#ዋግኽምራ 📍

የኢትዮጵያ ጠ/ሚኒስትር ዶክተር ዐቢይ አሕመድ በፋሲካ ዋዜማ በአማራ ክልል ፤ ዋግ ኽምራ ዞን የሰቆጣ ከተማ ማእከላዊ እዝ እና ማህበረሰቡን መጎብኘታቸውን ፅ/ቤታቸው አስታውቋል።

ዶ/ር ዐቢይ ፤ ከማህበረሰቡ አባላት ጋር ባደረጉት ውይይት የአገው ሕዝብን የኪነ-ህንፃ ልህቀት እና ፍልስፍናዊ መሰረት አድንቀው እነዚህን እሴቶች የመጠቀም እና ፈተናዎችን ለማሸነፍ አንድነትን ማስጠበቅ ያለውን ጠቀሜታ አመልክተዋል ተብሏል።

ከቅርብ ጊዜ ወዲህ በአካባቢው የሚስተዋለውን የግጭት ሁኔታ አንስተውም ሰላምን ማስፈን የሰላማዊ ወኪል ለመሆን ወስኖ በቁርጠኝነት የሰላም እሴቶችን መገንባትን ይጠይቃል ማለታቸውን የጠ/ሚ ፅ/ቤት መረጃ ያመለክታል።

ዋግኽምራ በሰሜን ኢትዮጵያ ጦርነት በዜጎች ላይ ከፍተኛ ጉዳት ፣ እንግልት እና ስቃይ የደረሰበት አካባቢ ሲሆን አሁንም ድረስ በሺዎች የሚቆጠሩ ዜጎች ተፈናቅለው ይገኘሉ።

@tikvahethiopia

" ከሚያስፈልገው ጋር ሲነፃፀር በውቂያኖስ ላይ ጠብታ ውሃ እንደመጨረ ነው " - ዴቪድ ባስሌይ

በተመድ የዓለም ምግብ ፕሮግራም (WFP) ዋና ዳይሬክተር ዴቪድ ባስሌይ ወደ ትግራይ አንድ እርዳታ የጫነ ተሽከርካሪ ከመግባቱ በፊት 105 ቀናት ተቆጥረው እንደነበር አስታውሰዋል።

ከጥቂት ቀናቶች በፊት 2 ኮንቮዮች ምግብ፣ ነዳጅ እና መድሃኒት ይዘው ትግራይ መግባታቸውን አስታውሰው ፤ ይህም እጅግ አስፈላጊ እርምጃ ነው ብለዋል።

ነገር ግን በየቀኑ ከሚያስፈልገው የሰብዓዊ ፍላጎት ጋር ሲነጻጸር በውቅያኖስ ላይ አንዲት ጠብታ እንደመጨመር ያህል ነው ሲሉ ገልፀዋል።

ባስሌይ ፤ ተጨማሪ መዘግየቶች በተፈጠሩ ቁጥር ውጤቱ ሰዎች በረሃብ እንዲሞቱ እንደሚያደርግ አስገዝበዋል።

"ሁሉም ወገኖች በጋራ ሆነው ደህንነቱ የተጠበቀ፣ አስተማማኝና ቀጣይነት ያለው ተደራሽነት እንዲኖር እና በሰሜን ኢትዮጵያ የህይወት አድን ዕርዳታን ለማድረስ አስፈላጊ የሆኑትን ኮሪደሮች እንዲከፍቱ እንፈልጋለን ፤ ይህም በፍጥነት መሆን አለበት ነው ያሉት።

ባስሌይ ፤ ያለው ሁኔታ ለሚሊዮኖች አስከፊ ነው ሲሉ ገልፀዋል።

@tikvahethiopia

የትንሳኤ በዓል መልዕክት ፦

አባ ማትያስ ቀዳማዊ 
ፓትርያርክ ርእሰ ሊቃነ ጳጳሳት ዘኢትዮጵያ 
ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት ፦

" ትንሣኤውን በሚመስል ትንሣኤ መተባበር ለሁላችንም ክርስቲያኖች ሃይማኖታዊ ግዴታችን ነውና ኢትዮጵያውያን ወገኖቻችን በትንሣኤው ዕለት ተርበውና ተጠምተው፣ ታርዘውና ተስፋ ቈርጠው መዋል ስለሌለባቸው በልዩ ልዩ ምክንያት መከራ ላይ ለሚገኙ  ወገኖቻችን የሚያስፈልጋቸውን በማቅረብ ፋሲካውን አብረናቸው እንድናከብር ነው፡፡

እንደዚሁም የሰላምና የፍቅር፣ የዕርቅና የይቅርታ ኃይሎች ሆነን በመመላለስ ሀገራችንን ከፈተና ሕዝባችንን ከሰቆቃው እንድንታደግ ለኢትዮጵያውያን ሁሉ አባታዊ መልእክታችንን እናስተላልፋለን፡፡ "

✝

ብፁዕ ካርዲናል ብርሃነየሱስ ሱራፌል   
ሊቀጳጳሳት ዘካቶለካውያን

" በመጨረሻም ለመላው የአገራችን ሕዝቦች በሙሉ በየቤታችሁና በሆስፒታሎች ለምትገኙ ህሙማን ሁሉ ምሕረትን፣ በየማረሚያ ቤት ለምትገኙ የህግ ታራሚዎች መፈታትን፣ በስደት ላይ ያላችሁ ወደ አገራችሁና ወደ ቀያችሁ መመለስን፣ በጦርነትና በግጭት ቀጠናዎች መካከል ላላችሁ ወንድሞቻችንና እህቶቻችን ሰላምን እየተመኘሁ ለሁላችሁም ክርስቲያን ወገኖች በድጋሚ እንኳን ለመድኃኒችን ለኢየሱስ ክርስቶስ የትንሣኤ በዓል አደረሳችሁ በማለት መልካም ምኞቴን እገልጽላችሃለሁ " 

✝

የኢትዮጵያ ወንጌል አማኞች አብያተ ክርትሲያናት ካውንስል ጠቅላይ ጸሃፊ ቄስ ደረጄ ጀንበሩ፦

"የትንሳኤው መገለጫ ፍቅር በመሆኑ በዓሉን በፍቅርና በመተሳሰብ ማሳለፍ ይገባል። በዓሉን ተርበውና ተጠምተው ለተጨነቁ ወገኖችን እንዲሁም በሰላም እጦት ከመኖሪያ ቀያቸው ተፈናቅለው ተስፋቸው ለጨለመባቸው ወገኖችም ያለንን በማካፈል ማሳለፍ ይገባል"

ያንብቡ : telegra.ph/Easter-04-23

@tikvahethiopia

#Update

የመንግስት ኮሚኒኬሽን ማምሻውን ባወጣው መግለጫ ፤ ዛሬ 74 ዕርዳታ የጫኑ ተሽከርካሪዎች ከአፋር ክልል ሰመራ ከተማ በአባአላ መንገድ በኩል ወደ ትግራይ ክልል መላካቸውን አስታውቋል።

በ3ኛ ዙር ወደ ትግራይ ክልል ከተላኩት ተሽከርካሪዎች ውስጥ 6ቱ ነዳጅ የጫኑ ቦቴዎች ናቸው ብሏል።

የኢትዮጵያ መንግሥት ባወጣው መግለጫ ፥ በትግራይ ክልል በአስቸጋሪ ሁኔታ ውስጥ የሚገኙ ዜጎች አስፈላጊው ድጋፍ እንዲደርሳቸው ለማድረግ የገባውን ቃል በማክበር ምቹ የሰብአዊ ዕርዳታ ማጓጓዣ ሁኔታን ለመፍጠር እየሠራሁ ነው ብሏል።

ከዓለም የምግብ ፕሮግራም (WFP) እና ሌሎችም አጋር ድርጅቶች ጋር በመተባበር በትግራይ ክልል በአስቸጋሪ ሁኔታ ውስጥ ለሚገኙ ዜጎች ድጋፍ እንዲደርስ የሚያደርገውን ጥረት አጠናክሮ እንደሚቀጥል ገልጿል።

በዚሁ መግለጫው በችግር ላይ ያሉ ዜጎች አስፈላጊው ድጋፍ እንዲደርሳቸው ህወሓት አሁንም ከያዛቸው የአፋር እና አማራ ክልል አካባቢዎች እንዲወጣ ፤ ምቹ የእርዳታ ማስተላለፊያ መስመርን መዘርጋት እንዲቻል እንዲሁም ቡድኑ ከሚነዛቸው የሐሰት ፕሮፓጋንዳዎች እንዲቆጠብ ዓለም አቀፉ ማኅበረሰብ ጫና ሊያደርግ ይገባል ሲል ጥሪ አቅርቧል።

በተጨማሪ እስካሁን ድረስ ያልተመለሱ 1 ሺህ 25 ተሽከርካሪዎች በፍጥነት እንዲመለሱ ዓለም አቀፉ ማኅበረሰብ ጫና እንዲያደርግ ጥሪ አቅርቧል።

@tikvahethiopia

#Ethiopian_Civil_Service_University

የኢትዮጵያ ሲቪል ሰርቪስ ዩኒቨርሲቲ በ2014 ዓ.ም የዩኒቨርሲቲ መግቢያ ፈተና ወስደው 50 ከመቶ እና ከዚያ በላይ ውጤት ያላቸውን ተማሪዎች በተመረጡ የት/ት መስኮች ለማስተማር መዘጋጀቱን አሳውቋል።

ዩኒቨርሲቲው በ2015 ዓ.ም የትምህርት ዘመን በማታ እና በቅዳሜና እሁድ መርሃ ግብር በ17 የትምህርት መስኮች በመጀመሪያ ዲግሪ ፕሮግራም ለማስተማር መወሰኑን ገልጿል።

በመሆኑም የትምህርት ሚኒስቴር የመግቢያ መስፈርትን የምታሟሉ አመልካቾች ከሚያዝያ 24 እስከ ግንቦት 06/2014 ዓ.ም ምዝገባ ማከናወን ትችላላችሁ ተብሏል።

በ2014 ዓ.ም የዩኒቨርሲቲ መግቢያ ፈተና ወስዳችሁ 50 ከመቶ እና ከዚያ በላይ ውጤት ያላችሁ ተማሪዎች የትምህርት ማስረጃችሁን ዋናውና ኮፒውን እንዲሁም የመመዝገቢያ 150 ብር የከፈላችሁበትን ደረሰኝ በመያዝ ሲ.ኤም.ሲ. መንገድ በሚገኘው ዩኒቨርሲቲው በተገለጹት ቀናት በመገኘት መመዝገብ ይቻላል።

(ትምህርት የሚሰጥባቸው መስኮች ዝርዝር ከላይ ተያይዟል።)

@tikvahuniversity

የትንሣኤ ሎተሪ ወጣ !

የትንሣኤ ሎተሪ ዛሬ ቅዳሜ ሚያዝያ 15/ 2014 ዓ.ም በብሔራዊ ሎተሪ አስተዳደር ዕድል አዳራሽ ከምሽቱ 12፡00 ሰዓት ላይ በህዝብ ፊት ወጥቷል፡፡

በዚህም መሰረት የወጡት የአሸናፊ ዕጣ ቁጥሮች እንደሚከተሉት ሆነዋል ፦

1ኛ. 5,000,000 ብር የሚያስገኘው የ1ኛ ዕጣ ቁጥር 0337949

2ኛ. 2,500,000 ብር የሚያስገኘው የ2ኛ ዕጣ ቁጥር1202412

3ኛ. 1,250,000 ብር የሚያስገኘው የ3ኛ ዕጣ ቁጥር 0674207

4ኛ. 600,000 ብር የሚያስገኘው የ4ኛ ዕጣ ቁጥር 0765249

5ኛ. 300,000 ብር የሚያስገኘው የ5ኛ ዕጣ ቁጥር 0554605

6ኛ 150,000 ብር የሚያስገኘው የ6ኛ ዕጣ ቁጥር1127709

7ኛ.100,000 ብር የሚያስገኘው የ7ኛ ዕጣ ቁጥር 1750931

8ኛ. 18 ዕጣዎች እያንዳንዳቸው 3,000 ብር የሚያስገኘው ዕጣ ቁጥር 24699

9ኛ. 18 ዕጣዎች እያንዳንዳቸው ብር 1,500 የሚያስገኘው ዕጣ ቁጥር 74363

10ኛ.180 ዕጣዎች እያንዳንዳቸው ብር 600 የሚያስገኘው ዕጣ ቁጥር 1684

11ኛ. 180 ዕጣዎች እያንዳንዳቸው ብር 300 የሚያስገኘው ዕጣ ቁጥር 0538

12ኛ. 180 ዕጣዎች እያንዳንዳቸው ብር 150 የሚያስገኘው ዕጣ ቁጥር 3850

13ኛ. 1,800 ዕጣዎች እያንዳንዳቸው ብር 120 የሚያስገኘው ዕጣ ቁጥር 534

14ኛ. 1,800 ዕጣዎች እያንዳንዳቸው ብር 90 የሚያስገኘው ዕጣ ቁጥር 687

15ኛ 18,000 ዕጣዎች እያንዳንዳቸው ብር45 የሚያስገኘው ዕጣ ቁጥር 50 (የማስተዛዘኛ ዕጣ) ደግሞ 1 ቁጥር በመሆን ወጥቷል፡፡

ምንጭ፦ የብሄራዊ ሎተሪ አስተዳደር

@tikvahethiopia

#ትንሳኤ

ውድ የክርስትና እምነት ተከታይ የቲክቫህ አባላት በሙሉ እንኳን ለትንሳኤ በዓል አደረሳችሁ ፤ አደረሰን።

በዓሉ የሰላም ፣ የደስታ ፣ የፍቅር ፣ የመተሳሰብ ይሆን ዘንድ እንመኛለን።

በዓሉን ስናከብር ፤ የተቸገሩ ወገኖቻንን አለንላችሁ በማለት ፣ የወደቁትን በማንሳት ፣ በሀዘን ላይ ያሉ ወገኖችን በማፅናናት፣ ከክፉ ድርጊት እና ሀሳብ ርቀን ሊሆን ይገባል።

በዚህ የትንሳኤ በዓል ፤ በሰላም እጦት ፣ በግጭት ፣ በድርቅ ክፉኛ የተጎዱ ወገኖቻችንን እያሰብን ፤ በገዛ ቄያቸው ከሞቀው ቤታቸው ተፈናቅለው ሜዳ ላይ የወደቁትን፤ በፀሃይና ዝናብ የሚንከራተቱትን ፤ የተቸገሩትን ፣ የሚወዱትን ተነጥቀው በጥልቅ ሀዘን ላይ የሚገኙትን ፣ ታመው በየሆስፒታሉ የተኙትን ፣ በየሰው ሀገር በስደት ስቃያቸውን እያዩ ያሉ ወገኖቻችንን እያሰብን ፤ በግልም ፤ በሀገርም ላለብን ችግር ሁሉ አምላክ መፍትሄ እንዲያበጅልን እየተማፀንን እንድናሳልፍ አደራ እንላለን።

የሰላም፣ የመተሳሰብና የበረከት በዓል ያድርግልን !
ፈጣሪ ሀገራችን ሰላም ያድርግልን ፤ በምድር ላይ ያሉ የሰው ልጆችን ሁሉ ይጠብቅልን።

መልካም በዓል !
#TikvahFamily❤️

@tikvahethiopia