#AddisAbaba

በቂርቆስ እና በአዲስ ከተማ ክፍለ ከተማ ህገ- ወጥ የጦር መሳሪያ በተሸከርካሪ ጭነው ሲንቀሳቀሱ የነበሩ 3 ግለሰቦች ተይዘዉ ምርመራ እየተጣራ መሆኑን የአዲስ አበባ ፖሊስ አስታወቀ፡፡

ህገ ወጥ የጦር መሳሪያ የተያዘው በቂርቆስ ክ/ከተማ ወረዳ 7 ልዩ ቦታው ለገሀር ተብሎ ከሚጠራው አካባቢ ጥቅምት 19 ቀን 2014 ዓ.ም ነው፡፡

በኮድ 3 " A.21299 አ/አ " አይሱዙ ከሸዋ ሮቢት ተነስቶ መዳረሻውን አዲስ አበባ መሳለሚያ ሊያደርግ የነበረው ተሽከርካሪ የተሽከርካሪዎች መፍቻ ማስቀመጫ የብረት ሳጥን በኩል ሻግ በማሳራት 3 መትረየሥጠብ-መንጃ ከመሰል አንድ ጥይትና ባዶ የጥይት ማስቀመጫ ዝናር ጋር ተይዟል።

ህገ- ወጥ የጦር መሳሪያው ፣ተሽከርካሪው እንዲሁም 2 ተጠርጣሪዎችን ተይዘው አስፈላጊውን ምርመራ እያጣራ መሆኑን አዲስ አበባ ፖሊስ ገልጿል፡፡

በተመሳሳይ በአዲስ ከተማ ክ/ከተማ ወረዳ 7 ልዩ ቦታው መሳለሚያ እህል በረንዳ ተብሎ ከሚጠራው አካባቢ ኮድ 1. 34301 አ/አ ላዳ ታክሲ ውስጥ በመዳበሪያ ተፈታቶ የተቀመጠ 1 ኤስ ኬኤስ ህገ ወጥ የጦር መሳሪያ ይዞ ሲያሽከረክር የነበረው አሽከርካሪ ተይዞ ምርመራ እየተጣራ መሆኑን የአዲስ አበባ ከተማ ፖሊስ አሳውቋል።

ህገወጥ የጦር መሳሪዎቹ የተያዙት የብሄራዊ መረጃ እና ደህንነት አገልግሎት ከአዲስ አበባ ፖሊስ ጋር በመቀናጀት ባደረጉት ክትትል ነው።

@tikvahethiopia

ሰሜን እዝ ላይ የተፈፀመው ጥቃት 1ኛ ዓመት እየታሰበ ነው።

የኢትዮጵያ ሀገር መከላከያ ሰራዊት የሰሜን እዝ ላይ የተፈፀመበት ጥቃት አንደኛ አመት እየታሰበ ይገኛል።

በመርሃ ግብሩ በመከላከያ ሚኒስቴር ግቢ ውስጥ እየተካሄደ ሲሆ በመርሃ ግብሩ ላይ ፦
- ጠ/ሚ ዶ/ር ዐቢይ አሕመድ፣
- ቀዳማዊት እመቤት ዝናሽ ታያቸው፣
- የጦር ኃይሎች ጠቅላይ ኢታማዦር ሹም ጀነራል ብርሃኑ ጁላ፣
- የመከላከያ ሚኒስትር ዶ/ር አብርሃም በላይ እና ሌሎች የስራ ኃላፊዎች ተገኝተዋል፡፡

የዛሬው ዕለት ‹‹አልረሳውም እኔም የኢትዮጵያ ሰራዊት ነኝ›› በሚል መሪ ቃል እየተከበረ ሲሆን ጠቅላይ ሚኒስትሩ በተገኙበት መርሃ ግብር ላይም የአንድ ደቂቃ የህሊና ጸሎት እና በጧፍ ማብራት ስነ ስርዓት ተካሂዷል።

በተጨማሪም ዛሬ ጥዋት የጠቅላይ ሚኒስትር ዶክተር ዐቢይ አህመድ ባይፋዊ የማህባራዊ ትስስር ገፃቸው ዕለቱን አስመልክተው መልዕክት አስተላልፈዋል (ከላይ ተያይዟል)።

የኢትዮጵያ መንግስት ልክ የዛሬ ዓመት ህወሓት ሰሜን ዕዝን ከጀርባ መውጋቱን መግለፁ አይዘነጋም።

ምንም እንኳን በተለያዩ የፖለቲካ ጉዳዮች ውጥረት ውስጥ የነበረው የፌዴራል መንግስቱ እና የህወሓት ግኝኑነት ጥቅምት 24 ቀን 2014 ህወሓት ሰሜን እዝን በመውጋቱና በማጥቃቱ ዛሬም ድረስ ለዘለቀው ጦርነት መነሻ ዋነኛው ምክንያት ሆኗል።

@tikvahethiopia

#Update

የአስቸኳይ ጊዜ አዋጁ ነገ በህዝብ ተወካዮች ም/ቤት ይፀድቃል።

በሃገር ህልውናና ሉአላዊነት ላይ የተደቀነውን አደጋ ለመከላከል በሚኒስትሮች ምክር ቤት የተዘጋጀ የአስቸኳይ ጊዜ አዋጅ ነገ ለም/ቤቱ ቀርቦ ውይይት ከተደረገበት በኃላ ይፀድቃል ተብሎ ይጠበቃል፡፡

በኢፌደሪ ህገ መንግስት አንቀጽ 93/1 ፦

• የውጪ ወረራ ሲያጋጥም ወይም ህገ መንግስታዊ ሥርዓቱን አደጋ ላይ የሚጥል ሁኔታ ሲከሰትና በተለመደው የህግ ማስከበር ስርዓት ለመቋቁም የማይቻል ሲሆን፣

• ማንኛውም የተፈጥሮ አደጋ ሲያጋጥም ወይም የህዝብን ጤንነት አደጋ ላይ የሚጥል በሽታ ሲከሰት፣ የፌዴራሉ መንግስት የሚኒስትሮች ም/ቤት የአስቸኳይ ጊዜ አዋጅ የማውጣት ሥልጣን እንዳለው ይደነግጋል፡፡

በዚሁ አንቀጽ 2(ሀ) የሕዝብ ተወካዮች ም/ቤት በሥራ ላይ ባለ ጊዜ የታወጀ ከሆነ በታወጀ በ48 ሰዓታት ውስጥ ለሕዝብ ተወካዮች ም/ቤት መቅረብ አለበት በሚል ተደንግጓል ፡፡

በዚህም በሚኒስትሮች ም/ቤት የተዘጋጀው የአስቸኳይ ጊዜ አዋጅ ነገ ለም/ቤቱ ቀርቦ ውይይት ከተደረገበት በኃላ ይፀድቃል ተብሎ ይጠበቃል፡፡

ምንጭ፦ የህዝብ ተወካዮች ምክር ቤት

@tikvahethiopia

#ሪፖርት

በትግራይ ግጭት ሁሉም አካላት ሰብዓዊ መብቶች ጥሰት ፈፅመው መገኘታቸውን የጋራ ሪፖርቱ አመላክቷል።

ተፈፅመዋል የተባሉ ጥሰቶች ፦

• ከሕግ ውጪ ግድያና ርሸና፣
• ማሰቃየት፣
• ወሲባዊና ጾታዊ ጥቃቶች፣
• በስደተኞች ላይ የተፈጸሙ ግፎች እንዲሁም ሰላማዊ ሰዎችን በኃይል ማፈናቀል ይገኙበታል።

በጋራ የምርመራ ሪፖርቱ ከቀረቡት ክስተቶች መካካል በጥቂቱ ፦

በማይካድራ "ሳምረ" በተባለ ቡድን የተፈጸመ ጥቃት ይገኝበታል ፤ ምንም እንኳን ቁጥሩን እርግጠኛ ለመሆን ባይቻልም ከ200 በላይ ሰዎች በዚህ ጥቃት ተገድለው በጅምላ መቃብሮች መቀበራቸውን ተመላክቷል።

የመከላከያ ሠራዊት እና የአማራ ልዩ ኃይል ከተማውን በተቆጣጠሩባቸው ቀጣይ ቀናት የትግራይ ተወላጅ የሆኑ የማይካድራ ከተማ ነዋሪዎች ላይ የበቀል ግድያዎች መፈጸማቸውን እና የፋኖ ሚሊሺያዎችም በግድያው መሳተፋቸውን ሪፖርቱ ያስረዳል።

በአክሱም ከተማ የኤርትራ ሠራዊት አባላት ከ100 በላይ ሲቪሎችን መግደላቸውን፤ በወቅቱ የኢትዮጵያ መከላከያ ሰራዊት አባላት ግድያዎቹ ሲፈጸሙ ጣልቃ ሳይገቡ መቅረታቸውን ሪፖርቱ ገልጿል።

በቦራ አምደውሃ ፣ በቦራ ጫማላ እና ማኢ ሊሃም ከተሞች ከ70 በላይ ሲቪሎች በመከላከያ ሠራዊት መገደላቸውን የጋራ ሪፖርቱ ገልጿል።

እነዚህን እና ሌሎች የግድያ ማስረጃዎችን በመያዝ የሕግ ትንታኔ የሰጠው የምርመራ ቡድኑ በዚህ ጦርነት ውስጥ "የጦር ወንጀሎች" ተፈጽመው ሊሆን እንደሚችል ጠቁሟል።

#EHRC #OHCHR

@tikvahethiopia

የጠቅላይ ሚኒስትሩ ምላሽ !

ጠ/ሚ ዶክተር ዐቢይ አህመድ ዛሬ የወጣውን የጋራ ሪፖርት በተመለከተ ምላሽ ሰጥተዋል።

TPLF በትግራይ ክልል በቀሰቀሰው ግጭት ወቅት የዘር ማጥፋት ተፈጽሟል በሚል ያናፈሰው የሐሰት ውንጀላ ተጨባጭ መሠረት እንደሌለው በቡድኑ የጋራ ምርመራ በግልፅ ተረጋግጧል ብለዋል።

ቡድኑ ባወጣው ሪፖርት መሰረትም መንግስት ረሃብን 'የጦርነት መሳሪያ' አድርጎ ይጠቀምበታል የሚለውን ተደጋጋሚ ክስ በአሳማኝ ማስረጃ ላይ ያልተመሰረተ ሲል መደምደሙ ይፋ ባደረገው መግለጫ ተመላክቷል ሲሉ ገልፀዋል።

ከዚሁ ጋር በተያያዘ በትግራይ ውስጥ ሆን ተብሎ መንግስት ለህዝቡ የሰብአዊ እርዳታ እንዳይደርስ ከልክሏል በሚል የቀረበውን ክስ የሚያረጋግጥ ማስረጃ እንዳላገኘ በሪፖርቱ እንደማለከተ አንስተዋል።

ጠቅላይ ሚኒስትሩ፤ ''እነዚህ ውንጀላዎች ውሸት መሆናቸውን እናውቃለን፣ ነገር ግን ጠላቶቻችን አለም አቀፉን ማህበረሰብ ለማሳሳት ደከመኝ ሰለቸኝ ሳይሉ ሰርተዋል'' ብለዋል።

በሪፖርቱ ላይ አንዳንድ ጥርጣሬዎች ቢኖሩንም ሪፖርቱን እንደ ጠቃሚ ሰነድ ተቀብለነዋል፤ ለተጎጂዎች መፍትሄ ለመስጠት፣ ተጠያቂነትን ለማረጋገጥ ይሰራል ብለዋል።

አክለውም የሁለቱ ተቋማት አመራሮች እና ሰራተኞች በጣም አስቸጋሪ በሆኑ ሁኔታዎች ውስጥ ሆነው ሙያዊና ተዓማኒ የሆነ የሰብአዊ መብት ምርመራ ለማካሄድ ላደረጉት ጥረት ምስጋና አቅርበዋል።

* ሙሉ ምላሻቸው ከላይ ተያይዟል።

#ENA

@tikvahethiopia