#አቢሲንያ_ባንክ

Be A Legend!
Pay online with your BoA Visa card like Drogba!
የአቢሲንያ ባንክን ትክክለኛ የቴሌግራም ቻነል ይቀላቀሉ! https://t.iss.one/BoAEth

#ችሎት

መርማሪ ፖሊስ የፌደራል የመጀመሪያ ደረጃ ፍርድ ቤት መምህርት መስከረም አበራ በ30 ሺህ ብር ዋስትና እንድትፈታ በሰጠው ውሳኔ ላይ ይግባኝ መጠየቁ ተሰምታል።

@tikvahethiopia

#Gambella

ጋምቤላ በተኩስ ልውውጥ እየተናጠች ነው።

በጋምቤላ ክልል ዋና ከተማ " ጋምቤላ " ዛሬ ከማለዳ ጀምሮ ከፍተኛ የተኩስ ልውውጥ እየተደረገ መሆኑን እና ከፊል የከተማው ክፍል ውስጥ ታጣቂዎች እንደሚታዩ ነዋሪዎችን ዋቢ አድርጎ ቢቢሲ ዘግቧል።

ጋምቤላ ውስጥ ታጣቂዎች ዛሬ ሰኔ 07/2014 ዓ.ም. ከንጋት 11 ሰዓት ተኩል ጀምሮ ነው ተኩስ ከፈቱ የተባለው። እስካሁን ጥቃቱን የሰነዘሩት ታጣቂዎች እነማን መሆናቸው የታወቀ ነገር የለም።

የታጣቂዎቹ ጥቃት ኢላማ የርዕሰ መስተዳደሩን ጽ/ ቤት ለመቆጣጠር ያለመ ሳይሆን እንደማይቀር የከተማዋ ነዋሪዎች ገልጸዋል።

ሁለት የከተማዋ ነዋሪዎች እንዳሉት በዚሁ ክስተት ሳቢያ ፦
- የመንግሥት መሥሪያ ቤቶች፣
- የንግድ ሥራዎች
- መደበኛ እንቅስቃሴዎች የተስተጓጎሉ ሲሆን ነዋሪዎችም በቤታቸው ዘግተው መቀመጣቸውን ተናግረዋል።

በክልሉ ርዕሰ መስተዳድሩ ቢሮ አካባቢም ከፍተኛ የተኩስ ድምጽ ላለፉት አራት ሰዓታት እየተሰሙ እንደሚገኙ አንድ በአቅራቢያው ያሉ ነዋሪ አክለዋል።  

የክልሉ ርዕሰ መስተዳድር አቶ ኡሞድ ኡጁሉ በከተማዋ ስለተከሰተው የተኩስ ልውውጥና አሁን ስላለው ሁኔታ " ምንም የምንሰጠው መረጃ የለም’ " ሲሉ መናገጋቸውን ቢቢሲ ዘግቧል።

በሌላ በኩል የጋምቤላ ቲክቫህ አባላት የላኳቸው መልዕክቶች ፦

📩 " Gambella lay cheger ale mesarya yetateku sewoch bezat eyegebu new tekus betam ale "

📩 " Here Gambella city upto now high fighting really we are worried please inform for concerned body "

📩 " እባካችሁ ጋምቤላ ሰላም አደለም "

በሌላ መረጃ የክልሉ መንግስት ፥ " በጋምቤላ ከተማ ያለውን አንፃራዊ ሰላም ለማደፍረስ እየተንቀሳቀሱ የሚገኙት የፀረ ሰላም ሀይሎችን ለመመከት የከተማው ማህበረሰብ ሳይረበሽ ከፀጥታ ሀይሉ ጎን እንዲሆን ጥሪ እናቀርባለን " ብሏል።

ዛሬ ከጠዋቱ 12:30 ጀምሮ የጠላት ጦር እና የመንግስት የፀጥታ ሀይል የተኩስ ልውውጥ እያደረጉ ናቸው። " ሲል ገልጾ ዝርዝር ዜናው ይገለፃል ብሏል።

ጠላት ሲል የጠራውን ኃይል በስም አልገለፀም።

@tikvahethiopia @tikvahethiopiaBOT

#Gambella

በጋምቤላ የሰዎች ህይወት ማለፉን አንድ የክልሉ ከፍተኛ ባለሥልጣን ዋቢ አድርጎ ቢቢሲ አስነብቧል።

በጋምቤላ ከተማ ውስጥ የፀጥታ ችግር መፈጠሩን ያረጋገጡት እኚሁ ባለስልጣን በዚህም የሰው ህይወት መጥፋቱንና የተጎዱ መኖራቸውን ተናግረዋል።

እሳቸው ቢያንስ ሁለት የፀጥታ ኃይሎች እንዲሁም ከታጣቂዎቹ የሦስቱ ህይወት ማለፉን ከሆስፒታል ምንጮቻቸው መረዳታቸውን ገልፀዋል።

" ለፌደራል መንግሥት አሳውቀናል። ከአቅራቢያ ወደ ከተማው ኃይል ለማሰማራት እየሞከሩ እንደሆነ ነግረውናል። እዚህ ያለው ኃይላቸው ግን ትንሽ ነው’ " ሲሉ አክለዋል።

በሌላ በኩል ለደኅንነታቸው ሲባል ስማቸው እንዳይጠቀስ የጠየቁት አንድ የከተማው ነዋሪ ከባሮ ወንዝ ተሻግሮ ያለው የከተማው ክፍል በታጣቂዎች ቁጥጥር ስለሆነ ከባሮ ማዶ ተሻግረው እንደሚገኙ ተናግረዋል።

" ከአራት ቀን በፊትም ተመሳሳይ ሙከራ ተደርጎ ነበር። ከዚህ በፊት በዚህ መጠን የታጣቂዎች እንቅስቃሴ አይተን አናውቅም ነበር " ሲሉ ነዋሪው አክለዋል።

@tikvahethiopia

#Gembi #Dmbidolo

ዛሬ ከጋምቤላ በተጨማሪ በምዕራብ ወለጋ ጊምቢ ከተማ ከማለዳ 12:30 ጀምሮ በጣም የተኩስ ድምፅ ይሰማ እንደነበር ነዋሪውም በከፍተኛ ጭንቅ ውስጥ እንደሆነ የጊምቢ ቲክቫህ ቤተሰብ አባላት አመልክተዋል።

በሌላ ደምቢዶሎ ከተማ ከማለዳዉ 12:00 ጀምሮ ከባድ የተባለ ተኩስ ልውውጥ እንደነበር የቲክቫህ ደምቢ ዶሎ ቤተሰብ አባላት አመልክተዋል።

የተኩስ ልውውጡ መንግስት ሽብርተኛ ብሎ በህ/ተ/ም/ቤት የፈረጀው ሸኔ (እራሱን የኦሮሞ ነፃነት ሰራዊት እያለ ነው የሚጠራው) እና በመንግስት ሀይል መካከል ነው ብለዋል።

ከደቂቀዎች በፊት 5:00 ላይ ተኩሱ የከባድ መሳራያ ጭምር ተጨምሮበት ከተማዉ አለመረጋጋት ውስጥ መሆኑን የቤተሰብ አባላቶቻችን ገልፀዋል።

ነዋሪዉ በከፍተኛ ስጋት ዉስጥ ሲሆን ማንም ከቤቱ እየወጣ እንዳልሆነ እና ታጣቂዎቹ እስረኞችን ማስለቀቃቸውን እንደሰሙ ገልፀዋል።

የድምጽ ፋይልም አያይዘዋል (ከደምቢ ዶሎ)

@tikvahethiopia