#AddisAbaba

ከመስቀል አደባባይ ወደ ቦሌ በሚወስደው መንገድ ቶታል አካባቢ የትራፊክ አደጋ የደረሰ ሲሆን የአንድ ሰው ህይወት አልፏል።

የከባድ እና ቀላል ጉዳት መጠን ቁጥር ለጊዜው አልታወቀም።

የተገጩ ተሽከርካሪዎች ከመንገዱ እስኪነሱ ተዘግቶ የነበረው መንገድ አሁን ክፍት መሆኑን የአዲስ አበባ ትራፊክ ማኔጅመንት ኤጀንሲ አሳውቋል።

@tikvahethiopia

" ፈያ ዳኢ " ለኦስካር ሽልማት ታጨ።

በኢትዮጵያዊ - ሜክሲኳዊቷ ፊልም ሠሪ ጀሲካ በሽር የተዘጋጀው ፈያ ዳኢ 'የሐረር' ፊልም በ94ተኛው የኦስካር ሽልማት በዘጋቢ ፊልም ዘርፍ ነው ለሽልማት የታጨው።

የኦስካር ሽልማት (አካዳሚ አዋርድስ) ትላንት በ10 ዘርፎች የሚያወዳድራቸውን ፊልሞች ይፋ ሲያደርግ የጀሲካ ፊልም መታጨቱ ታውቋል።

ጀሲካ በሽር ይህንን ዘጋቢ ፊልም ለማጠናቀቅ 10 ዓመታት እንደወሰደባት በያዝነው ዓመት መባቻ ከቢቢሲ ጋር ቆይታ ባደረገችበት ወቅት ተናግራ ነበር።

' ፈያ ዳኢ ' ፊልም ስለሱስ፣ ስደት፣ ንግድ ፣ ልጅነት፣ መንፈሳዊነት፣ ፍቅር፣ ተፈጥሮ፣ የፖለቲካ እስር፣ ሴትነት ፣ የነጻነት ትግል፣ ሞት፣ ወጣትነት፣ ተስፋ መቁረጥ፣ ብቸኝነት፣ ህልም፣ ቤተሰብ፣ ማንነት ጉዳዮችን ያነሳል።

ሁለት ሰዓት ገደማ የሚወስደው 'ፈያ ዳኢ' በፊልሙ ዓለም ገናና ስም ያላቸው ሰንዳንስ እና ትሩ/ፎልስ ፌስቲቫሎችን ጨምሮ በበርካታ ዓለም አቀፍ መድረኮች ላይ ታይቷል፤ ተደንቋል፤ ተወዷል።

ስዊዘርላንድ ውስጥ የሚዘጋጀው ታዋቂው 'ቪዥን ዱ ሪል' የዘጋቢ ፊልም ፌስቲቫል ላይ ተሸልሟል። በፉል ፍሬም እና ሆትዶክስ ፌስቲቫሎች ላይም ተሸልሟል።

ምንጭ፦ ቢቢሲ

@tikvahethiopia

" የተመድ ፀጥታው ም/ቤት ስብሰባ ያለ ውጤት ነው የተጠናቀቀው "- አቶ ከበደ ዴሲሳ

ከአንድ ቀን በፊት በተወሰኑ ሀገራት ሀሳብ አመንጪነት ስለ ኢትዮጵያ ጉዳይ ስበስባ የተቀመጠው የተመድ ፀጥታው ምክር ቤት ስብሰባውን ያለ ምንም ውጤት ማጠናቀቁን የኢትዮጵያ መንግስት ኮሚኒኬሽን አገልግሎት አስታወቀ።

የመንግስት ኮሚኒኬሽን አገልግሎት ሚኒስትር ዴኤታ አቶ ከበደ ዴሲሳ ዛሬ መግለጫ ሰጥተዋል።

አቶ ከበደ ዴሲሳ በመግለጫቸው፥ ከአንድ ቀን በፊት የተመድ ፀ/ቤት በተወሰኑ ሀገራት ሀሳብ አመንጪነት ስለኢትዮጵያ ጉዳይ ስብሰባ ተቀምጦ እንደነበርና ስብሰባው ያለውጤት መጠናቀቁን ተናግረዋል።

ሚኒስትር ዴኤታው፥ " የኢትዮጵያ ወዳጅ ሀገራት ስብሰባው ያለ አግባብ የተጠራ እና ኢትዮጵያ ላይ ጫና ለማሳደር ታስቦ የተጠራ መሆኑን በመረዳት ጣልቃገብነቱን ባለመቀበላቸው ጠንከር ያለ ውሳኔ እንዲተላለፍ ተብሎ የተደረገው ስበስባ ያለውሳኔ የተጠናቀቀና ውጤት ያላስገኘላቸው ሆኖኗል " ብለዋል።

አቶ ከበደ ዴሲሳ፥ ከዚህ በፊትም የተመድ ፀጥታው ምክር ቤት በኢትዮጵያ ጉዳይ ስበስባ ሲያደርግ ነበር ሲሉ ያስታወሱ ሲሆን ባልተለመደ ሁኔታ ከ12 ጊዜ በላይ ስብሰባ አድርጓል ሲሉ ተናግረዋል።

አክለው፥ "ም/ቤቱ አንድ ጊዜ በሰብዓዊ መብት ጥሰት ስም ሌላ ጊዜ በታላቁ ህዳሴ ግድብ የማይመለከተው ጉዳይ ውስጥ እየገባ አንዳንድ ኃያላን ሀገራት የፖለቲካ ማስፈፀሚያ/ፍላጎታቸውን በተቋማቱ በኩል ለማስፈፀም ስብሳባ ሲጠሩ ቆይተዋል፤ ከአንድ ቀን በፊትም የተደረገው ስብሰባ ያለ ውጤት ነው የተጠናቀቀው" ብለዋል።

የፀጥታው ም/ቤት ሰኞ በ“any other business” ስር ስለኢትዮጵያ እንደሚወያይና ስብሰባ እንዲካሄድ የጠየቁት ኢስቶኒያ፣ ፈረንሳይ፣ አየርላንድ፣ ኖርዌይ ፣ ዩኬ፣አሜሪካ እንደነበሩ መገለፁ አይዘነጋም።

@tikvahethiopia

የዛሬው የቦሌ መንገድ የትራፊክ አደጋ ፦

አደጋው የደረሰው ወደ ቦሌ በሚወስደው መንገድ እየተጓዘ የነበረው ሸገር አውቶቡስ መንገዱን ስቶ ወደ መስቀል አደባባይ በሚጓዙ ተሽከርካሪዎች መንገድ ላይ በመግበት ነው፡፡

በአደጋው መንገድ በማቋረጥ ላይ የነበረች አንድ ሰው ህይወት ሲያልፍ በአንድ ሰው ላይ የአካል ጉዳት ድርሷል፡፡

ሸገር ባስን ጨምሮ 8 ተሽከርካሪዎች ላይ ከቀላል እስከ ከባድ ጉዳት ደርሷል፡፡

በአጠቃላይ በደረሰው አደጋ የተጋጩ ተሽከርካሪዎች ፦
- ሸገር አውቶብስ
- አምስት የቤት መኪናዎች
- አንድ ላዳ
- አንድ የመንግስት መኪና
- አንድ ሞተር ሳይክል ናቸው።

የአደጋው መንስኤ በፖሊሲ በመጣራት ላይ ይገኛል፡፡

የአዲስ አበባ ትራፊክ ማኔጅመት ኤጀንሲ ፦

• ከተፈቀደው የፍጥነት ወሰን በላይ ባለማሽከርከር፣
• ርቀትን እና ረድፍን ጠብቆ በማሽከርከር
• ጠጥቶ ባለማሽከርከር
• ለተሽከርካሪዎች ተገቢውን የቴክኒክ ምርመራ ሳያስደርጉ ባለማሽከርከር
• የትራፊክ ህግ እና ስርዓቶችን በማክበር ተጠንቅቆ በማሽከርከር ክቡር የሆነውን የሰው ልጅ ህይወት ከትራፊክ አደጋ ሞት ይታደጉ ሲል መልዕክቱን አስተላልፏል።

@tikvahethiopia

የሩሲያ እና የNATO ፍጣጫ ወዴት ያመራ ይሆን ?

" ተጨባጭ የሆነ ወታደራዊ አጸፌታ ጀምሬያለሁ " - NATO

ሩስያ እና የሰሜን አትላንቲክ ጦር ቃል ኪዳን ድርጅት /NATO/ ጦራቸውን ወደ ዩክሬን ድንበር ማስጠጋታቸው በአካባቢው ላይ ወታደራዊ ፍጥጫ ከምን ጊዜውም በላይ እንዲያይል አድርጓል።

ሩስያ ጦሯን ወደ ዩክሬን ድንበር በማንቀሳቀሷ NATO ተጨባጭ የሆነ ወታደራዊ አጸፌታ ጀምሬያለሁ ብሏል።

ይህንንም " Die Welt "የተሰኘው በጀርመንኛ ቋንቋ የሚታተመው መጽሄት ዘግቧል።

አንድ የNATO ዲፕሎማት ጠቅሶ እንደዘገበው ከሆነ የድርጅቱ ተወርዋሪ አጥቂ ጦር ቁጥር በአካባቢው ጨምሯል። " የጦር ጫፍ " በሚል የሚታወቀው የNATO አጥቂ ኃይል ከሰኞ ጀምሮ ባሉት 5 ቀናት ውስጥ በተጠንቀቅ እንዲቆም ትእዛዝ ተሰጥቶታል።

ጦሩ የተጠንቀቅ ትእዛዝ የተላለፈለት በእነዚህ 5 ቀናት ውስጥ ወደ ግጭት ቀጠና ሊሰማራ ይችላል በሚል ነው።

ይሄው ጦር በአሁኑ ወቅት በሚቀጥሉት 7 ቀናት ለግዳጅ ዝግጁ ሆኖ እንዲቆይም ተነግሮታል።

ምዕራቡ ዓለም ሩስያ ዩክሬንን ልትወር እያሴረች ነው ሲል ይከሳል።

ሩስያ በበኩሏ አሜሪካ እና NATO በምስራቅ በኩል የሚያደርጉት መስፋፋት ለመገታቱ ዋስትና ሊሰጠኝ ይገባል ትላለች።

ይህ በእንዲህ እንዳለ ፦ በሩስያ እና አሜሪካ መካከል በሚቀጥሉት ጥቂት ቀናት ውስጥ የአካባቢው ደህንነትን በሚመለከት ውይይት ሊኖር እንደሚችል ተጠቁሟል።

ውይይቱ በአዲስ ዓመት (እ.ኤ.አ. 2022) የመጀመሪያ ወር ከNATO ጋርም ይደረጋል ተብሏል።

ምንጭ፦ ዶቼ ቨለ

@tikvahethiopia