" በህዝበ ውሳኔ አንስማማም፤ ህዝበ ውሳኔ እንደማናካሂድ መላው የአማራ ህዝብ ማወቅ ይገባዋል ፤ መላው የኢትዮጵያ ህዝብም ማወቅ አለበት " - ኮሎኔል ደመቀ ዘውዱ

የወልቃይት ጠገዴ የአማራ ማንነት አስመላሽ ኮሚቴ ልዑክ ወደ አዲስ አበባ በመምጣት [በራሱ ፕሮግራም] ከተለያዩ ተቋማት እና ከመንግስት ከፍተኛ ባለስልጣናት ጋር ውይይት ማድረጉን አስታውቋል።

ይህንንም አስመልክቶ ኮሎኔል ደመቀ ዘውዱ ለኢትዮ 251 ሚዲያ መግለጫ ሰጥተዋል።

ኮ/ሌ ደመቀ በማህበራዊ ሚዲያ " ተጠርተው ነው የሄዱት ፣ ድርድር ሊደረግ ነው " እየተባለ ሲሰራጭ የነበረው መረጃ ሀሰት መሆኑንም አመልክተዋል።

ኮሚቴው ወደ አዲስ አበባ የመጣበት ምክንያት ሲያስረዱ አካባቢው ላይ ፦
- የመልሶ ማቋቋም ስራ አልተሰራም
- የበጀት ምደባ አልተደረገም
- የወሰን እና የማንነቱን ጉዳይ እውቅና አልሰጠም ፣ ምንም እንኳን ብልፅግና ፓርቲ / አካባቢው ለማስተዳደር ውክልና ቢሰጠንም / የአማራ ክልል ብፅግና ፓርቲም ድጋፍ እያደረገ ቢሆንም ማህበረሰቡ ተገቢ አገልግሎት እያገኘ አይደለም ስለዚህ ይህንና ተያያዥ ጉዳዮች መንግስት ከምን አደረሰው የሚለውን ለማጣራት እንዲሁም ለመጠየቅ ነው የመጣነው ብለዋል።

ኮሚቴው ፥ በአዲስ አበባ ቆይታው ከፌዴሬሽን ምክር ቤት፣ ከገንዘብ ሚኒስቴር፣ ብልፅግና ፓርቲ እና ምክትል ጠ/ሚ ጋር መገናኘቱንና መወያየቱን ገልፀዋል።

" ፕሮግራም አስይዘን ካለመምጣታችን አኳያ ፣ በድንገት ብንመጣም መስሪያ ቤቶቹ በጥሩ ሁኔታ አስተናግደውናል፤ በአብዛኛው የተገኘው ሀሳብም ጥሩ ነበር " ብለዋል።

" መሆን ስላለበት ጉዳይ ተነጋግረናል " ያሉት ኮ/ሌ ደመቀ በተለይ የበጀቱ ጉዳይ የፌዴሬሽን ምክር ቤት ለገንዘብ ሚስቴር ቢፅፍም ሚኒስቴሩ መልስ ሰጥቶ ወደ ማህበረሰቡ ስላልደረሰ ይህን ጉዳይ ተነጋግረንበታል ብለዋል።

ኮሚቴው በአ/አ ቆይታው ጠ/ሚ ዶክተር ዐቢይ አህመድን ለማግኘት ጥረት ቢያደርግም ስራ ስለተደራረበባቸው ሊያገኟቸው እንዳልቻሉ እና በቀጣይ ቀጥሮ እንገናኛለን ማለታቸውን ኮ/ሌ ደመቀ ተናግረዋል።

" የአካባቢውን ጉዳይ መንግስት ልዩ የሆነ ትኩረት ሰጥቶ ማየት አለበት " የሚሉት ኮ/ሌ ደመቀ ፌዴሬሽን ምክር ቤት ጉዳዩ መጨረሻው በህዝበ ውሳኔ እንደሚሆን ሀሳብ መስጠቱን ያነሱ ሲሆን በኮሚቴው በኩል ግን " በህዝበ ውሳኔው " አለመስማማቱን ተናግረዋል።

ኮ/ሌ ደመቀ ዘውዱ ፥ " በህዝበ ውሳኔ እንደማናካሂድ መላው የአማራ ህዝብ ማወቅ ይገባዋል ፤ መላው የኢትዮጵያ ህዝብም ማወቅ አለበት ፤ ይሄን አካባቢ ወደ ህዝበ ውሳኔ የሚያስኬድ ምክንያታዊ ውሳኔ ስላልሆነ ያንን እንደ ኮሚቴ አንቀበለውም፤ እንደህዝብም አንቀበለውም። " ብለዋል።

ምክንያቱን ሲያስረዱም " በህገመንግስትም አልሄድንም ህግ ተጥሶ፣ የህዝብ መብት ተረግጦ ብዙ ባለአባቶች ተገለው ተሰውረው ያህንን አካባቢ ድርጅቱ TPLF ሆን ብሎ መሬት ፈልጎ አካባቢ ፈልጎ የወረረው አካባቢ ስለነበር አሁን የሚፈታው በህግ ነው የሚለው ምክንያታዊ ነው ብለን አናስብም። ብዙ የህግ ባለሞያዎችን አማክረናል ይሄ ጉዳይ በህግ እስካልሄደ በህግ አይደለም የሚመለሰው በፖለቲካ ውሳኔ ነው የመጨረሻ እልባት ማግኘት ያለበት የሚል ሀሳብ እየሰጡ ነው እውነት ነው ምክንያታዊም ነው የነሱ ሃስብ በሚል አጥጋቢ ምክንያት ስላገኘን በዚህ ምክንያት ህዝበ ውሳኔ ፌዴሬሽን ም/ቤት ብሎ የሚያስበው ትክክል አይደለም፤ በዛ ባይሆን የሚል ነው " ብለዋል።

ኮሎኔል ደመቀ ፥ " በገዛ በራሳችን መሬት፣ በገዛ በራሳችን ርስት የትግራይ ሰዎች በዚህ ጉዳይ ወሳኞች ሆነው ሊመጡ ይገባል ብለን አናምንም ፤ እንደኢትዮጵያውያን አብረን በጉርብትና መኖር እንችላለን ፣ ይሄን አካባቢ ግን በህዝበ ውሳኔ ለጨረታ ወጥቶ ምንደራደርበት ጉዳይ እንዳልሆነ ግን መላው ህዝብ ሊያውቀው ይገባል። ይሄን ሃሳብ ለፌዴሬሽን ምክር ቤት ገልፀናል። ሌሎችም የሚመለከታቸው የመንግስት አመራሮችም ይሄን ጉዳይ በትክክል አይተው ሊፈቱት ይገባል እኛ ወደ አካባቢው መጥተናል ተመልሷል እውቅና ግን ማግኘት አለበት " ሲሉ ተናግረዋል።

አካባቢው እንደማንኛውም ኢትዮጵያዊ በጀት ሊመደብለት ይገባል ያሉት ኮሎኔል ደመቀ ፥ መድሃኒት የለም፣ ታማሚዎች አይታከሙም ፣ወላዶች እየታከሙ አይደሉም ፣ ህፃናቶችም እየሞቱ ነው ፣ ውሃ የለም ፣መብራት የለም ፣ እዛ የሚሰሩ የመንግስት ሰራተኞችም ሞያተኖች መብታቸው እየተጠበቀ አይደለም ፤ ስለዚህ መንግስት በአፋጣኝ የዚህን ህዝብ ችግር አይቶት ሊፈታው እና መፍትሄም ሊሰጠው ህዝቡም ከችግር የሚወጣበትን ነገር ሊፈጥር ይገባል ብለዋል።

@tikvahethiopia

የ2013 ዓ.ም 12ኛ ክፍል የኢትዮጵያ የሁለተኛ ደረጃ ትምህርት ማጠናቀቂያ ብሔራዊ ፈተና ውጤት መግለጽን ይመለከታል ፦

በ2013 ዓ.ም የትምህርት ዘመን ሊሰጥ የነበረው የ12ኛ ክፍል ፈተና በተለያዩ ሀገራዊ ምክንያቶች ወደ 2014 ዓ.ም የትምህርት ዘመን ተሸጋግሮ በሁለት ዙር መሰጠቱ ይታወቃል።

የመጀመሪያው ዙር ከቅምት 29 እስከ ህዳር 02/2014 ዓ.ም ለወንድ 293,865 ሴት 250,703 ድምር 544,568 ተማሪዎች የተሰጠ ሲሆን ከፀጥታ ችግር ጋር ተያይዞ በመጀመሪያው ዙር ሳይፈተኑ ለቀሩ ለወንድ 27,979 ሴት 26,456 ድምር 54,435 ተማሪዎች ደግሞ ከጥር 24-27/2014 ዓ.ም በሁለተኛው ዙር ፈተናው ተሰጥቷል። በአጠቃላይ በሁለቱም ዙር ከተመዘገቡት 617,991 ተማሪዎች ውስጥ ወንድ 321,844 ሴት 277,159 ድምር 599,003 (96.9%) ተማሪዎች ፈተናውን መውሰድ ችለዋል።

የፈተና እርማቱ ደህንነታቸው አስተማማኝ በሆኑና ከንክኪ ነጻ በሆኑ የማረሚያ ማሽኖች አስፈላጊው የደህንነት ጥበቃ በፌደራል ፖሊስና በሴኩሪቲ ካሜራዎች ታግዞ በጥንቃቄ ተከናውኗል። ከዚህ በተጨማሪም የፈተናዎች ውጤት በትምህርት ዓይነት፣ በትምህርት ቤትና በተማሪ ደረጃ ሰፊ የውጤት ትንተና በማካሄድ የእያንዳንዱ የትምህርት ዓይነት ውጤት ተገምግሟል።

በዚሁ መሰረት የመጀመሪያው ዙር የሲቪክስ ፈተና በሁሉም ትምህርት ቤቶች በሚባል ደረጃ የውጤት መመሳሰልና ግሽበት ታይቶበታል። ስለሆነም የሲቪክስ የፈተና ውጤት ለዩኒቨርስቲ መግቢያ መወዳደሪያነት እንዳያገለግል ተወስኗል።

በሌሎቹ የትምህርት ዓይነቶች የተገኘው የውጤት ትንተና ሲታይ ምንም ዓይነት ችግር የሌለበት በመሆኑ እንዲመዘገብ ተደርጓል። ነገር ግን በተናጠል የፈተና ደንብ ጥሰት የፈጸሙ 141 ተማሪዎች ላይ ከውጤት መሰረዝ ጀምሮ በየደረጃው የተለያየ አስተዳደራዊ እርምጃ ተወስዷል።

ለከፍተኛ ትምህርት ገብተው ለመማር ብቁ የሚሆኑ ሁሉም ተማሪዎች ለመግቢያነት የሚያገለግሉ የትምህርት ዓይነቶችን አጠቃላይ አማካይ ነጥብ 50% እና በላይ ያመጡ ተማሪዎች ይሆናሉ። ለምሳሌ በሰባት የትምህርት ዓይነት ተፈትነው ከ600 ለሚያዝላቸው ተማሪዎች አማካይ ውጤት 300 እና በላይ ማምጣት ይጠበቅባቸዋል። ይህ እንደተጠበቀ ሆኖ በመንግስት ዩኒቨርስቲዎች ገብተው ለሚማሩ ተማሪዎች የዩኒቨርስቲዎችን የመቀበል አቅም በማገናዘብ ዝርዝር የመግቢያ ነጥብ ወደፊት የሚገለጽ ይሆናል።

ስለሆነም ተማሪዎች የሚከተሉትን አማራጮች በመጠቀም ውጤታቸውን ማወቅ ይችላሉ።
1) በትምህርት ምዘናና ፈተናዎች አገልግሎት ዌብሳይት፡- result.neaea.gov.et
2) በትምህርት ሚኒስቴር ዌብሳይት፡- result.ethernet.edu.et
3) በቴሌግራም ቦት (Telegram Bot):- @moestudentbot - በዚህ ማስፈንጠሪያ በመግባትና Exam Result የሚለውን በመጫን በመልክት መጻፊያው ላይ የመለያ ቁጥራቸውን በማስገባት እና የ ምልክት በመጫን መላክና ውጤታቸው ማየት ይችላሉ።
4) በ9444 የ ኤስ ኤም ኤስ (9444 SMS) ፡- በመልክት ማስተላለፊያ መጻፊያ ላይ የመለያ ቁጥራቸውን በማስገባት ወደ 9444 በመላክ ውጤታቸውን ማየት ይችላሉ።

(የአገር አቀፍ ትምህርት ምዘናና ፈተናዎች ኤጀንሲ)

@tikvahethiopia

#ማሳሰቢያ

የሀገር አቀፍ ትምህርት ምዘናና ፈተናዎች ኤጀንሲ አውንታዊ ድጋፍ ለሚሹ አመልካቾች student.ethernet.edu.et በመግባት ማመልከት እንደሚችሉ ገልጿል።

በተመሳሳይም በውጤታቸው ላይ ቅሬታ ያላቸው ተማሪዎች result.neaea.gov.et በመግባት እና Compliant የሚለውን በመጫን ቅሬታቸውን በፎርሙ ላይ በመሙላት ማቅረብ ይችላሉ ሲል አሳውቋል።

ኤጀንሲው ምላሹን በማመልከቻ ቅጹ ላይ በሚያስቀምጡት አድርሻ እንደሚያሳውቅ የገለፀ ሲሆን በአካል ወደ ኤጀንሲው መምጣት አያስፈልግም ብሏል።

@tikvahethiopia

#WeCare

በተለያዩ የህክምና ዘርፍ ስፔሻሊስት የሆኑ ዶክተሮችን ኦንላይን በቪድዮ፣ በድምጽ አልያም በ አጭር መልእክት ማግኘት የሚያስችል አዲስ አገልግሎት ተጀመረ።

ለራስዎ ፣ ለልጅዎ ወይም ለቤተሰቦ የሚሰማዎትን ህመም ወይም አጠራጣሪ ነገር በ WeCare መተግበሪያ በሙያው የተካኑ ሐኪሞችን በፍጥነት በማማከር እፎይታ ያግኙ!

መተግበሪያውን ለማውረድ : https://play.google.com/store/apps/details?id=com.icare.patient

አጠቃቀሙን ለመረዳት ቻናሉን @wecareet ይቀላቀሉ

ለበለጠ መረጃ : 9394 በመደወል ማብራሪያ ይጠይቁ!

#ሰዎች_ለሰዎች

ሰዎች ለሰዎች ድርጅት በኢትዮጵያ በቆየባቸው 40 ዓመታት ከ7 ቢሊዮን ብር በላይ ለልማት አውሏል።

ሰዎች ለሰዎች (Menschen für Menschen) ድርጅት የኢትዮጵያ እውነተኛ ወዳጅ በሆኑት በዶ/ር ካርል ሄይንዝ በም ተቋቁሞ ላለፉት 40 ዓመት የተለያዩ የልማት ሥራዎችን እና ድጋፎችን ሲያከናውን ቆይቷል።

ድርጅቱ እስካሁን በኢትዮጵያ በቆየባቸው 40 ዓመታት ከ7 ቢሊዮን ብር በላይ ለልማት ማዋሉን ጠቅሷል። በዚህም 6 ሚሊዮን በላይ ኢትዮጵያዊያን ተጠቃሚ መሆን እንዲችሉ ማድረጉን ገልጿል።

በዚህ ዓመት በታሪኩ ከፍተኛውን በጀት መድቦ በአምስት የተለዩ ተግባራት ላይ እንደሚሰራ የሰዎች ለሰዎች ድርጅት የጀርመን ሥራ አመራር ቦርድ ተጠሪ ዶክተር ሰባስቲያን ብራንዲስ ትላንት በነበረው ጋዜጣዊ መግለጫ ላይ ጠቅሰዋል።

ያንብቡ : https://telegra.ph/MFM-02-23

#Ukraine

አሁን ምን እየሆነ ነው ያለው ?

- ዩክሬን ፕሬዝዳንት ፑቲን አገሪቱን ሙሉ በሙሉ ለመውረር እንቅስቃሴው ተጀምሯል ብላለች።

- ዛሬ ማለዳ የዩክሬን ፕሬዚዳንት ቮላድሚር ዜለንስኪ ሩሲያ በአገራቸው ላጥ ጥቃት መክፈቷን አሳውቀዋል። የሚሳአኤል ጥቃት መፈጸሙን አረጋግጠዋል። ሩሲያ ዛሬ ማለዳ ላይ የከፈተችው ጥቃት ኢላማ ያደረጉት የዩክሬን መሰረተ ልማቶችና የድንበር ጥበቃዎች ላይ ነው ብለዋል። የሩሲያ መከላከያ ሚኒስቴር ሰራዊቱ ጥቃት መሰንዘሩን አረጋግጦ ኢላማዎቹ ከተሞች ላይ ሳይሆኑ የዩክሬን ወታደራዊ መሰረተ ልማቶች፣ የአየር መከላከያ እና የአየር ኃይል ተቋማት መሆናቸውን ገልጿል።

- ሩሲያ በማንኛውም ቀን "አውሮፓ ውስጥ ትልቅ ጦርነት" ልትጀምር እንደምትችል የዩክሬን ፕሬዝዳንት ቮሎዲሚር ዜለንስኪ አስጠንቅቀው ሩሲያውያን እርምጃውን እንዲቃወሙት ጠይቀዋል። ከሩሲያው ፕሬዝዳንት ቭላድሚር ፑቲን ጋር ለመነጋገር ያደረጉት ሙከራ አለመሳካቱን አስታውቀዋል። "ከሩሲያ ፌዴሬሽን ፕሬዝዳንት ጋር የስልክ ንግግር ለማድረግ ሞከርኩ። ውጤቱ ዝምታ ሆነ" ብለዋል ዜለንስኪ። ሩሲያ ወደ 200 ሺህ የሚጠጉ ወታደሮች እና በሺዎች የሚቆጠሩ የውጊያ መኪናዎች በዩክሬን ድንበር እንዳሏት ተናግረዋል። ሩሲያውያን በዩክሬን ጉዳይ እየተዋሹ መሆኑን ጠቅሰው ጥቃትን እንዲቃወሙ ተማፅነዋል።

- የቭላድሚር ፑቲን በምስራቃዊ ዩክሬን #ዶንባስ ክልል ወታደሮቻቸው ልዩ ወታደራዊ ዘመቻ እንዲያካሂዱ አዘዋል። በሩሲያ የሚደገፉ አማጺያኖች ጋር እየተዋጉ የሚገኙ የየክሬን ወታደሮች መሳሪያቸውን አስቀምጠው ወደቤታቸው እንዲመለሱ ጥሪ አስተላልፈዋል። ዩክሬንን የመቆጣጠር እቅድ እንደሌላቸው የገለጹ ሲሆን ነገር ግን ማንኛውም አካል ሩሲያ ላይ አደጋ የሚጭር ነገር ካደረገ ምላሻችን ፈጣን ነው ብለዋል።

#BBC

@tikvahethiopia

#Update

በአዲስ አበባ ከተማ ተቋርጦ የቆየው የአዲስ የነዋሪነት መታወቂያን የመስጠት አገልግሎት ከወረዳ ወረዳ በሚደረግ የመሸኛ አሰጣጥ ብቻ አገልግሎቱን ማግኘት እንደሚቻል የአዲስ አበባ ወሳኝ ኩነት ምዝገና እና መረጃ ኤጀንሲ አስታውቋል።

የኤጀንሲው ከፍተኛ አማካሪ አቶ መላክ መኮንን ለኢትዮ ኤፍ ኤም 107.8 በሰጡት ቃል " በያዝነው ሳምንት ተቋርጦ የነበረው የመታወቂያ ምትክ እና እድሳት አገልግሎት በሁሉም ወረዳዎች አገልግሎት መስጠት ጀምሯል " ብለዋል።

ከዚሁ በተጨማሪ ተቋርጦ የቆየው ከወረዳ ወረዳ በመሸኛ አማካኝነት ሲሰጥ የነበረው አዲስ የነዋሪነት መታወቂያ አገልግሎት በዛሬው እለት መጀመሩን ተናግረዋል።

አቶ መላክ መኮንን " ከተለያዩ የክልል ከተሞች የሚመጡ መሸኛዎችን በመቀበል የሚሰጠው አዲስ የነዋሪነት መታወቂያ አገልግሎት ገና አልተጀመረም " ያሉ ሆን " አገልግሎቱን ከሳምንት በኋላ ለማስጀመር እየተሰራበት ነው " ብለዋል።

ምንጭ፦ ኢትዮ ኤፍ ኤም 107.8

@tikvahethiopia

የዩክሬን ቀውስ አስከፊውን የዓለም ጦርነት ይዞ እየመጣ ይሆን ?

🇷🇺 የሩሲያው ፕሬዝዳንት ቭላድሚር ፑቲን 🗣

" ዶንባስ ክልል ልዩ ወታደራዊ ዘመቻ ተጀምሯል። የወታደራዊ ዘመቻው ዋነኛ ዓላማ ላለፉት 8 ዓመታት በኬይቭ በሚገኘው መንግስት የዘር ጭፍጨፋ ሲፈፀምባቸው የነበሩ ሰዎችን ነፃ ማውጣት ነው። "

🇺🇦 የዩክሬን ፕሬዝዳንት ቮሎዲሚር ዜለንስኪ 🗣

" ሩሲያ በማንኛውም ቀን አውሮፓ ውስጥ #ትልቅ_ጦርነት ልትጀምር ትችላለች። ሩሲያውያን እርምጃውን ሊቃወሙት ይገባል። ከሩሲያ ፌዴሬሽን ፕሬዝዳንት ጋር የስልክ ንግግር ለማድረግ ሞከርኩ፤ ውጤቱ ዝምታ ሆነ። ሩሲያ ወደ 200 ሺ የሚጠጉ ወታደሮችና በሺዎች የሚቆጠሩ የውጊያ መኪናዎች በዩክሬን ድንበር አሏት። ሩሲያውያን በዩክሬን ጉዳይ እየተዋሹ ነው ስለሆነም ጥቃቱን ሊቃወሙ ይገባል "

🇺🇳 የተባበሩት መንግሥታት ዋና ፀሐፊ አንቶኒዮ ጉቴሬዝ 🗣

" ፕሬዝዳንት ፑቲን በ #ሰብኣዊነት_ስም ጦርህን ወደ ሩሲያ መልስ። ይህንን ካላደረክ ውጤቱ በክፍለ ዘመኑ ታይቶ የማይታወቅ ጦርነት ሊያስከትል ይችላል "

🇺🇸 የአሜሪካ ፕሬዝዳንት ጆ ባይደን 🗣

" ሩሲያ #በዩክሬን ላይ በምትፈጽመውን ወረራ ለሚደርሰው ጥፋትና ውድመት ዓለም ሩሲያን ተጠያቂ ሊያድርግ ይገባል። የዓለም ህዝብ በሩሲያ ጥቃት ጉዳት የሚደርስባቸው ዩከሬናውያንን በጸሎት ያስባል። "

🇬🇧 የብሪታኒያ ጠቅላይ ሚኒስትር ቦሪስ ጆንሰን 🗣

" ሩሲያ ደም አፋሳሹን መንገድ መርጣለች፤ ቀጣይ እርምጃ ምን መሆን አለበት በሚለው ላይ ከዩክሬኑ ፕሬዚዳንት ጋር ተወያይተናል። "

@tikvahethiopia

የነዳጅ ዋጋ📈

የነዳጅ ዋጋ በበርሜል ከ100 ዶላር በላይ አሻቅቧል።

የሩሲያ ፕሬዝዳንት ቭላድሚር ፑቲን በምሥራቃዊ ዩክሬን ላይ “ወታደራዊ ዘመቻ” መጀመሩን መግለጻቸውን ተከትሎ የነዳጅ ዋጋ በከፍተኛ ሁኔታ መጨመሩን ቢቢሲ ዘግቧል።

በዚህም ሳቢያ በ7 ዓመታት ውስጥ ለመጀመሪያ ጊዜ የነዳጅ ዘይት ዋጋ በበርሜል ከ100 ዶላር በላይ አሻቅቧል።

ውጥረት እና ግጭቱ የሚቀጥል ከሆነ የነዳጅ ዋጋ ከዚህም በላይ #መጨመሩን እንደሚቀጥል ተነግሯል።

የነዳጅ ዘይት ዋጋ ውዝግቡ በተባባሰባቸው ባለፉት ቀናት ውስጥ በየዕለቱ እየጨመረ ሄዶ ነው አሁን ከ100 ዶላር በላይ የደረሰው።

ከነዳጅ በተጨማሪ የወርቅ ዋጋም ባለፉት ዓመታት ከታየው በከፍተኛ ሁኔታ ጨምሯል።

ሩስያ ከሳዑዲ አረቢያ በመቀጠል በዓለም ሁለተኛዋ የነዳጅ ዘይት አምራች ሀገር ናት።

@tikvahethiopia

#Update

ዩክሬን ከሩሲያ ጋር ያላትን ግንኙነት አቋረጠች።

የዩክሬን ፕሬዝዳንት ቮሎዲሚር ዘለንስኪ ዩክሬን ከሩሲያ ጋር ያላትን ሁሉንም ዲፕሎማሲያዊ ግንኙነት እንዳቋረጠች ተናግረዋል።

በዩክሬን ላይ በተከፈተው ጦርነት በበርካታ ስፍራዎች ላይ ጥቃቶች እየተፈጸሙ መሆናቸው እየተገለፀ ነው።

እንደ ቢቢሲ ዘገባ ኪየቭ እና ካርኪቭን ጨምሮ በተለያዩ የዩክሬን ግዛቶች የሚሳኤል ጥቃቶች እና ፍንዳታዎች ተዘግበዋል።

ቭላድሚር ፑቲን ረፋድ ላይ በሰጡ መግለጫ ሩሲያ ዩክሬንን ወራ የመቆጣጠር እቅድ እንደሌላት በመግለጽ ወታደሮቿ መሳሪያ እንዲያስረክቡ ጠይቀዋል።

ዩክሬን በበኩሏ ሩሲያ "ሙሉ ወረራ" ፈፅማለች ብላለች።

በግጭቱ እስካሁን የበርካታ ሰዎች ህይወት የጠፋ ሲሆን የኬየቭ ነዋሪዎች ደግሞ ከተማቸውን ጥለው እየሸሹ ናቸው።

ምዕራባውያን ሩሲያ ከባድ የሆነ ማዕቀብ ይጠብሻል እያሉ እየዛቱ ይገኛሉ።

@tikvahethiopia