' አዲስ ስርዓተ ትምህርት በአማራ ክልል '

የአማራ ክልል ትምህርት ቢሮ በቅርቡ ተግባራዊ የሚኾን አዲስ የሥርዓተ ትምህርት ይፋ አድርጓል፡፡

የአማራ ክልል ትምህርት ቢሮ በቅርቡ ተግባራዊ የሚኾን አዲስ የሥርዓተ ትምህርት ይፋ አድርጓል፡፡

አዲሱን የሥርዓተ ትምህርት ይፋ ያደረጉት የአማራ ክልል ትምህርት ቢሮ ኀላፊ ይልቃል ከፋለ (ዶክተር) ናቸው፡፡

በዚህም፦

- አዲሱን ሥርዓተ ትምህርት በትምህርት ቤቶች አደረጃጀት ይለያል፦
° ከ1እስከ 6ኛ ያሉትን አንደኛ ደረጃ
° ከ7 እስከ 8 ያሉትን መለስተኛ ሁለተኛ ደረጃ፣
° ከ9 እስከ 12ኛ ያሉትን ደግሞ ሁለተኛ ደረጃ በሚል ተደራጅቶ ወደ ሥራ እንዲገባ መወሰኑን አብራርተዋል፡፡

- የመምህራን ስልጠና ሥርዓትን በተመለከተ ከምልመላ ጀምሮ የስልጠና አይነት እና ጊዜ እንዲሻሻል ተደርጓል ብለዋል።

- ሥርዓተ ትምህርቱን በሀገር አቀፍ ደረጃ ወጥነት እንዲኖረው የትምህርት ማዕቀፍ እንዲዘጋጅ መደረጉን ጠቁመዋል።

- ሁለተኛ ደረጃ ላይ የትምህርት አሰጣጥ የቀለም ትምህርት እና የሙያ ትምህርት ተብሎ በሁለት መንገድ ሊሰጥ ታስቧል፥ ትግበራውም በቀጣይ ዓመት ከ1ኛ እስከ 6ኛ ክፍል በተመረጡ ትምህርት ቤቶች፣ ከ7ኛ እስከ 8ኛ ክፍል ባሉ ኹሉም ትምህርት ቤቶች ተግባዊ ለማድረግ ታቅዶ እየተሠራ ነው ብለዋል።

- የማስተማሪያ ቋንቋን በተመለከተ በአማርኛ፣ በአዊኛ፣ በኽምጣና እና በአፋን ኦሮሞ ቋንቋዎች እንደሚኾን እና ሥርዓተ ትምህርቱም በዚሁ እንደሚዘጋጅ ገልጸዋል።

- የአርጎበኛ ቋንቋን ለማካተት የማጥናት ሥራ እየተሰራ እንደሆነ አንስተዋል።

- የግእዝ ቋንቋን በሥርዓተ ትምህርቱ ለማካተት ዝግጅት እየተደረገ እንደኾነም ጠቁመዋል።

(አሚኮ)

@tikvahethiopia

ዛሬ ጥዋት የፌዴሬሽን ም/ቤት አፈጉባኤ አደም ፋራህ የጠ/ ሚኒስትር ዐቢይ አሕመድን መልዕክት ለአውሮፓ ህብረት ምክር ቤት ፕሬዚዳንት ቻርለስ ሚሼል እና ለአውሮፓ ኮሚሽን ፕሬዚዳንት ዩርሱላ ቮን ደር ላየን ማድረሳቸው መገለፁ ይታወሳል።

የትራንስፖርት ሚኒስትሯ ወይዘሮ ዳግማዊት ሞገስም ከጠቅላይ ሚኒስትር ዐቢይ አሕመድ ለኔዘርላንድ ጠቅላይ ሚኒስትር ማርክ ሩቴ የተላከ ደብዳቤን ስለማድረሳቸው ተሰምቷል።

ደብዳቤውን ለሃገሪቱ የውጭ ጉዳይ እና የውጭ ንግድ እና ልማት ትብብር ሚኒስትር ሲግሪድ ካግ ነው ያስረከቡት።

ወ/ሮ ዳግማዊት ደብዳቤውን ባስረከቡበት ወቅት ከሚኒስትሯ ጋር በተለያዩ ጉደዮች ላይ ውጤታማ ውይይት ማድረጋቸውን በማህበራዊ ገፃቸው ላይ አስፍረዋል።

በውይይታቸው ወቅትም በትግራይ ክልል ወቅታዊ ሁኔታ፣ በመጪው ሃገራዊ ምርጫ፣ በታላቁ የህዳሴ ግድብ ድርድር እና በኢትዮ ሱዳን የድንበር ውዝግብ ዙሪያ መምከራቸውን ገልጸዋል፡፡

@tikvahethiopia

#Update

በተሻሻለው የምርጫ 2013 ተመዝጋቢዎች ቁጥር ሪፖርት መሰረት አጠቃላይ የመራጮች ቁጥር 37,408,600 መድረሱን ያሳያል።

ከነዚህ ውስጥ 20,317,472 ወንዶች ሲሆኑ 17,091,128 ሴቶች ናቸው።

@tikvahethiopia

#BREAKING

የኢትዮጵያ ብሄራቂ ምርጫ ቦርድ ሰኔ 14/2013 የሚካሄደው 6ኛው ሃገር አቀፍ ምርጫ በሶማሌ ክልል እንደማይካሄድ አስታውቋል።

የቦርዱ ሰብሳቢ ወይዘሪት ብርቱካን ሚዴቅሳ ፥ ለምርጫው በተያዘለት ጊዜ አለመካሄድ የህትመት ችግር እና በተቃዋሚ ፓርቲዎች በኩል ከመራጮች ምዝገባ ጋር በተያያዘ የቀረቡ ቅሬታዎችን በምክንያትነት አስቀምጠዋል።

የክልሉ የህዝብ ተወካዮች እና የክልል ምክር ቤት እጩዎች ጷግሜ 1 ቀን 2013 ዓ/ም በሚካሄድ ሁለተኛ ዙር ምርጫ ይመረጣሉ መባሉን አል ዓይን ዘግቧል።

PHOTO: Tikvah-Family
@tikvahethiopia

#Ethiopia #COVID19

ኢትዮጵያ ባለፉት 24 ሰዓት ውስጥ ካደረገችው 6,069 የኮቪድ19 የላብራቶሪ ምርመራ 280 ሰዎች ለቫይረሱ ተጋላጭ ሆነው ተገኝተዋል፤ ይህም አጠቃላይ በቫይረሱ የተያዙ ሰዎችን ቁጥር 273,678 አድርሶታል።

በ24 ሰዓት 5 ሰዎች ህይወታቸው ያለፈ ሲሆን በአጠቃላይ የሟቾች ቁጥር 4,231 ደርሷል።

የኮቪድ-19 ክትባት የተከተቡ ዜጎች 1,920,676 ደርሰዋል።

@tikvahethiopia

ፕሬዜዳንት ማክሮንን በጥፊ የመታው ግለሰብ ተፈረደበት።

የፈረንሳዩን ፕሬዝደንት ኢማኑኤል ማክሮን በሥራ ጉብኝት ላይ እያሉ በጥፊ የተማታው ግለሰብ 18 ወራት እስር ተፈርዶበታል።

ዳሚኤን ታሬል የተባለው ግለሰብ ፕሬዝደንቱን መማታቱን ለፍርድ ቤት በሰጠው ቃል አምኗል። ዐቃቤ ሕግ ግለሰቡ ሆነ ብሎ የኃይል እርምጃ ወስዶ ፕሬዝደንቱን ተማትቷል ሲል ከሶታል።

በጥፊ የተማታው ግለሰብ "ማክሮኒዝም ይውደም" እያለ ነው ፕሬዝዳንቱን በጥፊ የመታቸው።

ፍርድ ቤቱ ግለሰቡ ላይ የ18 ወራት እስር ቢፈርድበትም 14ቱ በይርጋ የሚታይ ይሆናል ብሏል።

ማክሮንን በጥፊ በመማታት ጥፋተኛ የተባለው ግለሰብ የ4 ወራት እስሩን የሚጀምር ሲሆን በቀጣዮቹ 18 ወራት ውስጥ ጥፋት አጥፍቶ ቢገኝ የ18 ወራት ፍርዱ የጸና ይሆናል።

ማክሮንን በጥፊ የተማታው ዳሚኤን ታሬል ፕሬዝደንቱን ለምን እንደተማታ ሲጠየቅ፤ ከጓደኛው ጋር የፕሬዝደንቱን ጉብኝት መኪናቸው ውስጥ ሆነው እየጠበቁ ሳለ በሁሉም ዘንድ የሚወሳ ተግባር ለመፈጸም ማቀዱን ተናግሯል።

ግለሰቡ ኃይል የመጠቀም ሃሳብ አልነበረኝም ብሏል።

ፕሬዝደንቱ ላይ እንቁላል ወይም ክሬም ኬክ ለመወርወር አቅዶ የነበረ ቢሆንም ፕሬዝደንቱ ቀርበውት "ድምጼን [የምርጫ] ልሰጠው እንደምችል ሲገምተኝ በጣም ተበሳጨሁ" በማለት ተናግሯል።

መረጃው የቢቢሲ ነው።

Video Credit : AlexpLille

@tikvahethiopia