#Balderas

ባልደራስ ፓርቲ በአቶ እስክንድር ነጋ ላይ ስለተፈጸመው ድብደባ ጠቅላይ አቃቤ ህግ አስቸኳይ ማብራሪያ እንዲሰጥ ጠየቀ።

ፓርቲው ይህን የጠየቀው በይፋዊ ማህበራዊ ትስስር ገፁ ላይ ባሰራጨው መልዕክት ነው።

ባልደራስ ፥ አቶ እስክንድር ነጋ በሚኖሩበት ቂሊንጦ ወህኒ ቤት ውስጥ ጥቅምት 11/2014 ዓ.ም. ንጋት 12፡20 ደቂቃ ላይ ከፍተኛ ድብደባ እንደተፈፀመባቸው ገልጿል።

አቶ እስክንድር ነገ ወህኒ ቤት ውስጥ በተደራጀ የውንብድና ቡድን መደብደባቸውን ከአቶ እስክንድር ጋር በእስር ላይ የሚገኙት አቶ ስንታየሁ ለፍርድ ቤት መናገራቸው ተመላክቷል።

አቶ እስክንድር በተፈጸመባቸው ድብደባ ግንባራቸው፣ ዓይናቸው አካባቢ እና ጉልበታቸው ጉዳት የደረሰባቸው መሆኑን ፓርቲው ማረጋገጡን ገልጿል።

ለደረሰባቸው ጉዳት የተደረገላቸው ህክምና አለመኖሩም ተመላክቷል።

ባልደራስ ፓርቲ አቶ እስክንድር በአስቸኳይ ቤተሰቦቻቸው ወደ መረጡት ሆስፒታል ተወስደው እንዲታከሙ የጠየቀ ሲሆን ስለተፈጸመው ከባድ ድብደባ ጠቅላይ አቃቤ ህግ በቀጥታ ለሕዝብ መግለጫ እንዲሰጥ ጠይቋል።

የአቶ እስክንድር ጠበቃ ሄኖክ አክሊሉ ለቪኦኤ በሰጡት ቃል ፥ አቶ እስክንድር ድብደባ የተፈጸመባቸው ከዚህ ቀደምም ያሰጓቸው ስለነበር ወደ ሌላ ማረሚያ ቤት ከተወሰዱ በኋላ በድጋሚ ወደ ቂሊንጦ በተመለሱ 2 ግለሰቦች ነው ብለዋል።

በጉዳዩ ላይ አስተያየት የሰጡት የመንግሥት የኮሙኒኬሽን አገልግሎት ሚኒስትር ዶ/ር ለገሰ ቱሉ ፥ ክስተቱ በግለሰቦች መካከል የተፈጠረ አለመግባባት እንጂ ሆነ ተብሎ አቶ እስክንድርን ለማጥቃት ታስቦ የተደረገ አይደለም ብለዋል፡፡

@tikvahethiopia

#JigjigaUniversity

የጅግጅጋ ዩኒቨርሲቲ በ2014 ዓ/ም " የነዳጅ ምህንድስና/ ፔትሮሊየም ኢንጅነሪንግ " የአዲስ የትምህርት ፕሮግራም ሊጀምር መሆኑን አስታወቀ።

የጅግጅጋ ዩኒቨርሲቲ ፕሬዚዳንት ዶክተር በሽር አብዱላሂ ለኢፕድ በሰጡት ቃል፥ በሶማሌ ክልል ካሉት የተፈጥሮ ሀብቶች መካከል አንዱ የነጭና የተፈጥሮ ጋዝ ክምችት ነው ብለዋል።

ይህን የተፈጥሮ ሀብት አልምቶ ጥቅም ላይ ለማዋል የሚደረገው እንቅስቃሴም በእውቀትና በምርምር የታገዘ ለማድረግም ዩኒቨርሲቲው በዚህ ዓመት የፔትሮሊየም ኢንጅነሪንግ የትምህርት ፕሮግራም መስጠት ይጀምራል ሲሉ አሳውቀዋል።

Credit : ኢፕድ

@tikvahethiopia

#AddisAbaba : የ12ኛ ክፍል ብሄራዊ ፈተና በስኬት እንዲጠናቀቅ የቅድመ ዝግጅት ስራዎች በመከናወን ላይ እንደሚገኝ ተገልጿል።

የአዲስ አበባ ከተማ አስተዳደር ትምህርት ቢሮ የ12ኛ ክፍል ብሄራዊ ፈተናን ለማስፈጸም በከተማ አስተዳደሩ ከተዋቀረው የኮማንድ ፖስት አባላት ጋር ውይይት ተካሂዷል፡፡

ከጥቅምት 29 - ህዳር 2 ቀን 2014 ዓ.ም ድረስ በሀገር አቀፍ ደረጃ የሚሰጠዉ የ12ኛ ክፍል ብሄራዊ ፈተና ስኬታማ ሆኖ እንዲጠናቀቅ የተለያዩ የቅድመ ዝግጅት ስራዎች በመሰራት ላይ መሆናቸዉን የአዲስ አበባ ከተማ ትምህርት ቢሮ አስታውቋል፡፡

ብሄራዊ ፈተናው በከተማ ደረጃ በስኬት እንዲጠናቀቅ የተለያዩ የቅድመ ዝግጅት ስራዎች ተከናውነዋል ያሉት የትምህርት ቢሮ ኃላፊ አቶ ዘላለም ሙላቱ አንዳንድ የግል ትምርት ቤቶች ግን እስከ አሁን አድሚሽን ካርድ ለተማሪዎች አለማድረሳቸውን ጠቁመዋል፡፡

በአዲስ አበባ ከተማ በ62 የፈተና ጣቢያዎች 36,415 ተማሪዎች የ12ኛ ክፍል ብሄራዊ ፈተና ፈተና እንደሚወስዱ እና ይህንንም የሚመሩና የሚያስተባብሩ 2ሺ 600 የፈተና አስፈጻሚዎች ምልመላ መካሄዱን ቢራ ገልፆል፡፡

መረጃው የአ/አ ከተማ ፕሬስ ሴክሬተሪያት ነው።

@tikvahethiopia

የቅዱስ ሲኖዶስ ምልአተ ጉባኤ !

በሰላም እጦትና አለመረጋጋት ሳቢያ በንፁሃንና በሀገር ደህንነት ላይ እየደረሰ ያለው ጉዳት እንዲያበቃ ህዝበ ምዕመኑ ፀሎትና ተማፅኖውን እንዲያበረታ የኢትዮጵያ ኦርቶዶክስ ተዋህዶ ቤተክርስቲያን ጥሪ አቅርባለች።

ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ የቅዱስ ሲኖዶስ ዓመታዊ ምልዓተ ጉባዔን አስጀምረዋል።

ምዕመናንና ሀገርን መጠበቅ ሰላምን መሻት የቅድስት ቤተክርስቲያን ግብርና ተልዕኮ ነው ያሉት ብፁዕነታቸው ለወገን ሰላም የሃይማኖት አባቶችና አብያተ ክርስቲያናት ተግተው እንዲፀልዩ አሳስበዋል።

ሰላም ለመንፈሳዊም ለዓለማዊ እንቅስቃሴ እጅጉን አስፈላጊ ነው ያሉት ፓትሪያርኩ በተወሰኑ አካባቢዎች ባለው የሰላም እጦት ሳቢያ በዜጎች ላይ እየደረሰ ያለው ጉዳት እንዲያበቃ ምዕመኑ ፀሎትና ልመናውን እንዲያጠናክር ጥሪ አቅርበዋል።

በየዓመቱ ጥቅምት 12 የሚካሄደው የቅዱስ ሲኖዶስ ምልዓተ ጉባዔ መካሄድ ጀምሯል።

Credit : AMN

@tikvahethiopia

" ... በራሳቸው ምክንያት ካልሆነ በስተቀር የአየር ድብደባውና የሰብአዊ እርዳታ ጫኝ አውሮፕላን እንቅስቃሴ አይገናኝም " - ዶ/ር ለገሰ ቱሉ

ዛሬ ሮይተርስ 2 የሰብአዊ እርዳታ ሰራተኞችን ጠቅሶ እንደዘገበው፤ የተመድን የሰብአዊ እርዳታ የጫነ አውሮፕላን መንግስት በትግራይ ክልል ባካሄደው የአየር ድብድባ ምክንያት መቐለ ማረፍ አልቻለም ብሏል።

ሮይተርስ በዚህ ጉዳይ ሁለት ሰማቸው እንዳይጠቀስ የፈለጉ ሰዎችን ማናገሩን ጠቅሷል።

ይህንን ጉዳዩን በተመለከተ ለአል ዐይን ቃላቸውን የሰጡት የመንግስት ኮሙኒኬሽን አገልግሎት ሚኒስትር ለገሰ ቱሉ (ዶ/ር) ፥ " በራሳቸው ምክንያት ካልሆነ በስተቀር የአየር ድብደባው እና የሰብአዊ እርዳታ ጫኝ አውሮፕላን እንቅስቃሴ አይገናኝም" ብለዋል።

“አንደኛ ሰዓቱ የተለያየ ነው” ያሉት ዶ/ር ለገሰ፤ “መዳረሻዎችም የተለያዩ ናቸው” ሲሉም ተናግረዋል።

ምንጭ፦ አል ዓይን
Photo : FILE

@tikvahethiopia

#ኢህአፓ : የኢትዮጵያ ህዝባዊ አብዮታዊ ፓርቲ አገራዊ ምክር ቤት አዲስ አበባ በሚገኘው ፅ/ቤቱ ለሶስት ቀናት ስብሰባ አድርጎ ነበር። ም/ቤቱ ቋሚ ኮሚቴው ባቀረበለት አጀንዳ ውይይት ካካሄደ በኃላ ከላይ የተያያዘውን መግለጫ አውጥቷል።

@tikvahethiopia

#UPDATE

አዲሱ የሀረሪ ክልል ምክር ቤት እያካሄደ በሚገኘው የመጀመሪያ ጉባኤ አቶ ኦርዲን በድሪ የክልሉ ርዕሰ መስተዳድር አድርጎ ሹሟል።

አቶ ኦርዲን በድሪ ላለፉት ሶስት አመታት የሀረሪ ክልልን በርዕሰ መስተዳድርነት መርተዋል።

በተጨማሪ መረጃ ፦ አቶ ሱልጣን አብዱሰላምን የምክር ቤቱ ዋና አፈጉባኤ ፤ አቶ አሪፍ መሀመድ አዱስ የክልሉ ምክር ቤት ምክትል አፈጉባኤ በመሆን ተሹመዋል፡፡

ምንጭ፦ የሀረሪ ክልል ኮሚኒኬሽን

@tikvahethiopia