#FDRE_Defense_Force

" በጉሙዝ ባህልና ወግ መሠረት በደም የተፃፈና የታሰረ ቃለ-መሃላ መፈፀሙ ታጣቂዎቹ ለሰላም ቁርጠኛ መሆናቸውን በተግባር ያስመሰከረ ነው " - ሌ/ጀኔራል ደስታ አብቼ

በቤንሻንጉል ጉሙዝ ክልል መተከል ዞን ማንዱራና ዳንጉር ወረዳዎች ከ3 ዓመታት በላይ ታጥቀው ሲንቀሳቀሱ የነበሩ ከ1 ሺ በላይ አመራሮችና አባላት በጉሙዝ ብሔረሰብ ዕርቀ ሰላም ባህል "ማንገማ" መሠረት #ትጥቃቸውን_አስረክበው_እርቅ_አካሂደዋል።

የመተከል ዞን የተቀናጀ ኮማንድ ፖስት ዋና አስተባባሪ የሆኑት ሌ/ጀኔራል ደስታ አብቼ በዕርቁ ሥነ ሥርዓት ላይ " በጉሙዝ ባህልና ወግ መሠረት በደም የተፃፈና የታሰረ ቃለ-መሃላ መፈፀሙ ታጣቂዎቹ ለሰላም ቁርጠኛ መሆናቸውን በተግባር ያስመሰከረ ነው " ብለዋል።

ለፈፀሙት ቃለ-መሃላም ሁሉም ተገዥ በመሆን ዘላቂ ሰላምን በማስፈን ቁርጠኝነቱን በተግባር ማሳየት እንደሚገባ አሳስበዋል።

ኮማንድ ፖስቱ በክልሉ ሌሎች ወረዳዎች የሚገኙ ህገወጥ ታጣቂዎችም የአፍራሽ ኃይሎችን ተልዕኮ ከማስፈፀም ተቆጥበው ቅድሚያ #ለሰላም ዕድል መስጠት እንደሚገባቸው ጥሪ አስተላልፏል።

#FDRE_Defense_Force

@tikvahethiopia

#Inflation

የአውሮፓ ሀገራት ከፍተኛ የሆነ የዋጋ ግሽበት እያስመዘገቡ ነው።

ሀገራቱ ባለፉት ሶስት አስርት አመታት ውስጥ አይተውት የማያውቁት የዋጋ ግሽበት ነው እያስመዘገቡ ያሉት።

ለዚህ የዋጋ ግሽበት መባባስ ዛሬም ድረስ መፍትሄ ያልተገኘለትና ዓለም በጠቅላላ ያናጋው የሩስያ እና ዩክሬን ጦርነት እንደሆነ ይገለፃል።

ከጥቂት ሳምንታት በፊት በዩሮዞን ሀገራት በ30 እና 40 ዓመታት ታይቶ የማይታወቅ የዋጋ ግሽበት መመዝገቡን መረጃ መለዋወጣችን አይዘነጋም።

ከሰሞኑን ይፋ በሆነ መረጃ ደግሞ፥ በቼክ በሚያዝያ ወር ዓመታዊ የዋጋ ግሽበት 14.2% ሆኖ የተመዘገበ ሲሆን ይህም ከ1993 ወዲህ (ከ29 ዓመታት በኃላ የተመዘገበ) ከፍተኛው የዋጋ ግሽበት ነው።

እንዲሁ በዴንማርክ አመታዊ የዋጋ ግሽበት በሚያዝያ ወር ወደ 6.7 % የጨመረ ሲሆን ይህም ከ1984 ወዲህ (ከ38 ዓመታት ወዲህ የተመዘገበ) ከፍተኛው የዋጋ ግሽበት ነው።

በግሪክ (የዩሮዞን ሀገር ናት) በሚያዝያ ወር 10.2 በመቶ ዓመታዊ የዋጋ ግሽበት ተመዝግቧል፤ ይህም ከ1995 ወዲህ (ከ28 ዓመታት በኃላ) ከፍተኛው ነው።

በሀገራቱ የምግብ ፣ የኃይል (ነዳጅ) ፣ የትራንስፖርት ፣ የቤት ውስጥ መገልገያዎች ዋጋ ማሻቀቡ ነው የተጠቆመው።

" ጦርነት መቼ እንደሚጀመር እንጂ መቼና እንዴት እንደሚጠናቀቅ አይታወቅም " ይባላል ፤ በሩስያ እና ዩክሬን መካከል የሚካሄደው ጦርነት ፤ ጦርነቱን ተከትሎ ምዕራባውያን በሩስያ ላይ የማዕቀብ ናዳ ማውረዳቸውና አሁንም ሌሎች ማዕቀቦችን ለመጫን እያቀዱ መሆናቸው ቀጣዩን ጊዜ ለዓለም ህዝብ እና ኢኮኖሚ እጅግ ፈታኝ እና አስቸጋሪ ያደርገዋል ተብሎ ተሰግቷል።

በተለይ በአፍሪካ እና ሌሎች አህጉራት ያሉ ታዳጊ ሀገራት የሚደርስባቸው ጫና ከሚታሰበውም በላይ ነው።

@tikvahethiopia

* ዳንግላ

በዳንግላ ከተማ የሰዓት እላፊን ጨምሮ የተለያዩ ውሳኔዎች ተላለፉ።

የዳንግላ ከተማ አስተዳደር የፀጥታ ምክር ቤት የተለያዩ ውሳኔዎችን ማሳለፉ ተገልጿል።

እነዚህም ፦

1. ማንኛውም ግለሰብ ከምሽቱ 3:00 ስዓት እስከ ንጋቱ 12:00 መንቀሳቀስ አይችልም፤ ለባለ ሶስት እግር ባጃጅ ፣ ሞተር፣ ዳማስ፣ የህዝብ ማመላለሻ፣ የጭነት መኪኖች ከምሽቱ 3:00 ስዓት እስከ ንጋቱ 12:00 ስዓት መንቀሳቀስ የተከለከለ ነው።

2. ከተፈቀደለት የመንግስት የፀጥታ ኋይል ውጭ የተመዘገበ ሆነ ያልተመዘገበ የጦር መሳሪያ የወገብም ሆነ የተከሻ ይዞ መንቀሳቀስ የተከለከለ ነው።

3. ድምፅ አልባ መሳሪያዎችን ስለታማ የሆኑ እንደ ጩቤ፣ገጀራ፣አንካሴ፣ ጦርና ፌሮ ብረት ወዘተ የመሳሰሉትን ይዞ መንቀሳቀስ የተከለከለ ነው።

4. በህግ የሚፈለጉ ወይም ተጠርጣሪዎችን ሽፋን የሰጠ፣ የደበቀ ፣ የሀሰተኛ መረጃ ሰጥቶ ያሰመለጠ ያስጠይቃል ድርጊቱም የተከለከለ ነው።

5. በማንኛውም ቦታና ስዓት ጥይትም ሆነ ሮኬት ርችት መተኮስ የተከለከለ ነው።

6. የሠራዊቱን ሚሊታሪ(አልባሳት)
- የልዩ ኋይል
- የፓሊስ
- የመከላከያ ሠራዊት
- የፌዴራል ፓሊስ መልበስ የተከለከለ ነው።

7. ያልተፈቀደ ስብሰባዎችን ማለትም ያለ መንግስት እውቅና ውጭ ስብሰባ ማድረግ የተከለከለ ነው።

8. ማንኛውም ግለሰብ የፀጥታ ኋይል ለሚፈለገው የስራ ትብብር ያለ ቅድመ ሁኔታ የመተባበር ግዴታ አለበት ፤ ከሚሉት ናቸው።

በቀጣይ በፀጥታው ም/ቤት እየታዩ የሚጨመሩ ክልከላዎች የሚኖሩ ይሆናልም ተብሏል።

የዳንግላ ከተማ አስተዳደር የፀጥታው ም/ቤት ትላንት ያሳለፈው ውሳኔ በምን ምክንያት እንደሆነ በግልፅ የተብራራ ነገር የለም።

@tikvhahethiopia

#Update

ኦን-ላይን የንግድ ምዝገባና ፈቃድ አገልግሎት ሐምሌ1/2014 ዓ.ም ሙሉ በሙሉ ይጀመራል ተብሏል።

ይህን ያሳወቀው የንግድና ቀጣናዊ ትስስር ሚኒስቴር ነው።

የኦንላይን የንግድ ምዝገባና ፈቃድ አገልግሎት አሰጣጥ ስርዓት ጥር 2013 ዓ.ም ይፋ ተደርጎ እንደነበር ይታወሳል ነገር ግን በከፊል እንጂ ሙሉ በሙሉ ተግባራዊ አልተደረገም ነበር።

ከሐምሌ 1 ቀን 2014 ዓ/ም ጀምሮ ኦንላይን የንግድ ምዝገባና ፈቃድ አገልግሎት ሙሉ በሙሉ ተግባራዊ እንደሚደረግ ተገልጿል።

ይህንን ለማድረግ የቅድመ ዝግጅት ስራዎች መሰራታቸውን ተነግሯል።

(ተጨማሪ ከላይ ያንብቡ)

@tikvahethiopia

#Update

ብፁዕ አቡነ አረጋዊ ለተጨማሪ ህክምና ወደ ዱባይ ተጓዙ።

ብፁዕ አቡነ አረጋዊ የብፁዕ ወቅዱስ ፓትትርያርክ ልዩ ጽ/ት፣ የውጭ ግንኙነት ፣ የድሬዳዋና የጅቡቲ አህጉረ ስብከት ሊቀ ጳጳስ የጤና እክል አጋጥሟቸው በአዲስ አበባ በተለያዩ ሆስፒታሎች ህክምናቸውን ሲከታተሉ ቆይተዋል።

በኋላም ከሆስፒታል ወጥተው በመመላለስ ህክምናቸውን ቀጥለው የነበሩ ሲሆን በዛሬው ዕለት ለተጨማሪ ህክምና ወደ ዱባይ ማቅናታቸው ተገልጿል።

የኢ/ኦ/ተ/ቤተክርስቲያን ህዝብ ግንኙነት መምሪያ፥ " ብፁዕነታቸው ጤናቸው ተስተካክሎ በቅርቡ ወደ መንበረ ጵጵስናቸው እንዲመለሱ ከመጸለይ ጋር በህክምናው ወቅት መልካሙ ሁሉ እንዲገጥማቸው ቅድስት ቤተክርስቲያናችን ጽኑዕ ምኞቷን ትገልጻለች " ብሏል።

@tikvahethiopia

#EHRC

የኢትዮጵያ ሰብዓዊ መብቶች ኮሚሽን የሕዝብ ተወካዮች ምክር ቤት በየደረጃው ያሉ የመንግሥት አስፈጻሚ አካላት እና ኃላፊዎች ላይ የቅርብ ክትትል በማድረግ ለሰብአዊ መብቶች መከበር አስተዋጽኦ ሊያደርጉ ይገባል ሲል ጥሪ አቀረበ።

ኮሚሽኑ ለሰብአዊ መብቶች ጥሰት ተጠያቂነትን በማረጋገጥ፣ የሕግ በላይነትን በማስፈን፣ መንግሥትና የስራ አስፈጻሚ አካላቱ በመሉ ለሰብአዊ መብቶች መከበር፣ መጠበቅና መሟላት ያላቸውን ቁርጠኝነት እንዲያድሱና እንዲተገብሩ ልዩ ትኩረትና ክትትል ይሻል ብሏል። 

ኢሰመኮ ይህንን ያለው የ10 ወራት የሥራ ክንውን ሪፖርቱን ግንቦት 3 ቀን 2014 ዓ.ም. ለሕዝብ ተወካዮች ምክር ቤት የሕግ፣ የፍትሕና የዲሞክራሲ ጉዳዮች ቋሚ ኮሚቴ ባቀረበበት ወቅት።

(ዝርዝሩ ከላይ ተያይዟል)

@tikvahethiopia

' deferred letter of credit '

ከጊዜ ወደ ጊዜ እየከፋ የመጣውን የዋጋ ግሽበት ለማርገብና ኢኮኖሚ ላይ የሚያሳድረው ተፅዕኖ ለመቀነስ መንግሥት መሠረታዊ ፍጆታዎች በዱቤ ከውጭ እንዲገቡ መፍቀዱን ሪፖርተር ጋዜጣ አስነብቧል።

በጠቅላይ ሚኒስትር ጽ/ቤት የማክሮ ኢኮኖሚ ኮሚቴ ትናንት ባወጣው መግለጫ እንዳስታወቀው ስኳር፣ ዘይትና ስንዴን በዱቤ ወይም " ዲፈርድ ሌተር ኦፍ ክሬዲት " አሠራርን በመጠቀም ማስገባት ተፈቅዷል፡፡

ፈቃዱ የተሰጠው ለልማት ድርጅቶች ብቻ ሲሆን ባለፈው ወር 43 በመቶ የደረሰውን የምግብ ዋጋ ግሽበት ለማርገብ ይረዳል ተብሏል።

መንግሥት መሠረታዊ የፍጆታ ዕቃዎችን አቅርቦት ለመጨመር በማሰብ የፍራንኮ ቫሉታ አሠራርን ከመፍቀድ ባለፈ " ያለ ተጨማሪ ዕሴት ታክስ " እንዲገቡ ፍቃድ መስጠቱ ይታወሳል፡፡

ይሁን እንጂ የተደረጉት ማስተካከያዎች ዋጋ ግሽበት ከመቀነስ አኳያ ያመጡት ለውጥ እምብዛም ነው፡፡

ካለፈው ዓመት ጋር ሲነጻጸር የ5 ሊትር ዘይት ዋጋ ከ400 ብር በላይ ጭማሪ በማሳየት ከ1000 ብር በላይ የደረሰ ሲሆን አቅርቦቱም አነስተኛ መሆኑን ሸማቾች ያነሳሉ፡፡

በተመሳሳይ የስንዴና ስኳር አቅርቦት አነስተኛ ሲሆን በዋጋቸው ላይ ጭማሪ ታይቷል፡፡

ይህንን ችግር ለመፍታት በጠቅላይ ሚኒስትር ዶ/ር ዐብይ አህመድ የሚመራው የማክሮ ኢኮኖሚ ኮሚቴው መሠረታዊ የፍጆታ ዕቃዎች እንዲገቡ የፈቀደ ሲሆን ይህንን እንዲያከናውኑ ለጊዜው የተመረጡት የኢትዮጵያ የኢንዱስትሪ ግብዓት ልማት ድርጅት እና የኢትዮጵያ የግብርና ሥራዎች ኮርፖሬሽን እንደሆኑ ጋዜጣው ምንጮቹን ዋቢ አድርጎ አስነብቧል።

ሪፖርተር : https://telegra.ph/Reporter-05-11

@tikvahethiopia

#US

የአሜሪካው ፕሬዜዳንት በሀገራቸው ለሚታየው የዋጋ ግሽበት የሩስያን መሪ ቭላድሚር ፑቲንና የኮቪድ-19 ወረርሽኝን ተጠያቂ አደረጉ።

ትላንት ጆ ባይደን ለሀገራቸው ህዝብ በሀገሪቱ የኢኮኖሚ ሁኔታ ላይ ማብራሪያ ሰጥተዋል።

በዚህ ማብራሪያቸው ለዋጋ ግሽበት የኮቪድ-19 ወረርሽኝንና ሩስያን ተጠያቂ አድርገዋል።

"ዛሬ እያየን ያለነው የዋጋ ንረት ሁለት ዋና ዋና ምክንያቶች አሉ" ያሉት ባይደን አንደኛው አስከፊው የኮቪድ-19 ወረርሽኝ መሆኑን አስተዋል።

ሁለተኛው ምክንያት ደግሞ "ፑቲን በዩክሬን ላይ የከፈተው ጦርነት ነው" ሲሉ ተደምጠዋል፤ ባይደን በመጋቢት ወር ከተመዘገበው የዋጋ ግሽበት 60% የሚሆነው ከነዳጅ የዋጋ ጭማሪ ጋር በተያያዘ መሆኑን ጠቅሰዋል።

ባይደን ዩክሬንና ሩስያ በስንዴና በቆሎ ምርታቸው ከፍተኛውን ድርሻ እንደሚይዙ በማስረዳት "የፑቲን ጦርነት የምግብ ዋጋ እንዲጨምር አድርጓል" ሲሉ የሩስያውን መሪያ ተጠያቂ አድርገዋል።

ከሪፖርተሮች በአሜሪካ ለሚታየው የዋጋ ግሽበት አስተዳደራቸው ኃላፊነት ይወስድ እንደሆነ ሲጠየቁ "ፖሊሲዎቻችን የሚያግዙ እንጂ የሚጎዱ አይመስለኝም" ሲሉ መልሰዋል።

ባይደን በሀገራቸው የሚታየው የዋጋ ግሽበት ሊፍታ የሚገበው ከፍተኛ ችግር መሆኑን በማንሳት ችግሩን ለመፍታት ልዩ ትኩረት አድርገው እንደሚሰሩ ተናግረዋል።

ፕሬዜዳንቱ በትላንት ማብራሪያቸው "በእርግጥ የተወሳሰበ ነው። የአሜሪካ ዜጎች ሊረዱት እንደማይችሉ ግን እየጠቆምኩ አይደለም። እነሱ ይረዱታል፤ ጠረጴዛቸው ላይ ምግብ እንዲኖር ለማድረግ በቀን 8፣ 10 ሰዓታት እየሰሩ ነው" ብለዋል።

መቼ የምርቶች ዋጋ ይቀንሳል ለሚለው ባይደን ለመተንበይ ፍቃደኛ ሳይሆኑ የቀሩ ሲሆን የዋጋ ግሽበቱን ለመቆጣጠር ምን መስራት እንዳለብን እናውቃለን ብለዋል telegra.ph/US-05-11-2

@tikvahethiopia

#የትምህርትና_ስልጠና_ባለሥልጣን

ከባድ የመመሪያ ጥሰት ፈጽመው በተገኙ 24 የግል የከፍተኛ ትምህርት ተቋማት ላይ እርምጃ መውሰዱን የትምህርትና ስልጠና ባለሥልጣን አሳውቋል።

በአዲስ አበባ ከተማ አስተዳደር ስር በሚገኙ 108 የግል የከፍተኛ ትምህርት ተቋማት እና 147 ካምፓሶቻቸው ላይ ሚያዚያ 10 እና 11/2014 ዓ.ም ድንገተኛ ፍተሻ ማካሄዱን ባለስልጣኑ ገልጿል።

በዚህም ከባድ የመመሪያ ጥሰት ፈጽመው በተገኙ 24 የግል የከፍተኛ ትምህርት ተቋማትና ካምፓሶች ላይ የፕሮግራም፣ የካምፓስ እና የተቋም መዝጋት እርምጃ ተወስዷል፡፡

በተጨማሪም በ82 የግል የከፍተኛ ትምህርት ተቋማት ላይ ቀላል የማስጠንቀቂያ እርምጃ መስጠቱን ባለስልጣኑ ገልጿል።

ተቋማቱ በቀጣይ የተገኝባቸው ክፍተቶች በማስተካከል በአስር የሥራ ቀናት ውስጥ ለባለሥልጣኑ ሪፖርት እንዲያደርጉ ማሳሰቢያ ተሰጥቷቸዋል፡፡

(የፕሮግራም፣ የካምፓስ እና የተቋም መዝጋት እርምጃ የተወሰደባቸው 24 የግል ከፍተኛ ትምህርት ተቋማት ዝርዝር ከላይ ተያይዟል።)

@tikvahethiopia