#ወልዲያ

• ንግድ ፍቃድ ያላሳደሳችሁ አሳድሱ ፤ ጊዜው ካለፈ 20 ሺህ ብር ቅጣት ትከፍላላችሁ።

በተቀመጠው የጊዜ ገደብ የንግድ ስራ ፈቃዳቸውን ባላሳደሱ ነጋዴዎች ላይ በአዋጁ የተቀመጠውን የገንዘብ ቅጣት ተግባራዊ እንደሚያደርግ የወልዲያ ከተማ ንግድና ገበያ ልማት ጽ/ቤት አስታወቀ።

ታህሳስ 30 2014 ዓ.ም ለማጠናቀቅ የታቀደው የንግድ ፈቃድ እድሳት ሰራ በአካባቢው በነበረው የሰላም እጦት ምክኒያት ወደ ሰኔ 30 ቀን 2014 ዓ.ም አራዝሞ የለምንም ቅጣት አገልግሎቱን እየሰጠ እንደሚገኝ የግለፀው ፅ/ቤቱ ከሃምሌ1 ቀን 2014 ዓ.ም በኃላ ለማሳደስ የሚመጡ ነጋዴዎች በአዋጁ መሰረት 20 ሸህ ብር ቅጣት እንደሚከፍሉ አሳስቧል።

በተያዘው ዓመት 6 ሽ 101 ነጋዴዎች ፈቃዳቸውን እንዲያሳድሱ ታቅዶ እስካሁን 4 ሽህ 248ቱ ብቻ ማሳደሳቸውን የተገለፀ ሲሆን በተለያዩ ምክኒያቶች ያላሳደሱ ነጋዴዎች በከተመዋ በሚገኙ 3 የንግድ ማዕከላት በመገኘት እንዲያሳድሱ ጥሪ ቀርቧል።

መረጃው የወልዲያ ኮሚኒኬሽን ነው።

@tikvahethiopia

የተዘነጋችው አጣዬ !

ከዚህ ቀደም በተፈፀመባት ጥቃት ሙሉ በሙሉ በሚባል ደረጃ የወደመችው አጣዬን መልሶ ለማቋቋም የሚደረገው ጥረት ደካማ መሆኑን እና ለዚህም ትኩረት የሚሰጥ የመንግስት አካል ማጣቷ ተነግሯል።

ፌዴራል እና የክልል መንግስት ከተማውን እንዲያቋቁሙ ጥሪ ቀርቧል።

የከተማው ከንቲባ አሰለፍ ደርቤ መልሶ ማቋቋምን በተመለከተ ለሸገር ኤፍ ኤም 102.1 የሰጡት ቃል ፦

" ከአሁን በፊት በአንድም በሌላ የስራ እድል የተፈጠረለት አካል አሁን ስራ አጥ ሆኖ ነው ያለው።

የንግድ ተቋማቱ ተቃጥለዋል ፤ ሀብቱ ወድሟል ፤ አብዛኛው አጣዬ ላይ ከስራ እድል ፈጠራ ጋር በተያያዘ ስራዎች እየተሰሩ ስላልሆነ ከስራ አጥ ቁጥር መጨመር ጋር በተያያዘ አሁን ላይ የተወሰነ የመቆዘም አዝማማያዎች እና አጠቃላይ የመልሶ ግንባታ ትኩረት አናሳ በመሆኑ የሚስተዋሉ ችግሮች አሉ። እኛ በምንችለው እንደ ከተማ እየሰራን ነው።

ከከተማ ውጭ ያለው በከተማ አቅም የሚገነባ ስላልሆነ የፌዴራል መንግስት የክልል መንግስት እዚህ ላይ ትኩረት አድርጎ ካላገዘ ከስራ እድል ፈጠር ሆነ ከመልሶ ግንባታ ጋር ወድሞ ነው የሚቀረውና አሁን ባለው ደረጃ ከቀጠለ ትኩረት ያልተሰጠው ተግባር ስለሆነ እሱ ጋር መሰረታዊ ችግር ፈጥሮብናል ከማህበረሰቡ ጋር ፤ ትልቅ ችግር የሆነብን ከመልሶ ግንባታ ጋር የተያያዘ ነው።

ሰላም ላይ ካለው የመንግስት መዋቅር ጋር ትኩረት አድርገን እየሰራን ነው። "

አጣዬ በተፈፀመባት ጥቃት 1400 መኖሪያ ቤቶች፣ ሆቴል፣ ግሮሰሪ ፣ መጋዘን እንዲሁም 50 ቤቶች፣ ጥቃቅን እና አነስተኛ ማምረቻ ተቋማት 1550 ሙሉ በሙሉ ተቃጥለው ነበር።

ከተቃጠሉት ምን ያህሉ ተሰሩ ?

የከንቲባው ምላሽ ፦

" ከኮንቴነር አኳያ የተወሰነ ቆርቆሮ ዳጋፍ በማድረግ የንግዱ ማህበረሰብ በራሱ እንዲሰራ ጥረት አድርገን የተወሰነ የተሰሩ አሉ።

ሆቴል እስካሁን ያስጀመርነው አንድም የለም። ሆቴል የተቃጠለባቸው መልሰን የገነባንባት ያቋቋምንበት የለም ፤ ቁጥር 50 ይደርሳል ብዙ ስራ አጥም የያዘ ነው። በዚህ ላይ ካለው አቅም እና ከመልሶ ግንባታ ትኩረት አኳያ የሰራነው ስራ የለም።

የሞከርነው በዋና ቤት ደረጃ የተቃጠሉትን ከ423 ቤት ውስጥ በመንግስት 45 ቤት፣ በይፋት ልማት ማህበር 10 ቤት አሁን በአልማ 10 ቤት እየሰራን ነው በድምሩ 65 ቤት ነው እየተሰራ ያለው። "

ከንቲባው ከተማውን መልሶ ለማቋቋም ትኩረት የሚሰጥ የመንግስት አካል ማጣቷን ገልፀው የፌዴራል እና ክልል መንግስት ከተማውን በማቋቋሙ በኩል ድጋፍ እንዲያደርጉ ጥሪ አቅርበዋል።

ቃለመጠይቁ /መረጃው ከ SHEGER FM 102.1 ሬድዮ የተወሰደ ነው።

@tikvahethiopia

#አጣዬ

📩 " ከተዘነጋችው አጣዬ የግቢ ተማሪ ነኝ ፤ አሁን ክረምት የት እንደምንገባ አላውቅም። ቤት ንብረት ዜሮ ነን 😭 " - ሰዒድ (Tikvah Family - Atatye)

📩 " በአጣዬ ስር ባሉ ቀበሌዎች ውስጥ ነኝ ፤ ከቤት ንብረታችን ከተፈናቀልን አመት ሞልቶናል " - ሃያት አሊ (Tikvah Family)

@tikvahethiopia @tikvahethiopiaBOT

#MoE

በቻይና ሀገር ትምህርታቸው ሲከታተሉ የነበሩ ተማሪዎች ያቋረጡትን ትምህርት እንዲከታተሉ መፈቀዱ ይታወቃል።

ትላንትና ትምህርት ሚኒስቴር ያስቀመጠው አድራሻ እንደማይሰራ በርካታ የቤተሰባችን አባላት ገልፃችኃል።

የሚሞላው ፎርም ከላይ የተያያዘው ሲሆን በዚህ Email [email protected], [email protected] ነው የሚላከው።

መላክ የሚቻለው እጅግ ቢዘገይ እ.ኤ.አ. እስከ June 20/2022 ብቻ ነው።

ይህ የሚመለከተው የኢትዮጵያ መንግስት የላካቸውን ብቻ ነው ተብሏል።

@tikvahethiopia

#ጥንቃቄ

የግብርና ሚኒስትር ዴኤታ ዶክተር ፍቅሩ ረጋሳ ለኢዜአ የሰጡት ቃል ፦

" ባሳለፍነው ሳምንት በቢሾፍቱ እና በአዲስ አበባ ከተሞች ውስን የዶሮ እርባታ ቦታዎች የዶሮ በሽታ ተከስቷል።

በሽታው በንክኪ የሚዛመት በመሆኑ በእርባታ ቦታዎች በተወሰኑ ዶሮዎች ላይ ከተከሰተ ሌሎች ዶሮዎችን ሙሉ በሙሉ ስለሚያጠፋ ጥንቃቄ ያሻል።

በሽታው ከተከሰተ ጀምሮ ወደ ሌሎች አካባቢዎች እንዳይስፋፋ በሽታውን መከላከልና መቆጣጠር የሚያስችሉ ተግባራት እየተከናወኑ ነው።

የበሽታውን መንስኤና ምንነት ለማጥናትም የጥናት ቡድን ተቋቁሞ ናሙና እየተሰባሰበ መሆኑን ገልጸው፤ ውጤቱ ሲታወቅ ለሕዝብ ይፋ ይደረጋል።

በሚኒስቴሩ የተቋቋመው ግብረ-ኃይል በሽታው በተከሰተባቸው አካባቢዎች ብቻ ተወስኖ እንዲቀር እየሰራ ነው።

በሸታው እንዳይዛመት እየተወሰዱ ካሉ እርምጃዎች መካከል ዶሮ አርቢዎች ለተሻሻሉ የዶሮ ዝርያዎች እርባታ ከውጭ የሚገባውን የበሽታው መንስኤ እስኪጣራ የለማ እንቁላል ዝውውር ታግዷል። የለማ እንቁላል ሲባል ለዶሮ እርባታ ከውጭ የሚገባ እንጂ ለሰው ምግብ ፍጆታ የሚውል አይደለም።

የተከሰተው በሽታ በቅጡ መቆጣጠርና መከላከል ካልተቻለ በአገር የዶሮ ሀብት ላይ ከፍተኛ ጉዳት የሚያስከትል በመሆኑ ዶሮ አርቢዎችና ሕብረተሰቡ አስፈላጊውን ጥንቃቄ ሊያደርግ ይገባል።

በሽታውን የመከላከልና የመቆጣጠር እንዲሁም የግንዛቤ ፈጠራ ሥራ ግብረ-ኃይል ተቋቁሞ ወደ ሥራ ገብቷል። አሁን ላይ ሥርጭቱና የሞት መጠኑ ቀንሷል።

የታመሙ ዶሮዎችን ወደ ገበያ የማውጣት አዝማሚያዎችን በግብረ-ኃይሉ በተሰራ የግንዛቤ ማስጨበጥ ሥራ መሻሻሎች አሉ። አሁንም የበሽታው ምንነት እስኪታወቅ ጥንቃቄ ሊደረግ ይገባል።

በሽታው ባልተከሰተባቸው ቦታዎች ሌሎች ዶሮዎችን ባለማስገባት እና የራሳቸውንም ወደ ሌሎች ሥፍራዎች ባለማዘዋወር ጥንቃቄ ማድረግ ይገባል።

በሽታው የተከሰተባቸው አርቢዎች ገበያ ባለማውጣት እና የሞቱ ዶሮዎችን በመቅበር እንዲሁም በሽታው የተከሰተባቸውን የእርባታ ጣቢያዎች ኬሚካል መርጨት ይገባል።

በሽታው በሰው ጤና ላይ ያደረሰው ጉዳት እስካሁን ባይኖርም ሕብረተሰቡም በዶሮ እና በዶሮ ውጤቶች አጠቃቀም ላይ ጥንቃቄ ማድረጉ አስፈላጊ ነው።

በጉዳዩ ላይ ከኢትዮጵያ ሕብረተሰብ ጤና ኢንስቲትዩት ጋር በጋራ እየሰራን ነው "

@tikvahethiopia