" ... በኑሮ ውድነቱ ምክንያት ሰራተኛው በቃላት ከሚገለፀው በላይ በጣም እየተቸገረ ነው ፤ ... እየኖረ አይደለም ማለት ይቻላል " - አቶ ካሳሁን ፎሎ

የኢትዮጵያ ሰራተኞች ማህበራት ኮንፌዴሬሽን በኢትዮጵያ ውስጥ ያለው ኑሮ ውድነት በተለይ ደግሞ በዝቅተኛ ደሞዝ ተቀጥረው የሚሰሩ ሰራተኞች ሊቋቋሙት እንዳልቻለ አስታውቋል።

ኑሮ ውድነቱ በተለይ የዝቅተኛ ደሞዝ ተከፋይ ሰራተኞች ላይ የበረታበት አንዱ ምክንያት ዝቅተኛ የደሞዝ እርከን በህግ የተወሰነ ባለመሆኑ ነው ብሏል።

የኮንፌዴሬሽኑ ፕሬዜዳንት አቶ ካሳሁን ፎሎ ለሸገር ኤፍ ኤም 102.1 በሰጡት ቃል በኢትዮጵያ ያለውን የኑሮ ውድነት በዝቅተኛ ደሞዝ ተቀጥረው የሚሰሩ ዜጎች ሊቋቋሙት አልቻሉም ብለዋል።

አቶ ካሳሁን ፎሎ ፦

" ዓለም በኮሮና በመጠቃቱ የኮሮና ቀውስ ነው ያለው በእኛ ሀገር ግን ከዛ በተጨማሪ አሁን ባለው ሁኔታ ኢንፍሌሽን ከፍተኛ መሆኑ ኑሮ ውድነቱ ተባብሷል። በዚህ ምክንያት አይደለም ሁለት ጊዜ ሊበላ አንድ ጊዜ መብላት አልቻለም ሰራተኛው። እየኖረ አይደለም ማለት ይቻላል።

ይሄ የሆነበት ምክንያት ኢንፍሌሽኑ ከፍተኛ ነው የሰራተኛው ደሞዝ አነስተኛ ነው ። እንደሌላው ሀገር ዝቅተኛ የደሞዝ ወለል የለንም በኛ ሀገር።

ሌሎች ሀገር ዝቅተኛ የደሞዝ ወለል በየአመቱ እየተከለሰ ተግባራዊ የሚደረግ ነው ነገር ግን ይሄ እኛ ሀገር የለም/በሀገር አቀፍ ደረጃ ዝቅተኛ የደሞዝ ወለል አለመኖሩ " አንዱ ምክንያት ነው ብለዋል።

ሌላኛው ፦

" አንድንድ ድርጅቶች የውጭ ምንዛሬ እጥረት ስላለባቸው ከውጭ ቀጥታ እቃ የሚያመጡ ድርጅቶች እሱም እየቀነሰ ስራም እየቀነሰ በመሆኑ እንዲሁም የገበያ ላይ ያለው የሸቀጥ ዋጋ ከፍተኛ በመሆኑ በዚህ ሳምንት እንደምናየው የዘይት እንኳን በገበያ ያላ ምን ያክል እንደሆነ ይታወቃል " ሲሉ አስረድተዋል።

የኢትዮጵያ ሰራተኞች ማህበራት ኮንፌዴሬሽን በተለይም በፋብሪካዎች ላይ የሚሰሩ ሰራተኞች የህይወታቸው ሁኔታ እያሳሰበው መሆኑን ገልጿል።

አቶ ካሳሁን ፎሎ ፦

" ሰራተኛው በተለይ ፋብሪካ ላይ ያለው አብዛኛው ደሞዙ 1000 ብር ነው። ለምሳሌ ኢንዱስትሪ ፓርክ አካባቢ ያሉ ሰራተኞች 1000 ብር / 1250 ብር ነው ደሞዛቸው፤ የአበባ ሴክተርም አለ ሌሎች ሆቴሌም አለ... ሁሉም ሴክተር ላይ ትልቅ ችግር ነው ያለው።

ሰራተኛው ዘይት ገዝቶ መብላት አልቻለም፤ አይደለም ምግብ ቀርቶ ስለዚህ ሰራተኛው ከፍተኛ ችግር ላይ ነው ያለው።

አንዳንድ ድርጅቶች እያተረፉም ቢሆን ካለው ሁኔታ አንፃር የተወሰኑ ድርጅቶች ጭማሪ አድርገው ሊሆን ይችላል ከዛ ውጭ አብዛኛው ጋር ጭማሪ የለም አይደለም ጭማሪ የያዙትን ይዘው ለመቆየት በጣም ከፍተኛ ችግር ስለሆነ ሰራተኛ እየተበደለ ነው ያለው።

ነጋዴው ሰራተኛው ላይ ነው የሚጭነው።

ምግብም ከውጭ ገዝቶ የሚጠቀምም ሆነ በቤቱ አብስሎ የሚበላም ገዝቶ ስለሚበላ ሁሉም በሰራተኛው ላይ ነው የሚጭነውና ሰራተኛው በጣም እየተቸገረ ነው ያለው በቃላት ከሚገለፀው በላይ ነው ሰራተኛው እየተቸገር ያለው። በቃላት ለመግለፅ ያስቸግራል ። "

በሀገሪቱ ያለው የኑሮ ውድነቱ መፍትሄ ሊፈለግለት ይገባል የሚሉት አቶ ካሳሁን ኮንፌዴሬሽኑ የሰራተኞች ዝቅተኛ ደሞዝ በህግ እንዲወሰን ጥረት እያደረግን ነው ብለዋል።

አቶ ካሳሁን ፎሎ ፦

" ዝቅተኛ የደሞዝ ወለል የለም ፤ በሀገር አቀፍ ደረጃ ዝቅተኛ የደሞዝ ወለል እንዲወጣ በ2011 ዓ/ም በወጣው አዲሱ የአሰሪና ሰራተኛ ህግ መሰረት የደመወዝ ቦርድ ተቋቁሞ ዝቅተኛ የደሞዝ ወለል ይወስናል የሚል እዛ አዋጅ ላይ ተቀምጧል።

ይሄ ዝቅተኛው የደሞዝ ወለል የሚያይ ቦርድ እንዲቋቋም በአሁኑ ስራ እና ክህሎት ሚኒስቴር በድሮ ሰራተኛ እና ማህበራዊ ጉዳይ ሚኒስቴር ባለፈው ዓመት ረቂቅ ተዘጋጅቶ ውይይት አሰሪ ፣ ሰራተኛ፣ መንግስት በጋራ ከተወያየን በኃላ በጠ/ሚ ፅ/ቤት በኩል ሚስቴሮች ምክር ቤት ይቀርባል ተብሎ ነው ታስቦ የነበረው ፤ ቀርቧልም።

ነገር ግን ወደ መደበኛ ስራ ከምርጫ በኃላ ይታያል ተብሎ ነበር ከምርጫ በኃላ ያለው ሂደት በሀገራችን ላይ የሚታይ ስለሆነ መደበኛ ስራዎች እየሄዱ አይደለም አሁን ገና እየተጀመረ ነው፤ ይሄን ለማቅረብ እና ጥያቄውን ለማንሳት እኛም እየተዘጋጀን ነው" ሲሉ ለሸገር ኤፍ ኤም ሬድዮ ጣቢያ ተናግረዋል።

@tikvahethiopia

የ2013ዓ.ም የ12ኛ ክፍል ፈተና ማለፊያ ነጥብ ይፋ ሆነ።

የትምህርት ሚኒስቴር ሚኒስቴር ዴኤታ ሳሙኤል (ዶ/ር) ለጋዜጠኞች የ12ኛ ክፍል መለቀቂያ ፈተና መቁረጫ ነጥብ ዙሪያ መግለጫ ሰጥተዋል።

በሁለት ዙር ለተሰጠው የመልቀቂያ ፈተና የተሰጠው የማለፊያ ነጥብ የተለያየ መሆኑ የተገለፀ ሲሆን በዚህም መሰረት በመጀመሪያ ዙር ፈተናቸውን የወሰዱ የተፈጥሮ ሳይንስ እና የማህበራዊ ሳይንስ መደበኛ ተፈታኞች ውጤት የሚከተለውን ይመስላል

በመንግስት ዩኒቨርስቲዎች ለመማር ለተፈጥሮ ሳይንስ መደበኛ ተፈታኞት ማለፊያ ነጥብ ለወንድ 363 ለሴት 351 ሲሆን በተፈጥሮ ሳይንስ በታዳጊ ክልሎች እና አርብቶ አደር አካባቢዎች ላሉ መደበኛ ተፈታኞች ለወንድ 351 ለሴት 339 ማለፊያ ነጥብ መሆኑ ተገልጿል።ለተፈጥሮ ሳይንስ መስማት ለተሳናቸው ሁለቱም ፆታ የማለፊያ ነጥብ 300 ሆኗል።በተፈጥሮ ሳይንስ ድጋሜ ተፈታኞች ማለፊያ ነጥብም 380 ሆኖ መቆረጡ ተገልጿል።

በመጀመሪያው ዙር የተፈተኑ እና በግል የከፍተኛ ትምህርት ተቋማት ትምህርታቸውን ለመከታተል የተፈጥሮ ሳይንስ መቁረጫ ነጥብ 300 ሆኗል።

ለማህበራዊ ሳይንስ መደበኛ ተፈታኞች የማለፊያ ነጥብ ለወንድ 264፣ ለሴት 254 ሲሆን በማህበራዊ ሳይንስ በታዳጊ ክልሎች እና አርብቶ አደር አካባቢዎች ላሉ መደበኛ ተፈታኞች ለወንድ 254፣ ለሴት 250 ማለፊያ ነጥብ ሆኖ ተቆርጧል።

ለማህበራዊ ሳይንስ መስማት ለተሳናቸው ሁለቱም ፆታዎች ማለፊያ ነጥብ 250 መሆኑን እና በማህበራዊ ሳይንስ ድጋሜ ተፈታኞች ለሁለቱም ፆታ የማለፊያ ነጥብ 280 እንደሆነ ተገልጿል።

በግል የከፍተኛ ትምህርት ተቋማት ትምህርታቸውን ለመከታተል የማህበራዊ ሳይንስ መቁረጫ ነጥብ 250 ሆኗል።

በሁለተኛ ዙር ፈተናቸውን የወሰዱ የተፈጥሮ ሳይንስ እና የማህበራዊ ሳይንስ መደበኛ ተፈታኞች ውጤትም ይፋ የሆነ ሲሆን በዚህም መሰረት

በመንግስት ዩኒቨርስቲዎች ለመማር ለተፈጥሮ ሳይንስ መደበኛ ተፈታኞት ማለፊያ ነጥብ ለወንድ 423 ለሴት 409 ሲሆን በተፈጥሮ ሳይንስ በታዳጊ ክልሎች እና አርብቶ አደር አካባቢዎች ላሉ መደበኛ ተፈታኞች ለወንድ 410 ለሴት 396 ማለፊያ ነጥብ መሆኑ ተገልጿል።ለተፈጥሮ ሳይንስ መስማት ለተሳናቸው ሁለቱም ፆታ የማለፊያ ነጥብ 350 ሆኗል።በተፈጥሮ ሳይንስ ድጋሜ ተፈታኞች ማለፊያ ነጥብም 443 ሆኖ መቆረጡ ተገልጿል።

በሁለተኛ ዙር የተፈተኑ እና በግል የከፍተኛ ትምህርት ተቋማት ትምህርታቸውን ለመከታተል የተፈጥሮ ሳይንስ መቁረጫ ነጥብ ከ350 በላይ መሆኑ ተነግሯል።

ለማህበራዊ ሳይንስ መደበኛ ተፈታኞች የማለፊያ ነጥብ ለወንድ 317 ፣ ለሴት 305 ሲሆን በማህበራዊ ሳይንስ በታዳጊ ክልሎች እና አርብቶ አደር አካባቢዎች ላሉ መደበኛ ተፈታኞች ለወንድ 305፣ ለሴት 300 ማለፊያ ነጥብ ሆኖ ተቆርጧል።

ለማህበራዊ ሳይንስ መስማት ለተሳናቸው ሁለቱም ፆታዎች ማለፊያ ነጥብ 300 መሆኑን እና በማህበራዊ ሳይንስ ድጋሜ ተፈታኞች ለሁለቱም ፆታ የማለፊያ ነጥብ 335 እንደሆነ ተገልጿል።

በግል የከፍተኛ ትምህርት ተቋማት ትምህርታቸውን ለመከታተል የማህበራዊ ሳይንስ መቁረጫ ነጥብ ከ 300 በላይ መሆኑም ተገለጿል።

ውጤቱ ለመጀመርያ ዙር ተፈታኞች ለተፈጥሮ ሳይንስ ከ600 እዲሁም ለማህበራዊ ሳይንስ ከ500 የተያዘ መሆኑን እና በሁለተኛ ዙር ተፈታኞች ለተፈጥሮ ሳይንስ ከ700 እዲሁም ለማህበራዊ ሳይንስ ከ600 የተያዘ መሆኑ ተገልጿል።

ምንጭ፦ ትምህርት ሚኒስቴር

@tikvahethiopia

#ነእፓ

ነፃነት እና እኩልነት ፓርቲ 1ኛ መደበኛ ጉባኤውን መጋቢት 18 እንደሚያካሂድ አሳውቋል።

የጉባኤው ዝግጅት በተሳካ ሁኔታ እየተከናወነ መሆኑንም ገልጿል።

1ኛ መደበኛ ጉባኤ ፓርቲውን ወደአዲስ ምዕራፍ ያሸጋግረዋል ተብሎ እንደሚጠበቅ ነእፓ አሳውቋል።

የብሄራዊ ምርጫ ቦርድ ጠቅላላ ጉባኤ እንዲያከናውኑ እና አስፈላጊ የሆኑ የሰነድ ማሻሻያዎችን በአንድ ወር ጊዜ ውስጥ እንዲያስገቡ ማሳሰቢያ ከሰጣቸው 13 ሀገራዊ እና 13 ክልላዊ ፓርቲዎች መካከል አንዱ ነፃነት እና እኩልነት ፓርቲ አንዱ ነው።

@tikvahethiopia

#MoE

ትምህርት ሚኒስቴር የ2013 ዓ.ም የ12ኛ ክፍል መልቀቂያ ፈተና ከፍተኛ ውጤት 623 መሆኑን አስታወቀ።

በሁለት ዙር በተሰጠው የ2013ዓ.ም የ12ኛ ክፍል መልቀቂያ ፈተና በተመዘገበው ውጤት 623 ከፍተኛ ውጤት ሆኖ መመዝገቡ ሚኒስቴሩ ገልጿል።

በመጀመሪያው ዙር ፈተና የተመዘገበው ከፍተኛው ውጤት 563 ሲሆን በሁለተኛው ዙር የተመዘገበው ከፍተኛ ውጤት ደግሞ 623 መሆኑ ነው የተነገረው።

ከፍተኛ ውጤቱ በተፈጥሮ ሳይንስ የትምህርት መስክ የተመዘገበ መሆኑ ታውቋል።

ፈተናው በመጀመሪያው ዙር ለተፈጥሮ ሳይንስ ከ600 ፣ ለማህበራዊ ሳይንስ ደግሞ ከ 500 የተያዘ ሲሆን በሁለተኛ ዙር ለተፈጥሮ ሳይንስ ከ700፣ ለማህበራዊ ሳይንስ ከ600 ነው የተያዘው።

በአጠቃላይ ፈተናውን በሁለት ዙር 598 ሺህ 679 ተማሪዎች የተፈተኑ ሲሆን ከዚህም ውስጥ 287 ሺ223 ተማሪዎች 50% እና ከዛ በላይ ውጤት አስመዝግበዋል።

ምንጭ፦ ትምህርት ሚኒስቴር

@tikvahethiopia

የነዳጅ ዋጋ አሽቆለቆለ።

በዩክሬንና ሩስያ ጦርነት ምክንያት ባለፉት ሳምንታት የነዳጅ ዋጋ በእጅጉ ማሻቀቡ ፤ በበርሜልም እስከ 140 ዶላር ድረስ ደርሶ ነበር።

በዚህ ሳምንት ግን የነዳጅ ዋጋ በእጅጉ መቀነሱ ተነግሯል።

አሁን ላይ ፤ የብሬንት ድፍድፍ ነዳጅ በበርሜል 98.50 ዶላር ሲሆን በአሜሪካ ነዳጅ ገበያ እንደመለኪያ በሚታየው ዌስት ቴክሳስ ኢንተርሚዴት 1 በርሜል ነዳጅ 96.14 ዶላር በሆነ ዋጋ እየተሸጠ ነው።

ይህም ባለፉት 2 ሳምንታት የታየ ከፍተኛ ቅናሽ ነው።

@tikvahethiopia

#RUSSIA #USA

ሩስያ የአሜሪካው ፕሬዜዳንት #ጆ_ባይደንን ጨምሮ ሌሎች የአሁን እና የቀድሞ ባለስልጣናት ወደ ሀገሬ ድርሽ እንዳትሉ ስትል ማዕቀብ ጣለች።

የሩሲያ መንግስት ወደ ሩስያ እንዳይገቡ እገዳ ከጣለባቸው መካከል ፦

👉 የአሜሪካ ፕሬዝዳንት ጆ ባይደን

👉 የአሜሪካ ውጭ ጉዳይ ሚኒስትር አንቶኒ ብሊንከን

👉 የብሄራዊ ደህንነት አማካሪ ጃክ ሱሊቫን

👉 የCIA ዳይሬክተር ዊሊያም በርንስ

👉 የኋይት ሃውስ ቃል አቀባይ ጀን ሳኪ፣

👉 የመከላከያ ሚኒስትር ሊዮይድ አውስቲን

👉 የቀድሞዋ የአሜሪካ ውጭ ጉዳይ ሚኒስትር ሂላሪ ክሊንተን ይገኙበታል።

በተጨማሪ የካናዳው ጠቅላይ ሚኒስትር ጀስቲን ተሩዶ ወደ ሩሲያ እንዳይገቡ ማዕቀብ ተጥሎባቸዋል።

ቀደም ሲል አሜሪካ በሩሲያው ፕሬዝዳንት ቭላድሚር ፑቲንና በውጭ ጉዳይ ሚኒስትሩ ሰርጌ ላቭሮቭ ላይ ማዕቀብ ጥላ ነበር።

መረጃው የአርቲ ኒውስ እና የአልዓይን ኒውስ ነው።

@tikvahethiopia