት እንደሚያደርጉ የተገለፀ ሲሆን ሁለቱ መሪዎች በሳፋሪኮም ኢትዮጵያ የሀገር አቀፍ የቴሌኮም ማስጀመሪያ ስነስርዓት ላይ እንደሚገኙም ለማወቅ ተችሏል።

ዶ/ር ዊሊያም ሩቶ ፕሬዜዳንት ሆነው ከተመረጡ በኃላ የመጀመሪያው የአፍሪካ ሀገር ጉዟቸውን ወደ #ኢትዮጵያ በማድረግ ነው ጀምረዋል።

ፎቶ ፦ ኢብኮ

@tikvahethiopia

#Live

ሳፋሪኮም ኢትዮጵያ በአዲስ አበባ አገልግሎት መጀመሩን እየሰጠ በሚገኘው መግለጫ በይፋ አሳውቋል።

መግለጫውን በዙም መከታተል የሚቻል ሲሆን ጥያቄ / አስተያየት ያላችሁ ጥያቄያችሁን / አስተያየታችሁን በዙም #በቀጥታ ማቅረብ ትችላላችሁ።

ሊንክ ፦ https://safaricom-co-ke.zoom.us/webinar/register/WN_45w3LkggTpan9rlQJhO9dg

@tikvahethiopia

#Update

ሳፋሪኮም ኢትዮጵያ በሰጠው መግለጫ ላይ የተለያዩ ጥያቄዎች ተጠይቀው ምላሽ ተሰጥቷል።

የሮይተርስ በኢትዮጵያ ወኪል ጋዜጠኛ ዳዊት በጋሻው ፤ " ሳፋሪኮም ወደ ኢትዮጵያ ገበያ ሲገባ ከተፎካካሪው ጋር ምን የሚለይ ነገር ይዞ ይመጣል ? " የሚል ጥያቄ አቅርቦ ነበር።

• የሳፋሪኮም ምላሽ ፦

" እኛን ከተፎካካሪዎቻችን የሚለየን የ4G ኢንተርኔት አገልግሎታችን ጥራትና ፍጥነት ነው። የደንበኞች አገልግሎት እንዲሁም በሌሎች ሀገራት ያሉን ልምዶች ናቸው። "

የኬንያው ሬድዮ ሲትዝን ጋዜጠኛ Epha Muiruri ደግሞ እስካሁን " ምን ያህል ደንበኞች አገኛችሁ ? " የሚል ጥያቄን አንስቷል።

• የሳፋሪኮም ምላሽ ፦

" በ8 ከተሞች ከሁለት ቀናት በፊት በነበረ መረጃ ወደ 200 ሺህ ደንበኞች መዝግበናል። "

የብሉምበርግ የኢትዮጵያ ወኪል ጋዜጠኛ ፋሲካ ታደሰ ፤ " የኢትዮ ቴሌኮምን መሰረተ ልማት ለመጠቀም የነበራችሁ ድርድር ጨርሳችኋል ? ከጨረሳችሁስ በምን ያህል ፐርሰንት ለመጠቀም ተስማማችሁ ? ካሰባችሁበትስ ቀን ዘግይታችሁ ለምን ጀመራችሁ ? " የሚል ጥያቄ ጠይቃለች።

• የሳፋሪኮም ምላሽ ፦

" የኢትዮ ቴሌኮም መሰረተ ልማትን ከመጠቀም አንጻር በፋይበር መሰረተ ልማቶች ሙሉ ለሙሉ የተስማማን ሲሆን ከታወር መሰረተ ልማት ጋር ተያይዞ ግን ምንም በሚባል ደረጃ የኢትዮ ቴሌኮምን መሰረተ ልማት አንጠቀምም።

የዘገየንበትም ዋነኛው ምክንያት የራሳችንን የታወር መሰረተ ልማቶችን ለመገንባት በመወሰናችን ነው።

በዚህም አዳዲስ ኮንትራቶችን ሰጥተናል፣ ለታወር የሚሆኑ ቦታዎች መረጣ እንዲሁም ተያያዥ ጉዳዮች ጊዜ ወስደዋል።

ዓለም አቀፍ የሎጀስቲክ ዝውውር በኮቪድ-19 ምክንያት መቀዛቀዙም አንዱ ምክንያት ነው። "

@tikvahethiopia