#Afar

በከባድ መሣሪያ ጥቃት 10 የአንድ ቤተሰብ አባላት መገደላቸውን ተሰማ።

ጦርነት ተባብሶ በቀጠለበት የአፋር ክልል ነዋሪ የሆኑት አቶ ሁሞ ኢብራሂም ከቀናት በፊት በተፈጸመ የከባድ መሳሪያ ጥቃት ሚስታቸውንና 5 ልጆቻቸውን አጥተው እጅግ ከባድ ሐዘን ውስጥ እንደሚገኙ ቢቢሲ ዘግቧል።

ቢቢሲ በጎ ፈቃደኞችንና ከአካባቢው የወጡ ሰዎችን በማነጋገር በሰራው ዘገባ ባለፈው ማክሰኞ የካቲት 8 ምሽት በተፈፀመ የከባድ መሳሪያ ጥቃት 10 የአንድ ቤተሰብ አባላት ተገድለዋል።

በጥቃቱ 10 የቤተሰብ አባሎቻቸው የተገደሉባቸው አቶ ሁሞ እና ቤተሰባቸው ይኖሩ የነበረው 'አዳ' የምትባል ትንሽ ከተማ ነበር።

ከተማዋ ከበርሃሌ 15 ኪ.ሜ ርቀት ላይ የምትገኝ እንደሆነች በሰመራ ነዋሪ የሆኑት የአቶ ሁሞ የቅርብ ዘመድ አቶ ያሲን ከድር ገልፀው አጠቃላይ ዘመድ በከባድ ሐዘን ውስጥ መሆኑን ተናግረዋል።

በጥቃቱ ልጆቻቸውን ይዘው በመሸሽ ላይ ከነበሩት የቤተሰብ አባላት መካከል 5 ህጻናት፣ እናት፣ የእናት እናት [አያት]፣ የእናት ወንድምና የአባት እህት 2 ልጆች መሆናቸው ተገልጿል።

አባወራው አቶ ሁሞ ቀድመው ከአካባቢው ተፈናቅለው ወጥተው ስለነበር በቤተሰባቸው ላይ ከደረሰው አደጋ ሊተርፉ ችለዋል። ሙሉ ቤተሰባቸውን ያጡት አባት ሐዘኑን ሊቋቋሙ በማይችሉት ሁኔታ ውስጥ ይገኛሉ።

"ምግብ አይበሉም። እንደ ድንገት የወረደባቸውን መዓት መቋቋም አልቻሉም። የሃይማኖት አባቶች እያጽናኑዋቸው ነው" ሲሉም ከባድ የሃዘን ስሜት ላይ መሆናቸውን አቶ ያሲን ተናግረዋል።

ቢቢሲ አቶ ሁሞን ለማነጋገር ጥረት ቢያደርግም በደረሰባቸው መሪን ሐዘን ምክንያት ከማንም ጋር እንደማይነጋገሩ ዘመዶቻቸው መግለፃቸውን በዘገባው ጠቅሷል።

ከሟቾች በተጨማሪ 13 ሰዎች የከፋ ጉዳት ደርሶባቸው ዱብቲ ሆስፒታል ይገኛሉ። #BBC

@tikvahethiopia

#Update

' ሳፋሪኮም ኢትዮጵያ ' ትላንት በራሱ ቡድን የተተከለውን የመጀመሪያ የኔትዎርክ ጣቢያ በተሳካ ሁኔታ አጠናቆ ለሥራ ዝግጁ ማድረጉን አሳውቆናል።

የመጀመሪያው ጣቢያ የተተከለው በአዲስ አበባ ነው።

ድርጅቱ ፥ ለመጀመሪያ ጊዜ ወደ ኢትዮጵያ ገበያ ውስጥ ለመግባት ፍቃድ ሲያገኝ ዓለም አቀፍ ደረጃውን የጠበቀ ኔትወርክ ለመገንባት ቃል ገብቶ እንደነበር አስታውሷል።

በራሱ ቡድን የተተከለው የመጀመሪያ ጣቢያ በተሳካ ሁኔታ አጠናቆ ለሥራ ዝግጁ መሆኑ የዚህ ማሳያ ነው ብሎታል።

ሳፋሪኮም ኢትዮጵያ ይህን የመሰሉ ጣቢያዎች ደንበኞቹ ጋር ለመድረስ የሚያስችሉት የመጨረሻዎቹ ክፍሎች መሆናቸውን አስረድቷል።

የመጀመሪያው ጣቢያ በአዲስ አበባ የተተከለ ሲሆን በቀጣይ በሌሎች ከተሞችም ተመሳሳይ ይተከላሉ ብሏል።

ሳፋሪኮም አገልግሎቱን ለመጀመር በተዘጋጀበት በዚህ ወቅት፣ የኢትዮጵያን የዲጂታል ትራንስፎርሜሽን ዕቅድ ትግበራ እውን የሚያደርግ ጥራት ያለው ኔትዎርክ የመገንባት ጥረቱን አፋጥኖ እንደሚቀጥል ገልጿል።

ይህ ወር የሚያኮሩ ወሳኝ ውጤቶች የተመዘገቡበት ነው ያለው ሳፋሪኮም ዋና መስሪያ ቤቱን የገባንበት፤ የተሳካ የመጀመሪያ ጥሪ ያደረገበት ፣ አሁን ደግሞ የራሱን የኔትዎርክ ጣቢያ የተከለበት መሆኑን አሳውቆናል።

በሂደቱ ለተመዘገበው ስኬት ያለእረፍት ሲሰሩ ለነበሩት ባልደረቦቹ እና አጋሮቹ እንዲሁም አስፈላጊውን ድጋፍ ለሚያሰርግለት የኢትዮጵያ መንግስት ምስጋና አቅርቧል።

@tikvahethiopia

ከአቢሲንያ ባንክ ሁለት ቅርንጫፎች በሌላ ሰው የሂሳብ ቁጥር 30 ሺ ብር አጭበርብሮ እንደወሰደ የተጠረጠረ ግለሰብ በቁጥጥር ስር ማዋሉን የጭሮ ከተማ ፖሊስ አስታወቀ፡፡

የጭሮ ከተማ አስተዳደር ፖሊስ ግለሰቡ ገንዘቡን  አጨብርብሮ ከወሰደባቸው  መካከል 15 ሺህ ብር ከባንኩ ጭሮ ቅርንጫፍ ነው።

ግለሰቡ በዚህ ቅርንጫፍ የካቲት 10/2014 ዓ.ም የገንዘብ  ማውጫ ማዘዣ ላይ የራሱ አስመስሎ ገዛኸኝ ከተማ የሚለውን ስም በመጻፍ ለገንዘብ ከፋዩ በመስጠት ነው ያጨበረበረው ፡፡

በዚህም ገንዘቡን ከከፋዩ ከወሰደ  በኋላ   በፍጥነት ከእይታ ለመሰወር ቢሞክርም  መረጃው የደረሳቸው የባንኩ ጥበቃ ሰራተኛ ከማህበረሰብ አቀፍ ፖሊስ ፓትሮልና ሚሊሻዎች ጋር በመተባበር በቁጥጥር ስር ውሏል።

ግለሰቡ ሳሳን ባንተ ነኝ ብሎ ራሱን ቢገልጽም  ትክክለኛ ማንነቱና አድራሻው  እየተጣራ ነው።

በተመሳሳይ ሰሞኑን በሂርና ከተማ ከሚገኘው የአቢሲንያ ባንክ ጡሎ ቅርንጫፍ 15 ሺህ ብር ያወጣ መሆኑ ተረጋግጧል።

በተደረገው ፍተሻ 7 የተለያዩ ሰዎች መታወቂያዎች ይዞ ተገኝቷል።

#ENA

@tikvahethiopia

#GERD

የታላቁ የኢትዮጵያ ህዳሴ ግድብ ነገ እሁድ የካቲት 13 ቀን 2014 ዓ.ም የኤሌክትሪክ ኃይል ማመንጨት እንደሚጀምር አጀንስ ፍራንስ ፕሬስ (AFP) ሁለት ስማቸው ያልተገለፀ የኢትዮጵያ ከፍተኛ ባለስልጣናትን ዋቢ አድርጎ በዛሬው ዕለት ዘግቧል።

ዛሬ አንድ ከፍተኛ የኢትዮጵያ መንግስት ባለስልጣን [ስማቸው ያልተገለፀ] " ነገ የግድቡ የመጀመሪያው የሃይል ማመንጫ ይሆናል" ሲሉ ቃላቸውን ሰጥተዋል።

አጃንስ ፍራንስ ፕሬስ (AFP) ሌላ ሁለተኛ ከፍተኛ ባለስልጣን መረጃውን ማረጋገጣቸውን ገልጿል።

ሁለቱም ከፍተኛ የመንግስት ባለስልጣናት ስማቸው እንዳይገለጽ የፈለጉት ጉዳዩ በይፋ ስላልተገለፀ ነው ተብሏል።

ከዚህ ቀደም የኢትዮጵያ መንግስት የታላቁ የኢትዮጵያ ህዳሴ ግድብ በቅርቡ ኃይል ማመንጨት እንደሚጀምር የገለፀ ሲሆን መቼ ? ለሚለው ግን መረጃ አልሰጠም ነበር።

ይኸው ጉዳይ ባለፉት ቀናት በማህበራዊ ሚዲያዎች ላይ ሲዘዋወር ነበር፤ ነገር ግን በመንግስት በኩል ይፋዊ መረጃ አልተሰጠም።

@tikvahethiopia

#GERD

የታላቁ የኢትዮጵያ ህዳሴ ግድብ አንደኛው ሁኒት [ ዩኒት 10 ] ኃይል ማመንጨት መጀመሩን የግድቡ ሰራተኞች ለብሄራዊ ቴሌቪዥን ጣቢያ ተናግረዋል።

@tikvahethiopia

#የምስራች🎉

አባይ ኃይል መስጠት ጀመረ።

የታላቁ የኢትዮጵያ ህዳሴ ግድብ ዛሬ ኃይል መስጠት ጀምሯል።

ግድቡ ዛሬ ኃይል ማመንጨት የጀመረው ካሉት 13 ተርባይኖች ውስጥ በአንዱ ተርባይን አማካኝነት ነው።

አንዱን ተርንባይን በመጠቀም ወደ ስራ የገባው ግድቡ 375 ሜጋ ዋት ኃይል የማመንጨት አቅም እንዳለው ተገልጿል።

ታላቁ የኢትዮጵያ ህዳሴ ግድብ የሙከራ ሂደት ሲያደርግ የነበረ ሲሆን የሙከራ ሂደቱ ተጠናቆ የኤሌክትሪክ ኃይል መስጠት ጀምሯል።

ጠ/ሚ ዶክተር ዐቢይ አህመድ የግድቡን የኤሌክትሪክ ኃይል የማመንጨት ሂደቱን በይፋ አስጀምረዋል፡፡

ፎቶ ፦ አሚኮ & TK.SS

@tikvahethiopia