" ... ተማሪዎቹ ላይ ስለተፈጠረው ድንገተኛ ሁኔታ በባለሞያ ተረጋግጦ ይገለፃል " - ኮማንደር ሽፈራው ጉቱ

በአዲስ አበባ ንፋስ ስልክ ላፍቶ ክ/ከተማ ወረዳ አንድ በሚገኘው ሀና የመጀመሪያ ደረጃ የመንግስት ትምህርት ቤት የሚማሩ ተማሪዎች ባልታወቀ ምክንያት በድንገት መታመማቸውን ተሰምቷል።

በርካታ ተማሪዎች በአምቡላንስ መወሰዳቸውን ለማወቅ ተችሏል።

የንፋስ ስልክ ላፍቶ ክፍለ ከተማ ፖሊስ መምሪያ ኃላፊ ኮማንደር ሽፈራው ጉቱ ለሸገር ኤፍ ኤም 102.1 በሰጡት ቃል በትምህርት ቤቱ ዛሬ ማለዳ 3:30 አካባቢ ተፈጥሯል ስላሉት ሁኔታ አስረድተዋል።

ተማሪዎች ቁርሣቸውን በልተው ወደመማሪያ ክፍል ከገቡ በኃላ በመጀመሪያ ሁለት ከዛም በተከታታይ በርካታ ተማሪዎች በድንገት መውደቃቸውን ኮማንደር ሽፈራው አሳውቀዋል።

ብዛታቸው በውል ያልታወቀ ተማሪዎች በአምቡላንስ ወደ ጤና ተቋም እንዲሄዱ መደረጉን ገልፀዋል።

ተማሪዎቹ ላይ ስለተፈጠረው ሁኔታ በባለሞያ ተረጋግጦ እንደሚገለፅ ኮማንደር ሽፈራው ለሬድዮ ጣቢያው ተናግረዋል።

የክፍለ ከተማው የጤና ፅ/ቤት ለሬድዮ ጣቢያው በሰጠው ቃል የተማሪዎቹ የህመም መነሻ እስካሁን አልታወቀም ብሏል።

Credit : ሸገር ኤፍ ኤም 102.1
Photo : Ermo Hailu

@tikvahethiopia

#የምርመራ_ሪፖርት

ፍትህ ሚኒስቴር በአማራ ክልል በሰሜን እና ደቡብ ጎንደር ዞኖች እንዲሁም በአፋር ክልል በሚገኙ ወረዳዎች በንጹሃን ዜጎች ላይ የተፈጸመውን ወንጀል ምርመራንና የመጀመሪያ ደረጃ ግኝቶችን አስመልክቶ ዛሬ መግለጫ ሰጥቷል።

ምርመራው የተካሄደው በህወሃት ተይዘው በነበሩና በኃላም ነጻ በወጡ አካባቢዎች ነው።

በዚህ መሰረት ህወሓት በሰሜን ጎንደር ዞን ለጊዜው በዝርዝር ማስረጃ የተለዩ፦
- የ96 ሰዎች ሞት
- 53 የአካል ጉዳት
- 29 አስገድዶ መደፈር
- 11 ኢ-ሰብዓዊ አያያዝ
- 6 እገታ እንዲሁም የመንግስት፣ የግልና የሀይማኖት የተለያዩ ተቋማት ንብረቶች ላይ መጠነ ሰፊ ዘረፋና ውደመት ፈፅሟል ሲል ሚኒስቴሩ አሳውቋል።

በደቡብ ጎንደር ዞን ባሉ አምስት ወረዳዎች በድምሩ፦
- የ129 ሰዎች ሞት
- የ54 ሰዎች የአካል ጉዳት
- በንፋስ መውጫ ከተማ ብቻ የ73 ሴቶች የአስገድዶ መድፈር ወንጀል እንዲሁም በርካታ ግለሰቦች ንብረት ላይ ውድመት መድረሱ ተገልጿል።

በአፋር ክልል ነሃሴ 29/2013 ዓ.ም በጋሊኮማ ቀበሌ መጠለያ ጣቢያ ላይ በተፈጸመ ጥቃት፦
- የ240 ሰዎች ሞት
- 42 ሰዎች የአካል ጉዳት ደርሶባቸዋል።

በቀሪዎቹ ሶስት ወረዳዎች ደግሞ የ17 ሰዎች ሞት እና ለ17 ሰዎች የአካል ጉዳት እንዲሁም 7 ሴቶች የአስገድዶ መድፈር ወንጀሎች ተፈፅሟል።

በሁለቱም ክልሎች በሰላማዊ ዜጎች ንብረት ላይ በመንግስት እና በግል ተቋማት ላይ ዘረፋና ውድመት በስፋት መድረሱን ሚኒስቴሩ ገልጿል።

በአጠቃላይ ምርመራው በሂደት ላይ ያለ መሆኑን ሚኒስቴሩ ገልጿል።

እስከ አሁን በተደረሰበት ግን ሁለቱም ክልሎች በተፈጸሙት የወንጀል ድርጊቶች 482 ሞት፣ 165 የአካል ጉዳት እና 109 የአስገድዶ መድፈር ኢሰብዓዊ ድርጊቶች መፈጸማቸው በሪፖርቱ ተመላክቷል። #አልዓይን

@tikvahethiopia

#WHO : ዶ/ር ቴድሮስ አድሃኖም ገብረእየሱስ ለዓለም ጤና ድርጅት (WHO) ዋና ዳሬክተርነት ብቸኛ እጩ ሆነው መቅረባቸውን የዲፕሎማቲክ ምንጮችን ጠቅሶ ሲጂቲኤን አፍሪካ በሰበር ዜናው ዘግቧል።

@tikvahethiopia

#ተጨማሪ

" ጥሩነሽ ቤጂንግ ሆስፒታል " ለህክምና 98 ተማሪዎች የመጡ ሲሆን ምርመራ ከተደረገላቸዉ ሴት 47 እና 51 ወንድ በአጠቃላይ 98 ተማሪዎች የመደንገጥና ከመጠነኛ ማስታወክ ስሜት ዉጭ የከፋ ኬዝ አለመኖሩን ነገር ግን ሁለት ተማሪዎች ብቻ መጠነኛ ህመም እንዳጋጠማቸው ሆስፒታሉ አሳውቋል።

ሆስፒታሉ ይህን ያሳወቀው ለኢትዮ ኤፍ ኤም 107.8 ሬድዮ ነው።

የሆስፒታሉ ሥራ አስኪያጅ የሆኑት ዶክተር ሳምሶን ጉታ ለሬድዮ ጣቢያው በሰጡት ቃል የዛሬው ክስተት ለከፋ ጉዳት የሚዳርግ አለመሆኑን እና የሞተ ተማሪ አለመኖሩን ገልፀዋል።

ዶ/ር ሳምሶን ወደ ሆስፒታሉ የገቡ ተማሪዎች ምርመራ እየተደረገላቸዉ መሆኑን ሁሉም ተማሪዎች ጥሩ ሁኔታ ላይ እንደሚገኙ ገልፀዋል።

በምግቡ ላይ የተከሰተዉን ሁኔታ በባለሙያ ጥናት ተደርጎ ይረጋገጣል ፤ ለህብረተሰቡም ይፋ ይደረጋል ያሉ ሲሆን ወላጆች እንዲረጋጉ መልዕክታቸዉን አስተላልፈዋል።

በሌላ በኩል ፦

ዶ/ር ሙልጌታ እንዳለ የአዲስ አበባ ጤና ቢሮ ምክትል ቢሮ ኃላፊ ፤ 714 ተማሪዎች ወደ ህክምና ማዕከላት ሄደው በተደረገላቸው ምርመራ 7 ተማሪዎች ላይ ከታየ የማስመለስ ምልክት በስተቀር በሌሎቹ ላይ ምንም አይነት ከምግብ መመረዝ ጋር የተገናኘ ችግር አላጋጠመም ብለዋል።

የሰባቱ ተማሪዎች የድምና ሰገራ ናሙና ተወስዶ ተጨማሪ ምርመራ እየተደረገ መሆኑንና ውጤቱም እንደታወቀ ለህብረተሰቡ ይገለፃል ሲሉ አሳውቀዋል።

@tikvahethiopia

#Update

የተባበሩት መንግስታት ድርጅት ለዓለም ጤና ድርጅት ኃላፊነት ዶ/ር ቴድሮስ ብቸኛ እጩ መሆናቸውን አረጋገጠ።

ከሰዓታት በፊት CGTN Africa ዶ/ር ቴድሮስ አድሃኖም ለዓለም ጤና ድርጅት ዳይሬክተርነት ብቸኛ እጩ ሆነው መቅረባቸውን ዲፕሎማቲክ ምንጮችን ዋቢ አድርጎ መዘገቡ ይታወሳል።

የተባበሩት መንግስታት ድርጅት ፥ የዓለም ጤና ድርጅት ዋና ኃላፊው ዶ/ር ቴድሮስ አድኃኖም ለቀጣይ ዙር ብቸኛ ተወዳዳሪ መሆናቸውን አረጋግጧል።

ዶ/ር ቴድሮስ በማመልከቻ ጽሑፋቸው ላይ ኮቪድ-19 ወረርሺኝ ዓለምን ማንኮታኮቱን ገልፀው በሁለተኛ ዙር የሥልጣን ዘመናቸው ዓለማችንን ለመሰል ወረርሺኝ "የምር ዝግጁ" መሆኗን ማረጋገጥ ፍላጎታቸው መሆኑን ገልፀዋል።

@tikvahethiopia

ዕለታዊ የኮቪድ-19 ሪፖርት #Ethiopia ፦

ባለፉት 24 ሰዓት ውስጥ 9 ሰዎች ሲሞቱ ከተደረገው 7,753 የላብራቶሪ ምርመራ 478 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 435 ሰዎች በፅኑ ታመዋል።

#ጥንቃቄ 😷 #TikvahFamily

@tikvahethiopia