ፎቶ ፦ አራተኛው የኢትዮጵያ ፓትርያርክ ብፁዕ ወቅዱስ አቡነ መርቆሬዎስ ህመም አጋጥሟቸው ሆስፒታል እንደሚገኙ ይታወቃል።

ትላንት ቅዳሜ ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሆስፒታል በመገኘት ብፁዕ ወቅዱስ አቡነ መርቆሬዎስን መጎብኘታቸው እና እግዚአብሔር ምሕረቱን እንዲልክላቸው ጸሎት በማድረስ መልካም ምኞታቸውን መግለፃቸው ይታወሳል።

በዛሬው ዕለት ደግሞ ጠ/ሚር ዶ/ር ዐቢይ አህመድ ብፁእ ወቅዱስ አቡነ መርቆርዮስን ሆስፒታል በመገኘት ጎብኝተዋቸዋል።

በተጨማሪ የኢፌዴሪ ፕሬዜዳንት ሳህለወርቅ ዘውዴም ቅዱስነታቸውን ጎብኝተዋቸዋል። ፕሬዜዳንቷ በቀደመው ጊዜ የቅዱስነታቸው የመንፈስ ቅዱስ ልጅ መሆናቸውን ገልፀው በቶሎ ድነው ከሆስፒታል እንዲወጡ ምኞታቸውን ገልፀዋል።

ቅዱስነታቸው በሀሌሉያ ሆስፒታል በመደበኛ ክል ህክምናቸውን እየተከታተሉ ሲሆን ወደ ፅኑ ህሙማን ክፍል አለመግባታቸው ተገልጿል።

@tikvahethiopia

አቶ ተስፋየ አባተ ተገደሉ።

የሀብሩ ወረዳ ኢንቨስትመንት ጽህፈት ቤት ሀላፊ ሆነው ሲያገለግሉ የነበሩት አቶ ተስፋየ አባተ ያዘው መገደላቸው ተሰማ።

ኃላፊው ማንነቱ ባልታወቀ ግለሰብ በተተኮሰ ጥይት ተመተው #ከትዳር_አጋራቸው ጋር ህይወታቸው ማለፉን የሀብሩ ወረዳ አስተዳደር ፅ/ቤት አስታውቋል።

@tikvahethiopia

#Update

ፕሬዜዳንት ሳህለወርቅ ዘውዴ እና የኢትዮጵያ እስልምና ጉዳዮች ጠቅላይ ምክር ቤት ፕሬዚዳንት ተቀዳሚ ሙፍቲ ሀጂ ዑመር እድሪስ እንዲሁም የቀድሞ ፕሬዜዳንት ሙላቱ ተሾመ 4ኛው የኢትዮጵያ ፓትርያርክ ብፁዕ ወቅዱስ አቡነ መርቆሬዎስን ህክምናቸውን እየተከታተሉ በሚገኝበት ሀሌሉያ ሆስፒታል ተገኝተው ጠይቀዋቸዋል።

ፎቶ ፦ Tikvah Family

@tikvahethiopia

#Update

ሩስያ እና ዩክሬን ነገ ሰኞ መነጋገር ይጀምራሉ ተብሎ ይጠበቃል።

የዩክሬን ፕሬዝዳንት የሆኑት ዜለንስኪ የሰላም ድርድር በሚያደርገው ልዑክ ውስጥ እንደሌሉበት ተገልጿል።

በአሜሪካ የዩክሬን አምባሳደር ኦክሳና ማርካሮቫ ዛሬ እንደተናገሩት የዩክሬኑ ፕሬዝዳንት ቮሎዲሚር ዜለንስኪ ነገ ሰኞ ከሩሲያ ጋር ሊደረግ በታቀደው የሰላም ድርድር ልዑክ ውስጥ በእርግጠኝነት የሉም።

ፕሬዚዳንቱ በአገራቸው እንደሚቆዩ እና እያደረጉ ያሉትን ውጊያ እንደሚቀጥሉ አምባሳደሯ ገልፀዋል።

አምባሳደር ኦክሳና ማርካሮቫ " ፕሬዝዳንት ዘሌንስኪ አገሪቷን ለመከላከል ውስነዋል። ስለዚህ እሱ ከታጠቁ ኃይሎች ጋር፣ ከዩክሬን ሕዝብ ጋር፣ አገሩን እየጠበቀ በኪየቭ ነው የሚገኘው " ብለዋል።

በሌላ በኩል የሰላም ንግግር ይጀመርባታል ከተባለችው ቤላሩስ አቅጣጫ ወደ ዩክሬን ሚሳኤል ተወንጭፎ ጉዳት ማድረሱን ከዩክሬን የሚወጡ ዘገባዎች እያሳዩ ይገኛሉ።

የቤላሩሱ ፕሬዜዳንት አሌክሳንደር ሉካሼንኮ ከሰዓታት በፊት በቤላሩስ ግዛት ያሉ አውሮፕላኖች፣ ሄሊኮፕተሮች እና ሚሳኤሎች የዩክሬን ልዑካን ፦
- በሚጓዙበት ፣
- ተገናኝተው በሚነጋገሩበት እንዲሁም
- በሚመለሱበት ጊዜ ያለአንዳች እንቅስቃሴ እንደሚቆዩ ሃላፊነት እንደሚወስዱ የገቡትን ቃል አላከበሩም ፤ ዋሽተዋል በሚል ከዩክሬናውያን በኩል ብርቱ ትችት እየቀረበባቸው ነው።

የዩክሬን እና ሩስያ ጦርነት ቀኑ በገፋ ቁጥር በመላው ዓለም የሚያሳድረው ሁሉን አቀፍ ተፅእኖ እያየለ እና እየጠነከረ ስለሚመጣ አቸኳይ ሰላማዊ መፍትሄ እንዲፈለግ ከየአቅጣጫው ጥሪዎች እየቀረቡ ናቸው።

@tikvahethiopia

#ዐቢይ_ፆም

የኢትዮጵያ ኦርቶዶክስ ተዋሕዶ ቤተክርስቲያን የዐቢይ ፆምን በማስመልከት ፥ " መላው ኦርቶዶክሳዊያን ወርሃ ጾሙን ፈጣሬ ዓለማት መድሃኔዓለም ለብፁዕ ወቅዱስ አቡነ መርቆሬዎስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ፍጹም ምህረቱን እንዲያወርድልን በመጸለይ ልናሳልፈው ይገባል " ስትል መንፈሳዊ መልዕክቷን አስተላልፋለች።

አራተኛው የኢትዮጵያ ፓትርያርክ ብፁዕ ወቅዱስ አቡነ መርቆሬዎስ በሆስፒታል ህክምናቸውን እየተከታተሉ እንደሚገኙ ይታወቃል።

@tikvahethiopia