" የጦር መሳሪያ ምዝገባ እስከ ነገ ድረስ ተራዝሟል " - ዶ/ር ቀነዓ ያደታ

በአዲስ አበባ የጦር መሳሪያ እንዲመዘገብ ትናንት በተላለፈው ጥሪ መሰረት ነዋሪዎች በከተማዋ በሚገኙ ፓሊስ ጣቢያዎች በመቅረብ እያስመዘገቡ ይገኛሉ።

የአዲስ አበባ ከተማ ሰላም እና ጸጥታ ቢሮ ኃላፊ ዶ/ር ቀነዓ ያደታ ለኢፕድ በሰጡት ቃል ፤ የከተማዋን ሰላም የበለጠ ለማረጋገጥ ማንኛውም ግለሰብ በእጁ የሚገኝ የጦር መሳሪያ ከዚህ ቀደም ቢመዘገብም ባይመዘገብም እንደ አዲስ እንዲያስመዘግብ ቢሮው ጥሪ ማቅረቡ አስታውሰዋል።

ይህንን ጥሪ ተከትሎ መሳሪያ ያላቸው የከተማዋ ነዋሪዎች በእጃቸው የሚገኘውን የጦር መሳሪያ ወደየፖሊስ ጣቢያዎች በመቅረብ እያስመዘገቡ ይገኛሉ ሲሉ አሳውቀዋል።

አስቀድሞ በተላለፈው ጥሪ መሰረት ምዝገባው ትናንት እና ዛሬ ብቻ የሚከናወን ቢሆንም ምዝገባው የተጀመረው ትናንት ከሰአት በኋላ በመሆኑ የጦር መሳሪያ ምዝገባው እስከ ነገ ተራዝሟል ብለዋል ዶ/ር ቀነዓ።

Credit : ኢፕድ

@tikvahethiopia

አድሎ ፈፃሚዎቹ የሰብዓዊ እርዳታ ድርጅቶች !

አማራ ክልል በሚሊዮን የሚቆጠሩ ሰዎች ችግር ላይ በወደቁበት በዚህ ወቅት አንዳንዱ አይቶ እንዳላየ ሰምቶ እንዳልሰማ ሲያልፍ አንዳንዶቹ ደግሞ ቃል ከመግባት የዘለለ መሬት የወረደ ስራ ሲሰሩ አይታይም።

5 ሚሊዮን ህዝብ ችግር ላይ ይገኛል፤ የዓለም አቀፍ ረጂ ተቋማት ሆኑ የውጭ ሚዲያዎች ይህን ጉዳይ አላስጨነቃቸውም ፤ ምክንያቱን ጊዜ ይፈታዋል።

የአማራ ክልል አደጋ መከላከል ምግብ ዋስታና እና ልዩ ድጋፍ የሚሹ ኮሚሽን ሰብዓዊ ድጋፍ ለማድረግ የተቋቋሙ ዓለም አቀፍ ተቋማት የተቋቋሙበት ዓለም አቀፋዋ ህግጋትን ወደጎን ትተው አድሎ ሲፈፅሙ መመልከቱ እንዳሳዘነው ገልጿል።

በተደጋጋሚ የዩኒሴፍ ፣ የWFP ፣ የUNOCHA ካንትሪ ዳይሬክተሮች ወደ አማራ ክልል ሄደው ውይይት አድርገዋል፤ ክልሉ ያለውን ችግር እና ስፋት በአግባቡ እንዲያዩት ተደርገዋል።

እስካሁን ግን አንድም ምላሽ አልተደረገም።

የክልሉ መንግስት መሰረታዊ የገለልተኝነት ችግር አለ ብሎ ያምናል።

ሰብዓዊነት ዘርን፣ ቀለምን፣ ሃይማኖትን፣ የፖለቲካ ልዩነትን የሚጠይቅ ጉዳይ አይደለም፤ ተቋማቱም ሲቋቋሙ ዘርን ሃይማኖትን ፣ ብሄርን፣ የፖለቲካ አመለካከትን ማዕከል አድርገው ድጋፍ ለማድረግ አይደለም የተቋቋሙት፤ ሰብዓዊነት ሁሉም ሰው በመሆኑ ብቻ የሚደረግ ድጋፍ ነው።

ተቋማቱ ኃላፊነታቸውን እየተወጡ አይደለም።

የሰብዓዊ ድርጅቶቹ በዓለም አቀፍ ድንጋጌ መሰረት ችግር ላይ ያሉ 5 ሚሊዮን ዜጎችን የመታደግ ኃላፊነት አለባቸው።

የአማራ ክልል አሁንም ተቋማቱ ከተቋቋሙበት ዓላማ አንፃር ኃላፊነታቸውን በተገቢው መንገድ እንዲወጡና ህዝቡ ላይ እየደረሰ ያለውን ስቃይ እንዲታደጉ ጥሪ አቅርቧል።

@tikvahethiopia

ፎቶ ፦ ፌልትማን ኢትዮጵያ ገብተዋል።

የአሜሪካ የአፍሪካ ቀንድ ልዩ መልዕክተኛ የሆኑት ጄፍሪ ፌልትማን ዛሬ ኢትዮጵያ (አዲስ አበባ) ገብተዋል፤ ወደ ኢትዮጵያ ከገቡ በኃላም ከሙሳ ፋኪ ማሃመት ጋር ተገናኝተው መክረዋል።

የአፍሪካ ህብረት ኮሚሽን ሊቀመንበር ሙሳ ፋኪ ማሃማት ፌልትማንን በይፋዊ የትዊተር ገፃቸው ጄፍሪ ፌልትማንን በቢሯቸው ተቀብለው በ #ኢትዮጵያ እና #ሱዳን ወቅታዊ ጉዳዮች ዙሪያ መምከራቸውን አሳውቀዋል።

Credit : Moussa Faki Mahamat (Twitter)

@tikvahethiopia

#ማስጠንቀቂያ

በሀረሪ ክልል የህክምና ቁሳቁሶችን ላይ ያልተገባ የዋጋ ጭማሪ በማድረግ የሚሸጡ መድሃኒት መደብሮችን ከእኩይ ተግባራቸድ እንዲቆጠቡ የክልሉ ጤና ቢሮ አሥጠንቅቋል።

ቢሮው ፥ በጤና ባለሞያዎች የታዘዙ የመድሃኒት ምርቱ እያለ የለም በማለት እና ለህብረተሰቡ በተጋነነ ዋጋ በማቅረብ የግል ጥቅማቸውን የሚያሯሩጡ መድሀኒት መደብሮች ከዚህ እኩይ ተግባር ሊቆጠቡ ይገባል ብሏል።

በተያያዘ በጤና ባለሞያዎች ያልታዘዙ መድሃኒቶችን በግድ የለሽነት የሚሸጡ የግል መድሃኒት መደብሮች ህጋዊ እርምጃዎችን እንደሚወስድ ቢሮው አሳውቋል።

መድሀኒት ላይ ያልተገባ የዋጋ ጭማሪ በማድረግ የሚሸጡ መድሃኒት መደብሮችን ህብረተሰቡ በማጋለጥ የበኩሉን እንዲወጣ ሲል የክልሉ ጤና ቢሮ መልዕክት አስተላልፏል።

@tikvahethiopia

#HappeningNow

ለዲፕሎማቲክ ማህበረሰብ ማብራሪያ እየተሰጠ ነው።

በአሁን ሰዓት መቀመጫቸውን አዲስ አበባ ላይ ላደረጉ የዲፕሎማቲክ ማህበረሰብ አባላት በወቅታዊ ጉዳይ ላይ ማብራሪያ እየተሰጠ ይገኛል።

ማብራሪያው በኢፌዴሪ ውጭ ጉዳይ ሚንስትር ዴኤታ አምባሳደር ሬድዋን ሁሴን እና በፍትህ ሚንስትሩ ዶክተር ጌዲዮን ጢሞቲዎስ ነው እየተሰጠ የሚገኘው።

አምባሳደር ሬድዋን ሁሴን ማብራሪያው የዲፕሎማቲክ ማህበረሰቡ በወቅታዊ ጉዳይ ላይ በቂ ግንዛቤ እንዲኖራቸው እና ብዥታውን ለማጥራት ይረዳል ብለዋል። በሃገሪቱ ላይ የተጋረጠውን ፈተና ለመከላከል የአስቸኳይ ጊዜ አዋጅ ማወጁ እንዳስፈለገም ተናግረዋል።

በአስቸኳይ ጊዜ አዋጁ ላይ የፍትህ ሚንስትሩ ዶክተር ጌዲዮን ማብራሪያ እየሰጡ ይገኛሉ።

Credit : ኤፍቢሲ

@tikvahethiopia