#WFP

የዓለም ምግብ ፕሮግራም (WFP) በአፋር ክልል እስከ 1.2 ሚሊዮን የሚደርሱ ሰዎች ለረሃብ የመጋለጥ አደጋ እንዳንዣበበባቸው አመልክቷል።

ድርጅቱ ፤ በክልሉ ላሉ 630,000 ሰዎች ወሳኝ የምግብ አቅርቦት ስርጭት እያካሄደ መሆኑን ገልጿል።

የዓለም ምግብ ፕሮግራም " አምስተኛውን ዙር የምግብ እርዳታ ለሁሉም ማድረስ ጨርሰናል እና ቀጣዩን ዙር በቅርብ ጊዜ ለመጀመር በዝግጅት ላይ ነን " ሲል አሳውቋል።

@tikvahethiopia

#USA #ETHIOPIA

አሜሪካ በአፋር፣ በአማራ እና በትግራይ ክልሎች የተቸገሩ የህብረተሰብ ክፍሎች ወጥትነት ባለው መልኩ የሰብዓዊ ዕርዳታ እንዲያገኙ በማድረጉ ሂደት ውስጥ የታየውን እድገትና ለውጥ በደስታ እንደምትቀበል ገለፀች።

የአሜሪካ የውጭ ጉዳይ ሚኒስትር አንቶኒ ብሊንከን ትላንት መግለጫ አሰራጭተዋል።

ሚኒስትሩ በትላንት መግለጫቸው ባለፉት 7 ቀናት ውስጥ ከ1,100 በላይ የጭነት ተሽከርካሪዎች ትግራይ ክልል መግባታቸውን አመልከተዋል።

ተሽከርካሪዎቹ ህይወት አድን ምግብ፣ የተመጣጠነ ምግብ እጥረት ላለባቸው የሚሆን አቅርቦት፣ አስፈላጊ የጤና አቅርቦቶችን እና ሌሎች አስፈላጊ የእርዳታ ቁሳቁሶችን ለችግር ተጋላጭ ወገኖች ለማድረስ የገቡ መሆኑና ይህም የሆነው ሁሉም የሰብአዊ እርዳታ ሰጭ አካላት ባደረጉት ሕይወትን ማዳን ርብርብ መሆኑን ገለፀዋል።

ብሊንከን በተለይም የኢትዮጵያ መንግስት፣ የአፋር ክልል ባለስልጣናት እና የትግራይ ክልል ባለስልጣናት እርዳታ እንዲደርስ የሚያደርጉትን ትብብር እንዲሁም የተመድ ኤጀንሲዎች ፣ ዓለም አቀፍ ድርጅቶች፣ የአሜሪካ መንግስት አጋሮች እና ግብረሰናይ ድርጅቶች በመላው ኢትዮጵያ የሚያደርጉትን ጥረት እናደንቃለን ብለዋል።

ሁሉም ተዋናይ ወገኖች ይህን ግስጋሴ አጠናክረው እንዲያስቀጥሉ እና በዘላቂነት ግጭት እንዲቆም ወደ ንግግር እንዲገቡ እናበረታታለን ብለዋል ብሊንከን።

አንቶኒ ብሊንከን ግጭት በተከሰተባቸው አካባቢዎች ያሉ አስፈላጊ አገልግሎቶች በአስቸኳይ እንዲመለሱ ጥሪ አቅርበዋል።

ለሁሉም ኢትዮጵያውያን ደህንነት እና ብልጽግና እንዲሰፍን ሁሉን አቀፍ የፖለቲካ ሂደት አሜሪካ እንደምትደግፍ ገልፀዋል። በሁሉም ወገኖች ለሚፈጸሙ የሰብአዊ መብት ጥሰቶች ተጠያቂነት እንዲኖርም ጠይቀዋል።

@tikvahethiopia

#ደብረብርሃን

በደብረ ብርሃን የከተማ አውቶብስ አገልግሎት ለማስጀመር ዝግጅት እየተደረገ ነው ተብሏል።

የደብረ ብርሃን ከተማ ትራንስፖርት ልማት ጽ/ቤት ፤ በትራንስፖርት ዘርፍ እየተፈጠረ ያለውን ጫና ለመቅረፍ የከተማ አውቶብስ አገልግሎት ለማስጀመር ቅድመ ዝግጅት ማጠናቀቁን አሳውቋል።

ጽ/ቤቱ በመንግስት ሠራተኛው ላይ የተፈጠረውን የኑሮ ውድነት ጫና ለማቃለል ሠራተኛው ለጊዜው #በነጻ_የትራንስፖረት_አገልግሎት እንዲጠቀም ቅድመ ዝግጅት መጠናቀቁን ገልጿል።

የከተማ አውቶብስ አገልግሎት መጀመር በከተማ ታክሲ አገልግሎት ሰጪዎች ላይ የሚፈጥረው ጫና የለም ተብሏል።

የከተማ አውቶብስ አገልግሎት እንዲጀመር ትራንስፖረት ጽህፈት ቤት ያቀረበውን ዕቅድ የደብረብርሃን ከተማ ከንቲባ ኮሚቴ እና ገንዘብ መምሪያው ተቀብለው ወደ ስራ እንዲገባ መፍቀዳቸው መገለፁን ከከተማው ኮሚኒኬሽን የተገኘው መረጃ ያመለክታል።

@tikvahethiopia

#ችሎት

የፌደራል ከፍተኛ ፍርድ ቤት በጋዜጠኛ ተመስገን ደሳለኝ፣ መዓዛ መሐመድ እና ሰለሞን ሹምዬ ላይ የቀረበውን ይግባኝ መርምሮ ትዕዛዝ ለመስጠት ለነገ ሐሙስ ሰኔ 2/2014 ተለዋጭ ቀጠሮ ሰጥቷል።

የአዲስ አበባ ፖሊስ ኮሚሽን በዛሬው ችሎት፤ ለ3ቱ የመገናኛ ብዙሃን ባለሙያዎች በስር ፍርድ ቤት የተፈቀደው ዋስትና ውድቅ እንዲደረግ እና 14 ቀናት ተጨማሪ የምርመራ ጊዜ እንዲፈቀድለት ፍርድ ቤቱን ጠይቋል።

የቀረበውን ይግባኝ መርምሮ ትዕዛዝ ለመስጠት ለነገ ሐሙስ ሰኔ 2/2014 ተለዋጭ ቀጠሮ መሰጠቱን ኢትዮጵያ ኢንሳይደር ዘግቧል።

@tikvahethiopia

#እንድታውቁት

ኢትዮ ቴሌኮም በመደበኛው ኤሌክትሪክ ሀይል (Commercial Power) መቋረጥ ምክንያት ፦

- በጅማ፣ መቱ እና አከባቢው፣
- በደቡብ (በሆሳዕና፣አርባ ምንጭ፣ሶዶ እና ሳውላ)፣
- በምዕራብ ወሎ አከባቢ፣
- በነቀምት እና አካባቢው፣
- አሶሳና አከባቢው፣
- በደቡብ ጎንደር እንዲሁም በአዲስ አበባ (በኮተቤ፣ጉርድሾላ፣ጣፎ፣ ቅሊንጦ እና ቱሉዲምቱ) በመጠባበቂያ ሀይል አገልግሎቱን ለማስቀጠል እየሞከረ መሆኑን አሳውቋል።

በዚህም በተወሰኑት አካባቢዎች በከፊል ወይም ሙሉ በሙሉ የአገልግሎት መቋረጥ ሊያጋጥም እንደሚችል ገልጿል።

ድርጅቱ ችግሩን ለመፍታት ከሚመለከታቸው አካላት ጋር ከፍተኛ ጥረት በማድረግ ላይ በመሆኑን ገልጾ ደንበኞቹ በትዕግስት እንዲጠባበቁ ጠይቋል።

@tikvahethiopia

#WorldBank

የምሥራቅ አፍሪካ አገራት በአስርት ዓመታት ውስጥ ታይቶ የማይታወቅ ከፍተኛ የኑሮ ውድነት እንደተጋረጠባቸው የዓለም ባንክ ከሰሞኑ አስታውቋል።

የሩሲያ እና ዩክሬን ጦርነት እንዲሁም የኮሮናቫይረስ ወረርሽኝ ጫና ተደማምሮ አንዳንድ አገራት ከፍተኛ የኢኮኖሚ ድቀት እያጋጠማቸው መሆኑን ባንኩ ገልጿል።

ከዚህም ጋር ተያይዞ ዓመታዊ ትንበያውን ቀንሷል።

ባንኩ በተለይም የምሥራቅ አፍሪካ አገራት እና አንዳንድ የአውሮፓ ክፍሎች ተጎጂ ሆነዋል ብሏል።

ከፍተኛ የዋጋ ግሽበት እና ዝቅተኛ የምጣኔ ሀብረት ዕድገት ጥምረት ከ1970ዎቹ ወዲህ ለመጀመሪያ ጊዜ ሊመለስ እንደሚችልም ጠቁሟል።

አገራቱ በምግብ እና በነዳጅ ዋጋ መጨመር ምክንያት ቀውስ እያጋጠማቸው መሆኑም ተገልጿል።

የዓለም ባንክ ኃላፊ ዴቪድ ማልፓስስ ከቢቢሲ ጋር ባደረጉት ቆይታ የቀውሱን ሌላ ጎን ማየት ከባድ ነው ብለዋል።

አንዳንድ በማደግ ላይ ያሉ አገራት መንግሥታት እቃዎችን መግዛት አለመቻላቸውን እንዲሁም የብድር ዕዳ ውስጥ እየተዘፈቁ ነው ብለዋል ።

የባንኩ አዲስ የዓለም አቀፍ እድገት ትንበያ ከዜሮ በታች 2.9 በመቶ ሲሆን፣ ይህም በ80 ዓመታት ውስጥ ከፍተኛው መቀነስ የታየበት መሆኑን ቢቢሲ አስነብቧል።

@tikvahethiopia

#የሹመት_መረጃዎች ፦

1. አምባሳደር ተስፋዬ ይልማ የኢፌዴሪ ውጭ ጉዳይ ሚኒስትር ዴኤታ ሆነው መሾማቸውን የውጭ ጉዳይ ሚኒስቴር ዛሬ አሳውቋል። በአፍሪካ ህብረት የኢትዮጵያ ቋሚ መልክተኛ የነበሩት አምባሳደር ተስፋዬ እንግሊዝን ጨምሮ በተለያዩ ሀገራት የኢትዮጵያ አምባሳደር በመሆን ሀገራቸውን ያገለገሉ ነባር ዲፕሎማት ናቸው።

2. የህዝብ ተወካዮች ምክር ቤት ዛሬ ባካሄደው 6ዙር፣ 1ኛ ዓመት፣ 12ኛ መደበኛ ጉባዔው በጠ/ሚ ዶ/ር ዐቢይ አህመድ የቀረቡለትን የፌደራል ዋና ኦዲተር መስሪያ ቤት ዋና ኦዲተር እና ምክትል ዋና ኦዲተር ሹመቶችን በሙሉ ድምፅ አጽድቋል። በዚሁ መሰረት ወ/ሮ መሠረት ዳምጤ ጫንያለው የፌደራል ዋና ኦዲተር መስሪያ ቤት ዋና ኦዲተር፤ አቶ አበራ ታደሰ ኢቲቻ ደግሞ የመ/ ቤቱ ምክትል ዋና ኦዲተር ሆነው ተሾመዋል።

@tikvahethiopia

#ETHIOPIA

በሃገራችን የመጀመሪያው ዓለም አቀፍ የቁርዓን እና የአዛን ውድድር የፊታችን እሁድ ይካሄዳል !

በመጪው እሁድ ሰኔ 5/2014 በአዲስ አበባ ስቲዲዮም ለሚካሄደው ዓለም አቀፍ የቁርዓን እና የአዛን ውድድር በርካታ እንግዶች እየገቡ ይገኛሉ።

ሀገራችን በዓለም አቀፍ ደረጃ የሚያስጠራው ይህ ውድድር ከ56 በላይ ሀገራት የሚወዳደሩበት ሲሆን ለውድድሩ ከፍተኛ ዝግጅት ሲካሄድ ቆይቷል ።

ውድድሩን በዘይድ እብን ሳቢት የቁርአን ማህበር አዘጋጅነትና በአገሪቱ ከሚገኙ የተለያዩ የመንግስት ተቋማት እንዲሁም ታላላቅ ድርጅቶች ጋር በመተባበር የሚካሄድ ነው።

ውድድሩ በሦሥት ዘርፎች የሚካሄድ ሲሆን በአዛን በቁርአን ሒፍዝና በ30ጁዝዕ የድምጽ ውድድር ይካሔዳል።

እስካሁን ድረስ ባለው መረጃም ከፍተኛ ቁጥር ያለው ተወዳዳሪዎች ዳኞች እንዲሁም ታዳሚዎች እንደገቡና እየገቡ መሆኑን ተገልጿል።

በዚህ ታላቅ ፕሮግራም ላይ ሁላችንም ከጠዋቱ 12 ሰዓት ጀምሮ በአዲስ አበባ ስታድየም በመገኘት የሃገራችንን ስም ከፍ አድርገን ለአለም ልናስተዋውቅ ይገባል።

ለበለጠ መረጃ
በዚህ ይደውሉ
0911755245
0911723051

#ኡስታዝ_አቡበከር_አህመድ

@tikvahethiopia