" ሩስያን አውግዙ " - አሜሪካ

አሜሪካ የአፍሪካ ሀገራት ሩሲያ በዩክሬን እያደረገች ያለውን " ወታደራዊ ተልዕኮ " እንዲያወግዙ ጥሪ አቀረበች።

አሜሪካ ፥ ምንም እንኳን የአፍሪካ ሀገራት የተመድን የውሳኔ ሃሳብ ቢደግፉም አሁንም ሌሎች ሀገራት ሩሲያን ማውገዝ አለባቸው ብላለች።

በአሜሪካ ውጭ ጉዳይ መስሪያ ቤት የአፍሪካ ጉዳዮች ረዳት ኃላፊ ሞሊ ፊ ዩክሬናውያን የአፍሪካን ድጋፍ እንደሚፈልጉ አስታውቀዋል።

አሜሪካ በዓለም አቀፍ መድረክ የአፍሪካ ድምጽ አስፈላጊ መሆኑን እንደምታምን ገልፃለች።

ዓለም አቀፍ ማህበረሰብ አሁን ላይ በአንድ ላይ ሆኖ ድምጹን እያሰማ መሆኑን የገለጸችው አሜሪካ፤ ይህም ሉዓላዊነትን፣ ግዛታዊ አንድነትን፣ ግጭቶችን በሰላማዊ መንገድ መፍታትን እንዲሁም የንጹሃንን ህይወት መታደግን የሚጠይቅ እንደሆነ አስታውቃለች፡፡

መረጃውን ቪኦኤን ዋቢ አድርጎ ያስነበበው አል ዓይን ኒውስ ነው።

@tikvahethiopia

#CBE

የኢትዮጵያ ንግድ ባንክ ከዚህ ቀደም በተቀመጠው ቀነ ገደብ መረጃቸውን ያላሟሉ ደንበኞቹን ሒሳባቸውን ማንቀሳቀስ እንዳይችሉ አደረገ።

የኢትዮጵያ ንግድ ባንክ በተቀመጠው የጊዜ ገደብ መሰረት የኢትዮጵያ ብሔራዊ ባንክ ያወጣውን መመሪያ ተከትሎ መረጃቸውን ያላሟሉ ደንበኞቹን ሒሳባቸውን ማንቀሳቀስ እንዳይችሉ አግዷል።

ባንኩ የደንበኞቹን መረጃ የማደራጀት እና የማጥራት ስራ እ.ኤ.አ እስከ የካቲት 27 ቀን 2022 ድረስ መሰራቱ እና በርካታ ደንበኞቹም መረጃቸውን ወቅታዊ ማድረጋቸውን ገልጿል።

ቀሪ መረጃቸውን ወቅታዊ ያላደረጉ ደንበኞቹ ወደ ማንኛውም የባንኩ ቅርንጫፍ እስከ አርብ መጋቢት 2 ቀን 2014 ብቻ በመሄድ ሒሳባቸውን ማንቀሳቀስ የሚያስችል መረጃ እንዲሰጡ ጠይቋል።

ከመጋቢት 2 ቀን 2014 ዓ.ም በኋላ ባሉት ቀናት ማንኛውንም የባንክ አገልግሎት (የሞባይል ባንኪንግ ፣ የኢንተርኔት ባንኪንግ እንዲሁም የኤቲኤም እንዲሁም የፖስ አገልግሎት) ማግኘት አይችሉም ብሏል።

Via : @tikvahethmagazine

#UKRAINE #NATO

የዩክሬን ፕሬዝዳንት ቮልድሚር ዜሌንስኪ ዛሬ በመዲናቸው ኬዬቭ ሆነው በቴሌቪዥን ለህዝባቸው ባሰሙት ንግግር ላይ የተናገሩት ፦

" ...ምዕራባውያን መሪዎች ሩሲያ አገራችንን ልትወር መሆኗን ያውቁ ነበር፤ ፑቲን ከተሞቻችንን በቦምብ እንዲደበድቡ ፈቅደዋል።

በዩክሬን ላይ ጥቃት እንደሚፈጸም እና ጉዳትም የማይቀር መሆኑን እያወቀ NATO ሆን ብሎ የዩክሬን ሰማይ ለበረራ ዝግ እንዳይሆን አድርጓል።

የNATO መሪዎች ዛሬም ከበረራ ነጻ የሆነ ቀጠና ውሳኔን ባለማሳለፋቸው ምክንያት ተጨማሪ የዩክሬን ከተሞች እና መንደሮች በቦምብ እንዲደበደቡ ፈቅደዋል።

NATO ዩክሬንን ለመከላከል እርምጃ ባለመውሰዱ በጦርነቱ ምክንያት ለሚሞቱ የአገራችን ዜጎች ሕይወት ተጠያቂ ነው። "

ለምንድነው NATO የዩክሬንን አየር ማይዘጋው ?

NATO በምድርም ሆነ በአየር ወደ ዩክሬን የመግባት ፍላጎት የለውም።

ለNATO ውሳኔ ምዕራባውያን ባለሥልጣናት እንደምክንያት የሚያስቀምጡት በዩክሬን ከበረራ ነጻ የሆነ ቀጠና ከተከለለ የNATO አውሮፕላኖች ጥሰት በሚፈጽሙ የሩሲያ ተዋጊ አውሮፕላኖች ላይ ጥቃት መሰንዘር ይችላሉ።

ይህ ደግሞ 3ኛው የዓለም ጦርነት ሊቀሰቀስ ይችላል የሚል ስጋት አላቸው።

@tikvahethiopia

" የምግብ ዘይት የለም ይሉናል፤ አለ የሚባልባት ደግሞ በከፍተኛ ዋጋ ነው የሚሸጠው "

በተለያዩ የሀገሪቱ ከተሞች የሚኖሩ የቲክቫህ ኢትዮጵያ አባላት የምግብ ዘይት አለመኖር ቢኖርም ደግሞ ዋጋው የሚቀመስ እንዳልሆነ ገልፀዋል።

ለአብነት ከአዲስ አበባ ቲክቫህ አባላት በመጣው መልዕክት በተለያዩ አካባቢዎች ባለ5 ሊትር የምግብ ዘይት ካለ እንኳን ከ850-950 ብር ድረስ እንደሚሸጥ ጠቁመዋል። ባለ አንድ ሊትር ከ165-180 ብር ድረስ እንደሚሸጥ ገልፀዋል።

በተለያዩ ክልል ከተሞች ያሉ የቲክቫህ አባላት የምግብ ዘይት የዋጋ ጭማሪ እንደተደረገበት ጠቁመው 5 ሊትሩ የለም እንደሚባሉ ካለም ከ750-900 ብር ድረስ እንደሚሸጥ ገልፀዋል።

በአንዳንድ ቦታዎች ደግሞ ዘይት ተወደደ የሚለውን ሲሰሙ ያላቸውን ዘይት የመደበቅ ድርጊት የሚፈፅሙም አካላት ሊኖሩ ስለሚችሉና ክትትል እንደሚያስፈልገው ጠቁመዋል።

መልዕክታቸውን የላኩ ነዋሪዎች መንግስት ችግሩን መርምሮ እጅግ በጣም አስቸኳይ መፍትሄ እንዲሰጥና ገበያውን እንዲያረጋጋ ጠይቀዋል።

በሌላ ተያያዥ ጉዳይ፦

የባህር ዳር ከተማ በበላየነህ ክንዴ ለከተማው የሚቀርበው የፊቤላ ዘይት በወቅቱና በበቂ መጠን እየቀረበ ባለመሆኑ ከክልሉ ንግድ ቢሮ ጋር በመነጋገር 883,000 ሊትር ፓልም ዘይት ከውጭ ተገዝቶ በ " አለ በጅምላ " በኩል መቅረቡን አሳውቋል።

በነገው ዕለት በሁሉም ክፍለ ከተሞችና የገጠር ቀበሌዎች በተመጣጣኝ ዋጋ የዘይት ስርጭት ያካሄዳል ብሏል።

በአ/አ ከተማ ደግሞ የምግብ ዘይት በድብቅ ይዘው ለማሸሽ የሞከሩ ህገወጦች በቁጥጥር ስር መዋላቸውን ከተማው አሳውቋል።

መንግስትንና ህብረተሰቡን ለማጋጨትና አርቴፊሻል የዋጋ ንረትን በመፍጠር ህዝቡን ለማስጨነቅ እየተንቀሳቀሱ የሚገኙ ሃይሎች በመኖራቸው ህብረተሰቡ ጥቆማ ይስጠኝ ብሏል።

@tikvahethiopia