የነዳጅ ድጎማው መነሳት !

የገንዘብ ሚኒስትር ዴኤታ ዶ/ር እዮብ ተካልኝ (ከቀናት በፊት በብሄራዊ ቴሌቪዥን ጣቢያ/ኢቲቪ ላይ ቀርበው የተናገሩት) ፦

" ነዳጅ ላይ መንግስት እያደረገው ያለው ድጎማ ብንፈልገውም ይዘነው መቀጠል የምንችለው አይደለም። ስለ 100 ቢሊዮን፣ 130 ቢሊዮን ነው እያወራን ያለነው።

ይሄ የስንት ድሃ ጎሮሮ ይዘጋ፣ ስንት ት/ቤት ይከፍታል፣ ስንት መንገድ ይሰራል የሚለውን ማሰብ ነው ያለብን። በጣም የተሳሳተ አቅጣጫ ነው።

የአሜሪካ ኤምባሲን ነዳጅ ምንደጉመው ለምንድነው ? የመንግስትም ተቋማት በጀታቸውን ይዘው በስነስርዓት ባለው ቆጥበው መጠቀም እየቻሉ እንደገና በተዘዋዋሪ የምንደጉማቸው ለምንድነው ? ከዚህኛው ኪዝ አውጥቶ ወደ ሌላኛው ኪስ ይሄ ደግሞ ምን ይፈጥራል የተዝረከረከር አሰራር ሁል ጊዜ ለስርቆት መንገድ ይከፍታል።

ወደ ጎረቤት ሀገሮች ነዳጅ በጄሪካን፣ በቦቴ እየተጫነ የሚሄደው ለምንድነው ? ይሄ ከአንዲት ድሃ እናት በመጣ ገንዘብ የሚገዛ ነው። ይሄ ፖሊስ (የድጎማው መነሳት) የሚጠቅመው በዋነኝነት ድሃውን የኢትዮጵያን ህዝብ ነው ብሎ ማሰብ በጣም ጠቃሚ ነው።

እንደጉማቸው የነበሩ ሰዎች መግዛት የሚችሉ ናቸው። ግን ይሄ ፖሊሲ Targeted ነው። አሁንም ሁሉንም በጥቅሉ መደጎም ትተን የሚገባውን እንደጉም ነው ዋናው የፖሊሲው ሀሳብ የማይገባው አቅም ያለው ገዝቶ ይጠቀም አነስተኛ ገቢ ያለውን ግን እንደጉም ነው። በዚህ አንፃር በጣም የታሰበበት ትክክለኛ ፖሊሲ ነው።

... የኑሮው ውድነት ላይ ያለው expectation direct impact የሚያደርጋቸው ነገሮች አሉ። እንዱሁ ግን የእኛ የንግድ ስርዓት ችግር ስለበት አንድ ይሄ ነገር ጨመረ ሲባል ሌላውን 10 ብር ስለሚጨምር ችግር ነው እሱን መቆጣጠር አለብን እንጂ ልክ ድጎማው ስለተነሳ አጠቃላይ የዋጋ ጭማሪ ይመጣል ማለት አይደለም መሆንም የለበትም እሱን መቆጣጠር አለብን።

ፖሊሲው ግን ለነገ የምናቆየው አይደለም በጣም important የፖሊሲ እርምጃ ነው። ታስቦበት የተሰራ ነው።

እርግጠኛ ነኝ ህዝቡም ውጤቱን እያየው ሲመጣ እውነትም ይሄ የዘገየ ፖሊሲ ነው ይላል። እንዴያውም ለምን እስካሁን አቆያችሁ ነው ጥያቄው መሆን ያለበት እሱን ሳይጠይቁን ያለፈው አልፏል ቶሎ ወደ ስራ ማስገባት ያለብን ነው የሚመስለኝ። "

@tikvahethiopia

#ZH

ያገለገሉ እና አዲስ ካሜራ እና የካሜራ እቃዎችን እንገዛለን እንሸጣለን ከታች ባለው ቴሌግራም ሊንክ ያገኙ https://t.iss.one/joinchat/AAAAAEUTeB3LSYVFukiuQw

ይደውሉልን 0911284905

አድራሻ= ቦሌ ወሎ ሰፈር HMM ህንፃ 2ኛ ፍቅ 205

#ተጨማሪ

በ " FIAS 777 " በሚል የሚንቀሳቀሱ አካላት አጭበረበሩን ካሉት መካከል እጅግ በጣም በጥቂቱ ፦

📩 " 40000 ብር ተበልቻለሁ "

📩 " በFIAS እኔም 30 ሺህ ብር ተብልቻለሁ "

📩 " እኔም ገንዘቤን ተበልቻለሁ ፤ ተበድሬ ነበር የገባሁት በሰዎች ጉትጎታ ኤጀንቶቹም አድራሻቸውን አጥፍተዋል "

📩 " በFIAS 777 የተዘረፉ በሚያውቋቸው ኤጀንቶች ላይ ክስ ለመስረት እያተዘጋጁ ነው "

📩 " ዘንድሮ የዩኒቨርስቲ ተማሪ ነኝ የምመረቅ ዘንድሮ ነበር ነገርግን ከቤተሰብ ለመመረቂያ ልብስ ብር አስልኬ fias777 ለተባለ አጭበርባሪ platform ልኬ ምንም ብር ሳይገባልኝ በሉት። ከተቻለ እርምጃ እንዲወሰድበት አሳስባለሁ። በተጨማሪ ሌሎች የማጭበርበሪያ መንገዶችን ለምሳሌ ፦ HDU, DH አና የመሳሰሉ platform እየተጠቀሙ ስለሆነ ማንም እንዳይጭበረበር "

📩 " የመንግስት ያለህ እኛ የFIAS ተጠቃሚወች ድርጅቱ ሀገረ መንግስቱ እውቅና የሰጠው ነው ተብለን ነው የገባንበት ሊንኩ ከተዘጋ ጀምሮ ገንዘብ ገቢና ወጭ እሚያደርጉልን ኤጀንቶች ቴሌግራም አካውንታቸውን ድሌት አርገው ከኛ ጋ የተጻጻፋትን አጥፍተው ነው ውሀ ሽታ የሆኑት በመቶ ሽወች የሚቆጠር ገንዘብ vIP Upgrade ያደረጉ ልጆች እያበዱ ነው። "

📩 " እዚህ ኢትዮጵያ ሲያስተባብሩ የነበሩት ይታወቃሉ ፤ ልብስ ለብሰው በአደባባይ ሲታዩም ነበር ፤ እንዴት እና ገንዘቡን የት እንዳደረሱት ይጠየቁ "

📩 " 30 ሽህ ብር አንድ ብር ሳላወጣ ተበልቻለው ባንክ የከፈልኩበትን ደረሰኝ ማቅረብ እችላለሁ "

📩 " በሰው በሰው ገብቼ 30 ሺህ ብር ተበልቻለሁ ፤ ስለድርጅቱ አንዳች ነገር አላውቅም "

📩 " እሄ website በ internet ነው እሚሰራው ግባ ብሎ በማላቀዉ ነገር fias 777 lay ኣስገብተዉ አሁን ላይ እስከ100 ሺህ ሚገመት ብር ከሰዉ ኣስበድረው ኣስበልተውኛል:: የ bank full መረጃ አለኝ "

📩 " ህጋዊ በመምሰል በጦርነት እና በዚህ በኑሮ ውድነት የሚሠቃየውን ሚስኪኑን ማህበረሰባችንን ዘርፎ ስለጠፋው fias777 ስለሚባል ድርጅት መናገር ፈልጋለሁ። አብዛኛው ሰው ትርፋ አገኛለሁ በሚል መንፈስ ከሰው በመበዴር፣ መሬት በመሸጥ፣ ቋሚ ንብረቶቹን ሳይቀር በመሸጥ ለዚህ ድርጂት መጀመሪያ አካባቢ ከ1000 እስከ 30,000 ብር ገቢ ያዴረጉ ሲሆን አሁን በቅርቡ ሊዘጉት አካባቢ ዴግሞ እስከ 180,000 ብር ድረስ ለዚህ ድርጅት ገንዘባቸውን ገቢ በማድረግ ገንዘባቸው የውሀ ሽታ ሁንዋል "

(ውድ ቤተሰቦቻችን ፦ ይህ ከብዙ በጥቂቱ ከተላኩት ውስጥ የቀረበ ሲሆን አብዛኛው ሰው በሰው በሰው መግባቱን እና አሁን ስራውን እንሰራለን የሚሉ አካላት መጥፋታቸውን የሚጠቁም ነው ፤ ተበላ የተባለው ገንዘብም እጅግ በጣም ከፍተኛ ነው። የሚመለከተው አካል ገንዘብ ገቢ በተደረገባቸው አካውንቶች መሰረት ሰዎችን ተጠያቂ እንዲያደርግ ጠይቀዋል።)

ከዚህ በፊት በኦንላይን በሚሰራ ስራ በርካታ ትርፍ እናስገኛለን እያሉ ስለሚንቀሳቀሱ አከላት ጥንቃቄ እንዲደረግ መልዕክት መተላለፉ የሚዘነጋ አይደለም ፤ አሁንም በሌላ ስም የሚንቀሳቀሱ አሉ ጥንቃቄ ይደረግ።

@tikvahethiopia @tikvahethiopiaBOT

#Update

ከሰሞኑን ጥቃት የተፈፀመበት የምዕራብ ኦሮሚያ ጊምቢ ወረዳ ሁኔታ ምን ይመስላል ? የህብረተሰቡስ ጥያቄ ምንድነው ?

(ከምዕራብ ወለጋ ጊምቢ ቲክቫህ አባላት)

- አባሴና ወደ ተባለበት አካባቢ አልፎ አልፎ የተኩስ ድምፅ ይሰማል።

- በሰኔ 11ዱ ጥቃት የተጎዱ ሪፈር እየተደረጉ ነው።

- እስካሁን (ዛሬ ጥዋት ድረስ) በህይወት ለተረፉ ወገኖች በበቂ ደረጃ አስፈላጊ እርዳታ አልደረሰም።

- በመጠለያ ያሉ ወገኖች ወደ አርጆ ጉደቱ ውስዱን ቢሉም መከላከያ እኛ እያለን ምንም አይፈጠርም ብሏል፤ አሁን የጥቃት ስጋት ባይኖርም መከላከያው ከወጣ ታጣቂዎች ተመልሰው መጥተው ጥቃት ሊያደርሱ ይችላሉ የሚል ስጋት አለ። ህብረተሰቡ መከላከያ በመኖሩ ከስጋት ነፃ ቢሆንም መከላከያው አረጋግቻለሁ ብሎ ከወጣ ሌላ ጥቃት ሊፈፀም ይችላል የሚል ስጋት አለው።

- ማህበረሰቡ ወደበፊት ቦታ ለመመለስ ሌላ ጥቃት እንደማይደርስብን ምን ዋስትና አለን ? በተጨማሪ በባለፈው ሰኔ 11 ጥቃት ያየነው ነገር እንድንመልስ የሚያደርግ አይደለም ብሏል። ገበሬውም ለምንድነው ገብተን የምናርሰው ተመልሰው መጥተው ጥቃት ያደርሱብናል የሚል ስጋት አለው።

- የተጠያቂነትን ጉዳይ በተመለከተ ደግሞ አካባቢውን ከሚያስተዳድሩት አንዳቸውም በክልል፣ በዞን ፣ በወረዳ፣ ደረጃ መጠየቃቸውን አልሰማንም። የዞን እና የወረዳ አካላት የፀጥታ ችግር እንዳለ ያውቃሉ ፣ ማህበረሰቡም እየፈራ ነበር ወደ ፌደራል ወደላይ አካል ሪፖርት የሚያደርግ አልነበረም። አይደለም ሊጠየቁ ስምምነት ያላቸው ነው የሚመስለን ፤ ለስም መንግስት የሾማቸው ነገር ግን ተገዢነታቸው ለታጣቂዎቹ ነው የሚመስለው።

- ፍትህ ሚወርደው ከታች እስከላይ ያሉ ኃላፊነታቸውን ያልተወጡ አካላት ሲጠየቁ ብቻ ነው። ሽብርተኛ ተብሎ የተፈረጀውን ቡድን የሚረዳ አካል አለ ፤ እነሱን መጠየቅ ሳይቻል እንዴት ፍትህ ይሰፍናል ?

- አሁንም ፤ ከነነፍሳቸው #ወደጫካ ይዘዋቸው የሄዱ ህፃናት፣ ወጣቶች ብዙ አሉ። እነዛ እስካሁን በህይወት ይኑሩ አይኑሩ የሚታወቅ ነገር የለም። አንዳንዶቹ መከላከያ ወደጫካው እየገባ እየተታኮሰ ሲሄድ ሬሳቸው ተገኝቷል።

- አሁን ድረስ ሰፈር ውስጥ ያልተገኙ ብዙ ሰዎች አሉ፤ እንትና የታለ እየተባለ ሲጠየቅ የሌለው ብዙነው። አስክሬናቸው ያልተገኘ በህይወትም በአካባቢው የሌሉ ፤ ወደጫካ ተተወሰዱ ናቸው።

- ታጣቂዎቹ ከመንግስት የፀጥታ ኃይል በላይ ሆነው አይደለም ፤ ነገር ግን የሚረዳቸው የሚደግፋቸው አካል አለ፤ ይሄ ሁሉ አመት እንዲህ ስቃይ የበዛው ከጀርባ የሚደግፋቸው በመኖሩ ነው። በተለይ ደግሞ የአካባቢው የፀጥታ ኃይል አንዳችም የሚያደርገው ነገር የለም ፤ መከላከያው ሲመጣ ነው ሁኔታዎች የሚቀየሩት።

- ማህበረሰቡ መጀመሪያም ታጣቂዎች በአካባቢው እንደሚንቀሳቀሱ አሳውቆ ነበር። ከቶሌ እስከ ጉተን መስመር ድረስ እየመጡ እየተዝናኑ ወደጫካ ይመለሱ ነበር ፤ አንድ አሸባሪ የተባለ የታጠቀ ኃይል ንፁሃን ያሉበት አልያም አስተዳድራለሁ የምትለው ግዛት ውስጥ ገብቶ እንደፈለገ ሆኖ ሲወጣ እርምጃ ካልወሰድክ ትርጉሙ ሌላ ነው።

- ታጣቂዎች ጥቃት እየፈፀሙ ያሉት በጥላቻ ፣ ባለፈ ታሪክ ተነስቶ በብቀላ መንፈስ ነው፤ እንጂ አንድም የስልጣን ሆነ የፖለቲካ ግብ ያላቸው አይመስልም። ስልጣን ይዞ ለማስተዳደር ከሆነ የሚያስተዳድሩትን ማህበረሰብ አይገድሉም።

- አሁን የሟቾች ቁጥርን በተመለከተ የተለያዩ ቁጥር መውጣቱ በጫካ የተገደሉትን ፣ አስክሬናቸውን ያልተገኘ በመኖሩ ነው እስካሁን ግን የሰፈሩ ሰው ወደ 600 አካባቢ መቅበሩን ገልጿል። ገና ግን ያልተገኙ አሉ።

- መንግስት በሽብርተኛ ድርጅትነት የፈረጀው " ሸኔ " ያለምንም ድብብቆሽ በግልፅ ነበር ሲኖር የነበረው። ዬሳዲምቱ ላይ እራሱ ካምፕ ነበራቸው በግልፅ ነው ሲንቀሳቀሱ የነበሩ ክልሉ ይህ ሁሉ ሲሆን አያውቅም ማለት አይቻልም። የቀበሌ ሊቀመንበር በታጣቂዎች ተይዞ እየተገረፈ ፤ ያሉበትም ሚንቀሳቀሱበትም እያታወቀ መፍትሄ አለመሰጠቱ ድጋፍ እንዳለው ማሳያ ነው።

- አሁን ላይ የተለያዩ የዓለም አቀፍ ተቋማት ለአብነት እንደ ተባበሩት መንግስታት ድርጅት አይነት መንግስት ላይ ጫና ካላሳደሩ መፍትሄ ይመጣል ብለን አንጠበቅም ፤ እንዲሁ የሰዎች ሞት እንደተለመደ ያልፋል።

* (ሰኔ 11 ቀን 2014 በምዕራብ ወለጋ በተፈፀመው ጥቃት በርካታ ንፁሃን አብዛኛዎቹ ሴቶች እና ህፃናት መገደላቸው ይታወሳል። መንግስት ለግድያው ተጠያቂ ሽብርተኛ ድርጅት ያለውን " ሸኔ " (የኦሮሞ ነፃነት ሰራዊት) ሲል የታጣቂ ቡድኑ በበኩሉ ጭራሽ በአካባቢው አልነበርኩም ፤ ጥቃቱን የመንግስት ኃይሎች ናቸው የፈፀሙት ሲል ማስተባበሉ ይታወሳል ፤ የተባበሩት መንግስታት ድርጅት ምዕራብ ወለጋ የተፈጸመውን አሰቃቂ የጅምላ ግድያ ላይ የመንግስት ባለሥልጣናት ፈጣን፣ ገለልተኛ እና ጥልቅ ምርመራ እንዲያካሂዱ መጠየቁ አይዘነጋም)

@tikvahethiopia