#DawitNega

የአርቲስት ዳዊት ነጋ ቤተሰቦች እና ጓደኞች ለቢቢሲ ትግርኛ የሰጡት ቃል ፦

" ባደረበት ድንገተኛ ህመም ዓርብ ዕለት ነው አዲስ አበባ አዲስ ህይወት ሆስፒታል የገባው።

ባለፈው ሳምንት ሰኞ ዕለት በጉንፋን መልክ የጀመረ ህመሙ ከተባባሰ በኋላ ዓርብ ወደ ሆስፒታል ተወስዶ እስከ ቅዳሜ ድረስ ህክምና ሲደረግለት ቆይቷል።

ትናንት እሁድ ከሰዓት በኋላ ህመሙ ሲጸናበት ወደ ጽኑ ህሙማን ክትትል ክፍል ገብቷል ማታ 1፡ዐዐ ሰዓት አካባቢ ህይወቱ አልፏል።

ወደሆስፒታሉ ከመምጣቱ በፊት ህመሙን ለማስታገስ በቤት ውስጥ ግሉኮስ ይወሰድ ነበር።

ህመሙ ሲበረታበት ወደ ሆስፒታል ከተወሰደ በኋላ የስኳር መጠኑ መጨመሩን እና ህመሙ ወደ የሳንባ ምች (ኒሞኒያ) መቀየሩን ተነግሮታል።

የዳዊት አስከሬን ላይ ተጨማሪ ምርመራ ይደረጋል። "

Via BBC Tigrinya

@tikvahethiopia

#Update #ችሎት

የፌደራል መጀመሪያ ደረጃ ፍ/ቤት በጋዜጠኛ ያየሰው ሽመልስ ላይ ተጨማሪ የሰባት ቀናት የምርመራ ጊዜ ፈቀደ።

ችሎቱ 7 ቀን የምርመራ ጊዜ የፈቀደው ፖሊስ " በምርመራው የሚያጠናቅቃቸው ነገሮች ካሉ " በሚል ምክንያት መሆኑን ኢትዮጵያ ኢንሳይደር ዘግቧል።

@tikvahethiopia

አርቲስት ዳዊት ነጋ ማን ነው ?

- ተወልዶ ያደገው በትግራይ ክልል ፤ መቐለ ከተማ እንዳማርያም ነው።

- ትምህርቱን የተከታተለው በዓይደር ት/ቤት ነው ፤ የሙዚቃ ስራንም አንድ ብሎ የጀመረው በመቐለ ሲሆን በ15 ዓመቱ የሙዚቃን ስራ መጀመሩን በአንድ ወቅት ተናግሯል።

- በመጀመሪያ ለመዝፈን ' ሰርከስ ትግራይ ' የሄደው ዳዊት አንዳልተቀበሉት ፤ በኃላም ወደ ማርሽ ባንድ ገብቶ በድራመርነት ለ6 ዓመት ተጫውቷል።

- ህይወት ብዙ የፈተነችው ዳዊት ነጋ ፤ መሰናክሎችን አልፎ ስኬታማ ለመሆን ብቅቶ ነበር። እናት እና አባቱን በ10 ዓመቱ ያጣው ዳዊት ህይወቱን ለማስቀጠል ገና በልጅነቱ ትንንሽ እቃዎችን እየሸጠ እራሱን ለመቻል ብዙ ታግሏል።

- ከእናት እና አባቱ ህልፈት በኃላ የእናቱ የቅርብ ሰው ወደሆኑ ጎረቤቱ የገባው ዳዊት በአንድ ወቅት ምግብ የሚበላበትን ፣ የ200 ብር ቤት ክራይ የሚከፍለውን አጥቶ ነበር።

- ከልጅነቱ አንስቶ አስራ አምስት ዓመታትን በሙዚቃ ውስጥ ያሳለፈው ዳዊት 15 ዓመት ሙሉ በዚህ ሞያ ብር ሳያገኝ፣ አንዳንዴም ምግብ ሳይበላ እያደረ ፣ የቤት ኪራይ ሚከፍለው ሲያጣ ለሊት በአጥር ዘሎ እስከመግባት አንዳንዴም ጓደኞቹ ቤት እስከማደር ደርሶ ነበር።

- ምግብ መብያ አጥቶ ብዙ የተቸገረው ዳዊት እንደሱ የተቸገር ኢትዮጵያዊ ስለመኖሩ እንደሚጠራጠር በአንድ ወቅት በሰጠው ቃለ ምልልስ ተናግሮ ነበር።

- ምንም እንኳ ብዙ የህይወት ውጣውረድ ፣ ፈተና ከፊቱ ቢያጋጥመውም ያን ሁሉ ችግር በትጋት አልፎ የወጣበትን የትግራይ ህዝብ ባህል ፣ መዚቃ በስራው ለዓለም አስተዋውቋል። በትግርኛ የሙዚቃ ዘርፍ ውስጥም የራሱን አሻራ አሳርፏል።

አርቲስት ዳዊት ነጋ በትላንትናው ዕለት ከዚህ ዓለም በሞት ተለይቷል።

@tikvahethiopia

#አቢሲንያ_ባንክ

Be A Legend!
Pay online with your BoA Visa card like Drogba!
የአቢሲንያ ባንክን ትክክለኛ የቴሌግራም ቻነል ይቀላቀሉ! https://t.iss.one/BoAEth

#ችሎት

መርማሪ ፖሊስ የፌደራል የመጀመሪያ ደረጃ ፍርድ ቤት መምህርት መስከረም አበራ በ30 ሺህ ብር ዋስትና እንድትፈታ በሰጠው ውሳኔ ላይ ይግባኝ መጠየቁ ተሰምታል።

@tikvahethiopia

#Gambella

ጋምቤላ በተኩስ ልውውጥ እየተናጠች ነው።

በጋምቤላ ክልል ዋና ከተማ " ጋምቤላ " ዛሬ ከማለዳ ጀምሮ ከፍተኛ የተኩስ ልውውጥ እየተደረገ መሆኑን እና ከፊል የከተማው ክፍል ውስጥ ታጣቂዎች እንደሚታዩ ነዋሪዎችን ዋቢ አድርጎ ቢቢሲ ዘግቧል።

ጋምቤላ ውስጥ ታጣቂዎች ዛሬ ሰኔ 07/2014 ዓ.ም. ከንጋት 11 ሰዓት ተኩል ጀምሮ ነው ተኩስ ከፈቱ የተባለው። እስካሁን ጥቃቱን የሰነዘሩት ታጣቂዎች እነማን መሆናቸው የታወቀ ነገር የለም።

የታጣቂዎቹ ጥቃት ኢላማ የርዕሰ መስተዳደሩን ጽ/ ቤት ለመቆጣጠር ያለመ ሳይሆን እንደማይቀር የከተማዋ ነዋሪዎች ገልጸዋል።

ሁለት የከተማዋ ነዋሪዎች እንዳሉት በዚሁ ክስተት ሳቢያ ፦
- የመንግሥት መሥሪያ ቤቶች፣
- የንግድ ሥራዎች
- መደበኛ እንቅስቃሴዎች የተስተጓጎሉ ሲሆን ነዋሪዎችም በቤታቸው ዘግተው መቀመጣቸውን ተናግረዋል።

በክልሉ ርዕሰ መስተዳድሩ ቢሮ አካባቢም ከፍተኛ የተኩስ ድምጽ ላለፉት አራት ሰዓታት እየተሰሙ እንደሚገኙ አንድ በአቅራቢያው ያሉ ነዋሪ አክለዋል።  

የክልሉ ርዕሰ መስተዳድር አቶ ኡሞድ ኡጁሉ በከተማዋ ስለተከሰተው የተኩስ ልውውጥና አሁን ስላለው ሁኔታ " ምንም የምንሰጠው መረጃ የለም’ " ሲሉ መናገጋቸውን ቢቢሲ ዘግቧል።

በሌላ በኩል የጋምቤላ ቲክቫህ አባላት የላኳቸው መልዕክቶች ፦

📩 " Gambella lay cheger ale mesarya yetateku sewoch bezat eyegebu new tekus betam ale "

📩 " Here Gambella city upto now high fighting really we are worried please inform for concerned body "

📩 " እባካችሁ ጋምቤላ ሰላም አደለም "

በሌላ መረጃ የክልሉ መንግስት ፥ " በጋምቤላ ከተማ ያለውን አንፃራዊ ሰላም ለማደፍረስ እየተንቀሳቀሱ የሚገኙት የፀረ ሰላም ሀይሎችን ለመመከት የከተማው ማህበረሰብ ሳይረበሽ ከፀጥታ ሀይሉ ጎን እንዲሆን ጥሪ እናቀርባለን " ብሏል።

ዛሬ ከጠዋቱ 12:30 ጀምሮ የጠላት ጦር እና የመንግስት የፀጥታ ሀይል የተኩስ ልውውጥ እያደረጉ ናቸው። " ሲል ገልጾ ዝርዝር ዜናው ይገለፃል ብሏል።

ጠላት ሲል የጠራውን ኃይል በስም አልገለፀም።

@tikvahethiopia @tikvahethiopiaBOT