ኮማንደር አትሌት ደራርቱ ቱሉ በእንባ ተሞልታ ያቀረበችው ተማፅኖ ፦

" ... የሀገራችን ጉዳይ ያመናል ሁላችንንም። ... ሁላችንንም የትግራይ እናቶች አባቶች ፤ እናቶቻችን አባቶቻችን ናቸው ። በእርግጠኝነት ደግሞ ነገ ሌላ ቀን ነው ኢትዮጵያ ታርቃ አንድ ሆና ትቆምና የኢትዮጵያን ባንዲራ ታውለበልባለች።

ስለዚህ አይክፋችሁ ክብር ይገባችኃል። በብዙ ፈተናዎች አልፋችሁ በብዙ ተፅእኖ አልፋችሁ የኢትዮጵያን ባንዲራ ከፍ ስላደረጋችሁ በጣም እናመሰግናለን።

ትግራይ ትላንትም ብትሆን ኢትዮጵያ ናት ፤ ዛሬም ኢትዮጵያ ናት ፤ ነገም ኢትዮጵያ ነች ስለዚህ እባካችሁ መሪዎቻችን እባካችሁ...እባካችሁ ... እባካችሁ ተጠቅማችሁ አይደለም ፤ ተጎድታችሁ ኢትዮጵያን አንድ አድርጓት እባካችሁ !!! ከእግዚአብሔር ጋር ትችላላችሁ። ስለዚህ መሪዎቻችን ተጎድታችሁ ለኢትዮጵያ ብላችሁ ፣ ለህዝብ ብላችሁ እናተ አንድ ካደረጋችሁ ኢትዮጵያ አንድ ትሆናለች።

... ስፖርት ወንድማማችነት ፣ ፍቅር ፣ ሰላም ነው!! ለሰላም ፣ ለፍቅር ቆመው እነዚህ ልጆች ምንም ሳይበግራቸው ለዚህ ውጤት በቅተዋልና አሁንም ቢሆን ክብር ይገባቸዋል። እናከብራችኃለን። በእርግጠኝነት ቤተሰቦቻችሁ የት እንዳሉ ታውቃላችሁ ግድ የላችሁም እንወዳችኃለን እናከብራችኃለን ፤ እንደልጆቻችን ነው አሁንም የምናያችሁ ስለሆነም ትግራይ ዛሬ ብቻዋን አይደለችም ከኢትዮጵያ ጋር ነች፤ ነገም ከኢትዮጵያ ጋር ትሆናለች።

አሜሪካ ትግራይን ለመጥቀም አይደለም፤ ኢትዮጵያንም ለመጥቀም አይደለም ለመበተን ነውና H.R. 6600 የሚባልው አሁን ሊፀድቅ በመንገድ ላይ ያለው መሪዎቻችን ስለህዝባችን አይተው ፤ ስለወደፊት ኢትዮጵያ አይተው ከተስማሙ H.R. 6600 የሚፀድቅበት ምክንያት የለውም።

ህዝባችን ከመንግስቶቻችን ጎን ቆሞ ሁላችንም የትግራይ ህዝብ የኢትዮጵያ ህዝብ እኔ የትግራይ ህዝብ እና የኢትዮጵያ ህዝብ ስል ምቾት አይሰማኝም እንደኢትዮጵያ ነው ሁላችንም የምናየው ፤ ሁሉም ብሄር ብሄረሰቦቻችን ኢትዮጵያ ናቸው ፤ ትላንትናም ተባብረውና ኢትዮጵያውያን እዚህ ያበቁትና ነገም ዛሬም እንተባበር ኢትዮጵያን አንድ እናድርጋት።

እኛ ልጆቻችሁ ከኦሮሞ የመጣ፣ ከአማራ የመጣ፣ ከትግሬ የመጣ፣ ከጉራጌ ከየትም የመጣው ለዚህ ነው አንዷን ባንዲራ ከፍ ያደረግነው ስለሆነም ብሄር ሳንለን፣ ሃይማኖት ሳንለይ፣ ፆታ ሳንለን፤ ባንዲራችንን ያነሳነው ስለተባበርን ነው፤ በፅናት ስለቆምን ነው። ለእናተም አያቅትም የትግራይ ብሄራዊ ክልላዊ መንግስትም የኢትዮጵያ መንግስትም እባካችሁ ...ስለስለነገዋ ኢትዮጵያ አንድነት፣ ስለብልፅግናዋ ፣ ስለእድገቷ፣ ስለሰላሟ፣ እባካችሁ አያቅታችሁም እኛም ከጎናችሁ አለን ስፖርት ሰላም ነው ፤ ስፖርት ፍቅር ነው ብለናል ተያይዘን ኢትዮጵያን አንድ እናድርጋት። እግዚአብሔር ደግሞ አንድ ያድርግልን። "

@tikvahethiopia

#UK

ዩናይትድ ኪንግደም የኢትዮጵያ መንግሥት ያሳለፈውን ውሳኔ በደስታ እንደምትቀበል እና መንግስት የሰብዓዊ ድጋፍ ፍላጎት ምላሹን ለማሳደግ የሚያደርገውን ጥረት ለመደገፍ ዝግጁ መሆኗን አስታውቃለች።

ዩናይትድ ኪንግደም ከጥቂት ደቂቃዎች በፊት አዲስ አበባ በሚገኘው ኤምባሲዋ ፤ የኢትዮጵያ መንግስት ለሰብዓዊነት ሲባል ግጭት ለማቆም መወሰኑን እና ያልተገደበ ሰብዓዊ እርዳታ ወደ ትግራይ እንዲደርስ ያሳለፈውን ውሳኔ በደስታ እንደምትቀበል ገልፃለች።

የትግራይ ባለሥልጣናትም ምላሽ እንዲሰጡ ጠይቃለች።

ዩናይትድ ኪንግደም ፤ መንግስት የሰብዓዊ ድጋፍ ፍላጎት ምላሹን ለማሳደግ የሚያደርገውን ጥረት ለመደገፍ ዝግጁ መሆኗን አስታውቃለች።

የኢትዮጵያ መንግስት ዛሬ ከሰዓት ለሰብዓዊነት ሲባል ግጭት ማቆሙን ማብሰሩ እና ዓለም አቀፍ ለጋሾች እያቀረቡ ያለውን ድጋፍ እና እርዳታ #በከፍተኛ_መጠን_እንዲጨምሩ ጥሪ ማቅረቡ ይታወቃል።

እስካሁን በትግራይ ክልል በኩል የተሰጠ ምላሽ የለም።

@tikvahethiopia

#USA #ETHIOPIA

የአሜሪካ የአፍሪካ ቀንድ ልዩ መልዕክተኛ የሆኑት አምባሳደር ዴቪድ ሳተርፊልድ በኢትዮጵያ ካደረጉት የስራ ጉብኝት በኃላ ለሮይተርስ በሰጡት ቃል ፤ በአሁኑ ወቅት በቀጠናው የጆ ባይደን አስተዳደር ዋነኛ ትኩረት በጦርነት ብዙ መስቅልቅል ላጋጠመው ትግራይ ክልል የሰብዓዊ እርዳታ ማቅረብ ነው ብለዋል።

ልዩ መልዕክተኛው የአሜሪካ መንግሥት ትኩረቱን በትግራይ አድርጎ ለሌሎች አካባቢዎችም የሰብዓዊ እርዳታ ማድረስ ላይ ትኩረት አድርጓል ሲሉ አሳውቀዋል።

" ... ከዚህ በላይ ትልቅ ትኩረት ሊያገኝ የሚችል ጉዳይ የለም " ያሉት አምባሳደር ሳተርፊልድ " የምናደርገውና እያልነው ያለው ይህን ዓላማ [የሰብዓዊ እርዳታ ማቅረብ] ማሳካት እና ማስቀጠል ማስቻል ነው " ብለዋል።

አምባሳደር ሳተርፊልድ ከመጋቢት 12- መጋቢት 13 /2014 ዓ/ም በኢትዮጵያ በነበራቸው ቆይታ ከኢትዮጵያ መንግስት፣ ከአፍሪካ ህብረት እና ከተባበሩት መንግስታት ድርጅት ባለስልጣናት እንዲሁም ከረድዔት ድርጅቶች ተወካዮች ጋር ተነጋግረዋል።

ምንጭ፦ ሮይተርስ

@tikvahethiopia