ባለፉት ቀናት በሱዳን ጉብኝት ያደረጉት የUSAID ኃላፊ ሳማንታ ፖውር ኢትዮጵያ ይገኛሉ።

ፖወር ወደኢትዮጵያ መግባታቸው በይፋ በሚዲያ ሳይታወቅ እና እሳቸው ሆነ ተቋማቸው ሳያሳውቁ ነው ዛሬ ኢትዮጵያ ውስጥ ሆነው መግለጫ የሰጡት።

ለመሆኑ በመግለጫቸው ምን አሉ ?

- ከሰላም ሚኒስትር ሙፈሪያት ካሚል እና ከዶ/ር ሊያ ታደሰ ጋር ውይይት ማድረጋቸውን ተናግረዋል።

- በትግራይ ክልል ካለው ግጭት ጋር በተያያዘ የሰላም አማራጮች መታየት እንዳለባቸው ፣ ግጭት መቆም እንዳለበት ፣ ሁሉም ተፋላሚ ኃይሎች ወደ ድርድር መምጣት እንዳለባቸው ከሰላም ሚኒስትር ጋር መነጋገራቸውን ገልፀዋል።

- የትግራይ ያለው የውጥ ግጭት ሊፈታ የሚችለው በሰላማዊ አማራጭ ብቻ መሆን እንዳለበት መነጋገራቸውን አሳውቀዋል።

- የአሜሪካ መንግስት ይሁን ሌሎች አካላት የሚሰጡት መገልጿቸው ሃሳቦች መፍትሄ ከማፈላለግ ሃሳብ ጋር የተያያዙ ናቸው ብለዋል።

- ለውጣዊ ግጭት ወታደራዊ አማራጭ መፍትሄ እንደማይሆን፣ ሁሉም አካላት ግጭቱን አስቸኳይ አቁመው ውይይት መጀመር እንዳለባቸው ተናግረዋል።

- ግጭቱ እየሰፋ መሄዱን ተናግረው ሰላማዊ መፍትሄ ካልተበጀለት ይበልጥ እየተስፋፋ በርካታ ሰዎች ሊፈናቀሉ እንደሚችሉ ተናግረዋል።

- በአፋር እና አማራ ክልል ህወሃት በፈፀመው ጥቃት በመቶ ሺዎች የሚቆጠሩ ሰዎች መፈናቀላቸው አንስተዋል።

- ዓለም አቀፍ ህጎች መከበር እንዳለባቸው፣ ንፁሃን ለአላስፈላጊ ጉዳት መዳረግ እንደሌለባቸው ፣ የሰብዓዊ ድጋፍ ሰራተኞች ጥበቃ ሊደረግላቸው እንደሚገባ ተናግረዋል።

- ከሰሞኑ የአሜሪካ መንግስት ይፋ ካደረገው 149 ሚሊዮን ዶላር የሰብዓዊ ድጋፍ በተጨማሪ በዛሬው ዕለት 45 ሚሊዮን ተጨማሪ በጀት ለኮቪድ ወረርሽኝ ለመከላከል ለሰብዓዊ ድጋፍ የሚውል ለኢትዮጵያ ይፋ አድርገዋል።

#VOA

@tikvahethiopia

ማርቲን ግሪፊትድ በትግራይ ቆይታቸው ምን ታዘቡ ?

(በቢቢሲ)

አዲሱ የተባበሩት መንግሥታት የአስቸኳይ ጊዜ እርዳታ አስተባባሪ ማርቲን ግሪፊትስ በትግራይ ክልል ለሁለት ቀናት ጉብኝት አድርገዋል። ግሪፊትስ በትግራይ ስለተማለከቱት ሁኔታ ቢሯቸው መግለጫ አውጥቷል።

ግሪፊትስ በትግራይ ቆይታቸው ፦

- በትግራይ ክልል የተመለከቱት የጥፋት መጠን ልባቸውን እንደሰበረው ገልፀዋል። አስከፊ የሰብዓዊ ሁኔታ መመልከታቸውን ተናግረዋል።

- በጦርነቱ ህይወታቸው ከተመሰቃቀለ ዜጎች ጋር መወያየታቸው ገልፀዋል።

- በጦርነቱ ምክንያት የነበራቸውን ሁሉ ያጡ ሰዎች ማግኘታቸውን፣ መኖሪያቸውንና የእርሻ መሬታቸውን እንዲሁም መንደሮቻቸውንና ከተማቸውን ጥለው የተሰደዱ፣ በሃውዜን ቤታቸው ተቃጥሎ ሰብላቸው የተዘረፈ ቤተሰብ ማግኘታቸውን፣ እስካሁን ድረስ መጠለያም ሆነ ምግብ የሌላቸው ቤተሰቦችን ማግኘታቸው ገልፀዋል፤ "ይህን ማየትም ሆነ የጥፋቱን መጠን መመልከት ልብ ይሰብራል" ብለዋል።

- በትግራይ ጉብኝታቸው ወቅት አሰቃቂ ጥቃት የደረሰባቸውን ግለሰቦችን አነጋግረዋል ፤ የዜጎች መሰረታዊ ልማት የሆኑ እንደ ትምህርት ቤት፣ ሆስፒታልና ውሃ አገልግሎቶች ስልታዊ በሆነ መንገድ እንዴት እንደወደሙም በአይናቸው መመልከታቸውን ገልፀዋል።

- በመቐለ እና ፍሬወይኒ ውስጥ ለሳምንታት ያህል የተደፈሩትን ጨምሮ አሰቃቂ የሚባሉ ወሲባዊ ጥቃቶች የተፈፀመባቸውን ሴቶችን ማናገራቸው ገልፀዋል። እነዚህ ሴቶች ሁለንተናዊና ሁሉን አቀፍ አገልግሎቶች ቢሹም "አብዛኛው የጤና ማዕከላት አገልግሎት እየሰጡ አይደለም ብለዋል።

- የመገናኛ ተደራሽነት፣ ነዳጅና እና የባንክን የመሳሰሉ መሰረታዊ አገልግሎቶች መቋረጥ አስከፊውን ሁኔታ እያባባሰው መሆኑን ተናግረዋል።

https://telegra.ph/BBC-08-05

@tikvahethiopia

#USAID-ኢትዮጵያ ባለው መጋዘን 58 ሺ ሜትሪክ ቶን እህል እንዳለው ሳማንታ ፓወር በትዊተር ገፃቸው አሳውቀዋል።

እህሉ በትግራይ ክልል እንዲሁም በሌሎች የሀገሪቱ ክፍል ያሉ ዜጎችን ሊመግብ የሚችል ነው ብለዋል።

ፓወር የእርዳታ እህሉ ተረጂዎች ጋር ለማድረስ ምቹ እና ያልተገደበ ሁኔታ ሊፈጠር ይገባል ሲሉ ጥሪ አቅርበዋል።

@tikvahethiopia

ሱዳን ኢትዮጵያ አንድ ሺህ ሜጋዋት ሃይል እንድትሸጥላት ጠየቀች።

ሱዳንን ጨምሮ የተለያዩ የአፍሪካ አገራት ከኢትዮጵያ የኤሌክትሪክ ሃይል ለመግዛት ፍላጎት አሳይተዋል ሲሉ የኢትዮጵያ ኤሌክትሪክ ሃይል የኮርፖሬት ፕላኒንግ ስራ አስፈፃሚ አቶ አንዱዓለም ሲዓ ተናግረዋል።

በቅርቡ ሱዳን አንድ ሺህ ሜጋዋት ሃይል እንደምትፈልግ ማሳወቋን ተከትሎ ባለፈው ወር የተቋሙ ሠራተኞች ወደ ካርቱም አቅንተው እንደነበረና የሱዳን ባለሙያዎችም በቅርቡ ወደ ኢትዮጵያ መጥተው ውይይቱ እንደሚቀጥል ገልጸዋል።

ለኬንያ የኤሌትሪክ ሃይል አቅርቦት 500 ኪሎ ዋት መሸከም የሚችል ማስተላለፊያ መስመር ዝርጋታ እየተጠናቀቀ መሆኑን የገለጹት አቶ አንዱዓለም፤ የኬንያ ፓርላማ ተወካዮች በቀጣዩ ሳምንት ወደ ኢትዮጵያ መጥተው በጉዳዩ ላይ ውይይት እንደሚያደርጉም አብራርተዋል።

ኢትዮጵያ ከኬንያ አልፎ ታንዛኒያ እስከ ደቡብ አፍሪካ ሁለት ሺ ሜጋ ዋት የኤሌክትሪክ ሃይል ማስተላለፊያ የሚያስችል መሠረተ ልማት ያነሱት ኃላፊው ሶማሌላንድም ከኢትዮጵያ ሃይል ለማግኘት እንድትችል በዓለም ባንክ ድጋፍ ኢስት አፍሪካ ፖወር ፖሊሲ ከሚባል ተቋም ጋር ጥናት እየተደረገ መሆኑ አመልክትዋል።

ደቡብ ሱዳንም ሃይል እንዲቀርብላት በደብዳቤ ፍላጎቷን መግለጿን ጠቁመው፤ ይህን ተከትሎ የኤሌክትሪክ መስመር ዝርጋታ ማከናወን የሚያስችል ጥናት ለማድረግ የባለሙያዎች ቡድን በቅርቡ ወደ ደቡብ ሱዳን እንደሚያቀና ተናግረዋል።

(ENA)

@tikvahethiopia

ICRC ወደ ትግራይ ህገወጥ ገንዘብ እና ቁስ አዘዋውሯል ?

ከሰሞኑን በማህበራዊ ሚዲያ ላይ ከላይ በምስሉ የሚታየው ገንዘብ ህገወጥ በሆነ መንገድ የዓለም አቅፍ ቀይ መስቀል ኮሚቴ (ICRC) ወደ ትግራይ ሲያስገባ አፋር ላይ በተደረገ በፍተሻ መያዙን የሚገልፁ መረጃዎች ሲሰራጩ ነበር።

ICRC ዛሬ በዚሁ ጉዳይ መግለጫ አውጥቷል።

በማህበራዊ ሚዲያ የተሰራጨው መረጃ ትክክለኛ እንዳልሆነ ገልጿል።

ምስሉ የዓለም አቅፍ ቀይ መስቀል ኮሚቴ 5 ተሽከርካሪዎች ባካተተው ኮንቮይ ከሁለት ሳምንት በፊት በአፋር ክልል በነበረው ፍተሻ ወቀት የተነሳ መሆኑን አሳውቋል።

በምስሉ የሚታየው ቁስ በሙሉ የአስቸኳት ጊዜ እርዳታ እና የህክምና ቁሶችንም የሚያካትት ሲሆን የሚመለከታቸው የፌዴራል እና የክልል መንግስት አካላት በቅድሚያ እንዲያውቋቸው ተደርገውና ፍቃድ ተገኝቶባቸው የተጓጓዙ ናቸው ብሏል።

ቁሳቁሶቹና ገንዘቡ ድርጅቱ በሌሎች የሀገሪቱ ክፍሎች እንደሚያደርገው ለሚሰጠው የሰብዓዊ አገልግሎት ተግባር የሚውል መሆኑን ገልጾ ሁሉም ቁሳቁሶች መቐለ በሚገኘው የድርጅቱ ቢሮ መድረሱን አመልክቷል።

ICRC ጥሬ ገንዘብ ያጓጓዘው የባንክ አገልግሎት ባለመኖሩ መሆኑንም አሳውቋል።

@tikvahethiopia

#Ethiopia

የUSAID አስተዳዳሪ የሆኑት ሳማንታ ፓወር ወደ ኢትዮጵያ የመጣሁት ሰብዓዊነት አሳስቦኝ ነው ሲሉ መናገራቸውን የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ተናገሩ፡፡

አምባሳደሩ ዛሬ በሰጡት ሳምንታዊ መግለጫ ስለሳማንታ ፓወር ጉብኝት ማብራሪያ ሰጥተዋል።

አምባሳደር ዲና ሳማንታ “ሰብዓዊነት አሳስቦኝ ነው ወደ ኢትዮጵያ የመጣሁት" ሲሉ መናገራቸውን እንደሚወራው "መንግስት ለመቀየር እንዳልመጡ ፤ ይልቁንም ሰብዓዊነት እንደሚያሳስባቸው” መናገራቸውን ገልፀዋል።

ሲመጡ ጠ/ሚ ዶ/ር ዐቢይን እና ምክትላቸውን አቶ ደመቀን ለማግኘት አቅደው የነበሩት ሰማንታ ፓወር 2ቱንም ሳያገኟቸው ቀርተዋል። በዚህ ጉዳይ አስተያየታቸውን የሰጡት አምባሳደር ዲና ፥ “በነበረባቸው የስራ ጫና (ዶ/ር ዐቢይና አቶ ደመቀ)” ምክንያት ፍላጎታቸው ተሳክቶ ሳያገኟቸው ቀርተዋል ብለዋል።

ምንም እንኳን እነሱን ማግኘት ባይችሉም ከእርሳቸው ተቋም ተግባር ጋር በሚገናኙ ስራዎች ዙሪያ የተሰማሩ የመንግስት ባለስልጣናትን እንደሚያገኙ ተነግሯቸው አግኝተዋል ሲሉ አክለዋል።

ሳማንታ ፓወር ካገኟቸው ባለስልጣናት መካከል ወ/ሮ ሙፈሪያት ካሚል የሚገኙበት ሲሆን "ህወሃት" የተጀመረውን ሃገራዊ ለውጥ ረግጦ መውጣቱን ለሳማንታ መናገራቸውን ገልፀዋል።

ፓወር፥ “አሜሪካ ከኢትዮጵያ ጋር ያላትን ግንኙነት በጣም ዋጋ ትሰጣለች” ያሉ ሲሆን ጉዳዩ እዚህ ደረጃ መድረስ አልነበረበትም ስለማለታቸውም ተናግረዋል፡፡

በሌላ በኩል ድርድርና ውይይትን በተመለከተ የተጠየቁት አምባሳደር ዲና ምናልባት በመጪው መስከረም ወር መጨረሻ በሚመሰረተው አዲስ መንግስት ሁሉን አቀፍ (All inclusive) ውይይት እንደሚደረግና ምናልባት የህወሓት አባል የነበሩ ሰዎች ወደዚህ ውይይት ሊመጡ እንደሚችሉ ተናግረዋል።

#አልዓይን

@tikvahethiopia

የተፈናቃዮች ጥሪ :

በወልዲያ ከተማ በአምስት መጠለያ ጣቢያዎች ከራያ ቆቦ እና አካባቢዋ የተፈናቀሉ ዜጎች ይገኛሉ።

በወልድያ ከተማ የሚገኙት ወገኖች የሰብዓዊ ድጋፍ እንዲደረግላቸው መጠየቃቸውን #አሚኮ ዘግቧል።

የወልድያ ከተማ አስተዳደር በ5 መጠለያ ጣቢያዎች ውስጥ የሚገኙ ተፈናቃዮችን ለመደገፍ ሁሉም እገዛ እንዲያደርግ ጠይቋል።

ወልዲያ ከተማ የሚገኙ ተፈናቃዮች የከተማው ህዝብ ላደረገላቸው ሁሉን አቀፍ ድጋፍ ምስጋና ያቀረቡ ሲሆን ወደ ቀያቸው እስኪመለሱ የሚደረግላቸው የሰበዓዊ ድጋፍ እንዲቀጥል ጠይቀዋል።

የወልድያ ከተማ ከንቲባ የሆኑት ሙሀመድ ያሲን የከተማዋ ነዋሪዎችና ወጣቶች ተፈናቃዬቹን ለመደገፍ ላደረጉት ሁሉን አቀፍ ተሳትፎ ምስጋና አቅርበዋል።

ከንቲባው ባለሀብቶችና የእርዳታ ድርጅቶች ድጋፍ እንዲያደርጉ ጥሪ አቅርበዋል።

ህወሓት በአፋር እና አማራ ክልል በከፈተው ጦርነት ከ225 ሺህ በላይ ዜጎች ከቤት ንብረታቸው መፈናቀላቸው በሁለቱ ክልል መንግስታት መገለፁ አይዘነጋም።

@tikvahethiopia