" ባንክ ኦፍ አዲስ / Bank of Addis "

በ10 ቢሊዮን ብር በተመዘገበ ካፒታል አዲስ ብድርና ቁጠባ ተቋም ወደ ባንክ ማደጉ ተገለፀ።

አዲስ ብድር እና ቁጠባ ተቋም በ3.7 ቢሊዮን የተከፈለ እና በ10 ቢሊዮን ብር በተመዘገበ ካፒታል " ባንክ ኦፍ አዲስ " በሚል ወደ ባንክ ማደጉን የተቋሙ ማኔጅንግ ዳይሬክተር አቶ ዳምጠው አለማየሁ አስታውቀዋል።

የተቋሙ አመራሮችና ባለአክሲዮኖች ትላንት ጉባኤ ያካሄዱ ሲሆን የኢትዮጵያ ብሄራዊ ባንክ መመሪያ መሰረት በማድረግ ወደ ባንክ እንዲሸጋገር መወሰናቸው ተገልጿል።

ወደ ባንክ የተሸጋገረው ተቋሙ ከሌሎች ባንኮች በተለየ ሁኔታ ጣምራ አገልግሎትን ለህብረተሰቡ ለመስጠት ያስችላል ተብሏል።

የአዲስ ብድር እና ቁጠባ ተቋም በአዲስ አበባ ከተማ አስተዳደር ውስጥ ከመደበኛ ባንኮች የፋይናንስ አገልግሎት ማግኘት ለማይችሉ የህብረተሰብ ክፍሎች አዲስ አበባ ከተማ የስራ እድል ፈጠራ ፕሮጀክት ጽ/ቤት ተብሎ በ1988 ዓ.ም በ5 አክሲዮኖች በ517 ሺህ ብር የተከፈለ ካፒታል እና ከ1 ሚሊዮን ብር በላይ በተመዘገበ ካፒታል ነበር የተመሰረተው።

Credit : AAPS

@tikvahethiopia

ሹመት !

ጠ/ሚ ዶ/ር ዐቢይ አህመድ በዛሬው ዕለት አቶ አብርሃም አለኸኝን በሚኒስትር ማዕረግ የዲሞክራሲ ስርዓት ግንባታ ማስተባበሪያ ማዕከል ዘርፍ አስተባባሪ አድርገው ሾመዋቸዋል።

#PMOEthiopia

@tikvahethiopia

የጥቅምት ወር የነዳጅ ምርቶች የችርቻሮ የመሸጫ ዋጋ በመስከረም ወር ሲሸጥበት በነበረው ዋጋ እንዲቀጥል ንግድና ኢዱስትሪ ሚኒስቴር አሳውቋል።

@tikvahethiopia

#ETHIOPIA😷

ሀገራችን ኢትዮጵያ 🇪🇹 ተጨማሪ 33 ዜጎችን በኮቪድ-19 ሳቢያ አጥታለች።

የኢ.ፌ.ዴ.ሪ የጤና ሚኒስቴር ይፋ ባደረገው ሪፖርት ባለፉት 24 ሰዓት ውስጥ 33 ሰዎች ሲሞቱ ከተደረገው 8,415 የላብራቶሪ ምርመራ ደግሞ 921 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 745 ሰዎች በፅኑ ታመዋል።

#ጥንቃቄ 😷 #TikvahFamily

@tikvahethiopia

#EU #AU

የአውሮፓ ህብረት ምክር ቤት ፕሬዝዳንት ቻርለስ ሚሼል ከአፍሪካ ህብረት የአፍሪካ ቀንድ ከፍተኛ ተወካይ ከሆኑት ከቀድሞው የናይጄሪያ ፕሬዝዳንት ኦሊሴንጎ ኦባሳንጆ ጋር ተገናኝተው መከሩ።

ቻርልስ ሚሼል እንደገለፁት ከሆነ ምክክሩ በትግራይ ግጭት ዙሪያ ሲሆን ፤ ዘላቂ እና ሰላማዊ መፍትሄ ለማምጣት በሚደረግ አስቸኳይ ጥረት ላይ ነው ትኩረቱን አድርጎ የነበረው።

የምክር ቤቱ ፕሬዝዳንት ፤ " የቀጠናውን መረጋጋት ለማረጋገጥ የአውሮፓ ህብረት ከአፍሪካ ህብረት ጋር በቅርበት ለመስራት ዝግጁ ነው " ብለዋል።

@tikvahethiopia

#Amhara

የትግራይ ክልል ጦርነት ወደ አፋር እና አማራ ክልሎች ከሰፋ በኃላ ህወሓት የተለያዩ የአማራ ክልል አካባቢዎችን ፣ በርካታ ህዝብ የሚኖርባቸውን ከተሞች እንደተቆጣጠረ ይገኛል።

መንግስት አካባቢዎቹን ከቡድኑ ለማስለቀቅ አስፈላጊውን እርምጃ ለመውሰድ እየተዘጋጀ መሆኑንም ከዚህ ቀደም ሲገልፅ ነበር።

ከሰሞኑ የህወሓት ቡድን ታጣቂዎች ይዘዋቸዋል በተባሉ ቦታዎች ላይ የአየር ድብደባ እየተፈፀመ መሆኑን ተነግሯል።

ሮይተርስ ትላንት በድረገፁ ባሰራጨው መረጃ ከሀሙስ ዕለት ጀምሮ ጠንከር ያሉ እርምጃዎች በኢትዮጵያ ጦር እየተወሰዱ መሆኑን ይገልፃል።

የህወሓት ቃል አቀባይ የሆኑት አቶ ጌታቸው ረዳ፥ የሰሞኑን ጠንካራ ጥቃት በኢትዮጵያ ሠራዊት የምድር ጥቃት ሊጀመር መሆኑ ምልክት ሊሆን የሚችል ነው ብለዋል።

አክለውም፥ "በሁሉም ግንባሮች በኩል ግዙፍ ኃይል እየተንቀሳቀሰ ነው. . . በየትኛው ግንባር ጥቃት ሊከፍቱ እንደሚችሉ እርግጠኛ አይደለንም" ለሮይተርስ ተናግረዋል።

ቃል አቀባዩ አዲስ ተከፈተ ባሉት የተጠናከረ ጥቃት በኢትዮጵያ ሠራዊት በኩል "መድፎችና ሰው አልባ አውሮፕላኖች [ደሮን] ጥቅም ላይ ውለዋል" ሲሉም ተደምጠዋል።

ሀሙስ የጀመረው ተከታታይ የአየር ጥቃት አርብም የቀጠለ ሲሆን፣ ትኩረቱን ያደረገውም በ3 አካባቢዎች ላይ ነው።

እነዚህም፦
- ከውርጌሳ አቅራቢያ ባለ ቦታ
- በወገል ጤና እና
- በምሥራቅ በኩል የአማራ ክልልን ከአፋር ጋር በሚያገናኘው መንገድ ላይ ነው ብሏል ሮይተርስ።

የዜና ወኪሉ ውርጌሳ የተባለው አቅራቢያ የአየር ጥቃት እንደነበር አንድ ዲፕሎማቲክ ምንጭ እንዳረጋገጡለት የጠቀሰ ሲሆን በሌሎቹ አካባቢዎች ተፈጸመ ስለተባለው የአየር ጥቃት ከገለልለተኛ ወገን ለማረጋገጥ እንዳልቻለ ገልጿል።

telegra.ph/Reuters-10-09

@tikvahethiopia

#TheWeeknd

ትውልደ ኢትዮጵያዊው አቀንቃኝ አቤል ተስፋዬ (ዘ ዊኬንድ) የዓለም ምግብ ፕሮግራም (WFP) የበጎ አድራጎት አምባሳደር ሆኖ በድርጅቱ መመረጡን ቢቢሲ ዘግቧል።

አቀንቃኙ ፥ በመላው ዓለም ረሃብን ለማስወገድ ከሚታገሉ በጎ ፈቃደኛ የዓለም ምግብ ፕሮግራም (WFP) አምባሳደሮች ጋር በጋራ የሚሠራ ይሆናል።

ዘ ዊኬንድ ከወራት በፊት በትግራይ ክልል በተነሳው ጦርነት ለተጎዱ ሰዎች የሚውል አንድ ሚሊዮን ዶላር ለWFP መለገሱ ይታወሳል።

ድርጅቱ ባወጣው መግለጫ ፥ ዘ ዊኬንድ ይህንን አንድ ሚሊዮን ዶላር ጨምሮ ባለፈው ዓመት ለተለያዩ የረድዔት ድርጅቶች ከ3 ሚሊዮን ዶላር በላይ እርዳታ ለግሷል።

Photo Credit : David Beasley (WFP)

@tikvahethiopia