#US #SOMALIA

አሜሪካ ትላንትና ማክሰኞ ፤ ከሶማሊያ መንግስት ጋር በመተባበር በፈፀመችው የአየር ድብደባ 4 የአልሸባብ የሽብር ቡድን አባላትን መግደሏን አሳውቃለች።

የአልሸባብ ታጣቂዎች የሶማሊያ ጦር ላይ በቤልድዌይኔ ጥቃት የከፈቱ ሲሆን ይህን ተከትሎ የአሜሪካ ጦር በአየር በፈፀመው ድብደባ 4 የቡድኑን አባላት መግደሉ ተገልጿል።

አሜሪካ እርምጃው በሶማሊያ መንግስት በኩል ፍቃድ ኖሮት መፈፀሙን አሳውቃለች።

በጥቃቱ በሲቪል ሰዎች ላይ ጉዳት እንዳልደረሰ / ሲቪሎች እንዳልተገደሉ ተመላክቷል።

@tikvahethiopia

#SouthWestRegion

#የብዝሃ_ዋና_ከተሞች ማቋቋሚያ ረቂቅ አዋጅ በአብላጫ ድምጽ ፀደቀ።

አዲሱ የደቡብ ምዕራብ ኢትዮጵያ ህዝቦች ክልል መንግስት የብዝሃ ዋና ከተሞች ረቂቅ አዋጅን መርምሮ ማፅደቁ ተሰምቷል።

ረቂቅ አዋጁ የፀደቀው በቦንጋ የክልሉ ምክር ቤት ባካሄደው 6ኛ ዙር 1ኛ ዓመት የሥራ ዘመን 2ኛ መደበኛ ጉባኤ ላይ ነው።

ክልሉ መንግስት አራት (4) ብዝሃ ዋና ከተሞች እንደሚኖሩት ረቂቅ አዋጁ ይደነግጋል።

የብዝኃ ዋና ከተሞች ማቋቋሚያ ረቂቅ አዋጅ ቦንጋ፣ ተርጫ፣ ሚዛን አማን እና ቴፒ ከተሞች የክልሉ ብዝሃ ዋና ከተሞች እንደሚሆኑ ደንግጓል።

1. ቦንጋ ከተማ ፦ የክልሉ የፖለቲካ እና የርዕሰ መስተዳደሩ መቀመጫ፣
2.ተርጫ ከተማ ፦ የክልሉ ምክር ቤት መቀመጫ፣
3.ሚዛን አማን ከተማ ፦ የክልሉ የዳኝነት አካል መቀመጫ
4. ቴፒ ከተማ ፦ የክልሉ የብሔረሰቦች ምክር ቤት መቀመጫ እንደሚሆኑም በረቂቅ አዋጁ ላይ ተቀምጧል።

የክልሉ ብዝሃ ዋና ከተሞች 4 እንዲሆኑ የተደረገው ፍትሐዊ የኢኮኖሚ ዕድገትን ለማረጋገጥ እንደሆነ የብዝኃ ከተሞች ማቋቋሚያ ረቂቅ አዋጁ እንደሚጠቅስ ከክልሉ ኮሚኒኬሽን ያገኘነው መረጃ ያሳያል።

@tikvahethiopia

" የክልል እንሁን ጥያቄዎች ዘላቂ ሰላምን በሚያመጣ መልኩ ሊፈቱ ይገባል " - እናት ፓርቲ

እናት ፓርቲ ለቲክቫህ ኢትዮጵያ በላከው መግለጫ የ " ክልል እንሁን " ጥያቄዎች ዘላቂ ሰላምን በሚያመጣ መልኩ ሊፈቱ እንደሚገባ አሳስቧል።

ፓርቲው የክልልነት ጥያቄን በተመለከተ የሀገሪቱን ተጨባጭ ኹኔታና የሕዝቡን ጥያቄ ከግምት ውስጥ በማስገባት የሚከተሉትን የመፍትሔ ሀሳቦች ጠቁሟል።

የመፍትሄ ሀሳቦች ፦

1. የሀገሪቱ አብዛኛው ችግር የሚመነጨው ከሕገ መንግሥቱ " የክልል አወቃቀር " ጋር በተያያዘ መሆኑ ታውቆ ከጊዜያዊ መፍትሔ ይልቅ ዘለቄታዊ መፍትሔና የችግሩ ምንጭ ላይ ያተኮረ አፋጣኝ ተግባራዊ እንቅስቃሴ እንዲጀመር ጠይቋል።

2. በአሁኑ ሰዐት የክልልነት ጥያቄ እየጠየቁ ላሉ የማኅበረሰባችን ክፍሎች መንግሥት የኃይል አማራጭን ከመከተል ይልቅ ከሕዝቡ ጋር በቅርበት በመነጋገርና በመግባባት ብቻ ችግሩን ለመፍታት ጥረት እንዲያደርግ አሳስቧል።

3. ሰላም ወዳድ የሆነው ሕዝብ የሚያነሳቸውን ጥያቄዎች እጅግ #ሰላማዊ በሆነ መንገድ ውጤት ላይ መድረስ እንጂ አላስፈላጊ መሥዋዕትነት ከሚያመጡ ድርጊቶች እንዲቆጠብ ጥሪ አስተላልፏል።

(ሙሉ መግለጫው ከላይ ተያይዟል)

@tikvahethiopia

ነፃ የትምህርት ዕድል !

የሳንድፎርድ ኢንተርናሽናል ት/ቤት በ2015 ዓ.ም የትምህርት ዘመን በአዲስ አበባ ከተማ መስተዳደር በሚገኙ የመንግሥት ት/ቤቶች በመማር ላይ ከሚገኙ #በትምህርታቸውና #በፀባያቸው የተመሰከረላቸውን ተማሪዎች አወዳድሮ የነፃ ትምህርት ዕድል ለመሥጠት ዝግጅቱን እንዳጠናቀቀ አሳውቆናል።

ተወዳዳሪ ተማሪዎች ለነፃ ትምህርቱ ውድድር ለመመዝገብ ሲመጡ የሚከተሉትን መስፈርቶች አሟልተው የ8ኛ ክፍል ከተማ አቀፍ ፈተና ውጤት መግለጫ ኮፒ ይዘው መምጣት ይጠበቅባቸዋል።

1. በአ/አ ከሚገኙ የመንግሥት ትምህርት ቤቶች ውስጥ ተማሪ መሆን

2. ተማሪው የተወለደው እ.ኤ.አ ነሐሴ 31/2008 ድረስ 14 ዓመት የሚሞላዉ ነገር ግን 15 ዓመት በታች የሆነ ይህንንም የሚያረጋግጥ የልደት የምሥክር ወረቀት ይዘው መቅረብ የሚችሉ

3. በ2014 የትምህርት ዘመን መጨረሻ የ8 ክፍል ከተማ አቀፍ ፈተና አማካይ ወጤት ከ95% በላይ የሆነ

4. የ7ና 8 የክፍል ትምህት ለየብቻው አማካይ ውጤቱ ከ90% በላይ የሆነ

5. ስለመልካም ሥነምግባሩ ወይም ፀባዩ ከሚማርበት ት/ቤት የጽሁፍ ማስረጃ በሳንድፎርድ ተቀባይነት ሲያገኝ ማምጣት የሚችል

6. ት/ቤቱ የሚሰጠውን የመግቢያና ቃለመጠይቅ ፈተናዎችን የተሻለ ዉጤት ማስመዝገብ

7. የወላጅ/የአሳዳጊ ሙሉ ፈቃድ ያገኘ

8. አሸናፊ የሚሆነው ተማሪ በአሥረኛ (10) ክፍል በት/ቤቱ ተመዝግቦ ለመማር ፈቃደኛ የሆነ ናቸዉ።

9. የምዝገባ ሰዓት ጠዋት 2፡30 - 6:00 ከሰዓት ከ7:30 - 9:30

መስፈርቱን ያሟሉ ተማሪዎች ነሐሴ 19/2014 ዓ/ም ከጠዋቱ 3፡00 ሰዓት ላይ ለፅሁፍ ፈተና ይቀርባሉ።

ቦታ፦ ዳግማዊ ሚኒሊክ ሆስፒታል አካባቢ በሳንድፎርድ ት/ቤት እስከ ነሐሴ 18 ከቀኑ 6 ሰዓት ድረስ በአካል በመቅረብ መመዝገብ ይቻላል።

@tikvahethiopia

#Balderas

የባልደራስ ለእውነተኛ ዴሞክራሲ ፓርቲ ፕ/ት አቶ እስክንድር ነጋ ፤ በመንግስት ጫና በአባልነትም ሆነ በአመራርነት መስራት የማልችሉበት ደረጃ ላይ መድረሳቸው አሳወቁ።
አቶ እስክንድር ሀምሌ 16/2014 ዓ/ም ካሉበት ቦታ ሆነው ፃፉት በተባለውና በፓርቲው የፌስቡክ ገፅ ላይ በተሰራጨ ደብዳቤ በመንግስት ጫና ሳቢያ በፓርቲያቸው በአመራርነትም ሆነ በአባልነት መስራት የማይችሉበት ድረጃ መድረሳቸውን ገልፀዋል።

" ኢትዮጵያ ወደ ዴሞክራሲያዊ ስርዓት እንድትሻገር ለዓመታት የበኩሌን አስተዋጽዖ ሳደርግ መቆየቴ ይታወሳል። " ያሉት አቶ እስክንድር " በአሁኑ ጊዜ ግን፣ ተረኛው ጨቋኝ መንግስት በባልደራስም ሆነ በሃገር አቀፍ ደረጃ በፈጠረው የለየለት አምባገነናዊ ጫና ሳቢያ፣ በአባልነት ሆነ በአመራርነት መስራት የማልችልበት ደረጃ ላይ ደርሻለሁ። " ብለዋል።

በዚህም " የፓርቲው ስራ አስፈጻሚ ኮሚቴ፣ አባላት፣ በየደረጃው ያሉ የፓርቲው አመራር አባላት፣ መላ አባላትና ደጋፊዎች፣ እንዲሁም መንግስታዊና መንግስታዊ ያልሆኑ ድርጅቶች፣ ከፓርቲው ምክትል ፕሬዝደንት አቶ አምሃ ዳኘው ጋር ሙሉ ለሙሉ በመተባበር ስራቸው የተቃና እንዲሆን እንድትተባበሯቸው በትህትና እጠይቃለሁ። " ብለዋል።

በእቅድ ላይ ያለው የባልደራስ ጠቅላላ ጉባኤ በተሳካ ዝግጅት እንዲከናወን ያላቸው ተስፋ የገለፁት አቶ እስክንድር " ባልደራስ በሃገር አቀፍ ፓርቲነት አድጎ የማየት ተስፋችን ወደ ተግባር ተተርጉሞ ለማየት የፈጣሪ መልካም ፈቃድ ይሁን " ሲሉ መልዕክታቸውን አጠቃለው።

@tikvahethiopia

" ለሰላም መስፈን የምንሰራው ስራ ይቀጥላል " - አቶ ጃዋር መሀመድ

የኦሮሞ ፌዴራሊስት ኮንግረስ (ኦፌኮ) ተቀዳሚ ምክትል ሊቀመንበር አቶ በቀለ ገርባ እና ም/ ሊቀመንበር አቶ ጃዋር መሀመድ በአውሮፓ ሀገራት እና በሰሞን አሜሪካ ሲያካሂዱት የነበረውን " Galatoomaa Tour " ማጠናቀቃቸው ተሰምቷል።

አቶ ጃዋር መሀመድ በአውሮፓ እና ሰሜን አሜሪካ የነበራቸውን ቆይታ በማጠናቀቅ ወደ ሀገራቸው በሰላም መመለሳቸውን ዛሬ አሳውቀዋል።

ምክትል ሊቀመንበሩ በተለያዩ ከተሞች በነበሩ ህዝባዊ ውይይቶች ላይ ለተካፈሉ ያላቸውን ፍቅር እና አድናቆት ገልፀው ለሰላም መስፈን የሚሰራው ስራ ተጠናክሮ እንደሚቀጥል ገልፀዋል።

እነ አቶ ጃዋር መሀመድ ፤ በአውሮፓ እና ሰሜን አሜሪካ በተለያዩ ከተሞች ከሚገኙ ኢትዮጵያውያን እና ትውልደ ኢትዮጵያውያን ጋር በኢትዮጵያ ጉዳይ የመከሩ ሲሆን በእስር ቤት ቆይታቸው ድምፅ ለሆኗቸው፣ አብረዋቸው ለነበሩ " ምስጋና " አቅርበዋል።

ከማህበረሰቡም ዘንድ ሲነሱ ለነበሩ ጥያቄዎችም መልስ ሲሰጡ ቆይተዋል።

በተለይም በየመድረኩ ላይ በተነሱላቸው የተለያዩ ጥያቄዎች ስለ ጦርነት ማቆም፣ ስለ ሰላም እና ድርድር አስፈላጊነት ፅኑ አቋማቸውን በተደጋጋሚ አስረግጠው ተናግረዋል።

ሚዲያዎችም እንዲሁም ደግሞ ከኢትዮጵያ ርቀው በውጭ ሀገር ያሉ ሰዎች በሀገሪቱ አስተማማኝ ሰላም እንዳይኖርና በቀጣይ የማያባራ እልቂት እንዲፈጠር ከሚያደርጉ ድርጊቶች እንዲቆጠቡም በማሳሰብ ለሀገሪቱ ህዝብ ሲሉ በ #ሰላም ጉዳይ አበክረው እንዲሰሩ ጥሪ ሲያቀርቡ ነበር።

@tikvahethiopia

ኢትዮጵያ እና የፋይናንስ ሴክተሯ !

በ2014 በጀት ዓመት ማለቂያ የኢትዮጵያ የፋይናንስ ሴክተር እውነታዎች ፦

• የባንኮች ብዛት 👉 30

• የባንክ ቅርንጫፎች ብዛት 👉 8,944

• ጠቅላላ የባንኮች ካፒታል (በብር) 👉 199.1 ቢሊዮን ብር

• ጠቅላላ የባንኮች ሀብት (በብር) 👉 2.4 ትሪሊዮን ብር

• ጠቅላላ ተቀማጭ ገንዘብ (በብር) 👉 1.7 ትሪሊዮን ብር

• የሞባይል ባንኪንግ ተጠቃሚዎች ብዛት 👉 16.3 ሚሊዮን

• የዴቢት ካርድ ተጠቃሚዎች ብዛት 👉 30.7 ሚሊዮን

• የሞባይል ገንዘብ ተጠቃሚዎች ብዛት 👉 43.3 ሚሊዮን

• የኤቲኤሞች (ATM) ብዛት 👉 6,902

• የፖስ ብዛት 👉 11,760

• የኢንሹራንስ ተቋማት ብዛት 👉 18

• የማይክሮ ፋይናንስ ተቋማት ብዛት 👉 40

መረጃ ምንጭ፦ የኢትዮጵያ ንግድ ባንክ

@tikvahethiopia

#BREAKING

የታላቁ ኢትዮጵያ ሕዳሴ ግድብ ሁለተኛው ተርባይን የኤሌክትሪክ ኃይል ማመንጨት ጀመረ።

ጠ/ሚር ዶ/ር ዐቢይ አሕመድን ጨምሮ የተለያዩ የመንግስት የስራ ኃላፊዎች በቤንሻንጉል ጉሙዝ ጉባ ወረዳ በታደሙበት ዝግጅት ነው በዛሬው ዕለት 2ኛው ተርባይን ኃይል ማመንጨት የጀመረው።

የታላቁ ኢትዮጵያ ህዳሴ ግድብ ካሉት 13 ተርባይኖች መካከል ዩኒት 9 የሚባለው ሁለተኛው ተርባይን የተሳካ ተከላ እና ሙከራ ከተደረገ በኋላ ኃይል የማመንጨት ስራው እውን መሆኑን ብሄራዊ የቴሌቪዥን ጣቢያ ዘግቧል።

ዛሬ በይፋ ሥራ የጀመረው ሁለተኛው ዩኒት 375 ሜጋ ዋት ኃይል የማመንጨት አቅም እንዳለው ተገልጿል።

@tikvahethiopia

#Update

" ሶስተኛው የግድቡ ሙሌት በሂደት ላይ ይገኛል " - ኢ/ር ክፍሌ ሀሮ

ዛሬ የ2ኛው ተርባይን ኃይል ማመንጫ ማብሰሪያ ስነስርዓት ላይ የታላቁ ህዳሴ ግድብ ስራ አስኪያጅ ኢ/ር ክፍሌ ሀሮ ከተናገሩት ፦

" ታላቁ የኢትዮጵያ ህዳሴ ግድብ በዚህ በያዝነው ዓመት በ2014 ለማከናወን ከተያዙ አብይ እቅዶች መካከል በሁለት ዩኒት ማለትም በሁለት ታርባይንና ጀነሬተሮች ኃይል ማመንጨት አንዱ ሲሆን ይህ እቅድ ተሳክቶ በ2ቱም ዩኒቶች ኃይል ማመንጨት ተችሏል።

ከለውጡ በኃላ በፕሮጀክቱ ላይ የማስተካከያ እርምጃ ከተወሰደ በሶስት ዓመታት ውስጥ በግድቡ ውስጥ መተከል የነበረባቸው የውሃ ማስተላለፊያ የብረታብረት ስራዎችን በማጠናቀቅ የመካከለኛውን የግድብ ከፍታ ከሃያ አምስት ሜትር ወደ መቶ ሜትር ማድረስ ተችሏል።

እንደዚሁም የግድቡን ግራና ቀኝ በትንሹ እስከ ስድስት አርባ አምስት የደረሰም አለ ወይም ከባህር ጠለል በላይ እስከ ስድስት አርባ አምስት ወይም መቶ አርባ አምስት ሜትር ከመሰረት ከፍ ያለ በተጨማሪ በትንሹ እስከ መቶ አስራ አንድ ሜትር ከፍ በማድረግ ሁለት ሙሊቶችን ማከናወን የተቻለ ሲሆን #ሶስተኛው_ሙሊት_በሂደት ላይ ይገኛል ።

ከምንም ደረጃ ተነስቶ ሁለት ተርባይኖች እና ጄነሬተሮች በመትከል ኃይል ማመንጨት ተችሏል። "

@tikvahethiopia

#Update

የጉራጌ ዞን ምክር ቤት #በክላስተር_ለመደራጀት የቀረበውን የውሳኔ ሃሳብ ውድቅ አድርጓል።

የጉራጌ ዞን ምክር ቤት ፤ ዛሬ ሐሙስ ባካሄደው አስቸካይ ጉባኤ ከሌሎች የአስተዳደር መዋቅሮች ጋር በክላስተር ለመደራጀት የቀረበውን የውሳኔ ሃሳብ በአብላጫ ድምጽ ውድቅ አደርጓል።

የጉራጌ ዞንን በደቡብ ክልል ስር ከሚገኙ ሌሎች 4 ዞኖች እና አንድ ልዩ ወረዳ ጋር በማዳመር የጋራ ክልል ለመመስረት የቀረበው የውሳኔ ሀሳብን 52 የምክር ቤት አባላት ተቃውመታል።

የጉራጌ ዞን ምክር ቤት 97 አባላት ያሉት ሲሆን ከእነርሱ ውስጥ 91 ያህሉ ገዢው ብልጽግና ፓርቲን ወክለው ምክር ቤቱን የተቀላቀሉ ሲሆኑ ቀሪዎቹ ስድስት አባላት የኢትዮጵያ ዜጎች ለማህበራዊ ፍትህ (ኢዜማ) ፓርቲ ተመራጮች ናቸው።

ዛሬ ሐሙስ ነሐሴ 5 ቀን 2014 በተካሄደው የዞኑ ምክር ቤት አስቸኳይ ጉባኤ ላይ ከተገኙ 92 የምክር ቤት አባላት መካከል 40ዎቹ ውሳኔውን ደግፈው ድምጽ መስጠታቸውን ኢትዮጵያ ኢንሳይደር ዘግቧል።

@tikvahethiopia