#Update

የኢትዮጵያ ዜጎች ለማህበራዊ ፍትህ ፓርቲ (ኢዜማ) አንደኛ መደበኛ ጠቅላላ ገባኤውን ዛሬ ማካሄድ ጀምሯል።

ፓርቲው ጉባኤውን እያካሄደ የሚገኘው በአዲስ አበባ ከተማ ነው።

ዛሬ እና ነገ በሚቆየው የፓርቲው መደበኛ ጠቅላላ ጉባኤ የፓርቲውን መሪ ጨምሮ ለከፍተኛ የኃላፊነት ቦታዎች ምርጫ ይካሄዳል ተብሎ ይጠበቃል።

በተጨማሪ ጉባኤው በተለያዩ ጉዳዮች ተወይያቶ ውሳኔ ያሳልፋል ፤ በሀገራዊ ጉዳዮች ላይም ይመክራል ተብሏል።

ፎቶ ፦ Melkamu Outa

@tikvahethiopia

ፎቶ ፡ ብፁዕ ወቅዱስ አቡነ ማትያስ ቀዳማዊ፣ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት በቅድስት ሥላሴ ዩኒቨርስቲ የተማሪዎች ምረቃ ላይ ተገኘተው ቃለምዕዳን ሰጡ፡፡

የቅድስት ሥላሴ ዩኒቨርስቲ በተለያዩ የትምህርት ዘርፎች ከዲፕሎማ እስከ ሁለተኛ ዲግሪ በተለያየ የትምህርት ዘርፍ ያስተማራቸውን ደቀ መዛሙርት አስመርቋል።

በምረቃው ስነ ሥርዓት ብፁዕ ወቅዱስ አቡነ ማትያስ ቀዳማዊ፣ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖትና ብፁዓን ሊቃነ ጳጳሳት በተገኙበት የምረቃ ሥነ ሥርዓቱ ተከናውኗል።

ምንጭ፦ የኢትዮጵያ ኦርቶዶክስ ተዋሕዶ ቤተ ክርስቲያን ብፁዕ ወቅዱስ ፓትርያርክ ልዩ ፅ/ቤት

@tikvahethiopia

ራጂ አሸናፊ👏

በ60 ኮርሶች A+ ያመጣው ባለምጡቅ አእምሮ ባለቤቱ ራጂ አሸናፊ !

ተማሪ ራጂ አሸናፊ በአዳማ ሳይንስና ቴክኖሎጂ ዩኒቨርሲቲ (ASTU) በ60 ኮርሶች A+ በማምጣት በከፍተኛ ነጥብ ዛሬ ተመርቋል።

ራጂ አሸናፊ የተወለደው በኦሮሚያ ክልል፣ ቄለም ወለጋ ጊዳሚ ሲሆን የ8ኛ ክፍል ክልላዊ ፈተናውን እና የ10ኛ ክፍል ሀገር አቀፍ ፈተናውን በከፍተኛ ውጤት ነው ያጠናቀቀው።

የ12ኛ ክፍል ብሄራዊ ፈተናንም (ከኦሮሚያ ቦርዲንግ ትምህርት ቤት) ከመላው ኢትዮጵያ ሁለተኛውን ከፍተኛ ውጤት አስመዝግቦ ነው ያጠናቀቀው።

በኃላም ወደ አዳማ ሳይንስ እና ቴክኖሎጂ ዩኒቨርሲቲ (ASTU) ገብቶበ Applied Physics Department ትምህርቱን የተከታተለ ሲሆን በወሰዳቸው 60 ኮርሶች A+ በማምጣት እጅግ አስደናቂ ውጤት ማስመዝገብ ችሏል።

ራጂ አሸናፊ ባለው ከፍተኛ የሆነ ብቃት በአሜሪካ ሀገር Massachusetts Institute of Technology (MIT) ለ5 ዓመት የPhD ትምህርቱን ለመከታተል እድል አግኝቷል።

ህልሙ በፅንሰ ሀሳባዊ የPhysics መስክ ትምህርቱን ጨርሶ ለሌሎች የሀገሩ ልጆች የተሻለ እድል መፍጠር ሲሆን ከPhD ጥናቱ በኃላ ወደ ASTU በመመለስ የCenter for High Energy Physics የPhD ፕሮግራም መክፈት ነው።

በሌላ በላኩል የሀራምቤ ዩኒቨርሲቲ ዛሬ በከፍተኛ ማዕረግ ለተመረቀው ራጂ አሸናፊ 50 ሺህ ብር ሸልሟል ፤ የዛሬ አራት አመት የ12ኛ ክፍል ከፍተኛ ውጤት ሲያመጣ ዩኒቨርሲቲው ሽልማት አበርክቶለት ነበር።

@tikvahethiopia

#SUDAN #DrWorknehGebeyhu

የምስራቅ አፍሪካ የልማት በይነ መንግስታት (ኢጋድ) ዋና ፀሐፊ ዶ/ር ወርቅነህ ገበየሁ በሱዳን የአንድ ቀን የስራ ጉብኝት አድርገዋል።

ዋና ፀሀፊው በስራ ጉብኝታቸው ከሱዳን ጦር አዛዥ እና የሃገሪቱ ሉዓላዊ የሽግግር ምክር ቤት ሊቀመንበር ሌ/ጄ አብዱል ፈታህ አል ቡርሃን ጋር ተገናኝተው መወያየታቸውን አሳውቀዋል።

በውይይቱ ኢጋድ ማክሰኞ ዕለት በኬንያ፣ ናይሮቢ ስለሚያካሂደው ስብሰባ የተነሳ ሲሆን ዶ/ር ወርቅነህ ከውይይቱ በኃላ በሰጡት መግለጫ በኢጋድ ስብሰባ ላይ የሁሉም አባል ሀገራት መሪዎች እንደሚገኙ ማረጋገጠናቸውን ገልፀዋል።

ስብሰባው እጅግ በጣም በወሳኝ ሰዓት የሚደረግ ስብሰባ ነው ተብሏል።

ስብሰባውን በተመለከት ዶ/ር ወርቅነህ ገበየሁ ፤ " እጅግ በጣም ወሳኝ ስብሰባ ነው " ያሉ ሲሆን " የሁሉም አባል ሀገራት መሪዎች እንደሚመጡ አረጋግጠውልናል ፤ የቀጣናው ጉዳይ በመሪዎችችን አማካኝነት ይመከርበታል ይህ እጅግ በጣም ትልቅ ዜና ነው " ብለዋል።

" መሪዎቻችን ቀጠናውን በሚያሳስቡ ጉዳዮች ላይ ፣ ለሰላም እና ደህንነት እንቅፋት ስለሆኑ ጉዳዮች ፣ በድርቁ ሁኔታ ላይ " ይመክራሉ ሲሉም ገልፀዋል።

ሱዳን የወቅቱ የኢጋድ ሊቅመንበር መሆኗ ይታወቃል።

@tikvahethiopia