#Update

ተማሪ ቢንያም ኢሳያስ የሕክምና ትምህርቱን እንዲቀጥል ተወስኗል።

የተማሪ ቢንያም ኢሳያስን ትምህርት በተመለከተ የአዲስ አበባ ዩኒቨርሲቲ የጤና ሳይንስ ኮሌጅ ዛሬ መግለጫ አውጥቷል።

በመግለጫው ፤ የተማሪ ቢንያም ኢሳያስን ትምህርት በተመለከተ ለተማሪው የትምህርት ሂደት ይረዳሉ ያሏቸውን አማራጮች መቅረቡን አስታውሷል።

ሆኖም ተማሪ ቢንያም ብቸኛ ፍላጎቱ የሕክምና ትምህርትን መማር እንደሆነ ገልጿል።

በዚሁም መሠረት የአዲስ አበባ ዩኒቨርሲቲ እና የጤና ሳይንስ ኮሌጅ አካዳሚክ ኮሚሽን በጋራ ባካሄዱት ስብሰባ ተማሪ ቢንያም ኢሳያስ የሕክምና ትምህርቱን እንዲቀጥል መወሰኑ ተገልጿል።

እስካሁን የተቋረጡ ትምህርቶችንም በማካካስ ትምህርቱን ካቆመበት እንዲቀጥል ይደረጋል ተብሏል።

ምንም እንኳን የትምህርት ሂደቱ ከባድ እና ውስብስብ ቢሆንም አዲስ አበባ ዩኒቨርሲቲ፣ የጤና ሳይንስ ኮሌጅ እና የሕክምና ት/ቤቱ የተማሪ ቢንያምን ትምህርት የተሳካ እንዲሆን የሚችሉትን ሁሉ ድጋፍ እንደሚያደርጉ የአዲስ አበባ ዩኒቨርሲቲ የጤና ሳይንስ ኮሌጅ ባወጣው መግለጫ አሳውቋል።

@tikvahethiopia

#መግለጫ

ከኢትዮጵያ መገናኛ ብዙሃን ባለሞያዎች ማህበር መግለጫ ፦

" ... ጋዜጠኞችን በሥራቸው ምክንያት ብቻ የመሰወር፣ የማሰር፣ የማንገላታትና የመደብደብ ድርጊት ተባብሶ ታይቷል፡፡

ጋዜጠኞች በሰውነታቸው ጥፋት አያጠፉም የሚል ድምዳሜ ባይኖርም የሕዝብን ጥቅም ፣ መብት እንዲከበር እና ሙያውን ለማሳደግ ፣ አገር በሕግ እንዲመራ በሚያደርጉት መሠረታዊ ሥራ የመንግሥት አካል ቁጡ ሊሆን የተገባ አይደለም።

ጋዜጠኞች በሕግ ጥሰት ከተጠረጠሩ እና ተጠያቂነት ካለባቸው ብሎም በወንጀል ከተፈለጉ በሕግ አግባብ መያዝ እና መጠየቅ ሲገባቸው፣ በጸጥታ አካላት በቁጥጥር ስር ውለው ከቤተሰቦቻቸውና ከባልደረቦቻቸው እየተሰወሩ ቀናትን በጨለማ እንዲያሳልፉ መደረጉ መንግሥት ይህንን ዘርፍ ለማቀጨጭ ፍላጎት ብቻ ሳይሆን ሥራዬ ብሎ የያዘው አስመስሎበታል። "

🔻

" ... አንዳንድ የመንግሥት የሥራ ኃላፊዎች ጋዜጠኞችንና የመገናኛ ብዙኃን ተቋማትን የአገር ችግር ፈጣሪ አድርጎ የመሳል አዝማሚያ በግልጽ እየታየ ሲሆን ይህም ከንግግር ባለፈ በተግባር እየተስተዋለ ይገኛል። የኢትዮጵያ መገናኛ ብዙኃን ባለሙያዎች ማሕበር በአሁን ወቅት ጋዜጠኞች የሚደርስባቸው ያልተገባ ወከባ እና እንግልት እንዲቆም ይጠይቃል "

🔻

" ... ፍርድ ቤቶች ጋዜጠኞች በዋስትና እንዲለቀቁ የወሰኑት ውሳኔ በፖሊስ እንዳይተገበሩ መደረጋቸው የተቋሞቹን ታማኝነት ጥያቄ ውስጥ የሚከት በመሆኑ እንዲታረም፣ መንግሥት በጎ ሲሰራ አወድሰው ፣ ጥፋትና ያልተገቡ አካሄዶችን ሲመለከቱ የሚሞግቱትን ጋዜጠኞችን በማሰርና በመደበቅ ፣ በማፈንና በማሸማቀቅ የሚያመጣው ለውጥ ለአገር የማይበጅ በመሆኑ መሰል እርምጃዎች እንዲቆሙ ማህበራችን ያሳስባል፡፡ "

(ሙሉ መግለጫው ከላይ ተያይዟል)

@tikvahethiopia

ከክልልነት ጥያቄ ጋር በተያያዘ የተሰጠ ማስጠንቀቂያ !

የፌዴራል የጸጥታና ደኅንነት የጋራ ግብረ ኃይል ዛሬ ምሽት ባወጣው መግለጫ ፤ የክልልነት ጥያቄዎች በሰላማዊ መንገድ ምላሽ እንዲያገኙ ከመንቀሳቀስ ይልቅ ጉዳዩን የአመጽና የሁከት መነሻ ለማድረግ በሚሞክሩ አካላት ላይ እርምጃ እንደሚወሰድ አስጠንቅቋል።

ከመግለጫው የተወሰደ ፦

" የደቡብ ብሔር ብሔረሰቦችና ህዝቦች ክልላዊ መንግሥት በስሩ የሚገኙ ዞኖችን በአዲስ መልክ ለማዋቀር እንቅስቃሴ እያደረገ ይገኛል፡፡

ጌዲኦም በአዲስ መልክ ከሚዋቀሩ ዞኖች አንዱ ሲሆን፤ የኅብረተሰቡን ተሳትፎ በተጨባጭ ለማረጋገጥ ይቻል ዘንድ ሰሞኑን የማወያያ ሰነዶች ተዘጋጅተው የዞኑ ነዋሪ እየመከረበት ነው።

ይሁንና የጌዲኦ ዞን የክልልነት ጥያቄ መፍትሔ የማይሰጠው ከሆን ጥያቄያችንን በኃይል እናስፈጽማለን የሚሉ አካላት በህቡዕ ተደራጅተው እየተንቀሳቀሱ መሆኑ በተጨባጭ ተረጋግጧል።

በህቡዕ የተደራጁት አካላት የጥፋት እቅዶቻቸውን ለማሳካት ሀሰተኛ የማህበራዊ ትስስር ገጾች በመክፈት የተዛቡና የፈጠራ መረጃዎችን እያሰራጩ ሲሆን ማኅበረሰቡንም በተሳሳቱ መረጃዎች ለማደናገር እየሞከሩ ይገኛሉ።

እነዚህ አካላት ያደራጇቸው ግለሠቦችና ቡድኖች #ቤት_ለቤት ጭምር እየተንቀሳቀሱ ቅስቀሳ እያደረጉ ይገኛሉ፤ ይህም ባግብረኃይሉ ተደርሶበታል።

ለዚህ እኩይ ዓላማ የተደራጁና የተሰለፉ ግለሠቦችንና ቡድኖችን በደኅንነትና በጸጥታ መዋቅር አማካኝነት ተለይተው ክትትል እየተደረገባቸው ነው። ይህን በማስገንዘብ፤ ከጥፋት ተልዕኳቸው እንዲቆጠቡ በጥብቅ እናሳስባለን።

ይህን ተላልፈው በሚገኙ ላይ ተገቢውን ሕጋዊ እርምጃ እንደሚወሰድ እናስጠነቅቃለን። "

(ሙሉ መግለጫው ከላይ ተያይዟል)

@tikvahethiopia

#EthiopianAirlines

የኢትዮጵያ አየር መንገድ ግሩፕ ቀዳማዊ መሠረታዊ የሰራተኛ ማህበር አመታዊ ጠቅላላ ጉባኤውን ማካሄዱን ገለፀ።

ጉባኤው ትናንትና እና ዛሬ ነው የተካሄደው።

ትላንህ ጉባኤው በማህበሩ ምክትል ፕሬዚዳንት አቶ ኪያ ለማ፣ በአየርመንገዱ የሰዉ ሀብት ም ፕሬዚዳንት ወ/ሮ ዘነበወርቅ ገ/ጻድቅ የመክፈቻ ንግግር የተጀመረ ሲሆን የማህበሩ የስራና የኦዲት ሪፓርቶች፣ የማህበሩ የ2022/2023 በጀትና እቅድ ውይይትና ማጽደቅ እንደተደረገባቸው ተገልጿል።

የማህበሩ ጠቅላላ ጉባዔ በዛሬው ውሎ ከድርጅቱ ዋና ስራ አስፈፃሚ አቶ መስፍን ጣሰውና ከፍተኛ የማኔጅሜንት አባላት ጋር ውይይት የተካሄደ ሲሆን ከሰራተኞች በተነሱ በርካታ ጥያቄዎች ላይ ሰፊ ምላሽ ተሰቶባቸዋል።

ጠቅላላ ጉባኤው ለተለያዩ የሰራተኛ ተወካዮች ፣ የተመሰገኑ የስራ መሪዎችን የምስጋና የምስክር ወረቀት የሰጠ ሲሆን ፤ የአየርመንገዱ ሰራተኞች የማህበሩን ፕሬዝዳንት ኢ/ር ተሊላ ዴሬሳን በማህበሩ ላስመዘገቡት ለውጥ ከፍተኛ ሽልማት እንዲሁም የአየር መንገዱን ስራ አስፈፃሚ አቶ መስፍን ጣሰው የተለያዩ ስጦታዎችን አበርክቷል።

በሌላ በኩል ጉባኤው ታግዷል ፣ አልተካሄደም በሚል በተለያዩ የማህበራዊ ሚዲያዎች ላይ የሚሰራጩት መረጃዎች ውሸትና አሉባልታ ናቸው ያለው ማህበሩ ጉባኤው በተሳካ ሁኔታ ነው የተጠናቀቀው ሲል ገልጿል።

@tikvahethiopia

#ተጨማሪ

የኢትዮጵያ አየር መንገድ ግሩፕ ቀዳማዊ መሰረታዊ የሰራተኛ ማህበር አመታዊ ጠቅላላ ጉባኤን በሚመለከት ቲክቫህ ኢትዮጵያ አንድ የፍርድ ቤት ትዕዛዝ መመልከት ችሏል።

ይኸው የፍርድ ቤት ትዕዛዝ በፌዴራሉ የመጀመሪያ ደረጃ ፍርድ ቤት የተሰጠ ነው።

ትዕዛዙም ፤ " በኢትዮጵያ አየር መንግድ ግሩፕ ቀዳማዊ መሰረታዊ ሰራተኛ ማህበር ሊቀመንበር በሆኑት በተጠሪ ጥሪ ተደርጎ በስካይ ላይት ሆቴል እየተከናወነ ያለ ጠቅላላ ጉባኤ ካለ ከዛሬ 8/11/2014 ዓ/ም 6:05 ጀምሮ ከዚህ ፍርድ ቤት ተለዋጭ ትዕዛዝ እስከሚሰጥ ድረስ ጠቅላላ ጉባኤው እንዳይከናወን ታዟል። የእግድ ትዕዛዝ ትዕዛዙ ለሚመለከታቸው ይድረስ " ይላል።

ትዕዛዙ የተሰጠው 4 የማህበሩ ስራ አስፈጻሚ ኮሚቴ አባላት ፤ በተጠሪ የማህበሩ ሊቀመንበር ኢ/ር ተሊላ ደሬሳ ላይ ባቀረቡት አቤቱታ አማካኝነት ነው።

የማህበሩ ዋና ፀሀፊ ትላንት እና ዛሬ ጠቅላላ ጉባኤውን በስኬት መጠናቀቁን ያሳወቁ ሲሆን ዛሬ ምንም አይነት የእግድ ደበዳቤ እንዳልደረሳቸው ለቲክቫህ ኢትዮጵያ ገልፀዋል።

በማህበራዊ ሚዲያ ላይ ጉባኤው ታግዷል፣ አልተካሄደም በሚል የሚሰራጨው መረጃ ውሸት ነው ብለዋል።

ግለሰቦቹ የማህበሩን ንብረቶች በመበዝበዝ ላልተገባ ጥቅም በማዋላቸው የማህበሩ ምክር ቤት እና ጠቅላላ ጉባኤ ያባረራቸው እና ጉዳያቸው በፍርድ ቤት እየታየ ያሉ ናቸው ሲሉ ገልፀዋል።

4 ስራ አስፈጻሚ አባላት ጠቅላላ ጉባኤን ማገድ አይችልም ያለው ማህበሩ ፤ የማህበሩ ከፍተኛ ባለስልጣን ጠቅላላ ጉባኤው እንደሆነ መታወቅ አለበት፤ በዚህም መነሻነት ነው የሚመለከታቸው ከፍተኛ የድርጀቱ መሪዎች በጉባኤው ላይ የተገኙት ፤ ጉባኤው ስኬታማ ነበር ብሏል።

@tikvahethiopia

ሩዋንዳ - ቤቲንግ ❌

ሩዋንዳ በሁሉም የሀገር ውስጥ ጨዋታዎች ላይ የስፖርት ውርርድን (ቤቲንግ) ከዛሬ ጀምሮ እንዲታገድ አድርጋለች።

ውሳኔውን የንግድ እና ኢንዱስትሪ ሚኒስቴር ከስፖርት ሚኒስቴር ጋር በመስማማት ነው ያሳለፉት።

የስፖርት ሚኒስቴር ፤ ሩዋንዳ ውስጥ ላሉ ለሁሉም የስፖርት ቤቲንግ እና የኦንላይን ጌሚንግ ድርጅቶች እንዳሳወቀው ሌላ ውሳኔ እስኪሰጥ ድረስ በሀገር ውስጥ ውድድሮች ውርርድ (ቤቲንግ) ከዛሬ ጀምሮ እንዲቆም ብሏል።

ሚኒስቴሩ ኢንዱስትሪው በማች ፊክሲንግ / በእግር ኳስ አለም ውስጥ ለተቃራኒው ተገዝቶ የመስራት ውስልትና / ላይ ያለውን አደጋ የሚገመግም ሲሆን እስከዛው (ውርርድ) ቤቲንግ ታግዶ ይቆያል ተብሏል።

የሀገር ውስጥ ጨዋታ ሁሉንም ስፖርታዊ ውድድሮችን የሚመለከት ሲሆን የ1ኛ እና 2ኛ ዲቪዝዮን ሊግ እንዲሁም የወጣቶችን ውድድር የሚያካትት ነው።

@tikvahethiopia

#ኢትዮጵያ🇪🇹

ኢትዮጵያዊያን አትሌቶቻችን የሚሳተፉበት የኦሪጎን የአለም አትሌቲክስ ሻምፒዮና እየተካሄደ ይገኛል።

በአሁን ሰዓት የ3,000 ሜትር መሰናክል ማጣርያ እየተካሄደ ነው።

በመጀመሪያው ምድብ ፦ የሀገራችን ልጅ ጌትነት ዋለ 8.17.49 በመግባት 4ኛ ደረጃን በመያዝ አጠናቋል። በምርጥ ሰዓት ወደ ፍፃሜው አልፏል።

በምድብ ሁለት ፦ አትሌታችን ለሜቻ ግርማ 8.19.63 በመግባት #አንደኛ በመሆን አጠናቋል በቀጥታም አልፏል።

በምድብ ሶስት ፦ ኃይለማርያም አማረ አንደኛ በመሆን አጠናቋል። ወደ ቀጣይ ዙር በቀጥታ አልፏል።

እንኳን ደስ አለን 🇪🇹❤️ !!

ቲክቫህ ስፖርት : https://t.iss.one/+VvwzStMNcNHmhK0x

@tikvahethiopia @tikvahethsport

በቀጣይ --- 10:10 ላይ !

ጉዳፍ ፀጋይ ፣ ፍሬወይኒ ኃይሉ ፣ ሂሩት መሸሻ የሚሳተፉበት የ1500 ሜትር የማጣርያ ውድድር ይካሄዳል።

ድል ለሀገራችን ልጆች 🇪🇹 ❤️ !

@tikvahethiopia