#Hawassa

ሃምሌ 19 በድምቀት ለሚከበረው የሀዋሳ ቅዱስ ገብርኤል ንግስ በዓል ዝግጅት እየተደረገ ነው።

በበዓሉ ዙሪያ የሀዋሳ ከተማ አስተዳደር ከንቲባ ረዳት ፕሮፌሰር ፀጋዬ ቱኬ ከሀይማኖት አባቶችና የበዓሉ ዝግችት ኮሚቴ ጋር ከቀናት በፊት ውይይት አድርገዋል።

ውይይቱ ትኩረት አድርጎ የነበረው የእንግዶች አቀባበል፣ የትራፊክ ፍሰት ማስተናበር፣ የፀጥታ ሁኔታ እና ሌሎች በተያያዥ ጉዳዮች ላይ ነበር።

ዛሬ ጥዋት ደግሞ የሐዋሳ ከተማ እና የሲዳማ ቡና እግር ኳስ ከለብ ደጋፊዎች የንግስ በዓሉ በሚከበርበት ስፍራ የጽዳት ዘመቻ አካሂደዋል።

የቅዱስ ገብርኤል ገዳም አስተዳዳሪ መላከ ሠላም አባ ኃ/ጊዮርጊስ ማህጽነት የሁለቱ እግር ኳስ ክለብ ደጋፊዎች ላበረከቱት አስተዋጽኦ ምሥጋናቸውን አቅርበዋል።

በአሉ እስኪጠናቀቅ እንግዶችን በመቀበል በማስተናገድ የተለመደውን ትበብር እንዲያደርጉ ጥሪያቸውን አቅርበዋል።

ዛሬ ከተካሄደው የፅዳት ዘመቻ ጋር በተያያዘ በሲዳማ ብሄራዊ ክልላዊ መንግስት የሐዋሳ ከተማ አስተዳደር የትምህርት መምሪያ ኃላፊ አቶ ደስታ ዳንኤል በሰጡት አስተያየት "የጽዳት ዘመቻ አንድነትን መከባባርን የሚያመለክት ነው" ሲሉ ገልፀዋል።

Photo Credit : Hawassa City Administration (3)
ተጨማሪ ፎቶ ፦ ፋይል

@tikvahethiopia

"እናቴ በጭንቀት ታማለች"

ከሳምንታት በፊት የታሰሩት የአውሎ ሚዲያ ጋዜጠኞች እና ሰራተኞች እስካሁን ያሉበትን እንደማያውቁ ቤተሰቦቻቸው ዛሬ በስልክ ሪፖርት አድርገውልናል።

እስር ላይ ካሉ የአውሎ ሰራተኞች መካከል የአንድ ታሳሪ የቤተሰብ አባል የሆነች እንስት ጋዜጠኞቹና የሚዲያ ሰራተኞቹ የት እንዳሉ ቤተሰብ ባለማወቁ ለከፍተኛ ጭንቀት መዳረጋቸውን ገልፃለች።

ቤተሰብ ስላለበት ሁኔታ እንደሚከተለው አስረድታለች፦

" ... ያሉበት አይታወቅም ይህ ነው አስጨናቂው ነገር ፤ ቢታወቅ እና ብንጠይቃቸው መልካም ነበር። ማንም ሰው ሊታሰር ይችላል ምንም ችግር የለውም፤ መንግስት የያዘው ነገር ከሆነ አያስፈራም። ምግብ እስከሰጠን፣ ልብስ እስከሰጠን ድረስ፣ መጎብኘት እስከቻልን ድረስ፣ ፍርድ ቤት የመቅረብ መብታቸው እስከተጠበቀ ድረስ ችግር የለውም መንግስት የራሱን መልስ እስከማሰጥ እንጠብቃለን። ነገር ግን ያሉበትን ባለመታወቁ ለቤተሰብ ከፍተኛ ጭንቅ ነው። ለምሳሌ እናቴ ታማለች። የሌሎቹም ልጆች ያሏቸው ልጆቻው ያልቀሳሉ፣ እናት አባቶችም ያለቅሳሉ እነሱ ያሉበት ባለመታወቁ የብዙዎቹ ቤተሰቦች ህይወት ተመሰቃቅሏል"

በታሰሩ በነጋታው ወደ ፌዴራል ፖሊስ ሄደው እንዳገኟቸው እዛ እንደሆኑ ታውቆ እንደነበር የገለፀችልን የታሳሪ ቤተሰብ አባሏ፣ "ፖሊስ አጣርቶ ይለቃቸዋል በሚል ቤተሰብ ወደቤት ተመለሰ በነጋታው ግን የሉም ተባልን"

የት ሄዱ? የት ተወሰዱ? ስለሚለው ጉዳይ ምንም ነገር አይገልፁልንም፤ ፈተናቸዋልም ብለውናል ፤ ፈተናቸዋል ማለታቸው ደግሞ ይበልጥ ቤተሰብን ጭንቀት ውስጥ ከቶታትል ስትል አስተድታለች።

መንግስት ስላሉበት ሁኔታ ለቤተስቦች ምላሽ እንዲሰጥ ጠይቃለች።

* በጋዜጠኞቹ እና ሰራተኞቹ ጉዳይ አካልን ነፃ የማውጣት አቤቱታ ለፍ/ቤት ቀርቦ ለሰኞ ተቀጥሯል።

@tikvahethiopia

#Ethiopia

ኢትዮጵያ ባለፉት 24 ሰዓት 4,873 የኮቪድ-19 ላብራቶሪ ምርመራ ያከናወነች ሲሆን 213 ሰዎች ለቫይረሱ ተጋላጭ ሆነው ተግኝተዋል፤ ሁለት ሰው ህይወቱ ያለፈ ሲሆን 98 ሰዎች ከበሽታው አገግመዋል።

@tikvahethiopia

#Tokyo2020

የ12 ዓመቷ ሶሪያዊ ታዳጊ በቶኪዮ ኦሎምፒክ !

በዘንድሮው የቶኪዮ 2020 ኦሎምፒክ ከሚሳተፉ ሀገራት መካከል ሶርያ ትገኝበታለች።

በውድድሩ ላይ በእድሜ ትንሿን ተወዳዳሪ የምታሳትፈው ሶርያ ስትሆን ተወዳዳሪዋ የ12 ዓመቷ ሄንድ ዛዛ ናት ፤ ዛዛ በጠረጴዛ ቴኒስ ነው ሀገሯን ሶሪያ ወክላ በዓለም አቀፉ ውድድር የሚትፋለመው።

የቶኪዮ በእድሜ ትንሿ ተወዳዳሪ ሄንድ ዛዛ በ ኦሎምፒክ የ መጀመሪያ ጨዋታዋ ብትሸነፍም ሌሎች ሕፃናት “ ሕልማቸውን እንዲከተሉ ” ታበረታታለች።

በልጅነቷ በሀገሯ በጦርነት የተጎዳችው ዛዛ ወደ ውድድሩ ለመድረስ “ብዙ የተለያዩ ችግሮችን” ማለፍ እንደነበረባት ተናግራለች።

የቶኪዮ መረጃዎችን ይከታተሉ : @tikvahethsport

በሆሮ ጉድሩ ወለጋ ዞን፤ አሙሩ ወረዳ የሚገኙ የአማራ ብሔር ተወላጆች በሚደርስባቸው ''ዛቻና ማስፈራሪያ'' ወፌ እና ኢላሞ ከሚባሉ የገጠር ከተሞች ተሰደው በአጋምሳ ከተማ በሚገኝ ት/ቤት ተጠልለው እንደሚገኙ ገልጸውልናል።

በቁጥር 11 ሺ ይሆናሉ የተባሉት ነዋሪዎች ወደ አማራ ክልል በመሰደድ ላይ እያሉ ተከልክለው በትምህርት ቤቱ መጠለላቸውን ችግራቸውን ለማስረዳት ወደ አዲስ አበባ ሰላም ሚኒስቴር የመጡት ሼህ ሀሰን መሐመድ ይናገራሉ።

ከእነዚህ ከተሞች በተጨማሪ በብዙ ሺ የሚቆጠር ህዝብ በገጠር እንደሚገኝም አስረድተዋል።

ጉዳዩን ለማስረዳት ወደ አዲስ አበባ የመጡት አራት ሆነው እንደሆነ የሚገልጸው ካሳነው አህመድ ከአከባቢው 40 አባወራ አስቀድመው መውጣታቸውንና አሁን ላይ በዛህ ለሚገኙ ወገኖቻቸው ለማመልከት እንደመጡ ይናገራል።

''አሁን ላይ ህይወታቸውን በእንዴት እንደሚያመልጡና እንደሚያተርፉ ለማመልከት ነው የመጣነው'' ሲል በጹሑፍ ለሰላም ሚኒስቴር ማስገባታቸው፤ ሆኖም የሚያናግራቸው እንዳላገኙ ይናገራል።

በወረዳው የኦነግ ሸኔ ኃይል በምን ደረጃ ይገኛል ተብሎ ለቀረበላቸው ጥያቄም ''አከባቢው ላይ ወዲያ ወዲህ ሲል የሚታየው "ኦነግ ሸኔ" ነው መሳሪያ እናከፋፍላለን እስከማለትም ደርሰዋል'' ሲል ምላሹን ያስቀምጣል።

ያንብቡ : telegra.ph/Tikvah-Ethiopia-07-25

@tikvahethiopia

#Somali

በሶማሌ ክልል መዲና ጅግጅጋ ከተማ ለመጀመሪያ ጊዜ የትራንስፖርት አገልግሎት ለመስጠት የተቋቋመው የበደር የትራንስፖርት ማህበር በዛሬው እለት አገልግሎት ማስጀመሪያ መርሀግብር ተካሄደ፡፡

ማህበሩ በከተማ ትራንስፖርትና በመካከለኛ ሀገር አቋራጭ ትራንስፖርት ዘርፍ የሚሰማራ ሲሆን በቅድሚያም አገልግሎቶቹን በጅግጅጋ ፤ ቱጉጫሌ ፤ ደገሀቡርና ድሬዳዋ ከተሞች እንደሚጀምርም ነው የተገለፀው፡፡

#SRTV

@tikvahethiopia

PHOTO : 2ኛው የኢትዮጵያ የኦሊምፒክ የቶኪዮ ተሳታፊ ቡድን ጃፓን ገባ።

ቡድኑ ትላንት ምሽት ወደ ቶኪዮ፣ ጃፓን የተጓዘ ሲሆን #ቶኪዮ በሰላም ደርሷል።

በድኑ ቶኪዮ አውሮፕላን ማረፊያ ሲደርስ ፦
- ዶ/ር ሂሩት ካሳው የባህልና ቱሪዝም ሚኒስትር፣
- ኮ/ር ደራርቱ ቱሉ የኢአፌ ፕሬዝዳንት፣
- የኢትዮጵያ ኦምፒክ ኮሚቴ ፕሬዚዳንት ዶ/ር አሸብር ወ/ጊዮርጊስ
- የኢትዮጵያ ኦሎምፒክ ኮሚቴ ዋና ፀሀፊ አቶ ዳዊት አስፋው
- ስፖርት ኮሚሽን ኮሚሽነር አቶ ኤልያስ ሽኩር
- ዶ/ር በዛብህ ወልዴ የኢአፌ አቃቤ ንዋይ የአትሌቲክስ ቡድን መሪ ኤርፖርት ተገኝተው ለቡድኑ አቀባበል አድርገውለታል።

#EAF #DrFethWeldesenbet

@tikvahethiopia