#AddisAbaba

የአዲስ አበባ ከንቲባ አዳነች አቤቤ ከመስቀል አደባባይ፤ ወይብላ ማርያም እና ባንዲራ ጋር ተያይዞ ማብራሪያ ሰጡ።

ከንቲባዋ ማብራሪያውን የሰጡት በከተማው ምክር ቤት ስበስባ ላይ ለተነሳ ጥያቄ ነው።

ወ/ሮ አዳነች በመስቀል አደባባይ የፕሮቴስታንት አማኞች የጠየቁት የገቢ አሰባሰብ ፕሮግራም ፍቃድ መሰጠቱትን ገልፀዋል።

ፕሮግራሙ ሊካሄድ አንድ ቀን ሲቀረው አንድ ከፕሮግራሙ ጋር ግንኙነት በሌለው ሰው እንወርሳለን የሚል ሃሳብ መንፀባረቁን ያስታወሱት ከንቲባዋ " ይህም በኦርቶዶክስ እምነት ተከታዮች ዘንድ ቁጣ የፈጠረ " መሆኑን ገልፀዋል።

" በኃላም ግንኙነት ስናደርግ ይህን ያለው ከፕሮግራሙ ጋር ግንኙነት የሌለው ሰው መሆኑን ነግረናቸው ፤ ነገር ግን በዚህም ወገን ያለው አባባልና እሱን መሰረት አድርጎ የተፈጠረውን ስሜት ሁለቱም ሃይ ሊባሉ ይገባል አልናቸው " ሲሉ አስረድተዋል።

ወይዘሮ አዳነች ፥ " ጉዳዩ ጠንከር እያለ ሲሄድ በፕሮግራሙ እለት ተገኝተን ይሄ አደባባይ የሁላችንም ነው በማለት ማንም ወራሽ እና ተወራሽ እንደሌለ የሚጠቁም መልእክት አስተላልፈናል ይህ አባባል በዛ መድረክ ሲነገር የመጀመርያ አልነበረም፤ ሌሎችም ተናግረዋል፡፡ እኔ ራሴ ደጋግሜ በተለያዩ ፕሮግራሞች ተናግርያለሁ፡፡ " ብለዋል።

ጉዳዩን አሁን እንዲባባስ ያደረገው የተጫጫኑ ስሜቶች በመኖራቸው ምክንያት ነው ሲሉም ገልፀዋል።

አክለው ፥ " ጥያቄው ሲገፋ ያልነው በህጋዊና ሰላማዊ መንገድ እንፍታ ነው ያልነው፡፡ በመረጃና በማስረጃ መፍታት የሚቻልባቸው ብዙ አማራጮች አሉ። " ብለዋል።

" ግንኙነት ለማድረግ ከመጀመርያው አንስቶ ብዙ ጥረት ተደርጓል " ያሉት ከንቲባ አዳነች አቤቤ " ከመጀመርያው የፓትርያርኩ መታመም አንስቶ በተለያዩ ምክንያቶች ተራዝሟል፡፡ " ብለዋል።

" እኔ በግሌ ፓትርያርኩ ጋር በመሄድም ጉዳየን በሰላማዊና ህጋዊ መንገድ እንፍታ ብዬ አነጋግርያለሁ፡፡ ልዩነት አልነበራቸውም፡፡ ይህንን ሃሳባችሁን በደብዳቤ አስገቡልን አሉን ይህንንም አድርገናል " ሲሉ አስረድተዋል።

ከንቲባው ፥ " ከዚህ ቀደም አስፈላጊ በሆነ ጊዜ ሁሉ እኛ ወደነሱ እሄዳለን፤ እነርሱም ወደእኛ እየመጡ በርካታ ጉዳዮችን ፈትተናል፡፡ ዛሬ እንኳን ግንኙነት ቀጠሮ አለ ስለተባለ የተወሰነው እዚህ ሆነን ጉባኤውን እናስኪድ ሌሎቻችን ደግሞ እዛ እንሂድ ብለን ተከፋፍለን ነው የሄዱት፡፡ እኛ ከሃይማኖት ጋር ፉክክር የምናደርግ መሪዎች አይደለንም " ሲሉ ገልፀዋል።

በሌላ በኩል ደግሞ " ከወይብላ ማርያም ጋር የተከሰተው ክስተት አሳዛኝና መሆን ያልነበረበት ጉዳይ ነበር፡፡ እኛም ከልባችን አዝነናል። በምንም መንገድ ታቦት ውጪ ማደር አልነበረበትም፡፡ ጉዳዩ አሁን በህግ ተይዟል፡፡ እውነታውን አውቀን በህግ ተጠያቂ እስካላደረግን ድረስ ይቅርታ ብቻውን በቂ አይደለም " ብለዋል ።

" ከባንዲራ ጋር ተያይዞም የሚነሱ የተለያዩ ሃሳቦች አሉ፡፡ ይህ ጉዳይ የብሄራዊ ምክክር አጀንዳችን ይሆናል፡፡ በዚህ ምክንያት ጥልም ግጭትም በፍፁም አንፈልግም፡፡ ሰውም እንዲሞት አንፈልግም ጉዳዮችን ሁሉ ከፖለቲካ ዝንባሌ ጋር ማያያዝም ተገቢ አይደለም። " ሲሉ ለምክር ቤቱ ተናግረዋል።

ከከንቲባ ጽ/ቤት ያገኘነው መረጃ።

@tikvahethiopia

#ETHIOPIA

#Amazon እና #eBay ላይ በርካሽ ለሽያጭ ስለቀረቡት ቅርሶች የዘርፉ ባለሞያዎች ምን አሉ ? የኢትዮጵያ መንግስት ስለጉዳዩ የማያውቀው ነገር አለ ?

በርካታ የኢትዮጵያ ጥንታዊ ቅርሶች እንደ ebayና Amazon ባሉ የመገበያያ ገጾች ላይ በርካሽ ዋጋ ለሽያጭ ቀርበው ታይተዋል።

ከኢትዮጵያ የተወሰዱ እንደሆኑ የተገመቱ ቅርሶች ከቅርብ ጊዜያት ወዲህ በኢንተርኔት የመገበያያ መድረኮች ለሽያጭ መቅረባቸውን ከሰሞኑን ዓለም አቀፍ ሚዲያዎች ሲዘግቡት ነበር።

ቅርሶቹ በሰሜን ኢትዮጵያው ጦርነት ወቅት ከትግራይ ክልል ተሰርቀው ሳይሆን አይቀርም የሚል ጥርጣሬን አጭሯል።

🗣 ከቢቢሲ ኒውስዴይ ፕሮግራም ጋር ቆይታ ያደረጉት የቋንቋ ታሪክ ተመራማሪ እና በሐምቡርግ ዩኒቨርስቲ የድኅረ ዶክትሬት ተማሪ የሆኑት ዶክተር ሐጎስ አብረሃ ተከታዩን ብለዋል ፦

" በጦርነቱ ወቅት ከበርካታ የትግራይ ገዳማትና አብያተ ክርስቲያናትን ቅርሶች መዘረፋቸውን አረጋግጫለሁ።

በወቅቱ ከተዘረፉት ቅርሶች አንዳንዶቹ ጥንታዊና እጅግ ብርቅዬ የነበሩ ናቸው።

ከኢትዮጵያ የተዘረፉት ቅርሶች በብዛት እየተሸጡ ያሉበት ዋጋ እጅግ ርካሽ የሚባል ነው።

በዚህ ወቅት እንዴት ተዘርፈው ከአገር ሊወጡ እንደቻሉ ማወቅ አስቸጋሪ ቢሆንም፣ በሱዳንና ኬንያ በኩል ሊሆን ይችላል "

🗣 የቱሪዝም ሚኒስትር ዴኤታ አቶ ስለሺ ግርማ ለጀርመን ድምፅ ሬድዮ የተናገሩት ፦

" ቅርሶቹ ያለምንም ጥያቄ የኢትዮጵያ ቅርስ ናቸው። ቅርሶቹ የወጡት ቀድሞ ነው ወይንስ አሁን በጦርነቱ ምክንያት የሚለውን ግን በአሁኑ ወቅት ለመመለስ አስቸጋሪ ነው።

የዓለም ቅርሶችን የሚጠብቀውና ፓሪስ የሚገኘው የተመድ የትምህርት የሳይንስና የባህል ድርጅት (UNESCO) ቅርሶቹ የኢትዮጵያ ስለሆኑ ለሽያጭ እንዳይውሉ እና ወደ አገር ቤት መመለስ እንዲችሉ አዲስ አበባ ከሚገኘው የድርጅቱ ኃላፊ ጋር ዛሬ ጥዋት ተነጋግረናል።

በጦርነት ወቅት በርካታ ቅርሶች ለውድመት፣ ለስርቆት፣ ለዝርፊያ ይጋለጣሉ።

ቅርሶች በጎብኝዎችና ሌሎች እንዳይወጡ በኢትዮጵያ አየር መንገድ በኩል ጠንካራ ቁጥጥር ይደረጋል። ይሁንና በእንዲህ ያለው የጦርነት ጊዜ ሰዎች በድንበር በኩል መውጣታቸው ስለማይቀር ይዘዋቸው የሚወጡ ቅርሶች ይኖራሉ።

አጠቃላይ በሰሜን ኢትዮጵያ ጦርነት ምክንያት ውድመት የደረሰባቸው ሃይማኖታዊ እና ባህላዊ ቅርሶች ምን ያህል እንደሆኑ ጥናት ሲደረግ እንደቆየ እና የጥናቱ ውጤት በቅርቡ ለሕዝብ ይፋ ይደረጋል "

ያንብቡ : https://telegra.ph/ETHIOPIA-02-11