ዋንግ ዪ ኤርትራ ገቡ።

የቻይና ውጭ ጉዳይ ሚኒስትር ዋንግ ዪ ለሁለት ቀናት ይፋዊ የስራ ጉብኝት ዛሬ ማምሻውን ኤርትራ ገብተዋል።

ዋንግ ዪን እና የልዑካን ቡድናቸው አስመራ ኤርፖርት ሲደርሱ በኤርትራ የውጭ ጉዳይ ሚኒስትር ኦስማን ሳሌህ እና ሌሎች ከፍተኛ ባለስልጣናት አቀባበል ተደርጎላቸዋል።

ዋንግ ዪ በኤርትራ ቆይታቸው ከፕሬዝዳንት ኢሳያስ አፈወርቂ እና ከአቻቸው (ከውጭ ጉዳይ ሚኒስትሩ) ጋር ውይይት እንደሚያደርጉ ተገልጿል።

Photo Credit : Yemane G. Meskel

@tikvahethiopia

ፌልትማን ሀሙስ ኢትዮጵያ ይመጣሉ።

የአሜሪካ የአፍሪካ ቀንድ ልዩ መልዕክተኛ አምባሳደር ጄፍሪ ፌልትማ ሀሙስ ኢትዮጵያ እንደሚገቡ ተነግሯል።

ፌልትማን ኢትዮጵያ የሚመጡት ከከፍተኛ የመንግስት ባለስልጣናት ጋር በሰላም ድርድር ጉዳይ ለመነጋገር እንደሆነ የአሜሪካ የውጭ ጉዳይ ሚኒስቴር ቃል አቀባይ ኔድ ፕራይስ መናገራቸውን የአሜሪካ ድምፅ ሬድዮ ዘግቧል።

አምባሳደር ፌልትማን በኢትዮጵያ በሚኖራቸው ቆይታ ከከፍተኛ ባለስልጣናት ጋር እንደሚነጋገሩ ቢገለፅም እነማንን እንደሚያገኙ አልተጠቀሰም።

አምባሳደር ፌልትማን በኢትዮጵያ በሚኖራቸው ቆይታ ወደ ትግራይ ክልል ይሄዱ እንደሆነ ፕራይስ ተጠይቀው ለአሁን መናገር የሚችሉት አምባሳደሩ ከኢትዮጵያ ከፍተኛ ባለሥልጣናት ጋር ለመነጋገር እንደሆነ አመልክተዋል።

ቃል አቀባዩ ፥ በውይይቱ ዝርዝር ላይ መናገር የሚችሉት በማጠቃለያው እንደሆነ እና ዝርዝሩንም በፅሁፍ እንደሚያወጡ ገልፀዋል።

ፕራይስ ፥ አምባሳደር ፌልትማን ከኢትዮጵያ መንግሥት ከፍተኛ ባለሥልጣናት ጋር እንዲነጋገሩ አሁን ያለው ሁኔታ አመቺ መሆኑን ጠቁመው ሁለቱም ወገኖች ውጊያ እንዲያቆሙና ወደ ድርድር ጠረጴዛ እንዲቀርቡ ዕድል እንደሚሰጥ አመልክተዋል።

አምባሳደር ፌልትማን ኢትዮጵያ ሲገቡ የውይይቱ ይዘት ይኸው እንደሚሆን ገልፀዋል።

የአሜሪካ የአፍሪካ ቀንድ ልዩ መልዕክተኛ አምባሳደር ጄፍሪ ፌልትማ ከዚህ ቀደም የሰሜን ኢትዮጵያ ግጭት በሰላማዊ መንገድ ይፈታ ዘንድ ጥረት ለማድረግ በተደጋጋሚ ወደ ኢትዮጵያ መምጣታቸው ይታወቃል።

@tikvahethiopia

#AddisAbaba

የዲጂታል መታወቂያ ህትመትና ስርጭት ወደ ክፍለ ከተማ ማውረድ ቅድመ ዝግጅት ስራ እየሰራ መሆኑ የአዲስ አበባ ከተማ አስተዳደር የወሳኝ ኩነት ምዝገባ እና መረጃ ኤጀንሲ ገለጸ።

ኤጀንሲው በኢትዮጵያ የመጀመሪያ የሆነዉን የአዲስ አበባ ከተማ የዲጂታል የነዋሪነት መታወቂያ አገልግሎት በማዕከል ደረጃ በማተም ለሁሉም ክፍል ከተማ ሲያሰራጭ መቆየቱን አስታውሷል።

አሰራሩ አንድ ነዋሪ አንድ የነዋሪነት መታወቂያ ብቻ እንዲኖረዉ የሚያደርግ በመሆኑ የማህበራዊ እና ኢኮኖሚያዊ ፍትሃዊ የሃብት ክፍፍል እንዲኖር ለማድረግ ፋይዳዉ የጎላ ነው ብሏል።

ኤጀንሲው የፕሮጀክቱ የሙከራ ስራ በሁሉም ክፍለ ከተማ ለማስጀምር ወደ ስራ ከመግባቱ በፊት ከሁሉም ክፍለ ከተማ ለተውጣጡ የነዋሪዎች አገልግሎት ባለሙያዎች የመጀመሪያ ዙር ስልጠና መስጠቱን ገልጿል።

ህትመትና ስርጭት ወደ ክ/ከተማ መውረዱ ተገልጋዩ ህብረተሰብ የመታወቂያ ህትመት ለመውሰድ የሚፈግበትን ጊዜ እና ገንዘብ እንደሚያስቀር ፤ በማሽኖች ላይም የሚደርሰውን የስራ ጫና በመቀነስ የማሽን ብልሽትን እንደሚቀርፍ ኤጀንሲው አሳውቋል።

ምንጭ፦ ወ/ኩ/ም/መ/ኤጀንሲ

@tikvahethiopia

#AddisAbaba

የአዲስ አበባ ከተማ አስተዳደር የወሳኝ ኩነት ምዝገባ እና መረጃ ኤጀንሲ በ2014 ዓ.ም መታወቂያቸውን ማደስ ሲገባቸው በአስቸኳይ ጊዜ አዋጁ ምክንያት ያላደሱ ተገልጋዮች ከታገዱት አግልገሎቶች ውጭ ማለትም ከመሸኛ አገልግሎት፣ ከመታወቂያ አገልግሎት እና የነዋሪዎች ማረጋገጫ ውጭ የታደሰ መታወቂያ የሚጠይቁ ሌሎች አገልግሎቶችን ማግኘት እንደሚችሉ አሳውቋል።

ምንጭ፦ የአዲስ አበባ ከተማ የወሳኝ ኩነት ምዝገባ እና መረጃ ኤጀንሲ

@tikvahethiopia

#AliBira

አንጋፋው የኢትዮጵያ የሙዚቃ ሰው ክቡር ዶክተር አርቲስት አሊ ቢራ በአዳማ ጄኔራል ሆስፒታል ህክምና እየተከታትሉ ይገኛሉ።

የጉምሩክ ኮሚሽን ኮሚሽነር ደበሌ ቃበታ ክቡር ዶ/ር አርቲስት አሊ ቢራ ህክምና እየተከታተሉ በሚገኙበት ሆስፒታል በአካል በመገኘት እንደጠየቋቸው የጉሙሩክ ኮሚሽን አሳውቋል።

ኮሚሽነር ደበሌ ቃበታ ለክቡር ዶክተር አርቲስት አሊ ቢራ ከህመማቸው ተፈውሰው የሚወዱትን ሙያ እንዲቀጥሉ እና ሀገራቸውን በኪነጥበብ መስክ እንዲያገለግሉ መልካም ምኞታቸውን እንደገለፁላቸው ከኮሚሽኑ ያገኘነው መረጃ ያመለክታል።

@tikvahethiopia

#Update

" በድርቅ ምክንያት የሁለት ሰዎች ህይወት አልፏል " - የሶማሊ ክልል መንግስት

በሶማሌ ክልል የተከሰተው ድርቅ ዜጎችን ለሞት እየዳረገ መሆኑን የክልሉ መንግስት አስታውቋል።

የሶማሌ ክልል መንግስት ኮሙዩኒኬሽን ቢሮ ኃላፊ አብዱልቃድር ረሺድ ለአሀዱ ሬድዮ ጣቢያ በሰጡት ቃል በክልሉ በተከሰተው ድርቅ ምክንያት የሁለት ሰዎች ህይወት አልፏል።

በጥቅምት መዝነብ የነበረበት ዝናብ ባለመዝነቡ በክልሉ የሚገኙ 9 ዞኖች ለድርቅ ተጋልጠው የነበረ ሲሆን አሁን ድርቁ ወደ 10ኛው ዞን መሸጋገሩን ኃላፊው ተናግረዋል።

በዚህም በተለይም በክልሉ 4 ዞኖች በዳዋ ፣ አፍዴራ፣ ሸበሌ እና ቆራሔ በተከሰተው ድርቅ ምክንያት 1 መቶ 46 ሺሕ 8 መቶ 6 እንስሳት መሞታቸውን ገልፀዋል፡፡

በድርቁ የሚሞቱ እንስሳት ቁጥር በቅርብ ቀናት ሊጨምር እንደሚችል ስጋት መኖሩንም ጠቅሰው ፤ በድርቁ የተነሳ በክልሉ የሚገኙ 2 ነጥብ 4 ሚሊየን ሕዝብ ለችግር መጋለጡን አስረድተዋል፡፡

ሚያዚያ ወር ላይ የሚጠበቅ ዝናብ እንዳለ የገለፁ ሲሆን ዝናብ ካልዘነበ ድርቁ ከዚህም በላይ የከፋ እንደሚሆንና በርካታ ዜጎችን ሊያሳጣ እንደሚችል ስጋት መኖሩን ለሬድዮ ጣቢያው ተናግረዋል።

@tikvahethiopia

#Update

የቀድሞ የደርግ ከፍተኛ ባለስልጣን አምባሳደር ዶ/ር ካሳ ከበደ ስርዓተ ቀብር ዛሬ ይፈፀማል።

የአምባሳደር ዶ/ር ካሳ ከበደ አስከሬን ዛሬ ወደ ኢትዮጵያ የገባ ሲሆን የቀብር ስነስርዓታቸው ከሰዓታት በኃላ በቅድስት ስላሴ ካቴደራል ቤተክርስቲያን እንደሚፈፀም ኢዜአ ዘግቧል።

አምባሳደር ዶ/ር ካሳ ከበደ በደርግ ዘመን የኢትዮጵያ ማህበራዊ ጉዳይ ሚኒስትር የነበሩ ሲሆን በታጠቅ ጦር ሰፈር፣ ህፃናት አምባ ፣ ጀግኖች አምባ መቋቋም ላይ ድርሻ እንደነበራቸው እንዲሁም በኢሰፓ ውስጥ የጎላ ሚና እንደነበራቸው ይነገራል።

በተለያዩ ሀገራትም የኢትዮጵያ አምባሳደር በመሆን ሀገራቸውን አገልግለዋል።

በ80 ዓመታቸው በአሜሪካ ሀገር ከዚህ ዓለም በሞት የተለዩት አምባሳደር ዶ/ር ካሳ ከበደ የአንድ ወንድ እና የሁለት ሴት ልጆች አባት ነበሩ።

@tikvahethiopia

#Update

የኖርዌይ የስደተኞች ካውስል እገዳው እንደተነሳለት አሳወቀ።

የኖርዌይ የስደተኞች ካውንስል / NRC / በሰብአዊ ድጋፍ ስራው ላይ ለ5 ወራት ተጥሎበት የነበረው እገዳ እንደተነሳለት በኢትዮጵያ ባለስልጣናት እንደተገለፀለት አሳውቋል።

እግዱ የተነሳለት ከታህሳስ 22/2014 ጀምሮ እንደሆነ ተገልጿል።

ይህን አስመልክቶ ድርጅቱ ያወጣው መግለጫ ከላይ ተያይዟል።

@tikvahethiopia