የፌልትማን የግብፅ፣ ቱርክ እና የUAE ጉዞ ፦

የአሜሪካ መንግሥት የአፍሪካ ቀንድ ልዩ መልዕክተኛ አምባሳደር ጄፍሪ ፌልትማን ወደ ዩናይትድ አረብ ኤሜሬትስ (UAE) ፣ ቱርክ እና ግብፅ እንደሚያማሩ ተሰምቷል።

የጉዟቸው ዓላማ ደግሞ በኢትዮጵያ ጉዳይ ለመምከር ነው።

የአሜሪካ የውጭ ጉዳይ መ/ቤህ ቃል አቀባይ ኔድ ፕራስ በሰጡት መግለጫ ፌልትማን ወደ ሦስቱ አገራት ጉዟቸውን የሚያደርጉት ከዛሬ ሐሙስ ህዳር 30/2014 ዓ.ም ጀምሮ እንደሆነ አሳውቀዋል።

ፕራይስ ፥ " በሰሜን ኢትዮጵያ ያለው ግጭት ለአፍሪካ ቀንድ ሰላም እና ደህንነት ስጋት እንደሆነ እናውቃለን፤ አምባሳደር ፌልትማን ወደ አገራቱ ተጉዘው ከአጋሮች ጋር ውይይት ያደርጋሉ " ብለዋል።

ቃል አቀባዩ ፥ የአሜሪካ መንግሥት ለዚህ ግጭት ወታደራዊ እርምጃ መፍትሄው አይሆንም ብሎ እንደሚያምን አስታውሰው " የፌልትማን ተልዕኮ ግጭቱን ለማስቆም ዲፕሎማሲን የመጀመሪያው፤ የመጨረሻው እና ብቸኛው አማራጭ በማድረግ ተዋጊ ኃይሎች ያለአንዳች ቅድመ ሁኔታ ተኩስ አቁመው ልዩነቶቻቸውን በውይይት እንዲፈቱ ማስቻል ነው " ማለታቸውን ቢቢሲ አስነብቧል።

ፌልትማን ለሰሜን ኢትዮጵያው ግጭት መፍትሄ ለማፈላለግ ከሳምንታት በፊት ኢትዮጵያ መጥተው እንደነበር ይታወሳል።

@tikvahethiopia

Video : የአሜሪካው ፕሬዚዳንት ጆ ባይደን ትላንት ለስራ ጉብኝት በሄዱበት ካንሳስ ከተማ በሚኖሩ ኢትዮጵያውያን እንዲሁም የቀድሞ ፕሬዜዳንት ትራምፕ ደጋፊዎች ተቃውሞ ገጥሟቸዋል።

የባይደን አስተዳደር በኢትዮጵያ ላይ ጫና ለማሳደር የሚያካሂደውን እንቅስቃሴ አጥብቀው ተቃውመዋል።

ተቃዋሚዎቹ ፥ " የጆ ባይድን አስተዳደር ሽብርተኛውን የህወሃት ቡድን የመደገፍ እንቅስቃሴውን ሊያቆም ይገባል፣ የኢትዮጵያን ዴሞክራሲ ለማጥፋት የሚያካሄደው ጣልቃ ገብነትም ሊቆም ይገባል #NoMore” ብለዋል።

በዴሞክራሲያዊ መንገድ የተመረጠ፣ ገለልተኛና ነጻ መንግስት አለን ጣልቃ ገብነቱ እንዲቆም እናሳስባለን ሲሉም የሰልፉ ተሳታፊዎች ተናግረዋል።

የትራምፕ ባንዲራ የያዙ ወደ ደርዘን የሚጠጉ ሰዎችም ተቃውሞ ያሰሙ ሲሆን ፤ በፕሬዚዳንት ባይደን በደቡብ ድንበር አያያዝ፣ አሜሪካ ከአፍጋኒስታን መውጣት እና በ COVID-19 የደህንነት ጥንቃቄዎች ጉዳይ ተቃውሞ አሰምተዋል።

Video Credit : KMBC

@tikvahethiopia

#Update

የኢትዮጵያ ጠ/ሚ ዶክተር ዐቢይ አህመድ ከሴኔጋል ፣ ደ/አፍሪካ እና ከኮንጎ ዲሞክራቲክ ሪፐብሊክ መሪዎች ጋር የስልክ ውይይት አደረጉ።

ዶ/ር ዐቢይ በይፋዊ የማህበራዊ ትስስር ገፃቸው ከሴኔጋሉ ፕሬዝዳንት ማኪ ሳል፣ ከደቡብ አፍሪካው ፕሬዝዳንት ሲሪል ራማፎሳ እና ከኮንጎ ዲሞክራቲክ ሪፐብሊክ ፕሬዝዳንት ፌሊክስ ቲሼኬዲ ጋር ገንቢ የስልክ ውይይት ማድረጋቸውን አሳውቀዋል።

የሁለትዮሽና አህጉራዊ ግንኙነቶችን ለማጠናከር እንሰራለን ሲሉም ገልፀዋል።

@tikvahethiopia

#WeCare

በተለያዩ የህክምና ዘርፍ ስፔሻሊስት የሆኑ ዶክተሮችን ኦንላይን በቪድዮ፣ በድምጽ አልያም በ አጭር መልእክት ማግኘት የሚያስችል አዲስ አገልግሎት ተጀመረ።

ለራስዎ ፣ ለልጅዎ ወይም ለቤተሰቦ የሚሰማዎትን ህመም ወይም አጠራጣሪ ነገር በ WeCare መተግበሪያ በሙያው የተካኑ ሐኪሞችን በፍጥነት በማማከር እፎይታ ያግኙ።

መተግበሪያውን ለማውረድ👇
https://play.google.com/store/apps/details?id=com.icare.patient

አጠቃቀሙን ለመረዳት ቻናሉን @wecareet ይቀላቀሉ
ለበለጠ መረጃ : 9394 በመደወል ማብራሪያ ይጠይቁ!

#OCHA

በተመድ የሠብዓዊ ጉዳዮች ማስተባበሪያ ጽ/ቤት (ኦቻ) ፥ በደቡብ ኦሮሚያ ቦረና ዞን የተከሰተው ድርቅና የደህንነት ችግር በአስፈላጊ የጤና አገልግሎት ቀጣይነት ላይ እንቅፋት እየፈጠረ መሆኑን ገልጿል።

የትምህርት ማቋረጥ እየጨመረ ፣ የሰብል ምርት ኪሳራ እየታየ ፣ የዋጋ ጭማሪ እና የውሃ እጦት ችግር መቀጠሉ ሪፖርት እየተደረገ ነው ብሏል።

ኦቻ ለቦረና ድርቅ ምላሽ ለመስጠት የሰብአዊ ድጋፍ ቅንጅት እና ግብአት የማሰባሰብ ስራ ተጠናክሮ መቀጠል አለበት ሲል አስገንዝቧል።

የሰብዓዊ ድጋፍ አጋሮች ውስን የሆነ ምላሽ እየሰጡ ይገኛሉ ፤ ነገር ግን የፋይናንስ እና የሰው ኃይል አቅም እጦት ፈተና መሆኑን ኦቻ ገልጿል።

@tikvahethiopia

" ከ100 ቢሊዮን ብር በላይ ብድር እሰጣለሁ " - ንግድ ባንክ

የኢትዮጵያ ንግድ ባንክ በተያዘው በጀት ዓመት ለግሉ ዘርፍ፣ ለግብርና ግብዓትና ለመንግስት የልማት ድርጅቶች ከ100 ቢሊዮን ብር በላይ ብድር ለመስጠት መዘጋጀቱን አሳውቋል።

ከዚሁ ገንዘብ ውስጥ 25 ቢሊዮን ብር ለግሉ ዘርፍ፣ 30 ቢሊዮን ብር ለግብርና ግብዓት ሲሆን ቀሪው ለመንግስት የልማት ድርጅቶች የሚውል ነው።

ገንዘቡ ኢኮኖሚውን በከፍተኛ ሁኔታ ያነቃቃል፤ ለስራ ፈጠራ አስተዋጽኦ ያበረክታል ተብሏል።

መንግስት አስቀምጦት የነበረው የብድር ክልከላ መነሳት የአገሪቷን ኢኮኖሚ ለማነቃቃት ጉልህ ድርሻ እንደሚኖረው ተነግሯል ሲል ኢዜአ ዘግቧል።

@tikvahethiopia

#Update

በደብረ ብርሃን ከተማ ተቋርጦ የነበረው የባለ ሶስት እግር ተሽከርካሪ እና ታክሲ የከተማ ትራንስፖርት አገልግሎት ከነገ ታህሳስ 01/2014 ዓ.ም እንዲጀምር ኮማንድ ፖስቱ ወስኗል።

ምንጭ፦ የሰሜን ሸዋ ዞን ኮሚኒኬሽን

@tikvahethiopia

#Update

ከታህሳስ 2 ቀን 2014 ዓ.ም ጀምሮ ወደ አፋር ክልል መዲና ሰመራ እለታዊ የበረራ አገልግሎት እንደሚኖረው የኢትዮጵያ አየር መንገድ በዛሬው ዕለት አሳውቋል።

@tikvahethiopia

ወደሀገር ቤት ለምትመጡ፦

የኢሚግሬሽንና ዜግነት አገልግሎት እንግዶቹን ለመቀበል የተለያዩ ዝግጅቶችን እያደረገ መሆኑ ዋና ዳይሬክተር አቶ ሙጂብ ጀማል አሳውቀዋል።
በዚሁ መሰረት፦

• የትውልደ ኢትዮጵያዊ መታወቂያ የታደሰ ሆነ የአገልግሎት ግዜው ያለፈበት፣በልዩ ሁኔታ ትውልደ ኢትዮጵያዊያን ያለ ቪዛ ወደ ኢትዮጵያ መግባት ትችላላችሁ፤ የታደሰም ሆነ ግዜው ያለፈበትን መታወቂያ ኤርፖርት በኢሚግሬሽን ካውንተር ላይ ስለምትጠየቁ በእጅዎ መያዞትን አይዘንጉ።

• የሌላ አገር ፓስፖርት የያዛችሁና የትውልደ ኢትዮጵያዊ መታወቂያ አገልግሎት ለማግኘት የምትፈልጉ ትውልደ ኢትዮጵያዊያንና በውጭ አገር የምትኖሩ ኢትዮጵያዊያን የፓስፖርት እድሳት አገልግሎት ከፈለጋችሁ አስፈላጊ ሰነዶችን በማዘጋጀት www.digitalinvea.com/ ድህረ ገጽ ላይ ማመልከት የምትችሉ ሲሆን ተቋሙ በተለየ መልኩ ከ15 ቀን ባልበለጠ ግዜ ውስጥ እናንተ በሞላችሁት አድራሻ ድረስ በመላክ አገልግሎት ይሰጣል።

• ከዚህ በፊት የትውልደ ኢትዮጵያዊ መታወቂያ ያሌላችሁ ደንበኞች የቪዛ አገልግሎት ለማግኘት በ www.evisa.gov.et ድህረ ገጽ ላይ ማመልከት የምትችሉ ሲሆን፣በሂደቱ ለሚገጥማችሁ ማንኛውም ችግሮች support@evisa.gov.et በሚል የኢሜል አድራሻችን ላይ ጥያቄ ማቅረብ ትችላላችሁ።

• ጥሪ በተደረገበት የጊዜ ገደብ ውስጥ ወደ ሀገር ቤት ለምትገቡ ትውልደ ኢትዮጵያዊያን የመዳረሻ ቪዛ/on arrival visa/ አገልግሎት የምንሰጥ ሲሆን፣ ኤርፖርት ላይ የሚቆዩትን ግዜና ድካም ለመቀነስ በኦንላይን ላይ ቀድሞ ቢያመለክቱ ይበረታታል።

@tikvahethiopia