#CISCO

Training & Preparation for the Cisco CCNA Network Engineering Certification (Weekend program-Online)

#Registration: from July 18, 2022 to August 19, 2022 #Class_start_date: August 20/2022

Three (3) certificates of course completion and a coupon for a 58 percent discount for the international exam will be given to the trainees from Cisco

Contact Information: 0902-340070, 0935-602563, or 0945-039478, 0111260194

Follow our Telegram channel @CiscoExams for further information.

ትላንት ምሽት ከ4 ሰዓት በኃላ በአዲስ አበባ አንድ ስማቸውን መግለፅ የማያስፈልግ ግለሰብ #ታርጋ_በሌለው 2 ሎንግ ቤዝ መኪና በመጡ ወደ 20 በሚጠጉ የፀጥታ ኃይል ልብስ በለበሱ እና አብረዋቸው ሲቪል በለበሱ ሰዎች ወዳልታወቀ ቦታ ተወስደው ነበር።

በኃላም ዛሬ ንጋት አካባቢ በቪ8 መኪና መንገድ ላይ ጥለዋቸው ሄደዋል።

የፀጥታ ኃይል ልብስ የለበሱና የታጠቁት ግለሰቦች በቅድሚያ በር በማንኳኳት የግቢው ጥበቃ በሩን ሲከፍትላቸው ገፍትረው በመግባት እኚሁን ግለሰብ ከቤት እየደበደቡ አስወጥተው መኪና ላይ ጭነዋቸው እንደወሰዷቸው ቤተሰቦቻቸውን ገልፀዋል።

በወቅቱ ቤት ውስጥ የነበሩ የቤተሰብ አባላት ጉዳዩን በስልክ ለመቅረፅ ቢሞክሩም መሳሪያ ደቅነው እየዳበደቡ ስልክ እንደቀሙባቸው አስረድተዋል።

"እነዚህ ግለሰቦች ማንነታቸውን የሚገልፅ አንድም ነገር አልያዙም፤በትክክል የህግ አካል ከሆኑም የፍ/ቤት መጥሪያ አላሳዩም፤ ምንም ነገር የላቸውም ልንጠይቃቸው ስንሞክር ማሳሪያ ደቅነው #እንዳትጠጉን ነው ያሉት፤ እንዳይሄዱ ለመከላከል ስንጮህ መሳሪያ እየተኮሱ ነው የሄዱት" ብለዋል።

በአቅራቢያው ፖሊስ ጣቢያ ስለነበር ፖሊስ ይዘው ቢመጡም ፖሊስ ባለበት እየተኮሱ ነው የሄዱት።

ከእኚሁ ግለሰብ ጋር የቤቱ ጥበቃ እና መንገድ ላይ የተያዙ 2 የአካባቢው ልጆችም ተወስደው የነበረ ሲሆን ሁሉም ፊታቸው ተሸፍኖ አንድ መጋዘን የሚመስል ቦታ እንደነበሩ ድብደባም እንደተፈፀመባቸው አስረድተዋል።

ግለሰቡ ከፖለቲካ ሆነ ከሌላ ማንኛውም ጉዳዮች ጋር ግንኙነት እንደሌላቸው ነገር ግን በግል ጉዳይ የፍ/ቤት ቀጥሮ እንደነበራቸው ትላንትም ፍ/ቤት እንደነበሩ ቤተሰቦቻቸው ገልፀዋል።

ትላንት የተፈፀመውን ድርጊት በተመለከተ ፖሊስ ቤት መጥቶ ቃል የተቀበለ ሲሆን ለፌዴራልና አ/አ ፖሊስ እንዲያመለክቱ አሳውቋቸዋል።

@tikvahethiopia

#ጥያቄ #የጋራመኖሪያ_ቤቶች

ብዙ ሲባልለት የነበረው የ20/80 እና የ40/60 የጋራ መኖሪያ ቤት ዕጣ ከብዙ መናጋገሪያ ጉዳዮች በኃላ ሙሉ በሙሉ መሰረዙ ይታወሳል።

በቀጣይ ዕጣው መቼ ይወጣል ? የሚለው ለጊዜው ባይታወቅም የአዲስ አበባ ከተማ ከንቲባ አዳነች አቤቤ " ከገጠመን ችግር ተነስተን ተገቢውን ሁሉ ጥንቃቄ በማድረግ በፍጥነት ዳግም እጣ በማውጣት በፍትሀዊነት ተደራሽ ለማድረግ እንሰራለን " ሲሉ አሳውቀዋል።

የቀጣዩ ዕጣ ከመውጣቱ በፊት ግን የተለያዩ አካላት ከወዲሁ እጅግ ልዩ ጥንቃቄ እንዲደረግ እና ታማኝነት ፍትሃዊነት እንዲረጋገጥ እየጠየቁ ይገኛሉ።

ቤት ይደርሰናል በማለት ረጅም ዓመታት እየተቸገሩ ቆጥበው በተስፋ የሚጠባበቁ ነዋሪዎች መካከል በርካታ የቲክቫህ ኢትዮጵያ ቤተሰብ አባላት በቀጣዩ ዕጣ አወጣጥ ዙሪያ መልዕክታቸውን እየላኩ ጥያቄ እያቀረቡ ይገኛሉ።

ከነዚህ መካከል በቀጣይ ዕጣው የመውጣት ሂደት ላይ ሁሉም ለዕጣው ብቁ ሆነው የተገኙት ቆጣቢዎች ዕጣ ከመውጣቱ በፊት የስም ዝርዝራቸው በይፋ እንዲገለፅ ፣ ከዕጣው መውጣት በፊት ቤቶቹ ያሉበት ሳይት ቤቶቹ ካሉበት ወለል ጋር እንዲገለፅ፣ በሂደቱ ዕጣ የማይወጣላቸው ቤቶች አጠቃላይ ምን ያህል እንደሆኑ በግልፅ እንዲብራራ ጠይቀዋል።

ሌላው የ20/80 የባለ 3 መኝታ ቤት ተመዝጋቢዎች አሁን በሚወጣው ዕጣ ላይ እንዲካተቱ ጠይቀዋል።

ባለፈው ውድቅ በተደረገው የዕጣ አወጣጥ ከ1997 ተመዝጋቢዎች በአግባቡ እየቆጠቡ ያሉ ጥቂቶች መኖራቸው መግለፁ ይታወሳል (በቤት አስተዳዳሪው ቦርድ ውሳኔ ፕሮግራሙ ከሲስተም ውጭ ቢሆንም)።

እኚህ ቆጣቢዎች በባለፈው ዕጣ ውስጥ ያልተካተቱ ከመረጃ ውስንነትና በባለፈው ሲስተም ላይ የመረጃ መመሰቃቀልን ለመከላከል ሲሆን በልዩ ሁኔታ ለብቻቸው እንዲስተናገዱ መወሰኑ ይታወቃል።

የባለፈው ዕጣ አወጣጥ የ20/80 የባለሶስት መኝታ ቆጣቢዎች በቀጣዩ ላይ በዕጣው ላይ እንዲካተቱ ከወዲሁ እንዲሰራ ጠይቀዋል።

ሌላው የ2005 የ20/80 ባለሶስት መኝታ ቆጣቢዎች በርካታ ጥያቄ ያላቸው ሲሆን በ13ኛው ዙር ተጀምሮ በ14ኛው ዙር አለመካተቱ ጥያቄ እንደፈጠረባቸው ፤ ግልፅ የሆነ ማብራሪያም እንደሚፈልጉ በመግለፅ አስተዳደሩ በድጋሚ አጢኖት በቀጣይ ላይ እንዲካተቱ ጠይቀዋል።

በተለይ ማብራሪያውን እየጠየቁ የሚገኙት ላለፉት 9 ዓመታ እየቆጠቡ የሚገኙት ወገኖች በ13ኛው ዙር የጋራ መኖሪያ ቤቶች ዕጣ አወጣጥ ወቅት በብሄራዊ ቴሌቪዥን ጣቢያ ሳይቀር በ1997 ለባለ3 መኝታ የተመዘገበ የለም ሁሉም በ2005 የተመዘገቡ ስለሆነ ወደእነሱ ይተላለፋል ተብሎ ነበር ነገር ግን በ14ኛው ዙር አለመካከተቱ ግልፅ ማብራሪያ የሚያስፈልገው መሆኑን ገልፀዋል።

@tikvahethiopia

" ውሳኔውን ማሳለፍ ከባድ ነበር " - ወ/ሮ አዳነች አቤቤ

የጋራ መኖሪያ ቤቶች ዕጣው ሙሉ በሙሉ ውድቅ እንዲደረግ የተላለፈው ውሳኔ ከባድ እንደነበር ነገር ግን ውሳኔው ባይተላለፍ ተጎጂ የሚሆነው ህዝብ እጅግ ከፍተኛ እንደነበር የአዲስ አበባ ከንቲባ ገለፁ።

ይህ የገለፁ ከኤፍ ኤም አዲስ 97.1 ጋር በነበራቸው ቆይታ ነው።

ከንቲባ አዳነች አቤቤ ፤ በቤቶች ዕጣ አወጣጥ ላይ የተፈፀመው ማጭበርበር እኛንም ጨምር በጣም ያሳዘነና ያሰደነገጠ ነበር ይህን ተከትሎ ዕጣው ውድቅ እንዲሆን የተወሰነውን ውሳኔ ማሳለፍ በጣም ከባድ ነበር ብለዋል።

" ህዝቡ በጣም ጓግቶ ነበር የጠበቀው፣ በቀጥታ ስርጭት ዕጣ ሲወጣ ሰው ያየበት ነበር፣ ግማሹ በቀጥታ ስርጭት ስሙን ያየ ፣ በዕለቱ የፕሮግራም አስተዋዋቂው ጭምር የሰው ስም ሲያስተዋውቅ ስለነበር እዛ ውስጥ በጤነኛ መንገድ ቆጥበው የመጡና ዕጣ የወጣላቸው ስላሉ ውሳኔ ማሳለፉ ከባድ ነበር " ሲሉ ገልፀዋል።

አክለውም " ውሳኔውን ለማሳለፍ ጉልበት የሆነን ባለፈው ዓመት ኮተቤ ዩኒቨርሲቲ አስጠንተን ያየነው ውጤት እንድንደፍር አድርጎናል።

ሁለተኛ ውስጣችን ያለው ፍትሃዊነትን የማንገስ ፍላጎት ደፍረት ሆኖናል፣ ከፍተኛ የከተማውን አመራር ወዲያው ይሄን ዕጣ በምንም አይነት ተጣርጦ እንኪያልቅ ድረስ ህዝቡ እንዲታገሰን የመጨረሻ መግለጫ እናውጣ ፤ ማጣራቱን ተቋማቱ ፈጥነው እንዲጨርሱ ግፊት እናድርግ እየታየ እየመጣ ያለው ሂደት በአጠቃላይ አጠቃላይ ውጤቱን የሚያዛባ እንጂ የተወሰነ ስህተት ከውስጡ ማረም የሚያስችል ሆኖ አላገኘነውም " ብለዋል።

" ውሳኔውን ለህዝቡ ስንል፣ ለፍትሃዊነት ስንል ነው እዚህ ውሳኔ ላይ የደረስነው ፤ በእርግጠኝነት ያንን 25,491 እነኚህ ናቸው የወጣላቸው ብለን ብናረጋግጥ ኖሮ የሚጎዳው ህዝብ ቀላል አልነበረም።

ሁለተኛ mess ይፈጠር ነበር፣ ባንክም ለእነኚህ ሁሉ ውል ያዋውላል ብዬ አላምንም ብዙ ናቸው eligible ያልሆኑ፣ መንግስት እና ህዝብ መካከል ያለውን ትምምን የፈለገ ቤት ብንገነባ በጣም ይጎዳው ነበር በዚህም ከተማ አስተዳደሩ ለህዝቡ የገባውን ቃል ታማኝነቱን ተመልሶ ያረጋገጠበት ነው የገጠመን ነገር።

ለምን ያጋጥማል አይባልም ፤ ሊያጋጥም ይችላል ካጋጠመን ግን ያ ማጭበርበር አልፎን እንዳይሄድ የተደረገውን ጥረት መመልከት ነው ያለበት " ሲሉ ተናግረዋል።

@tikvahethiopia

#USA

በአሜሪካ ውስጥ በሕጻናት ላይ የመጀመሪያ የሆኑ ሁለት በዝንጀሮ ፈንጣጣ የተያዙ ልጆች መገኘታቸውን የጤና ባለሥልጣናት ማስታወቃቸውን ቢቢሲ ዘገበ።

በሽታው በአገሪቱ ውስጥ እየተስፋፋ ነው እየተባለ ባለበት በአሁኑ ወቅት በበሽታው የተያዙት ሁለቱ ሕጻናት የተገኙት ካሊፎርኒያ ውስጥ ነዋሪ በሆነ እና በሌላ በዋሽንግተን በኩል ሊያልፍ የነበረ የአገሪቱ ዜጋ ባልሆነ ልጅ ላይ ነው።

የአሜሪካ የበሽታዎች መቆጣጠሪያ ማዕከል (ሲዲሲ) እንዳለው ሁለቱ ሕጻናት በአሁኑ ጊዜ “በመልካም ጤንነት ላይ ናቸው።”

ከስምንት ዓመት በታች ባሉ ሕጻናት ላይ የዝንጀሮ ፈንጣጣ ከባድ ሊሆን እንደሚችል ማዕከሉ ጨምሮ አመልክቷል።

በመላዋ አሜሪካ እስካሁን ድረስ ከ2 ሺ 500 በላይ በዝንጀሮ ፈንጣጣ የተያዙ ሰዎች መመዝገባቸው የቢቢሲ መረጃ ያሳያል።

@tikvahethiopia

#የጀግኖቹ_ወላጆች ❤️

የኢትዮጵያን ስም በዓለም ላይ ከፍ እያደረጉ ካሉት አትሌቶቻችን መካከል ቤተሰቦቻቸው የግንኙነት መስመር ከዓመት በላይ በተቋረጠበት ትግራይ ክልል ውስጥ ይኖራሉ።

እነሱን ጨምሮ ሁሉም የትግራይ ህዝብ የኢንተርኔት ግንኙነት ባለመኖሩ ስሜቱን እንደኛ በማህበራዊ ሚዲያ ላይ ለማጋራት አልታደለም።

ከከተሞች ወጣ ባሉ የትግራይ ክልል ክፍል የሚኖሩ የአትሌቶች ቤተሰቦችም የልጆቻቸውን ድል የሰሙት ሌላው የተቀረው የኢትዮጵያ ህዝብ ከሰማ ከሰዓታት በኃላ ነው።

የለተሰንበት ግደይ ወላጆች ፦

" ነገ መንጋቱ አይቀርምና ጠንክረሽ ስሪ ፣ ይሄ ግዜ አልፎ ከትግራይ ህዝብ ጋር የምትገናኝበት ጊዜ ሩቅ አይደለም፤ በሰላም ያገናኘን "

የጎተይቶም ገ/ስላሴ እናት ፦

" ድሉን ቢሰሙ እንደ ኢትዮጵያ ህዝብ ወላጆቼ ይደሰቱ ነበር ስትል እኔም ከእሷ ጋር አለቀስኩኝ።

በጣም ተደስቻለሁ ግን ደስታዬ ግማሽ ነው።

ከዚህ በፊት በነበረው ውድድር ላይ ስታሸንፍ ቀጥታ ስትደውል ነበር። በስልክ ነበር የምንገናኘው። አሁን ከ2 ዓመት ወዲህ ግን ስትወዳደር በቴሌቪዥን ነው የምንሰውማው እንጂ በስልክ አንሰማም።

ሁሉን ተሸክማ ናፍቆትም ፣ ሁሉን ነገር ተሸክማ እዚህ መድረሷ በጣም ነው የተደሰትኩባት እዚህ መድረሷ በጣም ደስ ያለኝ። የእግዚአብሔር ፍቃድ ነው እንጂ ቤተሰቧን ሳታገኝ እዚህ መድረሷ በጣም ነው ደስ ያሰኘኝ።

ጎተይቶም ልጄ ከህፃንነትሽ ጀምሮ ነው የኔን ክብር የምታሳይኝ ልጄ ያንቺን ልጅ ለመሳም ነው የምመኘው አይዞሽ ደስ ይበልሽ ለመገናኘት ያብቃን ነገ ይነጋል ሰው ለሰው ይገናኛል ይነጋልና አይዞሽ በርቺ "

ያንብቡ : https://telegra.ph/Tikvah-Ethiopia-07-23