#Update 🇪🇹

በወንዶች 5 ሺህ ሜትር የዳይመንድ ሊግ ውድድር ኢትዮጵያውያን አትሌቶች በበላይነት አጠናቀቁ።

1ኛ ጥላሁን ሃይሌ ፣ 2ኛ ሳሙኤል ተፈራ፣ 3ኛ ጌትነት ዋሌ በተከታታይ በመግባት አሸንፈዋል።

ሌሎች ውድድሩን የተካፈሉ አትሌቶች ሚልኬሳ መንገሻ 5ኛ፣ አሊ አብዱለመና 10ኛ ሆነው አጠናቀዋል።

ቲክቫህ ስፖርት https://t.iss.one/+VvwzStMNcNHmhK0x

@tikvahethiopia

#ETHIOPIA

ከዚህ ቀደም በተለያዩ አካባቢዎች ላይ አንዳንድ የፀጥታ ኃይሎች ፍፁም ህግን ባልተከተለ እንዲሁም ኢሰብዓዊ በሆነ መንገድ ሰዎችን ሲደበድቡ ፣ በጥይት ተኩሰው ሲገድሉ፣ በህይወት ያለን ሰው በእሳት ሲያቃጥሉ ተመልክተናል።

የቅርብ ጊዜ ትውስታችን ከወራት በፊት በአዲስ አበባ (አንዲት እናት በፖሊስ ስትደበደብ) ፣ በኦሮሚያ፣ በቤኒሻንጉል ጉሙዝ ክልል እንዲሁም በትግራይ ክልል የተፈፀሙና ተቀረፃው የተሰራጩ እጅግ አሳዛኝ እና ኢሰብዓዊ ድርጊቶች ዋነኞቹ ናቸው።

አሁን ዳግሞ በአዲስ አበባ ከተማ እና በጋምቤላ እንደተፈፀሙ የተገለፀላቸው በፍፁም ህግን ያልተከተሉ ድርጊቶች በቪድዮ ተሰራጭተዋል።

በአዲስ አበባ አንድ የትምህርት ቤት ዩኒፎርም የለበሰ ተማሪ በፖሊስ አባላት ተከቦ ሲደበደብ ይታያል ፤ አንዱን ተማሪ የሚደበድቡት የነበሩት ቁጥራቸው ከሁለት በላይ የሆኑ የፖሊስ አባላት ተሰብስበው ነው።

ህግ እያለ በአግባቡ መጠየቅ እየተቻለ ይህንን ማድረግ ለምን አስፈለግ ? የፀጥታ ኃይላት ህግን ማስከበር እና የማያውቁትን ማስተማር ሲገባቸው በዚህ አይነት ድርጊት መሳተፋቸው ምን ይባላል ?

ሌላው ከጋምቤላ የወጣ ቪድዮ አንድ ወጣት እጁን ወደኃላ ተስሮ በጥይት ሲደበደብ ይታያል። ወጣቱን በጥይት ሲደበድቡ የነበሩት የፀጥታ ኃይል ልብስ የለበሱ እንዲሁም የፀጥታ ኃይል ልብስ ያለበሱ ሰዎች ተሰብስበው ነው።

በእርግጥ ከተማዋ ከቀናት በፊት ያስተናገደችው ክስተት የሚታወቅ ቢሆንም ይህን መሰል እጅግ ኢሰብዓዊ ፣ የጭካኔ ድርጊት መፈፀም ለምን አስፈለገ ? ሰው ጥፋተኛ ሆኖ ቢገኝ እንኳን በህግ መጠየቅ አይቻልም ? ግልፅ ምላሽ ያስፈልጋል።

ውድ ቤተሰቦቻችን ጉዳዩን በተለመከተ ኢሰመኮ ክትትል እያደረገ እንደሆነ ጠይቀን የምንልክላችሁ ይሆናል።

@tikvahethiopia

#UNHCR

" ባለፈው ዓመት ብቻ በዓለም ላይ 89.3 ሚሊዮን የሚሆኑ ሰዎች በጦርነት፣ ጥቃት እና የሰብዓዊ መብት ረገጣ ምክንያት ከሀገራቸው ተገፍተው ወጥተዋል ፤ ይህም ብዛት ከዚህ በፊት ያልታየ ነው " - የተመድ የስደተኞች ጉዳይ የዛሬ ሪፖርት

@tikvahethiopia

#Update

" እሳቱ 4 ሄክታር መሬት ላይ የሚገኝ ደን ላይ ጉዳት አድርሷል "

በደቡብ ወሎ ዞን አምባሰል ወረዳ 016 ቀበሌ ራስ ጠቆሮ ጥብቅ ደን ላይ በደረሰው የእሳት አደጋ 4 ሄክታር መሬት ላይ የሚገኝ ደን ላይ ጉዳት ማድረሱ ተገልጿጻ።

ሰኔ 6/2014 ዓ.ም ሌሊት ጀምሮ በራስ ጠቆሮ ጥብቅ ደን ላይ የደረሰው የእሳት አደጋ ሰኔ 9/2014 ዓም ከቀኑ 5 ሰዓት ላይ በቁጥጥር ስር መዋሉን ተነግሯል።

የእሳት አደጋው ወደሌላ አካባቢ እንዳይዛመትና እሳቱን ለማጥፋት የአካቢቢው ማህበረሰብ፣ መምህራንና የፀጥታ ኃይሎች እርብርብ ማድረጋቸውን ተገልጿል።

በደረሰው የእሳት አደጋም ወይራ ፣ጥድ፣ ኮሶ፣ ዝግባና ሌሎች ሐገር በቀን ደኖች ላይ ጉዳት ደርሷል።

የራስ ጠቆሮ ደን ስፋት 8 ሄክታር ስፋት ሲሆን አራት ሄክታሩ መሬት ላይ የሚገኘው ጥብቅ ደን ላይ ጉዳት መድረሱ ተረጋግጧል።

በአምባሰል ወረዳ ፖሊስ ጽህፈት ቤት ከራስ ጠቆሮ ጥብቅ ደን ቃጠሎ ጋር ተያይዞ አንድ ግለሰብ በቁጥጥር ስር ውሎ ምርመራ እየተጣራበት ነው ብሏል። የአደጋው መንስኤ የእርሻ ማሳን ለማስፋፋት በተለኮሰ እሳት መሆኑን ፖሊስ ገልጿል።

መረጃው የአምባሰል ወረዳ ኮሚኒኬሽን ነው።

@tikvahethiopia

#Update

የፌዴራል ጠቅላይ ፍርድ ቤት ይግባኝ ሰሚ ችሎት ለዛሬ 10/2014 ዓ.ም በሰጠው ቀጠሮ ላይ ጋዜጠኛ መዓዛ መሐመድ እና ሰለሞን ሹምዬን በ10 ሺህ ብር ዋስ ከእስር እንዲለቀቁ ትዕዛዝ ሰጥቷል።

ትዕዛዙን ተከትሎ ጋዜጠኛ ሰለሞን ሹምዬ ከእስር መፈታቱ ተረጋግጧል።

@tikvahethiopia

#Update

2 ጉዳዮች ከጋምቤላ፦

ዛሬ የጋምቤላ ክልል ኮሚኒኬሽን ጉዳዮች ፅ/ቤት ኃላፊ አቶ አጉቱ አዲንያግ በወቅታዊ ጉዳይ ማብራሪያ ሰጥተው ነበር።

በዚህም ክልሉ ንፁሃን ላይ የሚደርስን ጉዳት ለመቆጣጠር ከፀጥታ ኃይሎች በቅንጅት እየሰራ ነው ብለዋል። ኃላፊው በከተማይቱ ብሄርን መሰረት አድርጎ ጥቃት አልተፈፀመም ማህበራዊ ሚዲያ ላይ የሚነገረው ወሬ ሁሉ ከእውነት የራቀ ነው ብለዋል።

ነገር ግን ከከተማው ህዝብ ጋር ተመሳሳይለው ተጨማሪ ጥቃት ሊከፍቱ ሲንቀሳቀሱ የነበሩ የታጣቂዎቹ ጦር ላይ እርምጃ ተወስዷል ሲሉ ገልፀዋል።

ሌላው ኃላፊው ከሰሞኑ ግጭት ጋር በተያያዘ የስነ- ምግባር ጉድለት ያለባቸው የፀጥታ አካላት እንዳሉ መንግስት ባደረገው ማጣራት ማረጋገጡን ገልፀው ተገቢውን ማጣራት በማድረግ ህጋዊ እርምጃ መዉሰድ መጀመሩን አስታውቀዋል።

እርምጃው ምን እንደሆነ እንዲሁም የፈፀሙትን ድርጊት ግልፅ አድርገው አላብራሩም።

በቀጣይም ያልተገባ ተግባር የፈፀሙና የሚፈፅሙ የፀጥታ አካላት ላይ እየተወሰደ ያለዉ ህጋዊ እርምጃ ተጠናክሮ ይቀጥላል ብለዋል።

ማስታወሻ፦ ከቀናት በፊት በጋምቤላ በተፈጠረው ክስተት የታጣቂዎችን እንቅስቃሴ መግታት ከተቻለ በኃላ ንፁሃንን ከአማፅያን (ታጣቂዎች) ጋር አደባልቆ የማየት እና በአንዳንድ ሰፈሮችም ንፁሃንን የማንገላታት ከዚህም አልፎ የማጥቃት ድርጊት እየተፈፀመ መሆኑን የሞቱ ሰዎችም ስለመኖራቸው እንደሰሙን ይህ ህጋዊ ያልሆነ ድርጊት በአፋጣኝ እንዲቆም የጋምቤላ ቲክቫህ ቤተሰብ አባላት ጥቆማ መስጠታቸው የሚዘነጋ አይደለም።

ሌላው፥ አንድ ወጣት እጁን ወደኃላ ታስሮ የፀጥታ ኃይል ልብስ በለበሱ እና ባለበሱ ሰዎች በጥይት ሲደበደብ የሚያሳይ ቪድዮ መሰራጨቱን ተከትሎ ማብራሪያ እንዲሰጥ እየተጠየቀ ነበር፤ በዚህ ላይ ግልፅ ማብራሪያ አልተሰጠም።

@tikvahethiopia

#UK #USA

አሜሪካ በጥብቅ የምትፈልገው ጁሊያን አሳንጅ ተላልፎ ሊሰጥ ይችላል ተብሏን።

የዊክሊክስ መስራች ጁሊያን አሳንጄ ለአሜሪካ ተላልፎ የመሰጠቱ ጉዳይ በUK የሃገር ውስጥ ሚኒስትር ፕሪቲ ፓቴል ተቀባይነት እንዳገኘ ቢቢሲ ዘግቧል።

ጁሊያን አሳንጄ ውሳኔውን ይግባኝ ለማለት 14 ቀናት እንዳለውም የዩናይትድ ኪንግደም ሃገር ውስጥ ፅህፈት ቤት አስታውቋል።

ፍርድ ቤቶች ጁሊያን አሳንጄን አሳልፎ የመስጠት ጉዳይ " ከሰብዓዊ መብቱ ጋር የማይጣጣም " መሆኑን ቢገነዘቡም በአሜሪካ ውስጥ " በተገቢው ሁኔታ እንደሚስተናገድ " ማረጋገጣቸውን ገልጿል።

ጁሊያን አሳንጄ በአውሮፓውያኑ 2010 እና 2011 አሹልኮ ባወጣቸው ሰነዶች ምክንያት በአሜሪካ ባለስልጣናት ይፈለጋል።

በዊክሊክስ የታተሙት እነዚህ ሾልከው የወጡት ሰነዶች ከኢራቅና አፍጋኒስታን ጦርነት ጋር የተያያዙ ናቸው።

የአውስትራሊያ ዜግነት ያለው ጁሊያን አሳንጅ በለንደን ቤልማርሽ እስር ቤት የሚገኝ ሲሆን ተላልፎ ላለመሰጠትም ከፍተኛ ትግል እያደረገ ነው።

@tikvahethiopia

#AmharaBank

የአማራ ባንክ ነገ ሰኔ 11 ቀን 2014 ዓ.ም ሥራውን በይፋ ይጀምራል።

ባንኩ ነገ በይፋ ስራ የሚጀምርበትን የምረቃት ስነስርአት ከጥዋት 3:00 ጀምሮ ለገሃር በሚገኘው ዋናው መስሪያ ቤት ያካሂዳል።

ነገ ቅዳሜ ሰኔ 11 ቀን 2014 ዓ.ም የሚያካሂደውን የምርቃ ስነስርዓት በማስመልከት በልዩ ሁኔታ ለአዲስ አበባ እና ዙሪያው #አንበሳ አውቶቡስ ተጠቃሚዎች በሙሉ የሙሉ ቀን (ከጠዋቱ 12፡00 ሰዓት እስከ ምሽቱ 3፡ዐዐ ሠዓት) የጉዞ ክፍያን ሸፍኗል።

የአዲስ አበባ እና የዙሪያዋ የአንበሳ አውቶቡስ ተጠቃሚዎች በነጻ ወደሚፈልጉባቸው ቦታዎች መጓጓዝ ይችላሉ።

በተጨማሪም ባንኩ በሁሉም የክልል ዋና ከተሞች በተመረጡ ሆስፒታሎች ለሚወልዱ እናቶች በባንኩ ስም " የእንኳን ደስ አላችሁ " ስጦታ የሚያበረክት ይሆናል።

@tikvahethiopia