ጠ/ሚ ዶ/ር ዐቢይ አህመድ በሳዑዲ ስላሉ ዜጎች ጉዳይ የተናገሩት ፦

" ... ባለፉት ወራት ችግር ውስጥ እያለንም ቢሆን በርካታ ኢትዮጵያውያን ወደ ሀገር መልሰናል ከሳዑዲ።

አሁን ችግሩ ምንድነው ሳዑዲ አረቢያ እንደመንግስት ሪፎርም እየሰሩ ነው። የሀገሬው ዜጋ ስራ እንዲሰራ ፣ እና ኢኮኖሚያቸውን ለማሻሻል ከውጭ የመጡ ሰዎች ከዚህ ቀደም የሚሰሯቸውን ስራዎች በራሳቸው ለመስራት እና ለመቀነስ ፍላጎት አላቸው። መብታቸውም ነው ትክክልም ናቸው፤ ተገቢ ነው ከእነሱ አንፃር።

ከእኛ አንፃር ፈተና አለብን። ፈተናው ምንድነው ሰዎቹ illegal /በህገወጥ/ የሄዱ ናቸው። ሁሉም ፓስፖርት ያለው አይደለም፤ ሁሉም ኢትዮጵያዊ ለመሆኑ እርግጠኛ አይደለሁም፤ ሁሉም ከዚህ ሳዑዲ የሄደ መሆኑን ማወቅ ያስቸግራል፤ የሰለጠኑ ገዳዮች አሉበት ይባላል ብዙ ጉዳይ ነው የሚወራው ቁጥሩ ግን ከፍተኛ ነው መቶ ሺዎች ነው።

ዝም ብለም ብናመጣ የኢትዮጵያ ህዝብ እንደተለመደው የራሱን ዜጎች ተቸግሮም ቢሆን ቂጣም ጎመኑንም ተካፍሎ ይኖራል የሚለው ጠፍቶን ሳይሆን መከራ አብሮ እንዳይነጣ ቆም ብሎ ማጥናት ማስላት ስለሚፈልግ ነው።

ከሳዑዲ አረቢያ መንግስት ጋር በቅርበት እየሰራን ነው። Delegation ሄዷል በቅርቡ ሚኒስትሪያል ኮሚቴ በክቡር ምክትል ጠ/ሚ ሚመራ ተቋቁሟል በደንብ አጥንተን ዜጎቻንን እንመልሳለን።

ስንመልስ ጥፋት የሚያስከትሉ ሰዎች ካሉ ጥንቃቄ እናደርጋለን ፣ እንደዛ አይነት ምልክቶች ስላሉ ስጋት ስላለብን ነው ነገሩን ያዝ አድርገን ቆም አድርገን እየሰራን ያልነው። ንፁሃን አሉ የሚጎዱ ለምሳሌ መቶ ሰዎች አብሯቸው አስር ሰዎች ካሉ አብረው ከመጡ በኃላ የሚደርሰው ጥፋት እና አደጋ በተለይ በነበርንበት ሁኔታ አደገኛ ነበር ለዛ ነው ትንሽ የተቸገርነው። እያየን መስመር የሚይዝ ይሆናል። "

@tikvahethiopia

ፕ/ር ካሣሁን ብርሀኑ ከዚህ ዓለም በሞት ተለዩ።

በአዲስ አበባ ዩኒቨርሲቲ የፖለቲካ ሳይንስ እና ዓለም ዐቀፍ ግንኙነት (PSIR) ትምህርት ክፍል መምህር እና ተመራማሪ የነበሩት ፕ/ር ካሣሁን ብርሀኑ ከዚህ ዓለም በሞት ተለይተዋል፡፡

ፕ/ር ካሣሁን በሕክምና ሲረዱ ቆይተው ዛሬ የካቲት 15/2014 ዓ.ም ከዚህ ዓለም በሞት መለየታቸውን የአዲስ አበባ ዩኒቨርሲቲ ፕሬዝዳንት ጽ/ቤት አሳውቋል።

ፕ/ር ካሣሁን ላለፉት 36 ዓመታት በአዲስ አበባ ዩኒቨርሲቲ በመምህርነትና ተመራማሪነት እንዲሁም በልዩ ልዩ ከፍተኛ የኃላፊነት ዕርከኖች አገልግለዋል።

በአገር ውስጥ እና ከአገር ውጪ የተለያዩ ማኅበራዊ አገልግሎቶችን በማበርከትም ይታወቁ ነበር፡፡

የቀብር ስነ ስርዓታቸው ነገ የካቲት 16 ቀን 2014 ዓ.ም ከቀኑ 9:00 በየካ ሚካኤል ቤተ ክርስቲያን ወዳጅ ዘመዶቻቸው በተገኙበት ይፈፀማል፡፡

ምንጭ፦ የአዲስ አበባ ዩኒቨርሲቲ

@tikvahuniversity

#PP

የገዢው ብልፅግና ፓርቲ የስራ አስፈፃሚ ኮሚቴ በአሁን ሰዓት ስብሰባውን እያካሄደ ነው።

ስብሰባው በዐበይት ሀገራዊ ጉዳዮችና በልዩ ልዩ የፓርቲ አጀንዳዎች ላይ እንደሚወያይ የፓርቲው ፕሬዝዳንት እና የኢትዮጵያ ጠ/ሚር ዶ/ር ዐቢይ አህመድ በማህበራዊ ትስስር ገፃቸው ላይ ገልፀዋል።

@tikvahethiopia

#US

አሜሪካ የትግራይ ነፃ አውጪ ግንባር (TPLF) ተዋጊዎች በአማራ ክልል በነሀሴ ወር መጨረሻ እና በመስከረም መጀመሪያ 2021 የጾታዊ ጥቃትን ጨምሮ አሰቃቂ ድርጊቶች መፈፀማቸውን የሚገልፁ ሪፖርቶች በጣም እንዳሳሰባት ገልጻለች።

ሀገሪቱ ይህን ያለችው በቅርቡ የወጣውን የአምነስቲ ኢንተርናሽናል ሪፖርትን ተከትሎት ትላንት በውጭ ጉዳይ ሚኒስትቴር መስሪያ ቤቷ በኩል ባወጣችው መግለጫ ነው።

ሁሉም የታጠቁ ተዋናዮች በሰላማዊ ሰዎች ላይ የሚደርሱትን የሰብአዊ መብት ረገጣ እና ጥቃት እንዲያቆሙ አሜሪካ ጥሪ አቅርባለች።

ለችግሩ ዘላቂ እልባት መስጠት እንዲቻል ለተፈጸመው ግፍ ተዓማኒነት ያለው ምርመራ ተደርጎ ተጠያቂነት ሊኖር ይገባል የሚለው ጽኑ አቋሟ መሆኑንም ሀገሪቱ ገልፃለች።

አሜሪካ የጭካኔ ድርጊቶችን የሚገልጹት ሪፖርቶች ቀጣይነት ያለውን ወታደራዊ ግጭት በእስቸኳይ ማስቆም አስፈላጊ መሆኑን አጉልቶ ያሳያል ብላለች።

ግጭቶች እና የጭካኔ ድርጊቶች እንዲቆሙ፣ ሰብዓዊ እርዳታዎች በተሟላ ሁኔታ እንዲዳረስ እና ሰላማዊ የመፍትሔ መንግዶችን ለማፈላለግ ከግጭቱ ተዋናዮች ጋር ተቀራርባ መስራቷን እንደምትቀጥል አሳውቃለች።

@tikvahethiopia

#ችሎት

" የስነልቦና ጉዳት ስለደረሰብን ምስክር የመስማት ፍላጎት የለንም ስለዚህ ረጅም ቀጠሮ ይሰጠን " ሲሉ እነ አብዲ መሀመድ ኡመር (አብዲ ኢሌ) ፍርድ ቤቱን ጠየቁ።

" ከሌሎች የተለየ ወንጀልሳንሰራ ሌሎች ዕስረኞች ተፈተው እኛ ፍርድ ቤት የምንቀርብበት ምክንያት የለም " በማለት 2 ቀጠሮ የቀድሞ የሱማሌ ክልል ፕሬዝዳንት አብዲ መሀመድ ኡመርን ጨምሮ 11 ተከሳሾች ችሎት ሳይቀርቡ ቀርተው ነበር።

ዓቃቤ ህግም ተገደው እንዲቀርቡ አልያም በሌሉበት ጉዳያቸው እንዲታይ ችሎቱን ጠይቆ ነበር።

ፍርድ ቤቱ መርምሮ በጉዳዩ ላይ ትዛዝ ለመስጠት ለዛሬ ቀጥሮ የነበረ ሲሆን፤ ነገር ግን በዛሬው ቀጠሮ ሁሉም ተከሳሾች ፍርድ ቤት ቀርበዋል።

ተከሳሾቹም የስነ ልቦና ጉዳት እንደደረሰባቸው እና ባሉበት ሁኔታ ምስክር የመስማት ፍላጎት እንደሌላቸው በመግለጽ እረጅም ቀጠሮ እንዲሰጣቸው ፍርድ ቤቱን ጠይቀዋል።

ከሳሽ ዓቃቤ ህግ በበኩሉ ጥያቄያቸው ከህግ አንጻር አሳማኝ አደለም ሆኖም እረጅም ቀጠሮ ቢሰጣቸው እንደማይቃወም አብራርቷል።

የፌደራል ከፍተኛ ፍ/ ቤት ልደታ ምድብ 2ኛ የፀረሽብርና ህገመንግስታዊ ጉዳዮች ወንጀል ችሎት በተከሳሾቹ ላይ ቀሪ የአቃቢህግ ምስክሮችን ለመስማት ለመጋቢት 19 ተለዋጭ ቀጠሮ ሰጥቷል።

ምንጭ፦ ጋዜጠኛ ታሪክ አዱኛ

@tikvahethiopia

#AddisAbaba

የማህበር ቤት ፈላጊዎች ምዝገባቸውን ዳግም በአካል እንዲያረጋግጡ ተጠየቀ።

የአዲስ አበባ ቤቶች ልማት እና አስተዳደር ቢሮ ካሉት የቤት አቅርቦት አማራጮች አንዱ የሆነውን የማህበር ቤት ተግባራዊ ለማድረግ ቅድመ ሁኔታዎች በማጠናቀቅ ማህበራቱ ወደ ተግባር የሚገቡበትን ሁኔታ ማመቻቸቱን ገልጿል።

ቢሮው ከአሁን በፊት ፍላጎት ያላቸውን ነባር የ20/80 እና 40/60 የማህበር ቤት ፈላጊዎች ተደራጅተው እንዲሰሩ በኦላይን ምዝገባ ማካሄዱን ነው ያስታወሰው።

ዛሬ ሩቡዕ ባወጣው ማስታወቂያ ደግሞ ከዚህ በፊት በኦላይን የተመዘገቡ የማህበር ቤቱ ፈላጊዎችን ከየካቲት 16 እስከ መጋቢት 16/2014 ዓ.ም ድረስ በኦላይን ያከናወኑትን ምዝገባ በአካል እንዲያረጋግጡ አሳውቋል።

ለዚህም በአዲስ አበባ በራሳችሁ / በትዳር አጋራችሁ ስም ቤት ወይም መስሪያ ቦታ የሌላችሁ ወይም በሽያጭ አለማስተላለፋቸውን የሚገልጽ ቅፅ ከሚኖሩበት ወረዳ ቤቶች አስተዳደር ጽ/ቤት በመውሰድ በተጠቀሰው ጊዜ ብቻ ምዝገባውን እንዲፈጽሙ ጠይቋል።

የአዲስ አበባ ከተማ ቤቶች ልማትና አስተዳደር ቢሮ በማስታወቂያው ተመዝጋቢዎች ተጨማሪ መረጃ ከሚኖሩበት ክፍለ ከተማ የቤቶች አስተዳደር ጽ/ቤት ማግኘት እንደሚችሉ አሳውቋል።

@tikvahethiopia