#NCDO

በወሎ እና በአፋር በጦርነቱ ለተጎዱ ወገኖች ድጋፍ ተደረገ።

#ነሲሓ_የበጎ_አድራጎትና_የልማት_ድርጅት (NCDO) በወሎ እና በአፋር በጦርነቱ ምክንያት ይበልጥ ጉዳት ለደረሰባቸው ወገኖች ድጋፍ አድርጓል።

ድርጅቱ ከሳምንት በፊት በአፋር ክልል ከሰመራ ከተማ በ270 ኪሎ ሜትር ርቀት በምትገኘው ኢሪብቲ ከተማና በጭፍራ ከተማ በመገኘት በጀርመን ኮሎን ኤን አር ቬ የባርባሮሳ ፕላትስ ጓደኛማማቾች ጋር በመተባበር በጦርነቱ ምክንያት ለተፈናቀሉ እና ከፍተኛ የሆነ ጉዳት ለደረሰባቸው ወገኖች ድጋፍ አድርጓል።

ወሎ ውስጥ ከዓለም አቀፍ የሐረሪ ተወላጆችና ሐረሪ ደርሲ ጋር በመተባበር በኩታበር ወረዳ፣ በቦሩ ሜዳ፣ በሐይቅ ከተማ፣ በወረባቦና ቢስቲማ ከተማ በመገኘት ላለፉት ተከታታይ 3 ቀናት ከበጎ አድራጊ ግለሰቦች ያሰባሰበውን ድጋፍ ለተጎጂዎች አከፋፍለዋል። በወሎ ውስጥ ብቻ በጠቅላላ ለ1 ሺህ አባወራዎች የአንድ ወር አስቤዛ የተሰጠ ሲሆን፤

ለአንድ አባወራ፦
1) ዘይት: 1 ሊትር
2) ዱቄት: 10 ኪሎ
3) ሩዝ: 4 ኪሎ
4) ፓስታ: 4 እሽግ
5) መኮረኒ: 4 ኪሎ
6) የህፃናት አልሚ ምግብ እና ብስኩት
7) የተለያዩ ያገለገሉ አልባሳት ተበርክተዋል።

ጉዳቱ እጅግ የከፋ በመሆኑ የተነሳ ሌሎችም አካላት ርብርብ ያደርጉ ዘንድ ጥሪያቸውን አስተላልፈዋል።

@tikvahethiopia

#Belgium, #Brussels📍

የኢትዮጵያ ጠቅላይ ሚኒስትር ዶክተር ዐቢይ አህመድ ቤልጂየም ብራሰልስ ናቸው።

ጠቅላይ ሚኒስትሩ የሰሜን ኢትዮጵያ ግጭት ከተነሳ ወዲህ ወደ ምዕራብ አውሮፓ ያደረጉት የመጀመሪያ ጉዟቸው ነው።

ወደ ብራሰልስ ያቀኑት በአፍሪካ ህብረት እና በአውሮፓ ህብረት የጋራ ጉባዔ ላይ ለመገኘት ነው።

ጠቅላይ ሚኒስትሩ ከጉባኤው ቀደም ብሎ ከአውሮፓ ምክር ቤት ፕሬዚዳንት ቻርልስ ሚቸል ጋር ተገናኝተው መወያየታቸውን ገልፀዋል።

የአውሮፓ ህብረት እና የኢትዮጵያን ግንኙነት፣ ቀጣናዊ እንዲሁም አህጉራዊ ጉዳዮችን በተመለከተ ውጤታማ ውይይት ማድረጋቸውን አሳውቀዋል።

በተጨማሪም በአውሮፓ ህብረት የዓለም አቀፍ ትብብር ኮሚሽነር ጁታ ኧርፒላይነን ጋር ተገናኝተው ኢትዮጵያ ለዕድገቷ የምታደርጋቸውን ጥረቶች በተመለከተ መወያየታቸውንና አጋርነትን ለማጠናከር በሚያስችሉን አካሄዶች ላይ መምከራቸውን ገልፀዋል።

@tikvahethiopia

#Afar

ዓለም አቀፍ ማህበረሰብ በህወሓት ጥቃት ምክንያት አፋር ውስጥ የደረሰውን የሰብዓዊ ቀውስ በሚዛናዊነት እንዳላየው የአፋር ክልል መንግስት ገልጿል።

አሁንም ዓለም አቀፉ ማህበረሰብ እየደረሰ ያለውን ጉዳት እንዲያወግዝ ጥሪ አቅርቧል።

የአፋር ክልል ፤ ህወሓት አፋርን ከትግራይ ክልል ጋር በሚያዋስኑ አካባቢዎች ላይ በፈፀመው ወረራ መጋሌ፣ በራህሌ፣ ኤረብቲ፣ እንዲሁም አብአላ ከተማን በመያዝ ከ300 ሺህ በላይ ሰዎች እንዲሰደዱ ፤ በሚወረውረው ከባድ መሳሪያም አቅመ ደካማ ወገኖች ለአካል ጉዳትና ለሞት መዳረጋቸውን ፣ ከዚህ ባለፈ ሆን ተብሎ ዝርፊያ እየተፈፀመ መሆኑን አስረድቷል።

የተፈናቀሉ ሰዎች በተለያዩ የመጠለያ ጣቢያዎች የሚገኙ ሲሆን በተለያዩ ቦታዎች ተበትነው መጠለያ ጣቢያ ሊመጡ ያልቻሉ ወገኖች መኖራቸው ተገልጿል።

የአፋር ክልል ህዝብ ተገቢውን ትኩረት ያላገኘ ሲሆን ክልሉ ዓለም አቀፉ ማህበረሰብ ለአርብቶ አደሩ ፣ እየሞተ ላለው ማህበረሰብ ተገቢውን ትኩረት እንዳልሰጠ በመግለፅ ወቅሷል።

ማህበረሰቡ ከየትኛውም ጊዜ በላይ አሁን ላይ ድጋፍ የሚሻ መሆኑን አመልክቷል።

ዓለም አቀፉ ማህበረሰብ ሰብዓዊነትን በእኩልነት እንዲያስተናግድ ፣ የደረሰውን ጉዳት በአካል ተገኝቶ ከመመልከት ጀምሮ ከህዝቡ ጎን እንዲቆም የአፋር ክልል ጥሪ አቅርቧል።

ክልሉ የጦርነቱ ሰለባዎችን ለመርዳት ጥረት እያደረገ ቢሆንም ከደረሰው ሰብዓዊ እና ቁሳዊ ጉዳት አንፃር በውስን አካላት ጥረት ችግሩን መቅረፍ እንደማይቻል አስገንዝቧል። መንግስት እና ዓለም አቀፍ ማህበረሰብ ፣ የተራድኦ ድርጅቶች እጃቸውን እንዲዘረጉ ጠይቋል።

@tikvahethiopia

" ተፈናቃዮች ያሉበት ሁኔታ በዓለም አቀፉ ማህበረሰብ ሆነ በመገናኛ ብዙሃን ትኩረት አልተሰጠውም " - የአፋር የአርብቶ አደር ማህበር

የአፋር የአርብቶ አደር ማህበር የአፋር ክልል ተፈናቃዮች ያሉበት ሁኔታ በዓለም አቀፉ ማህበረሰብ ሆነ በመገናኛ ብዙሃን ትኩረት አልተሰጠውም ሲል ወቅሷል።

ተፈናቃዮቹ ባሉበት አስከፊ ሁኔታ የሞት አደጋ ውስጥ መውደቃቸውን ገልጿል።

የማህበሩ አስተባባሪ የሆኑት ቫለሪን ብራውኒንግ ለቪኦኤ በሰጡት ቃል ፥ " የተፈናቀሉ ሰዎች ቁጥር ከፍተኛ መሆኑን ተከትሎ የሰብዓዊ ድጋፍ ያንን ያህል ሰፊ ነው። በዚያ ላይ በተበታተነ ሁኔታ ላይ ነው የሚገኙት ይህም ሌላ ፈተና ነው። ምግብ የለም ፣ ውሀ የለም ፣ አስፈላጊ ነገሮች ሁሉ የሉም። የተፈናቀሉት ሰዎች በረሃብ በጥማት እና በበሽታ ምክንያት የሞት አሰጋ አንዣቦባቸዋል። " ብለዋል።

ማህበሩ በግመል እና በሌላም አማራጭ ተንቀሳቃሽ የጤና ባለሞያዎች ቡድን አሰማርቶ ተፈናቃዮችን ለመድረስ ጥረት አድርጎ የነበር ሲሆን መድረስ የቻለው ግን ጥቂቶችን ብቻ ነው። በርካቶች ወደ መጠለያ ጣቢያ ለመምጣት ስጋት አለባቸው።

ብራውኒንግ ፥ " ረጅም ርቀት የሚወነጨፉ ታንኮች እና ከባድ መሳሪያዎች ባስከተሉት ጉዳትና ይሄን ተከትሎ በፈጠረባቸው ጭንቀት ወደ መጠለያ ጣቢያዎች ለመምጣት ይፈራሉ ቤተሰቦቻቸውን ጭምር በጦርነቱ አጥተዋል። በዚህም በጣም ጭንቀት ውስጥ በመሆናቸው ወደ አስፓልት መንገዶች አይወጡም፤ አንድ ላይ መሆን አይፈልጉም፤ በሚችሉት ሁሉ ቤተሰቦቻቸው ለአደጋ ሳይጋለጡ የሚቆዩባቸውን ተግባር ነው የሚሰሩት " ብለዋል።

የአፋር የአርብቶ አደር ማህበር ተፈናቃዮች ያሉበት ሁኔታ በዓለም አቀፉ ማህበረሰብ ሆነ በመገናኛ ብዙሃን ተገቢው ትኩረት እንዳልተሰጠው ለሬድዮ ጣቢያው ገልጿል።

@tikvahethiopia

#GedeoZone , #Yirgachefe 📍

ከያቤሎ ወደ አዲስ አበባ 65 ሰዉ ጭኖ ስጓዝ የነበረ የሰሌዳ ቁጥር ኦሮ 34983 የሆነ የህዝብ ማመላለሻ መኪና ተገልብጦ በሰዉና በንብረት ላይ ጉዳት ደረሰ።

አደጋው የደረሰው በጌዴኦ ዞን በይርጋጨፌ ወረዳ " ቆንጋ ቀበሌ " ነው።

በተከሰተው የትራፊክ አደጋ የ #ስድስት ሰዎች ህይወት ወዲያውኑ ሲያልፍ በ13 ሰዎች ላይ ከባድ አደጋ ደርሷል።

ጉዳት የደረሰባቸው ሰዎች በይርጋጨፌና ዲላ ሪፈራል ሆስፒታል የህክምና ድጋፍ እየተደረገላቸው ይገኛል።

የአደጋው መንስኤ እየተጣራ እንደሚገኝ የይርጋጨፌ ወረዳ ፖሊስ አሳውቋል።

@tikvahethiopia