#ETHIOPIA

የውጭ ጉዳይ ሚኒስትር ደኤታ አምባሳደር ሬድዋን ሁሴን ከአናዶሉ ኤጀንሲ ጋር ልዩ ቃለ ምልልስ አድርገዋል። የተነሱ ጉዳዮች ፦

• የግጭቱ ወቅታዊ ሁኔታ
• የውጭ ጣልቃገብነት
• የኢትዮ-ቱርክ የሁለትዮሽ ግንኙነት
• የኢትዮጵያ እና የሱዳን የድንበር ግጭትና ሌሎች ጉዳዮች ተነስተዋል።

ቃለምልልሱ ከላይ በቪድዮ (4 MB) ታያይዟል።

Credit : Anadolu Agency

@tikvahethiopia

#እንድታውቁት

የብቃት ማረጋገጫ ሰርተፊኬት ያላሳደሱ የጉምሩክ አስተላላፊዎች የተሰጠው ቀነ ገደብ ሊሰጠናቀቅ 3 ቀን ቀርቶታል።

የጉሙሩክ አስተላላፊዎች የሞያ እና የብቃት ማረጋገጫ አሰጣጥና አስተዳደር በተመለከተ በወጣው መመሪያ ቁጥር 153/2011 በማሻሻያ መመሪያ ቁጥር 170/2013 መሰረት የጉሙሩክ አስተላላፊዎች የስራ ብቃት ማረጋገጫ መውሰድና በወቅቱ ማሳደስ ይጠበቅባቸዋል።

የጉምሩክ ኮሚሽን ከዚህ ቀደም በተለያዩ በሚዲያዎች ዝርዝር መስፈርቶችን በማየት እና በማሟላት ከህዳር 15 - ታህሳስ 15 /2014 ድረስ እንዲወስዱ / እንዲያሳድሱ አሳውቆ ነበር።

የተሰጠው ቀነ ገደብ ሊጠናቀቅ ሶስት ቀናት ብቻ የቀረው ሲሆን በተጠቀሰው ጊዜ የማይፈፅሙ ኮሚሽኑ እርምጃ እንደሚወስድ አሳስቧል።

@tikvahethiopia

#ያንብቡ

በኢትዮጵያ በሚገኙ የተለያዩ የፖለቲካ እና የሃሳብ መሪዎች እንዲሁም የኅብረተሰብ ክፍሎች መካከል እጅግ መሠረታዊ በሆኑ አገራዊ ጉዳዮች ላይ የሃሳብ ልዩነት እና አለመግባባት የሚታይ በመሆኑ ይህን ልዩነት እና አለመግባባት ለማርገብና ለመፍታት ሰፋፊ አገራዊ የሕዝብ ምክክሮችን አካታች በሆነ መንገድ በማካሄድ አገራዊ መግባባት መፍጠር አስፈላጊ እንደሆነ ተገልጿል።

መሠረታዊ በሆኑ አገራዊ ጉዳዮች ላይ አካታች አገራዊ ምክክሮችን ማካሄድ የተሻለ አገራዊ መግባባትን ለመገንባትና በሂደትም የመተማመንን እና በወሳኝ አገራዊ ጉዳዮች ላይ ተቀራርቦ የመሥራት ባህልን ለማጎልበት፣ እንዲሁም የተሸረሸሩ ለማሳለጥ የሚያስችል ሥርዓት በሕግ መዘርጋት አስፈላጊ ሆኖ ተገኝቷል ተብሏል።

አገራዊ ምክክሮች ተቀባይነት እና ተዓማኒነት ያላቸው እንዲሆኑ ከሚያስችላቸው ጉዳዮች መካከል አንዱ ምክክሮቹን የሚያመቻቸውና የሚመራው አካል ብቃትና ገለልተኝነት በመሆኑ፤ ምክክሮቹን በብቃትና በገለልተኝነት ለመምራትና ለማስተባበር የሚችል ሰፊ ቅቡልነት ያለው ተቋም ማቋቋም አስፈላጊ ሆኖ ተገኝቷል።

በዚህም በኢትዮጵያ ፌደራላዊ ዲሞክራስያዊ ሪፐብሊክ ሕገ መንግስት አንቀፅ 55(1) መሠረት ከላይ የተያያዘው አዋጅ ታውጇል።

ይህ ኮሚሽኑ በሀገሪቱ ለዘመናት የቀጠለውን ያለመግባባት አዙሪት በማስወገድ አገራዊ አንድነት እንደሚያረጋገጥ ተስፋ እንደተጣለበት ተነግሯል።

የህ/ተ/ምክር ቤት በይፋዊ የፌስቡክ ገፁ ላይ ዜጎች ረቂቅ አዋጁን አንብበው ም/ቤቱ ትኩረት ሰጥቶ ሊያየው ይገባል የሚሉትን ሀሳብ እንዲሰጡ ጠይቋል።

(እንደ ዜጋ ከላይ የተያያዘውን ረቂቅ አዋጅ አንብበው በም/ቤቱ ገፅ https://www.facebook.com/599208023518983/posts/4270721263034289/ ገብተው ሀሳቦትን ያካፍሉ)

@tikvahethiopia

#DStv

ዙረት

ወንጀል እና ፍቅርን የሚያሳይ ልብ አንጠልጣይ ተከታታይ ድራማ ዘወትር ሰኞ ማታ 2፡30 በድጋሚ እሁድ ከጠዋቱ 04፡00 ሰዓት እና ማታ 02፡00 ሰዓት በአቦል ቻናል (146) ይጠብቁን !

#DStvየራሳችን

አቶ አሕመድ አሊ የኦሮሞ ብ/ አስተዳደር ዋና አስተዳዳሪ ሆነው ተሹመዋል።

የኦሮሞ ብሔረሰብ አስተዳዳር ም/ቤት ባካሄደው አስቸኳይ ጉባዔ አቶ አሕመድ አሊን የዞኑ ዋና አስተዳዳሪ አድርጎ ሾሟል።

የኦሮሞ ብሔረሰብ አስተዳደር የቀድሞው ዋና አሰተዳዳሪ አቶ አሕመድ ሐሰን እና አዲሱ ዋና አስተዳዳሪ አቶ አሕመድ አሊ የስልጣን ርክክብ አድርገዋል።

ም/ቤቱ የዞን ካቢኔ አባላትን ሹመት አፅድቋል (የተሿሚዎች ዝርዝር ከላይ ተያይዟል)

በተጨማሪም የክልሉ ብልጽግና ፓርቲ አቶ ከድር አሊን የዞኑ ፓርቲ ጽሕፈት ቤት ኀላፊ፣ አቶ ጀማል ሐሰንን የዞኑ ፖለቲካ ዘርፍ ኀላፊ እና አቶ መሐመድ ሙሳን የዞኑ አደረጃጀት ዘርፍ ኀላፊ አድርጎ ሹሟል።

#AMC

@tikvahethiopia

በ2021 የአፍሪካ ምርጥ አየር መንገድ ደረጃ ፦

1. Ethiopian Airlines 🇪🇹
2. South African Airways
3. Kenya Airways
4. Royal AirMaroc
5. Air Mauritius
6. Air Seychelles
7. RwandAir
8. FlySafair
9. Egyptair
10. Fastjet

#SKYTRAX #World_Airline_Award

@tikvahethiopia

#Update

አቶ አብርሃ ደስታ ከእስር ተፈቱ።

የዓረና ትግራይ ለሉአላዊነትና ዴሞክራሲ ፓርቲ (ዓረና) አመራር የሆኑትና በትግራይ ክልል ጊዜያዊ አስተዳደር የሰራተኛ እና ማህበራዊ ጉዳይ ቢሮ ኃላፊ ሆነው ያገለገሉት አቶ አብርሃ ደስታ ዛሬ ከእስር ተፈተዋል።

አቶ አብርሃ ከእስር የተፈቱት በ10 ሺ ብር ዋስ መሆኑ ታውቋል።

አቶ አብርሃ ደስታ በተረጋገጠው የማህበራዊ ትስስር ገፃቸው ላይ " ከ82 ቀናት በኋላ በፍርድ ቤት የአሰር ሺ ብር የዋስትና ብይን መሰረት ከእስር ተለቅቄያለሁ " ሲሉ ፅፈዋል።

@tikvahethiopia

#ETHIOPIA

የውጭ ጉዳይ ሚኒስትር ዴኤታ አምባሳደር ሬድዋን ሁሴን  መቀመጫቸውን አዲስ አበባ ላደረጉ የአውሮፓ፣ አሜሪካ፣ ኤስያ እና መካከለኛው ምስራቅ ሀገራት ከአምባሳደሮችና ዲፕሎማቶች በወቅታዊ ጉዳዮች ዙሪያ ማብራሪያ ሰጡ። 

አምባሳደር ሬድዋን ሁሴን ምን አሉ ?

- የፖለቲካ ፍላጎትን መሠረት አድርጎ በቅርቡ የተባበሩት መንግሥታት የሰብአዊ መብት ምክር ቤት ያሳለፈውን ውሳኔ ኢትዮጵያ አትቀበልም ብለዋል። የፖለቲካ ፍላጎት ባላቸው አካላት ገፋፊነት እና አስተባባሪነት የተላለፈው ውሳኔ በኢትዮጵያ ምድር ተፈፃሚ እንደማይሆን አስረግጠው ተናግረዋል።

- የህወሓት አሸባሪ ሀይል በደረሰበት ምት ይዟቸው የነበሩ አብዛኛው የአፋር እና የአማራ አካባቢዎችን በማስለቀቅ በመንግሥት የፀጥታ ሀይሎች ቁጥጥር ስር እንደሚገኙ ገልፀዋል። ይህም ቡድኑ ለሰላም ሲል በወረራ ከያዝኳቸው አካባቢዎች ለቅቂያለሁ ማለቱ ከተጨባጩ እውነታ ጋር የሚቃረን ነው ብለዋል።

- መንግስት ቡድኑ (ህወሓት) በሚሸሽባቸው እያንዳንዱ #የትግራይ_መንደሮች እግር በእግር በመከተታል የመግባት ፍላጎት የሌለው መሆኑን ተናግረዋል፤ ነገር ግን ቡድኑ መቸውም ቢሆን መልሶ ጥቃት የማድረስ አቅሙ የተዳከመ መሆኑ ማረጋገጥ እንደሚያስፈልግ ተናግረዋል።

- የኢትዮጵያን የግዛት አንድነትን ማስጠበቅ የመንግስት ኃላፊነት እንደመሆኑ መጠን፣ ትግራይን ጨምሮ #በማንኛውም_ሀገሪቱ_አካባቢዎች ሰራዊቱን የማስፈር መብት እንዳለው ተናግረዋል።

- በኢትዮጵያ ዘላቂ ሰላም ለማስፈን ያለመ ሁሉን አካታች ዉይይት እንዲኖር ማንኛዉም በአገሪቱ ጉዳይ ይመለከተኛል የሚል አካል የሚሳተፍበ የህገ መንግስት ማሻሻያን ጨምሮ በሀገሪቱ ስምምነት ያልተደረሰባቸው ጉዳዮችን የተመለከቱ ጉዳዮች ለውይይት ክፍት እንደሚደረጉ ገልጸዋል።

ያንብቡ 👇
https://telegra.ph/Minstry-of-Foreign-Affairs-of-Ethiopia-12-21

@tikvahethiopia

#ALERT🚨

በሀገራችን ኢትዮጵያ በቀን 2,323 ሰዎች በኮቪድ-19 መያዛቸው ተረጋገጠ።

ባለፉት 24 ሰዓት ውስጥ ከተደረገው 10,016 የላብራቶሪ ምርመራ 2,323 ሰዎች ለቫይረሱ ተጋላጭ ሆነው ተገኝተዋል።

በተመሳሳይ በ24 ሰዓት ውስጥ የ5 ሰዎች ሞት ተመዝግቧል።

@tikvahethiopia

#BREAKING

የሱዳን ጠ/ሚ አብደላ ሀምዶክ ስልጣን ሊለቁ ነው።

የሱዳኑ ጠቅላይ ሚኒስትር አብደላ ሃምዶክ በሚቀጥሉት ሰዓታት ውስጥ ስልጣን ለመልቀቅ እንዳሰቡ ለፖለቲከኞች ቡድን መናገራቸውን ሮይተርስ ለሃምዶክ ቅርብ ከሆኑ ሁለት ምንጮች መስማቱን ዘግቧል።

ቡድኑ በቦታቸው ላይ እንዲቆዩ ቢጣይቃቸውም እሳቸውን ግን ስልጣናቸውን እንደሚለቁ ነግረዋቸዋል።

ጠ/ሚ ዶ/ር አብደላ ሀምዶክ በጥቅምት ወር በሌ/ጄነራል አብዱል ፈታህ አል ቡርሃን በሚመራው ጦር መፈንቅለ መንግስት ተደርጎባቸው ለቁም እስር መዳረጋቸው በኃላም በተደረገ ስምምነት ከሳምንታት በፊት ወደ ስልጣናቸው መመለሳቸው አይዘነጋም።

@tikvahethiopia

#Update

የኮቪድ-19 ቀውስ ዓለም አቀፍ መረጃ ፦

🇬🇧 ዩናይትድ ኪንግደም በአንድ ቀን ውስጥ ብቻ 91,743 ኬዝ ተመዝግቧል። ይህ ወረርሽኙ ከተካሰተ ጊዜ አንስቶ የተመዘገበ ሁለተኛው ከፍተኛ ቁጥር ነው።

🇺🇸 የአሜሪካው ፕሬዝዳንት ጆ ባይደን የዋይት ሀውስ የመካከለኛ ደረጃ ሰራተኞቻቸው በቫይረሱ ​​​​ከተያዙ በኋላ የኮቪድ-19 ምርመራ አድርገው ነፃ መሆናቸው ተረጋግጧል።

🇬🇧 ለንደን የአዲስ አመት ዝግጅትን ሰርዛለች።

🇲🇦 ሞሮኮ በኮሮና ቫይረስ መባባስ ምክንያት የአዲስ ዓመት ዋዜማ ዝግጅቶችን አግዳለች። የሰዓት እላፊ ገደብም ታውጇል። ከቀናት በፊት ኦሚክሮን በሀገሪቱ መገኘቱ ተረጋግጧል።

🇳🇿 ኒውዚላንድ ኦሚክሮን እንዳይስፋፋ በመስጋት ድንበሮቿ የመክፈት እቅዷን እስከ የካቲት ወር መጨረሻ አዘግይታለች።

🇮🇷 በየመን የኢራን ልዩ መልዕክተኛ በኮቪድ-19 ሳቢያ ህይወታቸው አልፏል፤ መልዕክተኛው ከሰነዓ ከወጡ በኃላ መሞታቸው ነው የተሰማው።

🏴󠁧󠁢󠁳󠁣󠁴󠁿 በስኮትላንድ ከገና በዓል ጋር ተያይዞ ገደቦች ተጥሏል፤ ከዲሴምበር 26 ጀምሮ ለሶስት ሳምንታት በተለያዩ ዝግጅቶች ላይ የሚገኙ ሰዎች ላይ ገደብ እንዲኖር እና አካላዊ መራራቅ አስፈላጊ እንደሆነ ተገልጿል።

🇩🇰 ኦሚክሮን ልውጥ የኮሮና ቫይረስ ዴንማርክ ውስጥ በዋነኝነት እየተስፋፋ ከሚገኙ የኮሮና ቫይረስ ዝርያዎች አንዱ መሆኑ ተሰምቷል።

🇮🇳 ህንድ ኦሚክሮን በእጥፍ መጨመሩን ተከትሎ ሁሉም ክልሎች ንቁ እንዲሆኑ አሳስባለች።

🇮🇱 እስራኤል ለመጀመሪያ ጊዜ በኦሚክሮን ልውጥ የኮሮና ቫይረስ መሞቱ የተረጋገጠ ሰው ሪፖርት አድርጋለች።

ምንጭ፦ የየሀገራቱ የጤና ሚኒስቴር መስሪያ ቤቶች/ የዜና ተቋማት

@tikvahethiopia