#RosewoodFurniture

< ሮዝውድ ፈርኒቸር>
በዘመናዊ ማሽነሪ እና በ3D ዲዛይን የታገዘ,
ለኣጠቃቀም ምቹ እና ወቅቱን የጠበቁ ዘመናዊ የፈርኒቸር ስራዎች !

👉🏼 ስልክ : 0921346038
👉🏼 ሜሴጅ @Rosewo0d
👉🏼 ኣድራሻ : ኣዲሱ ገበያ ኣደባባይ

ስራዎቻችንን ለማየት ቻናላችንን ይቀላቀሉ
https://t.iss.one/R0seWood

#UPDATE😷

የኮቪድ-19 ቀውስ ዓለም አቀፍ መረጃ፦

🇫🇷 ፈረንሳይ በ24 ሰዓት ከ100 ሺ በላይ የኮቪድ-19 ኬዝ ተመዝግቧል፤ በሀገሪቱ 104,611 ሰዎች በኮቪድ-19 መያዛቸው ተረጋግጧል።

🇮🇳 በህንድ ከጃንዋሪ 3 ጀምሮ እድሜያቸው 15 እና ከዚያ በላይ የሆኑ የኮቪድ-19 ክትባቶች ማግኘት እንደሚችሉ ጠ/ሚ ናሬንድራ ሞዲ አሳውቀዋል።

🇮🇱 እስራኤል 100,000 ዩኒት የPfizer ፀረ-ቫይረስ ኮቪድ-19 ክኒን Paxlovid አዛለች። ትዕዛዙ ዕድሜያቸው 12 እና ከዚያ በላይ ለሆኑ ለከባድ ህመም ተጋላጭ ለሆኑ ሰዎች የሚውል መሆኑን ከባለስልጣናት ተሰምቷል።

🇩🇴 የዶሚኒካን ሪፐብሊክ የመጀመሪያውን የኦሚክሮን ኬዝ ሪፖርት አድርጋለች።

🇵🇹 ፖርቹጋል ኦሚክሮን ልውጥ ቫይረስ በሀገሯ በዋነኝነት እየተሰራጨ የሚገኘው ዝርያ መሆኑን አሳውቃለች፤ ትላንት ከ10,000 በላይ ሰዎች በኮሮና ቫይረስ ተይዘዋል።

🇹🇭 ታይላንድ የመጀመሪያው የኦሚክሮን የሀገር ውስጥ ስርጭትን ሪፖርት አድርጋለች።

🇪🇹 ኢትዮጵያ ውስጥ የኮቪድ-19 ስርጭት በአስከፊ ሁኔታ እየተሰፋፋ ስለመጣ ሁሉም ጥንቃቄ ሊያደርግ እንደሚገባ የጤና ሚኒስትር ዶ/ር ሊያ ታደሰ በቢሾፍቱ ከተማ በነበረ አንድ የውይይት መድረክ ላይ አሳስበዋል።

🇨🇳 የ13 ሚሊዮን ሰዎች መኖሪያ በሆነችው የቻይናዋ ከተማ ዢያን ሙሉ የእንቅስቃሴ ገደብ ከተላለፈ ዛሬ 4ኛ ቀን ሲሆን የቫይረሱ ስርጭት እየጨመረ መምጣቱ ተነግሯል።

🇪🇹 የጤና ሚኒስትር ዶ/ር ሊያ ታደሰ ህብረተሰቡ በኮቪድ -19 ክትባት ዙሪያ የሚወሩ የተሳሳቱ አመለካከቶችን ፣ አሉባልታዎችን እና ኢ-ሳይንሳዊ የሆኑ መረጃዎችን ወደ ጎን በመተው በዓለም አቀፍ ደረጃ ጥራታቸው የተረጋገጠ ክትባቶችን በመውሰድ ጤንነቱን እንዲጠብቅ ብለዋል።

@tikvahethiopia

" በህግ ደረጃ ኢትዮጵያ እስካልተስማማች ድረስ ወደ ሀገር የመግባት መብት የላቸውም " - ዶ/ር አደም ካሴ

የተመድ ሰብዓዊ መብቶች ምክር ቤት በ08/04/2014 ዓ/ም በአብላጫ ድምፅ ያሳለፈውን ውሳኔ (ዓለም አቀፍ የመርማሪ ቡድን በኢትዮጵያ እንዲሰማራ) ኢትዮጵያ እንደማትቀበለው ፤ እንደማታስፈፅም፤ የትኛውም አይነት ትብብር እንደማታደርግ ማሳወቋ ይታወሳል።

የተመርማሪ ሀገር ፍቃድ በሌለበት የመርማሪ ቡድኑ ዕጣ ምን ሊሆን ይችላል ? ኢትዮጵያ ተገዳ መርማሪዎችን የምታስገናግድበት አሰራር ወይም ዓለም አቀፍ ህግ አለ ?

በዚህ ጉዳይ #ለቪኦኤ አስተያየታቸውን የሰጡት ዶክተር አደም ካሴ (በተለይ በአፍሪካ የህግ እና ፖለቲካ ጉዳዮች ተንታኝ) ተከታዩን ብለዋል ፦

" በዓለም አቀፍ ህግ ይሄን ኮሚሽን በሚመለከት አንድ ሀገር ውስጥ ሊገባ የሚችለው / በሀገሪቱ ገብቶ ሊመረምር የሚችለው በሀገሪቱ ፍቃድ ከተሰጠው ብቻ ነው።

ኢትዮጵያን ሊያስገድዳት የሚችል ስርዓት የለም። ምንም እንኳን የህግ ስርዓት ባይኖርም በፖለቲካ ደረጃ ጫና ሊያመጣ የሚችል ፤ ምን የምትደብቁት ነገር አለ ? እየተባለ ፖለቲካዊ ጫናዎችን ሊያመጣብን ይችላል።

በህግ በኩል የኢትዮጵያ መንግስት እስካልተስማማ ድረስ ወደ ሀገር የመግባት መብት የላቸውም።

ሌላው ጉዳይ በአጠቃላይ በዓለም ደረጃ ከውሳኔ ሰጪ አካላት በተጨማሪ እነዙህ ውሳኔ አካላትን እየተጠቀሙ አንዳንድ ሀገራት እነሱ የሚደግፉትን አቋም ለማራመድ ይጠቀሙበታል።

በተለይ አሜሪካ እና ምዕራባውያን ኢትዮጵያ ይሄን ቡድን የማታስገባ ከሆነ አንዳንድ ጫናዎች ለማስረግ ለምሳሌ ማዕቀቦችን ለመጫን እና ግፉቶችን ለማድረግ ሊጠቀሙበት ይችላሉ።

ኢትዮጵያ በህግ ደረጃ ወደ ኢትዮጵያ ውስጥ የማስገባት ግዴታ ባይኖርባትም በተመድም ከዛም አልፎ ውሳኔውን የሚደግፉ ሀገራት ምዕራባውያን ሀገራትም ያንን ተጠቅመው ጫና ሊያደርጉ ይችላሉ።

ነገር ግን ወደ ኢትዮጵያ አይገቡም ማለት ምርመራውን ማድረግ አይችሉም ማለት አይደለም። ምርመራውን ማካሄድ ይችላሉ፤ ይቀጥላሉ በስልክም በሌላም መንገድ አካሂደው አለ የሚሉትን መረጃ ለምክር ቤቱ ያቀርባሉ። "

@tikvahethiopia

#GoodayOn Mobile App

የፈለጉትን ባለሙያ ካሉበት ሆነው አማርጠው የሚያገኙበት መተግበሪያ!

አስጠኚ ፣ ሹፌር ፣ ቧንቧ ሰራተኛ ፣ ኤሌክትሪሺያን ፣ ዲሽ ጥገና ፣ መካኒክ ፣ የግንባታ ፊኒሺንግ ፣ ሽያጭ ፣ የሂሳብ ባለሞያ እና ...ሌሎችም

ከGoodayOn መተግበሪያ በተጨማሪ ፤ ወደ 9675 ጥሪ ማእከል በመደወል አገልግሎታችንን ማግኘት ይችላሉ።

GoodayOn መተግበሪያን ለማውረድ ፤ https://cutt.ly/JWR6vZb
ቴሌግራም ቻናል ፤ @goodayOn #ጉዳይ 9675

#UPDATE😷

የኮቪድ-19 ቀውስ ዓለም አቀፍ መረጃ፦

🇮🇷 ኢራን በኮቪድ-19 ኦሚክሮን ዝርያ ስጋት ከብሪታንያ ፣ ፈረንሳይ ፣ ዴንማርክ እና ኖርዌይ የሚመጡ መንገደኞችን ለ15 ቀናት ያህል አግዳለች። በህዳር ወር መጨረሻ በደቡብ አፍሪካ እና በሰባት ጎረቤት ሀገራት ተጓዦች ላይ የተጣለው ተመሳሳይ እገዳ ለ15 ቀናት ተራዝሟል።

🇯🇴 ጆርዳን 295 የኦሚክሮን ልውጥ የኮሮና ቫይረስ ሪፖርት አድርጋለች።

🇴🇲 ኦማን ወደሀገሪቱ ለመግባት ዕድሜያቸው 18 እና ከዚያ በላይ የሆኑ የውጭ አገር ተጓዦች ቢያንስ ሁለት የኮቪድ-19 ክትባት መከተብ እንዳለባቸው አሳውቃለች። በሌላ በኩል በደቡብ አፍሪካ፣ ናሚቢያ፣ ቦትስዋና፣ ዚምባብዌ፣ ሌሶቶ፣ ኢስዋቲኒ እና ሞዛምቢክ የተጣለድ እግድ ተነስቷል።

🇹🇷 በቱርክ እስካሁን ከ128.6 ሚሊዮን በላይ ክትባቶች ተሰጥተዋል።

🇵🇸 የፍልስጤም የጤና ጥበቃ ሚኒስቴር በጋዛ ሰርጥ የመጀመሪያውን የኦሚክሮን ኮቪድ-19 ልውጥ ቫይረስ ሪፖርት አድርጓል።

🇪🇹 በኢትዮጵያ ባለፈው ሳምንት (ከሰኞ - እሁድ ባሉት ቀናት) 22,321 ሰዎች በኮሮና ቫይረስ መያዛቸው ተረጋግጧል። በተጠቀሰው ጊዜ የ32 ሰዎች ህይወት አልፏል።

🇺🇸 በአሜሪካ በዚህ የበዓላት ሰሞን እጅግ በጣም ተላላፊ የሆነው የኦሚክሮን ልውጥ ቫይረስ በመላው ሀገሪቱ መስፋፋት መቀጠሉ ተገልጿል።

@tikvahethiopia

#እድንታውቁት

የኤክሳይዝ ታክስ ፈቃድ ፦

ማናቸውም ሰው ከገቢዎች ሚኒስቴር የተሰጠ የኤክሳይዝ ታክስ ፈቃድ ሳይኖረው በኤክሳይዝ ታክስ አዋጅ ቁጥር 1186/2012 የተዘረዘሩ ሥራዎችን ሊያከናውን አይችልም፡፡

የኤክሳይዝ ታክስ ፈቃድ ኤክሳይዝ ታክስ የሚከፈልባቸውን ምርቶች ለማምረት በተፈቀደለት አምራች እና በታክሱ መስሪያ ቤት መካከል እንደተፈፀመ ውል ይቆጠራል፡፡

በፈቃዱ የተመለከቱ የውል ቃሎችንና ሁኔታዎችን የሚጥስ የተፈቀደለት አምራች በወንጀል ተጠያቂ ይሆናል፡፡

የኤክሳይዝ ታክስ ፈቃድ የሚከተሉትን መረጃዎች የሚይዝ ሊሆን ይገባል:-

1. የተፈቀደለትን አምራች ስም፤
2. የተፈቀደለትን አምራች የግንኙነት አድራሻ (ኢሜይል፣ ፋክስና ስልክ)፤
3. ፈቃዱ ተፈፃሚነት መሆን የሚጀምርበትን ቀን፤
4. የተፈቀደለት አምራች የኤክሳይዝ ታክስ የሚከፈልባቸውን ምርቶች የሚያመርትበትን ፋብሪካ እና የዋናው መሥሪያ ቤት አድራሻ፤
5. የተፈቀደለት አምራች በፋብሪካው ውስጥ እንዲጠቀምባቸው በታክሱ ባለሥልጣን የተፈቀደለትን መሣሪያዎች ዝርዝር እንዲሁም፤
6. የሚያመርተው ምርት ዓይነት፡፡

የኤክሳይዝ ታክስ ፈቃድ የተፈቀደለትን አምራች የሥራ አፈፃፀም መሠረት በማድረግ የንግድ ሥራውን የሚያካሂድባቸውን ሁኔታዎች የሚይዝ ሊሆን ይችላል፡፡

የተፈቀደለት አምራች በፈቃዱ በተዘረዘሩ መሣሪያዎች ለመጠቀም የሚችለው በፋብሪካው በተመለከተው አድራሻ ብቻ ነው፡፡

የተፈቀደለት አምራች የኤክሳይዝ ታክስ የሚከፈልባቸው ምርቶች የሚመረቱበትን አድራሻ / መሣሪያ ከመለወጡ በፊት፣ ይህንኑ ለታክስ መስሪያ ቤቱ በማስታወቅ በፈቃዱ ላይ ማሻሻያ እንዲደረግ መጠየቅ አለበት፡፡

የኤክሳይዝ ታክስ ሚከፈልባቸው ምርቶች የሚመረቱበትን አድራሻ ወይም የመሣሪያዎች ለታክሱ መስሪያ ቤት ሳያስታውቅ እና በፈቃዱ ላይ ማሻሻያ ሳይደረግ አድራሻቸውን ወይም መሣሪያዎችን የለወጠ ባለፈቃድ በኤክሳይዝ ታክስ አስተዳደር አዋጅ መሠረት በወንጀል ተጠያቂ ይሆናል፡፡

የተፈቀደለት አምራች ፋብሪካ እና የማምረቻ መሣሪያዎች በአዋጁ የተደነገገውን የሚያሟሉ መሆኑ በታክሱ መስሪያ ቤት ባለሙያዎች ጉብኝት ሳይረጋገጥ የኤክሳይዝ ፈቃድ ሊሰጥ አይችልም፡፡

ምንጭ፦ የገቢዎች ሚኒስቴር

@tikvahethiopia