#Update

የኢትዮጵያ ኦርቶዶክስ ተዋሕዶ ቤተ ክርስቲያን አራተኛው ፓትርያርክ የብጹዕ ወቅዱስ አቡነ መርቆሬዎስ የሽኝት መርሐግብር በአሁን ሰዓት መስቀል አደባባይ እየተካሄደ ነው።

በሽኝት መርሃ ግብሩ ላይ የሃይማኖት አባቶች ፣ የእምነቱ ተከታዮች እንዲሁም የመንግስት የስራ ሃላፊዎችን ጨምሮ የውጪ አገራት አምባሳደሮች ተገኝተዋል።

በተጨማሪም ከተለያዩ የእምነት ተቋማት የተወጣጡ የሃይማኖት አባቶች ተገኝተዋል።

ፎቶ ፦ ENA / የኢኦተቤ ህዝብ ግንኙነት

@tikvahethiopia

#Update

የሩሲያ ፕሬዝዳንት ቭላድሚር ፑቲን ለሩሲያ ለመዝመት ጥያቄ ላቀረቡ የሌላ ሀገር ዜጎች " ተመዝግባችሁ ፍላጎታችሁን ፈፅሙ " አሉ።

በሩሲያ የደህንነት ጉባኤ ስብሰባ ላይ ፑቲን እንዳሉት ምንም እንኳ የውጭ ዜጎች ቢሆኑም በሩሲያ ከሚደገፉ ኃይሎች ጎን ለመሰለፍ የፈቀዱ ሁሉ ፍላጎታቸው እንዲሟላ ያሻል ብለዋል።

የሩሲያው የመከላከያ ሚኒስትር ሰርጌይ ሾይጉ በተለይ ከመካለኛው ምሥራቅ አካባቢ ብቻ 16 ሺ የሚሆኑ ሰዎች በፍቃደኝነት ለመዋጋት ፍላጎት አሳይተዋል ብለዋል።

መዋጋት የሚፈልጉት ሩሲያ ለምትደግፋቸው የዩክሬን ተገንጣይ ኃይሎች እንደሆነ ተመላክቷል።

አሜሪካ እንደምትለው ከእነዚህ ሰዎች መካከል ብዙዎቹ የከተማ ሽምቅ ውጊያ የካበተ ልምድ ያላቸው ሶሪያዊያን ይገኙበታል።

ሞስኮ የባሻር አል አሳድ ቀኝ እጅና ደጋፊ ስትሆን በሶሪያው የእርስ በእርስ ጦርነት ጊዜ አሳድን ከሥልጣን ከመወገድና ከሞት የታደገች አገር ናት።

ፑቲን ለሩሲያ ወደው ለመዝመት ጥያቄ ያቀረቡ በሙሉ በዶንባስ ከሩሲያ አጋሮች ጋር ተሰልፈው መዋጋት እንዲችሉ ሁኔታዎች በፍጥነት እንዲመቻቹ አዘዋል።

የሩሲያ መከላከያ ሚኒስትር ሾይጉ ከዩክሬን የተማረኩ የሚሳኤል መቃወሚያዎች ሉሃንስና ዶኔትስክ ተዋጊዎች እንዲሰጡ ሐሳብ ያቀረቡ ሲሆን፣ ፑቲን "እንዳልከው አድርግ" የሚል ትዕዛዝ ሰጥተዋል።

ይህን ተከትሎ የዩክሬኑ ፕሬዝዳንት ቮሎድሚር ዜሌንስኪ "ከሶሪያ የሚነሱ ወንበዴዎች ሕዝባችንን ሊጨርሱ እየመጡ ነው" ሲሉ አስጠንቅቀዋል።

የውጭ ዜጎች ወዶ ዘማቾች ወደሩሲያ ብቻ ሳይሆን ወደ ዩክሬንም እያመሩ እንደሆነ መረጃዎች የወጡ ሲሆን ዜሌንስኪም ቢሆኑ ይህን አምነዋል።

ከቅርብ ጊዜ ወዲህ 16 ሺ የሚሆኑ በጎ ፈቃደኛ የሆኑ የሌላ አገር ዜጎችን ጨምሮ ለዩክሬን ለመዝመት ፍላጎት ማሳየታቸውን ቢቢሲ ዘግቧል።

@tikvahethiopia

" ከ70 በላይ #ኢትዮጵያውያን 🇪🇹 ፖላንድ ገብተዋል " - በኢትዮጵያ የፖላንድ ኤምባሲ

በአዲስ አበባ የሚገኘው የፖላንድ ኤምባሲ ሩስያ ዩክሬን ላይ ወረራ ከፈፀመች በኃላ በፖላንድ ስላለው ሁኔታ ከተማሪዎች እና ከቤተሰቦች በርካታ ጥያቄዎች እየደረሰው መሆኑን ገልጿል።

በፖላንድ ግዛት ምንም አይነት የፀጥታ ችግር የለም ያለው ኤምባሲው እንደሁል ጊዜው ዩኒቨርሲቲዎች ክፍት ናቸው ፣ ትምህርትም ቀጥሏል ፤ እንዲሁም ሆስፒታሎች፣ የትራንስፖርት አገልግሎት (ባቡር፣ ባስ) ፣ ሬስቶራንቶች፣ ቢሮዎች ሁሉ እንደሁልጊዜ ስራ ላይ ናቸው ብሏል።

በአሁን ሰዓት ከ1,500 በላይ ተማሪዎች በፖላንድ ትምህርታቸውን እየተከታተሉ እንደሚገኙም ተጠቁሟል።

ኤምባሲው ሩስያ በዩክሬን ላይ ህገወጥ ወረራ ከፈፀመች አንስቶ ከ1.5 ሚሊዮን በላይ ሰዎች ጦርነት ሽሽት ወደ ፖላንድ መግባታቸውን አመልክቶ ከእነዚህም መካከል በርካታ አፍሪካውያን እንደሚገኙበት እና ከ70 በላይ የሚሆኑትም #ኢትዮጵያውያን 🇪🇹 መሆናቸውን ገልጿል።

ፖላንድ ጦርነት ሸሽተው ወደ ሀገሯ የሚመጡ ሰዎች ደንበር ላይ የተቀላጠፈ አገልግሎት እንዲያገኙና ፤ የምግብና መጠለያ ጨምሮ አስፈላጊ የሆኑ ድጋፎችን እያደረገች እንደሆነው በአዲስ አበባ የፖላንድ ኤምባሲ አሳውቋል።

@tikvahethiopia

#Update

የአራተኛው የኢትዮጵያ ኦርቶዶክስ ተዋሕዶ ቤተክርስቲያን ፓትርያርክ የብፁዕ ወቅዱስ አቡነ መርቆሬዎስ ሽኝት በመስቀል አደባባይ ተካሂዳል።

በአሁን ሰዓት ላይ የቅዱስነታቸው የክብር አስከሬን ከመስቀል አደባባይ ወደ ጠቅላይ ቤተክህነት ያደረገውን ጉዞ አጠናቆ መንበረ ፓትርያርክ ጠቅላይ ጽሕፈት ቤት ደርሷል።

በጽርሐ ተዋሕዶ አዳራሽ ልዩ ለዩ መንፈሳዊ ሥርዓቶች ከተከናወኑ በኋላም ጉዞ ወደ መንበረ ጸባኦት ቅድስት ሥላሴ ካቴድራል የሚደረግ ሲሆን በካቴድራሉ ሥርዓተ ጸሎት እና ፍትሀት ሲደረግ አድሮ እሁድ መጋቢት 4 ቀን 2014 ዓ.ም ከቅዳሴ በኋላ ሥርዓተ ቀብሩ የሚፈጸም ይሆናል።

ምንጭ፦ የኢኦተቤ ህዝብ ግንኙነት

@tikvahethiopia

#Instagram

ሩስያ ከፊታችን ሰኞ ጀምሮ በመላ ሀገሪቱ ኢንስታግራም እንደሚታገድ አስታወቀች።

በሜታ ኩባንያ ስር የሚተዳደረው ኢንስታግራም ከሰኞ ጀምሮ እንደሚታገድ ሩስያ ገልፃለች።

ይህ ውሳኔ የተላለፈው ሜታ ከዩክሬን ጦርነት ጋር ተያያዞ በፌስቡክ እና ኢንስታግራም ግጭት ቀስቃሽ ንግግሮች ‘ለተወሰነ ጊዜ’ እንደሚፈቀድ ውሳኔ ማሳለፉን ተከትሎ ነው።

ሜታ በፌስቡክ እና ኢስታግራም ላይ " ሞት ለወራሪው ሩስያ፣ ሞት ለሩሲያ ፕሬዝደንት ቭላድሚር ፑቲን እና ሞት ለቤላሩሱ ፕሬዝደንት አሌክሳንደር ሉካሼንኮ " የሚሉ ልጥፎች በበርካታ አገራት ፈቅዷል እነዚህም አርሜኒያ ፣ አዘርባጃን ፣ ኢስቶኒያ ፣ ጆርጂያ ፣ ሃንጋሪ ፣ ላቲቪያ ፣ ሊቱዌኒያ ፣ ፖላንድ ፣ ሮማኒያ፣ ሩሲያ፣ ስሎቫኪያ እና ዩክሬን ናቸው።

ነገር ግን ድርጅቱ ንፁሃንን ኢላማ የሚያደርጉ ግጭትን ቀስቃሽ ንግግሮች እንደማይፈቅድ ገልጿል።

ሩስያ ፤ " ሜታ በፌስቡክ እና ኢስታግራም በዜጎቼ ላይ የጥቃት ጥሪዎች እንዲለጠፉ መፍቀዱ ከዚህ በፊት ተደርጎ የማይታወቅ ነው " ያለች ሲሆን በኢስታግራም በሩስያውያን ላይ የኃይል ጥቃት እንዲፈፀሙ ጥሪዎች እየተዘዋወሩ ነው ብላለች።

ይህን ተከትሎ ከሰኞ ጀምሮ ኢስታግራም በምድሪቱ ላይ እንደሚታገድ አሳውቃለች።

በሀገሪቱ ያሉ የኢንስታግራም ተጠቃሚዎች ባላቸው 48 ሰዓታት ውስጥ ፎቶ እና ቪድዮዎቻቸውን ወደ ሌላ ማህበራዊ ሚዲያ እንዲያዘዋውሩ እንዲሁም ለጓደኞቻቸው፣ ለተከታዮቻቸው እንዲያሳውቁ መልዕክት ተላልፏል።

ሩስያ ከዚህ በፊት #ፌስቡክ የተሰኘውን የሜታ ኩባንያ አካል የሆነውን የማህበራዊ ሚዲያ ማገዷ ይታወሳል።

@tikvahethiopia

#Update

የአርባ ምንጭ ዩኒቨርሲቲ ተማሪ የነበረችው ፅጌሬዳ ግርማይን በመግደል የተከሰሰው ተማሪ በወንጀለኛ ሕግ 539/1 ራሱን እንዲከላከል ብይን ተሰጦታል።

በሕግ ጥላ ስር የሚገኘው ተከሳሹ፤ በጋሞ ዞን ከፍተኛ ፍርድ ቤት ጉዳዩን እየተከታተለ እንደሚገኝ የአርባ ምንጭ ዩኒቨርሲቲ የሕግ አገልግሎት ዳይሬክተር መርኪያ መንገሻ @tikvahuniversity ተናግረዋል።

" ከባድ ግድያ በመፈጸም የወንጀል ክስ ራሱን እንዲከላከል " የተነገረው ተከሳሹ ፤ " ወንጀሉ ከእድሜ ልክ እስራት እስከ ሞት የሚያስቀጣ " መሆኑን ኃላፊው ገልጸዋል።

ተከሳሹ የመከላከያ ማስረጃ በማቅረብ እንዲከላከል ለመጋቢት 20/2014 ዓ.ም ቀጠሮ ተሰጦታል።

ጥር 23 / 2014 ዓ.ም የተገደለችው የ20 ዓመቷ ተማሪ ፅጌሬዳ በአርባ ምንጭ ዩኒቨርሲቲ የሆቴልና ቱሪዝም ማኔጅመንት የ2ኛ ዓመት ተማሪ ነበረች፡፡

@tikvahethiopia

#Update

ብልፅግና ፓርቲ እያካሄደ በሚገኘው 1ኛ ጠቅላላ ጉባኤ በዛሬው መርሃ ግብር የፓርቲውን ፕሬዜዳንት እና ምክትል ፕሬዜዳንቶች ምርጫ አካሂዷል።

በዚህም ጉባኤው ፦

👉 ዶ/ር ዐቢይ አሕመድን የፓርቲው ፕሬዚዳንት አድርጎ መርጧል። (ዶ/ር ዐቢይን የተጠቆሙት የሲዳማ ክልል ፕሬዝዳንት አቶ ደስታ ሌዳሞ ነበሩ)

👉 አቶ አደም ፋራህ እንዲሁም አቶ ደመቀ መኮንን ምክትል ፕሬዚዳንቶች አድርጎ መርጧል። (አቶ አደም በቤንሻንጉል ጉሙዝ ክልል ፕሬዝዳንት አቶ አሻድሊ ሀሰን የተጠቆሙ ሲሆን አቶ ደመቀ ደግሞ በኦሮሚያ ክልል ፕሬዝዳንት አቶ ሽመልስ አብዲሳ ነበር የተጠቆሙት)

በሌላ በኩል የም/ ፕሬዜዳንቶች ጥቆማ በተሰጠበት ወቅት አንድ የማዕከላዊ ኮሚቴ አባል አቶ አደም ፋራህ ላይ እጩ ሆነው እንዳይቀርቡ ተቃውሞ አቅርበው ነበር።

ተቃውሞ ያቀረቡት የማዕከላዊ ኮሚቴ አባል ፥ " አቶ አደም እጩ ሆነው መቅረብ የለበትም ብዬ አምናለሁ። ምክንያቱም አደም በአፋር እና ሶማሌ አካባቢ በተለይ በኢሳ እና አፋር ግጭት ላይ በቀጥታ እጅ ያለው ሰው በመሆኑ ይህን ግዙፍ ፓርቲ ምክትል ሆኖ መምራት ስለማይችል በእራሴ በኩል እቃወማለሁ " ብለዋል።

ምንም እንኳን አቶ አደም ፋራህ ላይ ተቃውሞ ቢቀርብም በአንድ ሶስተኛ ድምፅ አቶ አደም እጩ ሆነው ሊቀርቡ ችለዋል።

በዚህ ሂደት የጉባኤ ተሳታፊዎች ድጋፋቸውን ለመግለፅ ያልተቋረጠ ከፍተኛ ጭብጨባ ያሰሙ ሲሆን ዶ/ር ዐቢይ ፥ " ይሄ ትክክል አይደለም ...undemocratic አትሁኑ፤ የፈለገ ሰው ይመርጣል፤ የፈለገ ይቃወማል። በግርግር በወከባ፣ ምናምን የሚደረግ ነገር አይደለም። ጥሩ አይደለም እንደዚህ " ሲሉ ተደምጠዋል።

ከዚህም ለኃላ በተካሄደው ምርጫ አቶ አደም 1,330 ድምፅ አግኘተው ም/ፕሬዜዳንት ሆነው ተመርጠዋል።

@tikvahethiopia