በጦርነት የተጎዱ ትምህርት ቤቶች...

በአፋር ክልል በጦርነት ምክንያት ትምህርት ቤቶች ከፍተኛ የሆነ ጉዳት ደርሶባቸዋል።

የአፋር ክልል ትምህርት ቢሮ "ህወሓት" በፈንቲ ረሱ አራት ወረዳዎች የሚገኙ የትምህርት ተቋማትን እንዲሁም የትምህርት ግብአትና መረጃዎችን ሙሉ በሙሉ በማውደም ትውልድን የማጥፋት ወንጀል ፈፅሟል ሲል ከሷል።

የአፋር ክልል ትምህርት ቢሮ ማናጅመንት አባላት በኡዋ፣ አውራ፣ ጎሊና እና አውራ ወረዳ ጉብኝት ማድረጋቸው ተሰምቷል።

በትምህርት ቤቶች ላይ በሶስት አይነት የሚመዘን ጉዳት መድረሱን ቢሮ ያሳወቀ ሲሆን ይኸውም ፦
- በግንባታ ዙሪያ በትላልቅ መሳሪያዎች ትምህርት ቤቶች እንዲፈርሱ ሆነዋል፤
- ትምህርት ቤት ውስጥ አጠቃላይ ግብአቶች ከጥቅም ውጭ ሆነዋል፤
- የተማሪዎችና አጠቃላይ የትምህርት ቤት መረጃዎች ወድመዋል።

በአፋር ክልል 455 ትምህርት ቤቶች ላይ ጥቃት መድረሱን ትምህርት ቢሮው አመልክቷል።

የአፋር ክልል ትምህርት ቢሮ የአፋር ህፃናት በጨለማ እንደማይቀሩ እና አስቸኳይ ምላሽ ተሰጥቶ ትምህርት የሚጀመርበት ሁኔታ ይመቻቻል ብሏል።

@tikvahethiopia

#Amhara : " 4 ሚሊዮን ሕዝብ ለከፋ የሰብዓዊ ቀውስ ተዳርጓል"

የአማራ ክልል መንግስት 750 ኪሎ ሜትር በሚያካልል አካባቢ 5 ዞኖች በህወሓት ወረራ እንደተፈፀመበት ሪፖርት አደረገ።

ክልሉ ይህን ያሳወቀው ዛሬ በባህር ዳር ከፌዴራል ከፍተኛ ባለስልጣናት እንዲሁም ከዓለም አቀፍ የሰብዓዊ እርዳታ ድርጅት ተወካዮች ጋር በመከረበት ወቅት ነው።

የዛሬው ውይይት ጉዳት ለደረሰባቸው ወገኖች አፋጣኝ የሰብዓዊ ድጋፍ ለማድረስ ያለመ ነበር።

በውይይቱ እነማን ተሳተፉበት ?

- የሰላም ሚኒስትር ወ/ሮ ሙፈሪያት ካሚል፣
- የውኃ መስኖና ኢነርጂ ሚኒስትሩ ዶ/ር ኢ/ር ስለሽ በቀለ
- የብሄራዊ የአደጋ ስጋትና ሥራ አመራር ኮሚሽን ኮሚሽነር ምትኩ ካሳ፣
- በተባበሩት መንግሥታት ድርጅት የሰብዓዊ ድጋፍ አቅርቦት አስተባባሪ ዶ/ር ካትሪን ሱዚ ጨምሮ ሌሎችም የክልልና የፌዴራል ከፍተኛ የመንግሥት የሥራ ኀላፊዎችና ዓለም አቀፍ የሰብዓዊ ድርጅት ተወካዮች ተገኝተው ነበር።

የአማራ ክልል ምክትል ርዕሰ መስተዳደር የሆኑት ዶ/ር ፈንታ ማንደፍሮ ፥ ህወሓት በአማራ ክልል ብቻ 750 ኪሎ ሜትር በሚያካልል አካባቢ 5 ዞኖች ወረራ መፈፀሙን ገልፀዋል።

ዶ/ር ፈንታ በህወሓት ወረራ 4 ሚሊዮን ሕዝብ ለከፋ የሰብዓዊ ቀውስ መዳረጉን፤ 1 ነጥብ 6 ሚሊዮን ሕዝብ ከመኖሪያ ቀየው መፈናቀሉን አመልክተዋል።

በዚሁ የውይይት መድረክ ላይ የአማራ ክልል ርዕሰ መስተዳደር አገኘሁ ተሻገር የሰብዓዊ ድጋፎችን በሚመለከት ከበርካታ ረጂ ድርጅቶች ጋር ተደጋጋሚ ምክክሮችን መደረጉን ገልፀው ተግባራዊ ምላሹ ግን ከችግሩ ጋር የሚመጣጠን አይደለም ብለዋል።

አሁንም ችግሩን በቅርበት የሚያውቁ ሁሉ በትብብር እንዲሠሩ ጥሪ አቅርበዋል።

Credit : AMC
Photo : Ministry Of Peace

@tikvahethiopia

የአሜሪካው ፕሬዝዳንት ተጨማሪ ማዕቀብ እንዲጣል አዘዙ።

የአሜሪካ ፕሬዝዳንት ጆ ባይደን ከትግራይ ክልል ቀውስ ጋር በተገናኘ ተጠያቂ ባደረጓቸው ፦
- የኢትዮጵያ ፌዴራል መንግስት
- የአማራ ክልል ባለስልጣናት
- የህወሓት አመራሮች
- የኤርትራ መንግስት አመራሮች ላይ ተጨማሪ ማዕቀብ እንዲጣል አዘዙ።

ፕሬዝዳንት ጆ ባይደን ዛሬ በፈረሙት የስራ አስፈጻሚ አካል ትዕዛዝ (executive order) የትግራይ ክልል ግጭት እንዲራዘም ፤ ለትግራይ ክልል ሰብዓዊ እርዳታ እንዳይቀርብ ያስተጓጎሉ እና የቶክስ አቁም ስምምነት እንዳይደረስ እንቅፋት ሆነዋል ባሏቸው ላይ ተጨማሪ ማዕቀብ እንዲጣል ወስነዋል።

ማዕቀቡ እንዲጣል ያዘዙትም ከላይ ለተጠቀሱት ጉዳዮች ተጠያቂ ናቸው በተባሉ የኢትዮጵያ ፌዴራል መንግስት እና የአማራ ክልል መስተዳደር ባለስልጣናት ላይ፤ እንዲሁም በህወሓትና በኤርትራ መንግስት አመራሮች ላይ እንደሆነ የአሜሪካ መንግስት ያወጣው መግለጫ ያመለክታል።

ተጠያቂ ናቸው የተባሉት የመንግስት ባለስልጣናት እና የህወሓት አመራሮች ማንነት ግን ይፋ አልተደረገም።

ይሁን እንጂ የአሜሪካ የመንግስት ግምጃቤት ከ አገሪቱ የውጭ ጉዳይ መስሪያ ቤት ጋር በመተባበር ተጠያቂ መሆን የሚገባቸውን እየለየ ማዕቀቡን ተግባራዊ የማድረግ ኃላፊነት ተሰጥቶታል።

ማዕቀቡ በተመረጡ ግለሰቦች ላይ ብቻ ተግባራዊ እንደሚደረግ እና የኢትዮጵያ ህዝብን በማይጎዳ መልኩ እንደሚተገበር የአገሪቱ መንግስት ያወጣው መግለጫ ያመለክታል።

ከዚህ ቀደም ተመሳሳይ የጉዞ ማዕቀብ በኢትዮጵያ የፌዴራል መንግስት አመራሮች እና የህወሓት መሪዎች ላይ መጣሉ ይታወቃል።

Credit : ሪፖርተር

@tikvahethiopia

#BahirDar

የአማራ ክልል ፕሬዜዳንት አቶ አገኘሁ ተሻገር ሕወሓት በተቆጣጠራቸው በዋግኽምራ ብሔረሰብ አስተዳደር በሰሜን ወሎና በተወሰኑ የሰሜን ጎንደር አካባቢዎች ሰዎች በመድሀኒት እጥረትና በርሀብ እየሞቱ ነው ሲሉ ተናገሩ።

የክልሉ ፕሬዜዳንት ይህንን ያሉት ዛሬ በባህር ዳር ከተማ ከዓለም አቀፍ የእርዳታ ለጋሽ ድርጅት ተወካዮች ጋር በተደረገው የውይይት መድረክ ላይ ነው።

አቶ አገኘሁ ተሻገር ፤ በደቡብ ጎንደር እና በደቡብ ወሎ ህወሓት ወረራ ፈፅሞ በወጣባቸው አካባቢዎች ከፍተኛ የህዝብ መጎሳቆል መፈጠሩን የተናገሩ ሲሆን ዓለም አቀፉ ረጂ ድርጅቶች በፍጥነት ሕወሓት ተቆጣጥሮ ባለባቸው አካባቢዎች "በርሀብና በህመም ላሉ 4 ሚሊዮን ዜጎች እንዲደርስላቸው" ጥሪ አቅርበዋል፡፡

የUNHCR የኢትዮጵያ ኃላፊ ዶክተር ካትሪን ሶዚ ችግሩን መረዳታቸውን ገልጸው የመገናኛ ዘዴዎችና የደህንነት ሁኔታው ከተመቻቸ የሰብአዊ እርዳታ ለማቅረብ መዘጋጀታቸውን ተናግረዋል፡፡

የWFP) ተወካይ የእርዳታ ማድረሻ ተሸከርካሪዎች 19 ብቻ መሆናቸውን ጠቁመው "በነዚህ ተሸከርካሪዎች 4 ሚሊዮን ህዝብ እደርሳለሁ ማለት አይታሰብም" ብለዋል፤ ያለውን ክፍተት ከሞላልን እርዳታ እናደርሳለን ሲሉ መናገራቸውን የጀርመን ድምፅ ሬድዮ ዘግቧል።

@tikvahethiopia

#DrAbiyAhmed #JoBiden

የኢትዮጵያ ጠ/ሚ ዶክተር ዐቢይ አህመድ ለአሜሪካው ፕሬዜዳንት ጆ ባይደን ግልፅ ደብዳቤ ✉️ ፃፉ።

ዶክተር ዐቢይ አህመድ ለአሜሪካው ፕሬዝዳንት ጆ ባይደን በፃፉላቸው ግልፅ ደብዳቤ በአሁን ሰዓት በኢትዮጵያ 🇪🇹 ስላለው ወቅታዊ ሁኔታ ማብራሪያ ሰጥተዋል።

ጠቅላይ ሚኒስትር ዶ/ር ዐቢይ ፥ ሕወሓት በአፋርና አማራ ያፈናቀላቸው ንፁሃን ዜጎች በከፋ ችግር ውስጥ ወድቀው እንደሚገኙ የገለፁ ሲሆን ቡድኑ ቤተሰቦቻቸውን እንደገደለባቸው እንዲሁም የአገልግሎት መስጫ ተቋማትን ጨምሮ ንብረት እንዳወደመ አስረድተዋል።

በኢትዮጵያ ላይ እየደረሱ ያሉ የውጭ ጫናዎች ተገቢ አለመሆናቸውንም አሳውቀዋል።

ዶ/ር ዐቢይ ፥ በቅርቡ የተመሰረተው አዲሱ የባይደን አስተዳደር ከዚህ ቀደም ከነበረው የተሻለ እንደሚሆን ኢትጵያውያን ተስፋ እንደነበራቸው አውስተዋል።

አሜሪካ ሌሎች ሃገራት ላይ በነበራት የተሳሳተ የውጭ ፖሊሲ በሃገራቱ ላይ ያስከተለውን ቀውስ አስታውሰዋል፡፡

ኢትዮጵያ 🇪🇹 ተስፋ በቆረጡ እና ስልጣን ከሚሊዮኖች ደህንነት በላይ በሚያሳስባቸው ግለሰቦች አትሸነፍም ሲሉም ገልጸዋል፡፡ #ኢትዮጵያዊ እንዲሁም #አፍሪካዊ ማንነታችን እንዚህ ግለሰቦች እንዲያሸንፉ አይፈቅድልንም ብለዋል፡፡

@tikvahethiopia

አፄዎቹ ሱዳን፣ ካርቱም ገብተዋል።

የፋሲል ከነማ ስፓርት ክለብ ቡድን ከሱዳኑ " አል ኢላል ክለብ " ጋር መስከረም 9 ቀን 2014 ዓ/ ም ለሚያደርገው ጨዋታ ዛሬ መስከረም 7 ቀን 2014 አም ካርቱም ገብቷል።

ቡድኑ ካርቱም ሲገባ በሱዳን የኢትዮጵያ አምባሳደር ይበልጣል አዕምሮ እና በሱዳን የሚኖሩ ኢትዮጵያዊያን አቀባበል ተደርጎለታል።

አፄዎቹ በ መጀመሪያው ዙር በ ባህር ዳር አለም አቀፍ ስታዲየም ከአል ሂላል ጋር ባደረጉት ጨዋታ ሁለት አቻ መለያየታቸው የሚታወስ ነው።

Credit : Embassy of Ethiopia 🇪🇹 in Sudan

@tikvahethsport