የጋምቤላ ክልል ሁኔታ፦

ዛሬ ከታጣቂዎች ጋር እየተደረገ ካለው ከፍተኛ የተኩስ ልውውጥ በፊት ባለፉት ቀናት በክልሉ ፀጥታ ላይ ያተኮሩ ውይይቶች፣ ስብሰባዎች እና መግለጫዎች ሲሰራጩ ነበር።

የክልሉ መንግስት ፀጥታ ምክር ቤት በክልሉ እየተስፋፋ መጥቷል ያለውን " ህገወጥነትን ለመቆጣጠር እና ህግን ለማስከበር " በየደረጃው የጸጥታ ኃይሎችን ማጠናከር በሚያስችል ሁኔታ ዙሪያ ውሳኔ አሳልፎ ነበር።

የጸጥታ ም/ቤቱ ትላንት ባደረገው ስብስባ “ሕገ-ወጦችን እና ሥርዓት አልበኞች” ያላቸውን አካላት መቆጣጠር እና የክልሉን ሰላምና ደህንነት ማስጠበቅ “ግንባር ቀደም የትኩረት አቅጣጫ እንዲሆን” ከውሳኔ ላይ መድረሱን አስታውቋል።

የክልሉ የጸጥታ ም/ቤት በስብሰባው የክልሉን ሰላም እና ጸጥታ ሁኔታ ገምግሞም ነበር።

እነዚህን ህገ-ወጥ ተግባራት በከተማም ሆነ በገጠር በአጭር ጊዜ ማረም ካልተቻለ የጋምቤላ ክልል ልማት የሚያስቀጥል እንዳልሆነ የፀጥታ ም/ቤቱ መግባባት ላይ ደርሶ ነበር።

በክልሉ ያለውን ሰላምና ልማት የሚያመክን የህገ-ወጥነትና የሥርዓት አልበኝነት መናኸሪያ የሚያደርግ መሆኑን በመረዳት፤ ለሕዝብ ሰላምና ደህንነት ሲባል መልክ መያዝ እንዳለባቸው የክልሉ የጸጥታ ምክር ቤት ወስኖ ነው የተለያየው።

ከቀናት በፊት ሰኔ 4/2014 ደግሞ የክልሉ ርዕሰ መስተዳድር አቶ ኡሞድ ኡጁሉ በጋምቤላ ከተማ እየተፈጠረ ያለውን የፀጥታ ችግር በዘላቂነት ለመፍታት አመራሩ እና ህብረተሰቡ በቅንጅት ሊሰሩ እንደሚገባ ተናግረው ነበር።

ያንብቡ telegra.ph/Gambella-06-14

@tikvahethiopia

#Update

በጋምቤላ ከተማ የተኩስ ልውውጡ መንግስት አሸባሪ ካለው ሸኔ ወታደሮች (እራሱን የኦሮሞ ነፃነት ሰራዊት እያለ የሚጠራው) እና የጋምቤላ ነፃነት ግንባር ጋር መሆኑን ክልሉ ገልጿል።

" በጋምቤላ ከተማ ከጠዋቱ 12:30 ጀምሮ ሲካሄድ የነበረው የተኩስ ልውውጥ ያለማቋረጥ እስከ ረፋዱ 4 ሰዓት ከ20 ሲካሄድ ቆይቶ በአሁኑ ሰዓት ከተማው መጠነኛ መረጋጋት ይታያል " ሲል ክልሉ ገልጿል።

ክልሉ ፤ " የመንግስት የፀጥታ ሀይል ባካሄደው ብርቱ ትግል ከተማውን በከፊል ነፃ ማውጣት ተችሏል " ብሏል።

የደረሰው ጉዳት በውል እንደማይታወቅ የገለፀው የክልሉ መንግስት በሁለቱም ወገን ላይ ጉዳት መድረሱን አስታውቋል።

ይህ ዘገባ እስከተጠናቀረበት ሠዓት ድረስ የተኩስ ልውውጥ መኖሩን ክልሉ በፕሬስ ሴክሬተሪያት በኩል አሳውቋል።

@tikvahethiopia

#Update #ችሎት

በትላንትናው እለት 06/10/2014 ዓ.ም በደረሰው መጥሪያ መሰረት በፌዴራል የመጀመሪያ ደረጃ ፍርድ ቤት በአራዳ ምድብ ቻሎት ዛሬ ጠዋት 3:00 ሰዓት ላይ የቀረበው ጋዜጠኛ ተመስገን ደሳለኝ አቃቤ ህግ ቀርቦ ተጨማሪ 15 የክስ መመሥረቻ ቀን ጠይቆ ተፈቅዶለታል ስለሆነም ለሰኔ 22/2014ዓ.ም ጠዋት 3 ሰዓት ተቀጥሯል።

በተመሳሳይ ጋዜጠኛ መዓዛ እንዲሁም ጋዜጠኛ ሰለሞን ላይ የተጠየቀው 14 ቀን ቀጠሮ ውድቅ አድርጎ 5ቀን ተቀጥረዋል።

(Gabriela)

@tikvahethiopia

#DrAbiyAhmed

ጠ/ሚ ዶ/ር ዐቢይ አህመድ ከህ/ተ/ም/ቤት አባላት እየተነሳላቸው ላለው ጥያቄ ማብራሪያ እና ምላሽ እየሰጡ ይገኛሉ።

በአሁን ሰዓት በፀጥታ እና ተያያዥ ጉዳዮች ዙሪያ ማብራሪያ እና ምላሽ እየሰጡ ነው። በብሄራዊ ቴሌቪዥን ጣቢያ በቀጥታ መከታተል ይቻላል።

ዋና ዋና ነጥቦችን ተከታትለን እናሳውቃለን።

እስካሁን ድረስ ያነሷቸው ጉዳዮች እና ተጠይቀው ማብራሪያ የሰጡባቸው (ከፀጥታ ጉዳዮች ውጭ) በዚህ ተያይዟል : https://telegra.ph/PM-Abiy-Ahmed-06-14

#PMOEthiopia

@tikvahethiopia

#Update

ህፃን ማርኮን እስካሁን አልተገኘም።

በአዲስ አበባ ከተማ በጎርፍ የተወሰደው ማርኮን ይገረም እስካሁን አለመገኘቱ ታውቋል።

ዛሬ 7ኛ ቀን ነው።

አሁንም ፍለጋ መቀጠሉ ተገልጿል።

በሌላ በኩል የላዛርስት አከባቢ ልጆች በጎርፍ አደጋ በጠፋው ህፃን ማርኮን ሀዘናቸውን ገልፀው ከምሽቱ 12 ሰዓት (ዛሬ) በላዛርስት ት/ቤት በር ላይ የፀሎት እና የሻማ ማብራት ፕሮግራም ይካሄዳል ብለዋል።

@tikvahethiopia

#ድርድር

ካለፉት ሳምንታት ጀምሮ መንግስት ከTPLF ጋር ድርድር ሊያደርግ እንደሆነ የተለያዩ ምንጫቸው በግልፅ ያልተገለፁ/ ያልተረጋገጡ መረጃዎች ሲወጡ ነበር።

ዛሬ ከህ/ተ/ም/ቤት ለተነሱ ጥያቄዎች ምላሽ እና ማብራሪያ የሰጡት ጠ/ሚ ዶ/ር ዐቢይ አህመድ ድርድርን በተመለከተ መረጃ ሰጥተዋል።

" ከማንም ጋር ሰላም ነው የምንፈልገው። " ያሉት ዶ/ር ዐቢይ ፤ " እያንዳንዷ የሰላም ቀን ለእኛ ትርፍ ታስገኝልናለች። ሕዝብ ሳያውቀው የሚደረግ ድርድር የለም። " ብለዋል።

አክለውም ፥ " በይፋ የታወቀ አጥኚ ኮሚቴ ተቋቁሞ በምክትል ጠቅላይ ሚኒስትሩ አማካኝነት እየተመራ ሲሆን፣ እስካሁን ውጤቱን አላሳወቀም። የሚደራደረው ኮሚቴም ይሄ ነው። " ብለዋል።

" ውጊያ ሲመጣ ለሕዝብ አሳውቀን የጀመርን ሰዎች፣ ድርድር ከተጀመረ የሚያስደብቀን ነገር የለም። ነገር ግን፣ የብቻ ጠላት የለም የሀገር ጠላት እንጂ፣ ለብቻም የሚሰራ ሥራ የለም በጋራ እንጂ። " ሲሉ ለምክር ቤቱ ተናግረዋል።

የእኛም የሕዝባችንም ፍላጎት ለጥይት የሚወጣ ውጪ ለልማት እንዲወጣ ነው ያሉት ጠቅላይ ሚኒስትሩ " ሰላም እንፈልጋለን ማለታችን የተደበቀ ድርድር እናደርጋለን ማለት አይደለም " ብለዋል።

ጠቅላይ ሚኒስትር ዶ/ር ዐቢይ ፦
- በፀጥታ ተቋማት ዝግጅት፣
- በህግ ማስከበር፣
- በ ' ተረኝነት ' ጉዳይ ፣
- በማህበራዊ ሚዲያዎች ጉዳይ ፣
- ሌብነትን በተመለከተ፣
- የብሄራዊ ምክክሩን በተመለከተ የሰጧቸው ምላሽ እና ማብራሪያዎች በዚህ ታገኛላችሁ https://telegra.ph/PM-Abiy-Ahmed-06-14-2 (#PMOEthiopia)

@tikvahethiopia

#Update #Gambella

የጋምቤላ ክልል ፤ ጋምቤላ ከተማን ማረጋጋት መቻሉን አሳወቀ።

ክልሉ ፥ " ተኩስ ከፍተው በነበሩ የሸኔና የጋምቤላ ነፃነት ግንባር ላይ በፀጥታ አካላት በተወሰደ ጠንካራ እርምጃ ከተማዉን ማረጋጋት ተችሏል " ሲል አሳውቋል።

አክሎም በተወሰደዉ እርምጃ በታጣቂ ቡድኑ ላይ ከፍተኛ ሰበአዊና ቁሳዊ ኪሳራ ደርሷል ሲል አመልክቷል።

ክልሉ የከተማው ህብረተሰብ ከቤት ባለመውጣት ለፀጥታ ሀይሉ እያደረገ ላለው ትብብር ምስጋና አቅርቧል።

በከተማው ከጠዋቱ 12:30 ጀምሮ ያለማቋረጥ ለረጅም ሰዓት የተኩስ ልውውጥ ሲደረግ እንደነበር አስታውሶ በአሁኑ ሰዓት ተቆርጠው የቀሩ የቡድኑ አካላትን የማጥራት ስራ እየተከናወነ መሆኑን አስረድቷል።

" ታጣቂ ቡድኑን ሙሉ በሙሉ ለመደምሰስ በመንግስት ፀጥታ አካላት እየተወሰደ ያለዉ የማያዳግም እርምጃም ተጠናክሮ ይቀጥላል " ሲልም የክልሉ አስተዳደር አስታውቋል።

የደረሰው ጉዳት በቀጣይ እንደሚገለጽ ተገልጿል።

በሌላ በኩል ከጋምቤላ መልዕክት የላኩ የቲክቫህ አባላት ዛሬ ከጥዋት ጀምሮ በነበረው የተኩስ ልውውጥ በርካታ ታጣቂዎች መገደላቸው በአይናቸው መመልከታቸውንና በአንዳንድ የከተማው ቦታ የሞቱ ሰዎች አስክሬን ይታይ እንደነበር አስረድተዋል። በመንግስት የፀጥታ ኃይል በኩል የሞት ስለመኖሩም መስማታቸውን ገልፀዋል።

በሲቪል ሰዎች ላይ ስለደረሰ ጉዳት ግን ለጊዜው የሰሙት ነገር እንደሌላቸው አመልክተዋል።

ዛሬ በሆነው ደረጃ በከተማው የተኩስ ልውውጥ ሰምተው እንደማያውቁ የገለፁት የቤተሰብ አባላቶቻችን ታጣቂዎች ከተማ ድረስ እንኪደርሱ ቀደም ብሎ መከላከል ያልተቻለበት ሁኔታ ምርመራ ይፈልጋል ሲሉ አስገንዝበዋል።

@tikvahethiopia @tikvahethiopiaBOT