#አሁን

አሁን ሳፋሪኮም ኢትዮጵያ የመጀመሪውን ዳታ ሴንተሩን አስመልክቶ ለሚዲያዎች ገለፃ ያደርጋል።

በስፍራው የሚገኙ የቲክቫህ ኢትዮጵያ ቤተሰብ አባላት ገለፃውን ተከታትለው ዝርዝር መረጃው ይልኩላችኃል።

@tikvahethiopia

#አሁን

በቅርቡ ለተሾሙ የሚሲዮን መሪዎች የተዘጋጀ ስልጠና እየተሰጠ ነው።

የውጭ ጉዳይ ሚኒስቴር ፤ በቅርቡ በተለያዩ ሀገራት ለተሾሙ የሚሲዮን መሪዎች እንዲሁም በዋናው መ/ቤት በተለያዩ የስራ ኃላፊነት ላይ ለተመደቡ የስራ ኃላፊዎች ያዘጋጀው ስልጠና ዛሬ መሰጠት መጀመሩን ገልጿል።

በቅርቡ ጄነራል ባጫ ደበሌ ፣ ጄነራል ሀሰን ኢብራሂም ፣ ዶ/ር ኢ/ር ስለሺ በቀለ፣ አቶ ደሴ ዳልኬ እና አቶ ተፈራ ደርበውን ጨምሮ ሌሎችም ግለሰቦች የባለሙሉ ሥልጣን አምባሳደርነት ሹመት እንደተሰጣቸው እንዲሁም ሌሎችም ግለሰቦች በአምባሳደርነት ሹመት እንደተሰጣቸው ይታወሳል።

@tikvahethiopia

ድርድርን በተመለከተ ጠቅላይ ሚኒስትሩ ምን አሉ ?

ዶ/ር ዐቢይ አህመድ ፦

" እስካሁን የተደረገ ድርድር የለም፤ እስከዚህ ደቂቃ ድረስ ፤ ስለድርድር ብዙ ሲወራ ሰማለሁ ግን እስካሁን ድርድር አላደረግንም፤ አላደረግንም ማለት እስከነአካቴው ድርድር የሚባል ነገር አይኖርም ማለት አይደለም።

ድርድር ፣ ውይይት ማለት ችግር ተወግዷል ማለት ሳይሆን ችግር ለማስወገድ አማራጭ Alternative መንገድ አለው ወይ ብሎ ማየት ነው።

በድርድርም ኢትዮጵያን ነው የምናፀናው ፣በንትርክም ኢትዮጵያን ነው የምናፀናው በውጊያም ዋጋ የምንከፍለው ኢትዮጵያን ለማፅናት ነው። ኢትዮጵያን ለማፅናት ህይወታችንን ገንዘባችንን የምንገብር ከሆነ ኢትዮጵያን ለማፅናት ስሜቶቻችን አምቀን መነጋገር የሚቻል ከሆነ በደስታ ማየት ጥሩ ነው። "

@tikvahethiopia

ጠ/ሚ ዶ/ር ዐቢይ አህመድ በሳዑዲ ስላሉ ዜጎች ጉዳይ የተናገሩት ፦

" ... ባለፉት ወራት ችግር ውስጥ እያለንም ቢሆን በርካታ ኢትዮጵያውያን ወደ ሀገር መልሰናል ከሳዑዲ።

አሁን ችግሩ ምንድነው ሳዑዲ አረቢያ እንደመንግስት ሪፎርም እየሰሩ ነው። የሀገሬው ዜጋ ስራ እንዲሰራ ፣ እና ኢኮኖሚያቸውን ለማሻሻል ከውጭ የመጡ ሰዎች ከዚህ ቀደም የሚሰሯቸውን ስራዎች በራሳቸው ለመስራት እና ለመቀነስ ፍላጎት አላቸው። መብታቸውም ነው ትክክልም ናቸው፤ ተገቢ ነው ከእነሱ አንፃር።

ከእኛ አንፃር ፈተና አለብን። ፈተናው ምንድነው ሰዎቹ illegal /በህገወጥ/ የሄዱ ናቸው። ሁሉም ፓስፖርት ያለው አይደለም፤ ሁሉም ኢትዮጵያዊ ለመሆኑ እርግጠኛ አይደለሁም፤ ሁሉም ከዚህ ሳዑዲ የሄደ መሆኑን ማወቅ ያስቸግራል፤ የሰለጠኑ ገዳዮች አሉበት ይባላል ብዙ ጉዳይ ነው የሚወራው ቁጥሩ ግን ከፍተኛ ነው መቶ ሺዎች ነው።

ዝም ብለም ብናመጣ የኢትዮጵያ ህዝብ እንደተለመደው የራሱን ዜጎች ተቸግሮም ቢሆን ቂጣም ጎመኑንም ተካፍሎ ይኖራል የሚለው ጠፍቶን ሳይሆን መከራ አብሮ እንዳይነጣ ቆም ብሎ ማጥናት ማስላት ስለሚፈልግ ነው።

ከሳዑዲ አረቢያ መንግስት ጋር በቅርበት እየሰራን ነው። Delegation ሄዷል በቅርቡ ሚኒስትሪያል ኮሚቴ በክቡር ምክትል ጠ/ሚ ሚመራ ተቋቁሟል በደንብ አጥንተን ዜጎቻንን እንመልሳለን።

ስንመልስ ጥፋት የሚያስከትሉ ሰዎች ካሉ ጥንቃቄ እናደርጋለን ፣ እንደዛ አይነት ምልክቶች ስላሉ ስጋት ስላለብን ነው ነገሩን ያዝ አድርገን ቆም አድርገን እየሰራን ያልነው። ንፁሃን አሉ የሚጎዱ ለምሳሌ መቶ ሰዎች አብሯቸው አስር ሰዎች ካሉ አብረው ከመጡ በኃላ የሚደርሰው ጥፋት እና አደጋ በተለይ በነበርንበት ሁኔታ አደገኛ ነበር ለዛ ነው ትንሽ የተቸገርነው። እያየን መስመር የሚይዝ ይሆናል። "

@tikvahethiopia