#ATTENTION 📣

ድንበር የለሽ ዶክተሮች (MSF) በአፋር ክልል እየጨመረ የመጣው የምግብ እጥረት ቀውስ ስጋት እንዳጫረበት ገልጿል።

ድርጅቱ በመቶ ሺዎች የሚቆጠሩ ነዋሪዎች መሠረታዊ የሚባሉ የጤና ማዕከላትን እንዲሁም ንጹህ የመጠጥ ውሃ በማያገኙበት ሁኔታ ነው የሚኖሩት ብሏል።

በተጨማሪም በርካታ ሕፃናት በከፋ የምግብ እጥረት ሕይወታቸውን አጥተዋል ሲል አመልክቷል።

የዘንድሮው ከባለፈው ዓመት ጋር ሲነፃፀር አራት እጥፍ ብልጫ ባለው መልኩ የተመጣጠነ ምግብ እጥረት ያለባቸውን ሕፃናትን መመልከቱን ገልጿል።

ከነዚህ ውስጥ 35 ሕፃናት የሞቱ ሲሆን አብዛኞቹም ወደ ሆስፒታል በገቡ በ48 ሰዓታት ውስጥ ነው ሕይወታቸው ያለፈው።

በአፋር ውስጥ ካሉ የጤና ማዕከላት አብዛኞቹ አገልግሎት ላይ እንዳልሆኑ ያስታወቀው MSF በሥራ ላይ ያሉት 20 በመቶ ብቻ  ናቸው ብሏል።

በክልሉ እየተከሰተ ያለው ቀውስ ከዚህም የከፋ ሊሆን እንደሚችል ጠቁሞ የረድኤት ማኅበረሰቡ #አስቸኳይ ጣልቃ ገብነት አስፈላጊ እንደሆነ አሳስቧል።

እንደን MSF ሪፖርት በጦርነት ክፉኛ የተጎዳችው የትግራይ ክልልን ወደሚያዋስነው የአፋር ክልል የተፈጠረውን ግጭት በመፍራት በርካታ ተፈናቃዮች ወደ ክልሉ ጎርፈዋል።

በትግራይ ክልል በተከሰተው ጦርነት በሚሊዮን የሚቆጠሩ ዜጎች የተፈናቀሉ ሲሆን የተወሰኑት ከአንድ ወር በላይ በእግር ተጉዘው አፋር ደርሰዋል።

ተፈናቃዮቹን ጨምሮ በርካታ ነዋሪዎች በአፋር ለከፍተኛ ስቃይ የተጋለጡ ሲሆን MSF አፋጣኝ ምላሽ እንደሚያስፈልግም ማሳሳቡን ቢቢሲ ድርጅቱን ዋቢ አድርጎ አስነብቧል።

@tikvahethiopia

ፎቶ ፦ አዲሱ የሶማሊያ ፕሬዚዳንት ሀሰን ሼክ መሀሙድ በዓለ ሲመት ስነስርዓት በመካሄድ ላይ ይገኛል።

በዚሁ በዓለ ሲመት ፦

- የኢትዮጵያ ጠ/ሚ ዶ/ር ዐቢይ አህመድ ፣
- የኬንያ ፕሬዝዳንት ኡሁሩ ኬንያታ፣
- የጅቡቲ ፕሬዜዳንት ኢስማኤል ኦማር ጌሌ፣
- የግብፅ ጠ/ሚ ሙስጠፋ ማድቡሊ፣
- የተባበሩት አረብ ኤሜሬትስ (UAE) የውጭ ጉዳይ ሚኒስትር ዴኤታ ሻኽቦውት ቢን ናህያን እና የሌሎችም ሀገራት ተወካዮች የዲፕሎማቲክ ማህበረሰብ አባላት ተገኝተዋል።

በበዓለ ሲመቱ የኢትዮጵያ ጠ/ሚ ዶ/ር ዐቢይ አህመድ ንግግር ያደረጉ ሲሆን ፥ #ኢትዮጵያ ለአዲሱ የሶማሊያ ፕሬዜዳንት ያላትን ድጋፍ አረጋግጠዋል። በሶማሊያ ሰላማዊ የስልጣን ሽግግር በማየታቸውም ደስተኛ መሆናቸውን ተናግረዋል።

" ባለፉት ዓመታት በ2ቱ ሀገራት (ኢትዮጵያ እና ሶማሊያ) መካከል በዲፕሎማሲው መስክ የተመዘገቡት ድሎች ተጠናክረው እንደሚቀጥሉ እርግጠኛ ነኝ " ብለዋል።

@tikvahethiopia

#UN

" ሚሊዮኖች በምግብ እና ነዳጅ ዋጋ ንረት እየተሰቃዩ ነው " - ተመድ

የተባበሩት መንግስታት ድርጅት (ተመድ) በዩክሬን ጦርነቱ በመባባሱ ምክንያት ሚሊየኖች #በምግብ እና #በነዳጅ ዋጋ ንረት ምክንያት እየተሰቃዩ ነው አለ።

- በፋይናንስ፣
- በኮሮና ቫይረስ ወረርሽኝ
- በአየር ንብረት ለውጥ እየተባባሰ በመጣው ቀውስ ላይ ጦርነቱ ሲጨመርበት በዓለም የኑሮ ውድነት መባባሱን ተመድ ገልጿል።

የዩክሬን ሩሲያ ጦርነት ያስከተለውን ጫና እንዲያጠና በተመድ የተሰየመው ቡድን ይፋ ባደረገው መረጃ ጦርነቱ ፦
- የምግብ ዋስትና፣
- የኃይል አቅርቦት እና
- በፋይናንስ ላይ ከባድ እና ፈጣን ተጽዕኖው እየታየ ነው ብሏል።

በሌላ በኩል ፤ ዛሬ ጀርመን እና ፖላንድ የምግብ አቅርቦትን ለመደገፍ በዩክሬን ወደቦች ላይ ተከማችቷል የተባለን እህል ወደተለያዩ አካባቢዎች ለማጓጓዝ የሚደረገውን ጥረት ለመርዳት ዝግጁ ነን ብለዋል።

ከዩክሬን እህል ማውጣት እንዲቻል ለማደራደር ቱርክ ከፍተኛ ሚና እንድትጫወት ይጠበቃል። ሆኖም ቱርክ በጥቁር ባሕር ላይ እህል እንድታጓጉዝ ስምምነት ተደርሷል የሚባለውን ሩሲያ የተሳሳተ መረጃ ነው ብላለች።

ሞስኮ በዩክሬን ወደቦች ላይ ተከማችቷል የሚባለው እህል መጓጓዝ እንዲችል የበኩሏን ኃላፊነት እንድትወጣ ለሚቀርቡ ጥያቄዎች ቀጥተኛ ምላሽ ከመስጠት ተቆጥባለች።

ሌሎች ሃገራት በነዳጅ እና የምግብ እህል እጥረት እንዲቸገሩ ምክንያት ሆናለች በሚል የሚቀርቡ ክሶችንም ውድቅ ማድረጓን ዶቼ ቨለ ሬድዮ ዘግቧል።

@tikvahethiopia

#Update #ችሎት #ብርጋዴር_ጄነረል_ተፈራ_ማሞ

የአብክመ ጠቅላይ ፍ/ቤት ዛሬ ሰኔ 2 ቀን 2014 ዓ/ም በዋለው ችሎት የብርጋዴል ጀኔራል ተፈራ ማሞን ጉዳይ ተመልክቷል።

በዚህም ፤ የጊዜ ቀጠሮውን ጉዳይ መርማሪ ፖሊስ ምርመራየን ጨርሸ የምርመራ መዝገቡን ለዐቃቢ ህግ ለመላክ በዝግጅት ላይ ነኝ ያለ ሲሆን የክልል ዐቃቤ ህግ በችሎት ቀርቦ አዎ ምርመራው አልቋል የክስ መመስረቻ ጊዜ 15 ቀናት ይሰጠኝ ሲል ጠይቋል።

የተከሳሽ ጠበቃ በበኩላቸው ምርመራ ካለቀ ደንበኛችን የተከሰሱበት ጉዳይ ዋስትና የሚያስከለክል ባለመሆኑ እና ተጠርጣሪው ደንበኛችን ታዋቂ ሠው በመሆናቸው ሊጠፉ ስለማይችሉ የደንበኛችን የዋስትና መብት ይከበርላቸው ሲሉ ተከራክረዋል።

ፍርድ ቤቱም ሲሰጥ የነበረው የጊዜ ቀጠሮ ምርመራው ያለቀ በመሆኑ የጊዜ ቀጠሮውን ጉዳይ ዘግቷል።

በመቀጠል የተጠርጣሪ ጠበቆች ባቀረቡት የዋስትና ጥያቄ ላይ ዐቃቤ ህግ አስተያየት እንዲሰጥበት አድርጓል።

ዐቃቤ ህግ በበኩሉ የተከሰሱበት ጉዳይ የሽብር ወንጀል ስለሆነ በተጨማሪም ከሚዲያ ጋር በተያያዙ ሌሎች ተጨማሪ ክሶች ሊቀርቡ ስለሚችሉ ዋስትና ሊፈቀድላቸው አይገባም ሲል ተከራክሯል።

ፍርድ ቤቱ የግራ ቀኙን ክርክር ሰምቶ የተጠርጣሪ የዋስትና ጥያቄ ላይ ብይን ለመስጠት ለነገ ለሰኔ 3/2014 ዓ/ም ቀጠሮ ሰጥቷል።

መረጃው የአብክመ ጠቅላይ ፍርድ ቤት ነው።

@tikvahethiopia

ለ12ኛ ክፍል ተማሪዎች የኦንላይን (Online) ሙከራ ፈተና የሰጠው ት/ቤት !

በሀገር ደረጃ ለመጀመሪያ ጊዜ ለ12ኛ ክፍል ተማሪዎች የኦንላይን (Online) ሙከራ ፈተና መስጠቱን የአረካ 2ኛ ደረጃ ትምህርት ቤት አስታዉቋል።

ይህም ሀገራዊ ፈተና የሚወስዱ ተማሪዎች በፈተና ጊዜ የቴክኖሎጂ ችግር እንዳይገጥማቸው ያግዛል ነው የተባለው።

ፈተናው በሙክራ እየተሰጠ የሚገኘው ትምህርት ቤቱ #በራሱ_መምህር አማካኝነት በበለጸገው ሥርዓት አማካኝነት ነው።

የወላይታ ዞን ትምህርት መምሪያ የዛሬው ተግባት እጅግ ተስፋ የሚሰጥ መሆኑን ገልጿል።

የዚህን ትምህርት ቤት ተሞክሮ ወደ ሌሎች በዞን ወደሚገኙ ትምህርት ቤቶች በአጭር ጊዜ ለማስፋፋት እንደሚሰራ ገልጿል።

ይህ የኦንላይን (Online) ፈተና ዝግጅት ከማዳበር ባሻገር ለተማሪዎች የቴክኖሎጂ ክህሎታቸውን እንዲያዳብሩና እንድያጎለብቱ መልካም እድል መሆኑን ትምህርት ቤቱ አሳውቋል።

ትምህርት ቤቱ በዚህ ዘርፍ ላይ ልዩ ትኩረት ሰጥቶ እየሰራ ዉጤታማ ለመሆን እየጣራ መሆኑን አመልክቷል።

ምንጭ፦ የወላይታ ዞን ትምህርት መምሪያ

@tikvahethmagazine @tikvahethiopia

#ETHIOPIA

ኢትዮጵያ እና ግብፅ እየተፋለሙ ነው።

ሀገራችን በአፍሪካ ዋንጫ ማጣርያ ከግብፅ አቻዋ ጋር እየተፋለመች ትገኛለች።

እስካሁን ድረስ የበላይ ሆናል ኳስን በመቆጣጠር 1 ለ 0 በሆነ ውጤት ጫዋታውን እየመራችን ሲሆን የመጀመሪያው አጋማሽ ሊጠናቀቅ ጥቂት ደቂቃዎች ይቀራሉ።

በጫወታው አንድ ኳን አንግል ሲመልስብን አንድ ኳስ ገብቶ በኦፍሳይድ ተሽሯል።

ሀገራችን ጨዋታውን በድል ታጠናቅቅ ዘንድ እንመኛለን።

#LIVE

ውድ ቤተሰቦቻችን የኢትዮጵያ እና ግብፅ ጨዋታን በቀጥታ ፦

- በDStv ልዩ ቻናል 240 ላይ ፤

- በetv መዝናኛ ቻናል ላይ

- በbein Sports 3 ላይ መመልከት ትችላላችሁ።

- የበፅሁፍ መልዕክቶችን በ @tikvahethsport

@tikvahethiopia